Lakon Drama

Kelompok 5
Panokoan : Ahmad Zainul Hamli_02 merrannaghi

Anggun Nurzahwa H_06 merrannagghi

Atikah Yulianti_07 merrannaghi

Balqis Syifa Prastina_09 merrannaghi

Nur Kholifah Ramadhan_23 merrannaghi

Rahmat Indrawan_27 merrannaghi

Ande – Ande Lomot

E Jhâmân tapongkor bâdâ angin salèbung nèng dhisa sè jhâjâ. Angin salèbung ma’ancor
benynyak roma bân mangabbhâr ka’ bhungka’an. Benynyak oreng se adhingngâl dhunynya, tamasok
kaluargana Kalenteng Konèng. Emma’ bân Eppa’na Kalenteng Konèng adhinggal dunynya capok
ekarobbhu bhungkana nyior. Ahèrra Kalentèng Konèng dhingngal sareng ellè’na sè anyama Lek
Halima. Dek – adekna lek Halima cè’ baikka dâ’ Kalenteng Konèng, nangeng bit-abit lek Halima
dhâddhi ghetak, pade jhugân sareng sapopona Kalentèng Konèng èngghi panèka Kalentèng Mira.

Lek Halima : (Tojuk sambi negghu’ kipas) “aduuuh mak cek panassa ria. Tèng konèng enna’ lun

coba’ kala’aghi engko’ aing.”

Tèng Konèng : “Engghi mak, ente’ kejjhek. (Ngibe ghelles) nyak aingnga mak.”

Lek Halima : “Cek abiddhâ be’en, nganu apa bhei ra! Sengaak ben dung-tedungan ghellu ye!!”

Tèng Konèng : “Enten mak, kaulâ kan è depor amassak ajem. Ca’en emmak minta gebeyyeghi

ajem, nika kaule ghik amassak ”

Lek Halima : “Bâdâ bhei alasan ben”(Ajhâlân kabarâ’ katemor)

Dâ’ emma anakna engkok riya ye, mak tak etangale sakale, jhâ’ biasana la

adhândhân raddhin. De’emma satiya riya matak etangale konco’ elongnga

blekka’. Sapa tao bâdâ rèng genteng sè ngala’a manto anakna nkok.”

Tèng Konèng : “mbhhh.. pateppak bheii, mempe ghi...”

Lek Halima : “ben ngocak apa bhuru !!”

Tèng Konèng : “ah.. enten mak, tak ngocak pè-napè”

Lek Halima : “ben kera kopengnga engkok tèngngel ye..”(masang mua curiga)

(Kalentèng Mira masok roma sambi aberka’)

Tèng Mira : “mak..mak... bâdâ berita heboh. aru..a anu... pangeran.... nya..re...”(acaca ghâ’

tapegghâ’ sambi ngonjhu’aghi nyabe)

Lek Halima : “coba’ anyabe ghellu nak, mak acaca tager nga’ etabeng pate’.”

Tèng Mira : (ngonjhu’aghi nyabe) “pangeran ande-ande lomot arua nyare..”

(masok panjegena istana ka romana lek Halima)

Panjege : “assalamualaikum.. bâdâ oreng è dâlem??”

Lek Halima : “Engghi.. bâdâ nape ghi?? Panjhennengngan sapa?? Panjhenengngan dâri ka’
dimma?”

Panjege istana : “ dhika nika atanya apa napa?? Mak acaca ngak nyalepa seppor bhei.”

Lek Halima : (masang mua ngir sengngiran)”hihihi”

Tèng Mira : “nika panjegena istana mak, buru engkok la ngoca’a tape tapegghâ’ malolo.
Pangeran Ande-ande lomot nyare bini.”

Panjege istana : “Engghi kaulâ panjegena istana.. sakabbhiânna bâbini’ sè la masok omorra akabin
olle norok. Nika’ undanganna (sambi maghi undangan)(ngaghâ’ merri’a ka kalentèng
koneng, langsong èteppes bân tèng mira)”

Tèng Mira : “oreng ria tak ambhu eberri’, jra benynyak lalakon tak kera sempet èntar ka acara
nak ria.”(sambi nyotok panjegena istana sopaje lekkas mole)

Tèng Konèng : “enten mir, sengko’ ghik bisa dâteng. sengko’ mamaria lalakon pakancang.sengko’
bisa mir.”

Tèng Mira : “njek tak olle!! tak olle pokokna titik!! Bekna kodhu alalakon e bengko. Oreng ngak
bekna tak pantes sara tao ka acara nak ria. ssa’ nyingla ben jhâ’ edie, engko’ ba’
nyoba’a kalambhi bik ebhu.”

Lek Halima : “iye bekna tak olle kaluar sampek lalakonna bekna mare, engkok bhâkal nambeina

Lalakonna bekna, mak nompok lalakonna ka bkna.”

Tèng Konèng : “tape bhu,mir..”

Tèng Mira : “tadek tape-tapean kassa’ nyingla pas!!.”

Adegan 2

Kalentèng konèng aberka’ buru ka songai, biasana konèng ngeng - cengengan mekkere
nasibbhâ dhibikna è pengghir songai bi’ sohebbhâ....bhânyak. nèng dissa’ konèng biasana acurhat ka
sohebbhâ tiap konèng andi’ masalah. Konèng acareta beremma sossana bân sakekna kaodi’enna
konèng è romana lek halima.

Tèng Konèng : (nangis ghu’ serghu’ân sambi notop mua)

Bhânyak : “tèng konèng, arapa bekna mak seddhi?”

Tèng Konèng : “sengko’ tak ebeghi èntar ka undanganna kerajaan,... bhânyak,... padahal sengko’
terro noro’a. Tèng mira nyoro sengko’ ajege roma bân ebhu nambei lalakonna
sengko’ dhâddhi jen benynyak dâri biasana. Sengko’ tak ebeghi kaluar dhile lalakon
ghitak ranta. Hu..hu..hu..

Bhânyak : “sih?? Buhlah lek halima rua ngalamak sara dhâddhi orèng. Jhe’nua acara
kerajaanna bile??”

Tèng Konèng : “MInggu, du are agghi’ ”

Bhânyak : “yelah men mara rua, sengko’ abhentoa bekna mamare kon-lalakon nèng
bengkona bekna. Makle bekna bisa èntar ka acara rua.”

Tèng Konèng : ”siih?? Ongghuen nyak?? Ongghu?? Yeess kaso’on sabânynyak-bânynyakna nyak.
Bekna jhet la kancana sengko’ se paleng gegek..”

Adegan 3

Lagghu’ arena, nalèka kabbhi orèng kantos èntar ka Kerajaan Pangeran Ande-Ande lomot.
bhânyak entar ka romana kalentèng konèng kaghâbây abhânto kon-lalakon asè- bhersè bengko.
amarghâ bhânyak riya saktè, kakabbhi kon-lalakon mare dâlem bitongan menit,

Bhânyak : “tèng konèng.... tèng konèng.....(masok ka dâlem roma)”

Tèng Konèng : ”sengko’ bâdâ è depor. Nyassa panci ya...”
Bhânyak : ” aduuh... ben cek abiddhâ pèrak nak riya.. dessa’an nkok alalakona kabbhi.. sim
salabim.... bherse kabbhi la...tarara”
Tèng Konèng : “waaah... kakabbhi bherse....nah la ranta kakabbhi satiya sengko’ entara ka
kerajaan ghellu ye nyak baay....”

Bhânyak : “beeh dentek ghellu... dentek nèng... nyak obat..”

Tèng Konèng : “obat?? Obat apa riya??”

Bhânyak : “obat riya bisa ghâbây blettang tatedung...”

Tèng Konèng : “Blettang?? Blettang apa?? ”

Bhânyak : “degghi’ neng songai perbatasan arua bâdâ panjegena aropa blettang. Blettang riya
anyama yuyu kangkang. Obat riya kaghâbây nyèhèr blettang, saengghèna blettang
rua tak bisa arayu bekna dhâddhi pengikutta. tape bekna kodhu aberri’ obatta
samarena blettang rua nyebbrangngaghi bekna.”

Tèng Konèng : “siaaap.”

Adegan 4

Samarena ajhâlan jhèu dâri romana kalentèng, ahèrra kalentèng mira bân lek halima napa’
dâ’ songai se luas bân lèbâr, tèng mira bân lek halima bhingong kalabân nyebbrang. Sampek aherra
mo’dul mahlok aneh.

Yuyu Kangkang : “haay... demma’a riya rèng raddhin...”

Tèng Mira : “sapa bekna???”

Yuyu Kangkang : “ho....ho...ho..... engko’ aria yuyu kangkang... se akuasa nèng songai riya...
lalakonna sengko’ riya manyebrang orèng se nyebranga ka dissa’.”

Tèng Mira : “waaah.... teppak sara riya mak... sengko’ nyebranga de’essa’. sengko’ eundang ka
acarana pangeran ande ande lomot. ”

Yuyu Kangkang : “siaahh... oke engko’ manyebrangngaghina bekna....., tape.. bâdâ saratta!!.”

Tèng Mira : “apa??”

Yuyu Kangkang : “bekna kodhu dhâdhi pengikutta engko’. Men tak ndek nyebbrang dhibik la
kassak.”

Lek Halima : “men dhâddhi pengikutta bekna. Apa sè die kodhu lakoaghi??”

Yuyu Kangkang : “engkok masanga tandhâ celleng è deina bekna”

Lek Halima : “ahh.... men pèrak nak rua ghempang.. manju’ nak dinna’ nyebbrang.”

Tèng Mira : “oke maak”

Yuyu Kangkang : “manju’ tegghu’ tanangnga engko’.”

(Kalentèng mira ban lek halima de-pade negghu’ tanangnga yuyu kangkang )

Yuyu Kangkang : “nah die ella napak,, satiya sengko’ masanga tandhâ celleng.”

(Yuyu Kangkang masang tandhâ celleng è deina kalentèng mira bân lek Halima)

Adegan 5

Samarèna kalentèng mira bân lek Halima nyingla yuyu kangkang senneng polana pengikutta
atambe. Dâri kajhâuân yuyu kangkang nangale kalentèng konèng.

Yuyu Kangkang : “huraaaa... engko’ olle benynyak pengikut satia. Ah.. sapa rua?? Bede bebinik cek
raddhinna, èngak sè nyebranga kia rèng rua.”

(Yuyu kangkang nyemma’è kalentèng konèng)

Yuyu Kangkang : “Hai.... bebini’ raddhin... sengko’ yuyu kangkang, lalakonna sengko’
nyebbrangngaghi orèng. Apa bekna nyebbranga kia??”

Tèng Konèng : (ngejjhit) “ah... bekna yuyu kangkang rua?? Iye engko’ pajhet nyebbranga songai”

Yuyu Kangkang : “ohh.. oke engko’ nyebrangaghina bekna. Tape bâdâ sarat se kodhu bekna toro’e.”

Tèng Konèng : “okela.. apa saratta??”

Yuyu Kangkang : “bekna kodhu ende’ dâddhi pengikutta engko’. Men bekna ende’, engko’ bhekal
masang tandhâ celleng neng deina bekna.”

Tèng Konèng : “mmhh.. oke tape sebbrangngaghi ghellun engkok de’essak.”

Yuyu Kangkang : “oke tegghu’en ka engko’. Die bhekal nyebbranga.”

(Yuyu kangkang bân kalentèng konèng nyebbrang ka songai e sabbhreng)

Yuyu Kangkang : “lahh.. die ella napak. Dinnak engkok masanga tandhâ neng deina bekna”

Tèng Konèng : “eiiitt..dentek ghellun, sa’bellunna bekna masang tandhâ neng deina nkok. Bâdâ se
engkok berri’ taoa ka bekna.”

Yuyu Kangkang : “apa?? Berri’ tao apa??”

Tèng Konèng : “nyak manisan ajaib. Manisan riya bisa aghâbây bekna lebbih genteng dâri
pangeran ande-ande lomot.”

Yuyu Kangkang : “waaaaah... dimma dimma engko’ terro manisan jeriya..”

Tèng Konèng : “nyaak..”

Yuyu Kangkang : “hmmm... nyaman... nyaman... rassana muana engkok aobe’e riya...(tatedung)”

Tèng Konèng : (nyingla adhina’aghi yuyu kangkang se tatedung otabâ pingsan)

Adegan 6

Kalentèng mira bân lek halima ella napak ka istana ande – ande lomot. Se kadue langsong
masok istana kaghâbây nemmui ande-ande lomot sè ella etèk dentèk.

Tèng Mira bân Lek Halima : “ngapora.... pangapora....”

Ande – ande lomot : “engghi masok pon.”

Tèng Mira : “pangeran ande- ande lomot paste terro ka sengko’ mak. Masalana
kalentèng ampon kalonta dâ’ karaddhinanna.”

Lek Halima : “iye nak sapa sè tak nde’e ka bekna. Jhâ’ bekna pajhet raddhin.”

Tèng Mira : “waaah... pangeran ande- ande lomot pelè sengko’ kaghâbây dhâddhi
binina bekna. Engkok raddhin bân penter atari...”

Ande – ande lomot : “iye...bekna pajhet raddhin..tape sengko’ tak terro ka bekna.”

Tèng Mira : “lah arapaa?? Sengko’ riya raddhin, tadek lalake’ sè tak ndek ka sengko’ e
dunynya riya.”

Ande – ande lomot : “iye engko’ tao, tapè bekna benni tipena engko’.”

lek Halima : “Ohh.. tipena bekna se bek tua berarti... beremma men abini engko’
bhei...”

Ande – ande lomot : “aduuh....(sambi masang mua serbek)”

(masok kalenteng koneng)

Tèng Konèng : “ngapora..... apa sengko’ bisa katemmu sareng pangeran ande-ande
lomot??”

lek Halima : “beh... konèng. Arapa’a ben bâdâ edinnak, kassak mole.. benynyak lalakon
se kodhu bekna lakoni nèng roma kassak lakoni kancang..”
Tèng Mira : “hadoooh... mak èdie ra bekna maancor acara bhei. Kassak mole bekna tak
pantes edinnak.”

Ande – ande lomot : “entek kejjhek... bekna... sapa nyamana??”

Tèng Konèng : “sengko’ kalentèng konèng.”

Ande – ande lomot : “waah.. bebini’ riya raddhin bân sè palèng pentèng tadâ’ tandha celleng
nèng deina.”

Tèng Mira : “iye,, bekna mak tak olle tandhâ celleng nèng padahal kan bekna nyebrang
songai. Ella jellas paste esebrangngaghi yuyu kangkang.”

Ande – ande lomot : “amargha perak kalentèng konèng sè tadâ’ tandhâ celleng neng deina.
Sengko’ mele kalentèng konèng ghâbây dhâddhi binina engko’.”

Tèng Konèng : “hura....”

Teng Mira : “wek....wek.. dentek ghellu....Jhe’nua arapa dhile andi’ tandhâ celleng??
Kan perak tandhâ.. apa masalana??”

lek Halima : “iye jhek perak tandhâ. Mak pas dhâddhi masalah.”

Ande – ande lomot : “paste dhâddhi masalah la.. bekna kadue pengikutta yuyu kangkang. Yuyu
kangkang arua nandhâi orèng bi’ tandhâ celleng se berarti yuyu kangkang
nandhâi calon binina.”

Tèng Mira bân lek Halima : “apaaa???...”

Ande – ande lomot : “ye teppak bekna rua calon binina yuyu kangkang...”

Yuyu Kangkang : “ha...ha...ha... dimma calon binina engko’. Mara dinna’ norok sengko’.”

Tèng Mira bân lek Halima : (aberka’)“a.....njee....kk”

- TAMAT -