Disyembre 28

SANTOS INOSENTES, Mga Martir

Antipona sa Pagsugod
Ang mga bata nga inosente nagakuyog sa maong Kordero nga walay buling ug nag-
ingon sila kanunay: “Himayaon ikaw, O Ginoo”

PAG-AMPO SA KATILINGBAN
Mag-ampo kita:
O Dios, karong adlawa ang mga gagmayng bata nga
mga martir, sa walay paglitok og pulong, nahimong mga
saksi kanimo pinaagi sa ilang kamatayon. Itugot nga ang
pagtuo nga among gilitok sa dila masaksihan usab unta sa
among kinabuhi. Kini among gipangayo pinaagi sa among Ginoong Jesucristo
imong Anak, nga buhi ug hari uban kanimo ug sa Espiritu Santo, Dios nga usa hangtod
sa kahangturan. Amen.

PAG-AMPO SA MGA GASA

O Ginoo, dawata ang mga gasa sa imong mga
madasigong alagad. Hinloi sa sala sila nga naghalad nga
mahigugmaon niining Santos nga Misa nga imong gigamit
aron paghimong matarong bisan sa mga walay kahibalo. Kini
among gipangayo pinaagi ni Cristo among Ginoo. Amen.

Antipona sa Pangalawat
Kini sila gilukat gikan sa katawhan, unang mga bunga alang sa Dios ug alang sa
Kordero; kini sila nagsunod sa Kordero bisan asa.

PAG-AMPO HUMAN SA PANGALAWAT

Mag-ampo kita:
O Ginoo, ihatag ang naghingapin nga grasya sa
kaluwasa n ngadto sa mga nangalawat kanimo niining adlaw
sa pangilin nila nga tungod sa ilang pag-ila sa hilom sa
imong Anak, gipurongpurongan sa langitnong grasya tungod
sa pagkatawo sa imong Anak. Kini among gipangayo pinaagi ni Cristo
among Ginoo. Amen.