María Nazareth, de Victoria Jara Valiente

Maitei, jagueropurahéi

Ñandejára sýpe ñamomaitei

Há iñakãhoja tove to mimbi

Pytanguy yvotýpe ára to vera

Ka’avo aty jahecha heñói

Ku jazmín sakã ta hyakuã porã

Ha ta isarambi myja yvatetépe

Ombo hesapévo ñande guataha

Añesu nde ykére, Maria Nazareth,

Nde pó morotï ta che rovasa

Rory ha vy’a to guãhë che ãme

Kunu’u rekávo ndéve añemboja

Aveve yvytúre aiko mainumby

Arai hovýicha pe yvaga rokéme

Maria Nazareth, ro hekávo ndéve

Che sy mi porã, che apoporamby.