Bahan Sermon Evanggelium, Minggu 24 Juni 2018

Nats : Psalmen 104:19-30

Topik Mingguan : Markuasa do Naibata bani Haganup Tinompa-Ni
Usul doding : Haleluya No. 83:1-3

I. Parlobeini
Psalmen 104 on sipatugahkon pasal panompaon na idodingkonon marhitei sada
bentuk pamujion dompak Naibata na manjadihon haganupan benda-benda penerang ai lang
pitah berfungsi gabe panondang tapi gabe sada tanda siklus artini mambere tanda siang pakon
borngin (matahari, bulan, bintang, pnl). Usih sonai dohoma na sihol isobut par Psalmen bani
ganup jolma ase manggoluh ibagas na lihar pakon na teratur songon benda-benda na adong i
langit ai na ija par Psalmen mangindo ase sonai ma homa goluhon, atur janah hadameian.
II. Hatorangan
Halongangan do pambahenan ni Naibata. Ilobeini teks on aima mulai ayat 1-23
domma ipabotohkon par Psalmen taringat pasal hagogohon, hapentaran, habanggalon ronsi
halayakon ni Naibata, sitompa langit pakon haganup isini anjaha marmudu-mudu haganup na
tinompa-Ni in. Haganupan in ma na lambin ipatangkas bani ayat 24 marhitei na ihatahon buei
tumang do jadi-jadian-Mu, Ham Jahowa…”. On ma sada ungkapan na patuduhon
halongangan ni uhur bani pambahenan ni Naibata na manompa tanoh on pakon isini (1 Musa
1-28 janah“teratur ampa jengesni”. Marhitei hapentaran do Naibata patupahon in anjaha
tongon lang na tarpingkiri habanggalon pambahenan Naibata pasal tinompa in. Dob ai
ipardiatei par Psalmen ma use laut ampa bolag tumang, ijai do gumayom, seng habilangan,
binatang na etek age na banggal (ayat 25). Tongon, on ma pataridahkon hajengeson ampa
keserasian ni tinompa ni Naibata, buei anjaha maragam do pangisi laut in. Ihatahon do
bahasani adong Leviatan na jinadihon-Mu. Leviatan aima binatang buas, banggal anjaha
gogoh tumang /luar biasa. Laut mambere pangurusion na gok halongangan ampa
habanggalon halani buei do na dear na jumpah jolma humbani laut in. Tapi boi do homa
humbani laut roh hamaolon ampa ragam ni hasusahan halani laut gati igambarhon lambang
bahaya (sada hagogohon bahaya boi do roh hun laut anjaha on do maksud ni ihatahon
Leviatan). Na sihol patugahonni aima ancaman bani keselamatan ni jolma.
Hunjon tangkas ma paboa na tinompa ni Naibata memiliki kuasa na banggal, tapi
agape sonai ibagas kuasa ni laut in ihatahon do “sonai age Leviatan na jinajadihon-Mu,
marguro – guro do ijin (ayat 26). Isarihon Naibata do na tinompa-Ni: Dob ihatahon par
Psalmen halongangan ni uhurni bani panompaon ni Naibata, tambah longang ma use uhurni
taringat pasal sipanganon ni tinompa-Ni in, tangkas botohon marhitei na ihatahonni “
Haganup, Bamu do marpangarapan, ase ibere ham sipanganonni bei bani panorangni.
Anggo ibuha Ham tangan-Mu, bosur ma sidea bani na madear. Anggo ibuat Ham
hosahni, matei ma sidea, mulak bani orbukni hinan. Anggo itongos Ham Tonduy-Mu,
tartompa ma sidea” (ayat 27-30). Artini ni aima, layak do Jahowa anjaha banggal do
pambahenan-Ni sugari manompa na lang adong gabe adong pe boi do Ia samintolah ma
manorihon na tinompa-Ni in. Naibata do na mamberehon sipanganon na sesuai pakon na
porlu bani haganupan halani ai marpangarapan bani Naibata do hasonangan ni goluh na
tinompa-Ni in.
III. Hahonaani
1. Humbani puji-pujian ni par Psalmen on tangkas do ididah hita naha do banggal-Ni
janah pentingni Tonduy ai marhorja ibagas pargoluhanta. Anggo lang itongos Naibata
Tonduy-Ni, lang anjai gabe tinompa namanggoluh ma hita. Ai do homa na pabayuhon
hita tinompa ampa haganup tanoh on.
2. Haganup jadi-jadian-Ni in memiliki kuasa tapi maragam pe kuasa na adong banta
sibere-bere ai (kemampuan /kuasa/talenta) maningon unduk do hita bani Naibata na
mamberehon Tonduy in halani Ia do harohanni in haganupan anjaha mangarap.
3. Tetap do Naibata marhorja in ma nalaho manjaga ampakon manrawat hubani
pangisini dunia on. Lang sibar proses panompaon na adong bani 1 Musa na gabe sada
sejarah panompaon na ibotoh hita. Tapi das bai panorang on tetap do Naibata
marhorja ampakon berkarya domu hubani na dear bani pangisini dunia on.