Академический Документы
Профессиональный Документы
Культура Документы
King lagyu ning Ibpa, ampon ning Anak, ampon ning Banal a Espiritu.
Amen.
KAPANISIAN (makasiklaud)
MANUNGGE: O Jesu-Kristo:
MALDA: Guinu ku at mengabus kaku,
makasiklaud ku arapan mu,
mipnung kapanisian king pamikasala ku.
O Dios kung mangaintulid lubus king sablang lugud ku,
king alang-angga mung pakalulu,
panayan kung tanggapan ing kapatawaran
uli ning lugud at lunus mu.
AMEN.
PANALANGIN ALDO ALDO
MALDA: Ika ing daung nang Noe king albug ning kasalanan.
Ika ing pinan-ari ning karatunan,
ing pamakikasublian mi king Dios.
Ika ing pati-pating magdala
king sanga ning oliva ning kapayapan.
Antimong kaustan ning kekang lugud indu,
binie me king yatu kapamilatan nang Sto. Domingo
ing debosyun king Santo Rosario.
King uli niting debosyun
ding e sasalpantaya, sinalpantaya la;
ding peyinggulut king kasalpantayanan, mibalik la lub;
ding salang ning Santa Iglesia mesambut la,
at ing balayan meuman ya.
O Mariang Indu ku
ing kapigaganakan king makapakung menatbus kanaku
at ing pamibule mu king Kalbaryo
idayu ra ku sa king pamikasala.
King sablang kapagsubukan ku keka ku makalawe.
Indu kung pakamalan, ganakan mu ku
at e mu sa kakawang kapilan man
ing lingap mu kanaku
anggang e ku makapakiabe keka
ketang alang kapupusan a lugud at kanuanan karin
banua. AMEN.
Manungge: Nuan a Virgen Maria, Reyna ning Santo Rosario, at Indu mi.
Malda: Ipanalangin mu kami king Dios,
at ilapit mu kami kang Kristong Anak mu.