Академический Документы
Профессиональный Документы
Культура Документы
(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2008 ý., № 2, 116-njy madda)
(Türkmenistanyň Prezidentiniň 27.06.2015 ý. № 14313-nji karary esasynda girizilen üýtgetmeler bilen alyndy)
Hususy telekeçileriň işini has-da ösdürmek we işiň ygtyýarlylandyrylmaga degişli görnüşleri amala aşyrylanda gözegçiligi
güýçlendirmek maksady bilen, şeýle hem «Salgytlar hakyndaky» Türkmenistanyň Bitewi Kanunynyň 200-nji maddasyna
laýyklykda, karar edýärin:
1-nji, 2-nji bölümleri Türkmenistanyň Prezidentiniň 27.06.2015 ý. № 14313-nji karary esasynda güýjüni ýitiren.
3. 3-nji bölümiň 1-nji bendi Türkmenistanyň Prezidentiniň 27.06.2015 ý. № 14313-nji karary esasynda güýjüni ýitiren.
Ýaşaýyş jaý meýdanyny kärendä (kireýine) bermek boýunça patent, şertnama degişli ýerine ýetiriji ýerli häkimiýet we öz-
özüňi dolandyryş edaralarynda bellige alnandan soň berilmeli. Welaýatlaryň we Aşgabat şäheriniň häkimlikleri Ýaşaýyş jaý
meýdanyny kärendä (kireýine) bermek boýunça şertnamalary bellige almagyň Tertibini Türkmenistanyň Ykdysadyýet we maliýe
ministrligi hem-de Türkmenistanyň Baş döwlet salgyt gullugy bilen ylalaşyp, on gün möhletde işläp taýýarlamaly we
Türkmenistanyň Ministrler Kabinetine bermeli.
4. «Telekeçilik işiniň görnüşleriniň we patent töleginiň bellenilen möçberleriniň sanawyny tassyklamak hakynda»
Türkmenistanyň Prezidentiniň 2006-njy ýylyň Türkmenbaşy aýynyň 2-sinde çykaran 7690-njy kararynyň (Türkmenistanyň
Prezidentiniň namalarynyň we Türkmenistanyň Hökümetiniň çözgütleriniň 2006-njy ýyldaky 1-nji ýygyndysynyň 694-nji
maddasy) 1-nji bölümini güýjüni ýitiren hasap etmeli.
5. Şu kararyň ýerine ýetirilişine Türkmenistanyň Ykdysadyýet we maliýe ministri H.Geldimyradow, Türkmenistanyň Baş
döwlet salgyt gullugynyň başlygy D.Hojaýew, Aşgabat şäheriniň we welaýatlaryň häkimleri we Türkmenistanyň Ýokary
gözegçilik edarasynyň başlygy T.Japarow gözegçilik etmeli.
Türkmenistanyň Gurbanguly
Prezidenti Berdimuhamedow
Türkmenistanyň Prezidentiniň
2015-nji ýylyň 27-nji iýunynda
çykaran 14313-nji karary bilen
tassyklandy
Hususy telekeçilere salgyt salmagyň ýeňillikli ulgamy bellenilen işleriň görnüşleriniň we olar boýunça kesgitlenen
patent tölegleriniň
SANAWY
Bellik:
«Işiň aýry-aýry görnüşlerini ygtyýarlylandyrmak hakyndaky» Türkmenistanyň Kanunyna laýyklykda işiň
ygtyýarlylandyrylmaga degişli görnüşleri boýunça patentler hususy telekeçä diňe degişli ygtyýarnama alanyndan soň berilýär.