Bicol mail-april 6, 2017 Kredito sa samhod

News 3 ibalik sa Lagonoy, CS

An materyales gikan sa Lagonoy, Camarines Sur asin gibo pa sa banwaan na ini
alagad an kredito bako sa saindang lugar envez sa Ciudad nin Baguio.
Haros kadakle kan mga pinapabakal na samhod sa mga mercado sa Camarines
Sur maging sa Ciudad nin Naga asin sa iba pang provincia apesar na produkto kan
Lagonoy alagad anas nakapangaran na gibo sa Ciudad nin Baguio.
Si Gerald JJ Pilapil, jefe kan Tourism Council digdi nag-aapelar sa mga
nagpoproducer nin samhod o siged na ginagamit sa paglinig sa harong dapat
ibalik an kredito sa saindang banwaan.
Prueba na orihinal na gikan sa saindang banwaan an materyales sa samhod taon-
taon nagkakaigwa sinda kan Samhod Festival cada Abril 25 hasta Mayo 1 mala
ngani ika-sampulong taon ngonian na 2017 pig-aandam na kan LGU an mga
actividades sa festival.
An festival ginibo nang province wide mientras na mawot ni Alcalde Delfin
Pilapil na bako lang sa Lagonoy an actividades asin igwa nang na enot na ginibong
business forum sa Avenue Hotel sa Ciudad nin Naga, sabi pa kan tourism officer.
Si Brazilian International DJ Luanee, saro sa tampok na bisita sa festival na nag-
atubang na sa miembros kan media sa Ciudad nin Naga kaibanan si Tourism
Officer Pilapil.
Sugbu (tiger grass) an materyales na ginagamit sa paggibo nin samhod na hale sa
mahiwas na mga hectaryang daga na nabubuhay sa coastal na mga barangay kan
Kinahulugan, Abugis, Kagnipa asin sa iba pang bukid na barangay na digdi sana
makukua.
Hinahagad na kan jefe ejecutivo sa Sangguniang Bayan na magpasar nin
ordinansa nganing ma-regulate an pagproducer nin samhud na pigsusuplay sa
ibang provincia o ciudad nganing macierto an kredito para sa saindang banwaan.
(DPA)
CAPTION - FLOATING COTTAGE. Pig-oorgulyo kan lokal na gobierno kan Lagonoy,
Camarines Sur na pigdadayong mga turista sa Cagiscan River. (R Y Beriso)

CAPTION. - Samhod, matibay pakagibo orihinal na hale sa Lagonoy, CSur,

maheheling liwat sa Samhod Festival sa Abril 25-Mayo 1.

CAPTION. Brazilian International DJ Luanee, magiging bisita sa ika-sampulong

Samhod Festival 2017.

CAPTION Sinda Anthony Paranal asin Jenifer Babila mga representante kan PLDT
inuuran nin mga kahapotan sa sesyon regular kan Sangguniang Panlungsod sa
Ciudad nin Naga huli kan palpak na serbisyo alagad estrictuhon magsingil kan
telephone bill. (dpa)