Hayop Ang sumusunod na tuntuning pangkalusugan at pangkaligtasan ay dapat bigyang pansin ng isang nag- aalaga ng hayop: 1. PANATILIHING MALINIS AT TUYO ANG TIRAHAN NG HAYOP. Makatutulong ito upang maiwasan ang sakit at peste na maaaring dumapo sa mga alaga. Kung laging basa at madumi ang tirahan, ito ay pamamahayan ng mikrobyo at maaaring makapagbigay ng sakit sa mga hayop. 2. HANGGANG MAAARI AY I-QUARANTINE ANG MGA BAGONG BILING KAMBING SA LOOB NG ISANG BUWAN. Ang Quarantine ay pagbubukod ng bagong biling hayop sa isang lugar na malayo sa mga dati nang alaga upang obserbahan muna kung ito ay malusog at walang nakakahawang sakit. Ang paraang ito ay ginagawa upang maiwasang mahawa ang ibang alaga kung sakali. 3. PULMONYA AT PARASITIKO ANG KARANIWANG DAHILAN NG PAGKAMATAY NG MGA KAMBING. Alamin ang uri ng parasitikong nakaaapekto sa kalusugan ng alagang kambing. Makabubuting kumonsulta sa isang Veterinaryo upang makatiyak at makapagbigay ng tamang lunas o bakuna. 4. ITAGO NANG MAAYOS SA LUGAR NA MAY KATAMTAMANG TEMPERATURA ANG MGA GAMOT NA PAMBAKUNA. Alamin ang petsa ng expiration nito bago gamitin dahil maaaring magdulot ng peligro sa alaga kung mabigyan sila ng expired na mga gamot. Ang mga natirang gamot na pambakuna na hindi na maaaring gamitin ay dapat nang ibaon o sunugin upang hindi na aksidente pang magamit. 5. HUWAG BAKUNAHAN ANG HINDI MALUSOG NA KAMBING. Ang hindi malusog na kambing ay maaaring may mahinang immune system at maaaring hindi nito kayanin ang epekto ng bakuna kung kaya’t dapat muna itong palakasin bago bigyan ng bakuna. 6. ANG MGA BAGONG BAKUNANG KAMBING AY DAPAT ILAGAY SA MALINIS AT TUYONG KULUNGAN. Nangangailangan ng pahinga ang mga bagong bakunang kambing upang mas madaling matanggap ng kanilang katawan ang ibinigay na bakuna kung kaya’t mainam na sila ay nasa tuyo at malinis na kulungan at upang makaiwas na din sa iba pang uri ng bakteriya o mikrobyo. Mga Tanong
•1. Bakit binabakunahan ang mga
alagang hayop? 2. Ano ang Veterinario? •3. Ano ang Quarantine?