HUNTUNAKUYKUL ACTA HILKAPAAKUŚHAN

Conferencia Episcopal Peruanapa wasinćhu, suqta muyunćhu abril killaćhu 2019

wataćhu, Gregorio Rojas Fuerabamba ayllup umankamachikuunin; Gobierno
Nacionalpa śhutinćhu Salvador del Solar Consejo de Ministros umankamachikuunin;
Ingeniero Edgardo Orderique Empresa Minera Las Bambasnishapa śhutinćhu
huntunakuykul, Conferencia Episcopal Peruana llapankunakta qayaykul limaykuśhanta
uyaliikul, Conferencia Episcopal Peruana umankamachikuuninkunawanpis Cardenal
Pedro Barreto Jimeno SJ, Monseñor Robert Prevost OSA, Monseñor Norberto
Strotmann MSC hinallataq Monseñor Miguel Cabrejos Vidarte OFM paykunap
ñawpaaninćhu allinlla limanakuykunankupaq; chaynuullatak Defensoría del Pueblopa
Walter Gutiérrez, umankamachikuunin ñawpaaninćhu willakamunku kaynuuta:
Estadu awninmi, mana allinpaq kay ayllukunapa sasachakuyninćhu, ayllukunap
malkakunapapis derechunkunata awnichinanpaq amachananpaq kaśhanta.
Chaynuullatak Compañía Minera Las Bambas awnin, ayllu Fuerabambawan
sasachakuyta puntakta allichanan kaśhanta hinallatak awninpis apuraylla allichananpaq
kaśhanta.
Gregorio Rojas Paniura, ayllu Fuerabambap umankamachikuunin kay Minera Las
Bambaswan sasachakuyta śhunqunwan allichayta munaśhanta limanakuyćhu
willakamun; chaynuullatak limaykamun, kay sasachakuy śhalkaamun Fundo Yavi Yavi
huk duyñuyuq kaśhanta mana likaykul derechunkunata haluypa paqwaaluptinshi,
hinallatak huk sasachakuykunalaykupis. Chaynuullatak, awnin Estadu kallpanchakuykul
śhunqunwan limanakuyllapa allichayta munaśhanta.
Kay allichanakuykunaman ćhalaalin:
1) HUK
Fuerabamba Ayllum, Fundo Yavi Yavinpaq carretera lishan wićhqaśhanta kićhanqa
(clasificador de rutas nishanmannu). Fuerabamba ayllu nunakuna manaña Unidad
Mineranishakunata halkapaakunqachu, Minera Las Bambas S.A.pa carrunkunapis
contratistankunapis hawkalla pulipaakunanpaq kay acta hillkaypaakuśhanpiytapacha.

2) ISHKAY
Fuerabamba ayllup aśhtakuśhankupiyta, Minera Las Bambamis Fuerabamba aylluwan
ishkaynin illaywan kamachinakuykul allichanakuyta taliilaalin, chaywanmi Fundo Yavi
Yavilayku sasachakuykunata kamakalaalin.

3) KIMSA
Hinallatak kamachinakalaalin Minera Las Bambas lluy awniininkunata lulananpaq,
Fuerabamba Ayllu nunakunaman lulaykunata Minera Las Bambas ukućhu unanpaq,
2014 watapiyta 2019 watakama “Compendio de acuerdos entre el comité Central de
negociación de la Comunidad de Fuerabamba y los representantes del Proyecto Minero
Las Bambas operado por Xtrata Copper” 29 muyunćhu 2009 wataćhu nishanta awniyal
mana lulaśhanta lulananpaq, chaypaami atiillanman laqaykuśha kayan.

4) TAWA
Hinallatak kamachinakalaalin Fuerabamba aylluwan minera lluy
kamachinakupaakuśhanta ñawinchapaakunanpaq, kay 7 muyunćhu mayu killaćhu chay
“Compendio de acuerdos entre el comité Central de negociación de la Comunidad de
Fuerabamba y los representantes del Proyecto Minero Las Bambas operado por Xtrata
Copper”nishanta.
Conferencia Episcopal Peruanata limanakunanpaq allichaśhanlayku sulpay nipaakun
Defensoría del Pueblotapis yapapaaśhanlayku sulpay nipaakun, payshi atipaykunqa kay
actaćhu hillkaśha awnisha kamachikuykuna lulaśha kanampaq.

Salvador del Solar

Consejo de Ministros Umankamachikuunin

Ing. Eduardo Orderique

Minera Las Bambas Gerente Generalnisha

Gregorio Rojas Paniura

Fuerabamba ayllup umankamachikuunin

Monseñor Miguel Cabrejos Vidarte OFM

Conferencia Episcopal Peruana umankamachikuunin
Limanakunanpaq allichaqkaq

Traducido por:
Pedro Antonio RICCE SANTOS
DNI 40032964
Traductor e Intérprete Oficial del Estado Peruano
con Especialización en Justicia, para el Quechua Wanka,
Resolución Viceministerial 001-2017-VMI-MC del Ministerio de Cultura.
E-mail: riccepedro@yahoo.fr Celular: 956862353