Академический Документы
Профессиональный Документы
Культура Документы
ABRIL MHOINEANT
PAP SAIB FRANSIS MAGUNK SUCHOITA
Samania Sonkolp:
Vaitt Vesonnachi Suttka Mellunk: Jim sogllea
torechea vaitt vesonnank lagun koxttovtat,
tankam Suttka mellounk adar zaunk ani ami
tanchea sangata ravunk magtanv.
Uzvaddaupi:
Dhormprantik Loukikanchem Seve-Kendr
Lar de Estudantes, Altinho-Panjim
GOA - 403 001
Tel.: 2232496
Email: goalaity@gmail.com
MAHITI
Ho Ank: 21,150 prot’teo
Kirkoll Ank: Gõyant ani Mumbai — 20/- rupia.
Bharotant — 20/- rupia.
Topal Eka Vorsak, Bharotant — 200/- rupia
Vorgonni: Pordesant — 520/- rupia
MO & Cheque & DD — Jivitacho Prokas
Amcho Pot’to: Pay Online
The Manager, The Manager,
Jivitacho Prokas Jivitacho Prokas
c/o Diocesan Centre Acct No: 6012500100885601
for Lay Apostolate Bank: Karnataka Bank Ltd.;
Lar de Estudantes, Altinho, Branch: Panjim, Goa;
Panjim, Goa. 403 001. IFSC Code: KARB0000601.
Fone: 2232496 (9.00 a.m - 1 p.m. & 2 - 5.00 p.m)
E-mail: goalaity@gmail.com
Vikrek melltat:
Mapusa: * Rex Stores *Joseph & Company
* Pauline Book & Media Centre
beside (Marjorie Chemist)
Margao: * Light House * Zito Almeida
* B. X. Furtado
Panjim: * Pauline Book & Media Centre
18 June Rd. & Rua de Ourem
* Pastoral Secretariat (Inst. Piedade)
* Lar de Estudantes, Altinho
Bambolim * Holy Cross Shrine
* Holy Cross Creation
Vasco: * Light House
Mumbai: * Berein Pereira
Mobile: 9819478304
VOROS XXVI JIVITACHO PROKAS ANK 3
MARS
2020
MARS-ABRIL MHOINEAK NIYALL BOROUPI
ZOMO: LUKE
Minguel Fernandes, Tina Rebello, Jennie D'Cruz, Flavia
Mascarenhas, Maria Afonso, Joyce Fernandes, Nettie Pereira,
Precilla Fernandes, Anthony Dias, Sarita Rodrigues, Francisca
Fernandes, Antonetta Fernandes, Maria Barreto, Olga Vaz,
Jessel Fernandes, Goretti Martins, Melissa Simoes, Juliet
Misquita, Dinesh Gomes, Fatima Miranda, Agnelo Rodrigues,
Rakhee Fernandes, Donata Antonette D'souza.
Som'padok: Fr. Jorge Fernandes
J M :S
S S
Fr. Jorge Fernandes
Sonchalok DCLA
Ami ghoddie, Mogacher adarlolea gitacher, kanni
aikolea astoli. British Royal Marines, hea Capitanv-
ancho Put, Joseph Scriven, Trinity College London,
hea Xallent Guru mistir koso xikoitana, eka sobit
cheddvachea mogan poddtta. Logna adlea disa,
Tachi okol, udkant buddoun morta.Dukh sosun, ani
bhorvamso ghott korun, Scrivan, Ireland soddun,
aplea jivitachi survat, Canada Xharant korta. Thoim,
Eliza Rice, hichea mogan poddtta. Tiche lagim logn
zaunk, fuddem sortana, logn zaunche thoddea disa
adim, Eliza khub perig zata, ani hi pidda tichem jivit
sompoita. Anik ek vhoddlo dopko, Joseph Scrivanak
lagta.
Kiteak oxem ghoddtta kai? Hea vicharant, tachea
hatant Devachem Utor poddtta, tem dispott'ttim
vachun niyallun, nhoinch fokot, Taka xanti ani
buzvonn mellta, bogor ek misanv tacheant rigta.
Ponchvis pirayecho zatana, Durbollponnachi Sasvot
angvonn to korta, ani soglli apli sonvsari girestkai ani
mouza sompoita (Mt 19:21), ani jivitant onath,
koxttoutoleank ani kuddin oskot asloleam khatir,
aplem jivit bhettoita. Joseph Scrivanak, tachi Avoi,
piddent asa mhonn sondex melltta. Apunn
durbollponnan jieta hem chintun, tika buzvonn ani
ghottai diunk, Scrivan aple avoik, ek chitt boroita.
Chittint tika, Jezu amcho khoro ixtt, tacheruch
amchem dhadosponn, hem sotmandunk jieunk, tika
huskaita: “What a friend we have in Jesus”, hem git
sonvsarak uzvaddak yeta.
2
Mon'xachem jivit zaun asa, koxttanchea ani
dukichea sutamni gutlelem. Scrivanak, Jezuchim
bangarachim utram mellttat, “Jim konn bharan
cheplolim asat ani koxttoutat, tim sogllim mhojexim
yeyat, ani hanv tumkam somadhan kortolom.” (Mt
11:28)
Amkam-i zaite proxnn, ate-vitte, pidda, ani koxtt
asat, ami koxim te polletanv???
Dev amkam Vatt dhakoita: Zaite pavtt Dev amkam
uzo laita, ami fuddem dhanvunk. Koxtt ani dukh,
zaite pavtt amchem jivit ani vatt bodolta.
Dev amcheant, amchem khaxeleponn sodun
kaddtta: Jen'na, ek tea bag gorom udkant ghatlear,
tacheantlo kor disun yeta. Koxtam vorvim, amchem
bhitorlem jivit ugttem zata.
Dev amkam, chuktat ten'na xiddkaita: Thoddim
xikovounn amkam, piddent ani koxttank fuddo kelear
melltta.
Dev amkam Rakhta ani samballtta: ek-ek pavtt pidda
vo koxt, amchea proxnnatlim ani koxttantlim nivarta.
Dev amkam, sopurnn korunk anvddeta: Dev amche
'Comforts' pollenam, punn 'Character'.
Izaias Provadi 41:10 vollinnim uloun oxem udgarta.
“Bhienaka, hanv tumche barobor asam, .” Tor, hea
prachit kallant, amchi ixttagot Jezuxim bandum-ia.
Nhoinch jen'na amcher koxtt, dukh vo proxnn yetat
ten'na, punn dispott'ttim, Devachem utor vachunk
ani misa-bolidanant Jezuk bhettun. Jezu apleakuch
amche pasot, aplem jivit moddtta ani vantt'tta, ami-i
thodde bhor tiag korun, Devachem Utor dispott'ttim
vachunk, ani misa bolidanantlean, amche koxtt
bapak ubharun, Jezun dil'lem Bapachem misanv,
fuddem vhorunk jivit bodlum-ia.
3
Aitar, 01 Mars 2020
Prachit Kallacho Poilo Aitar
Vachpam: Ut 2, 7-9; 3, 1-7; St. 50, 3-4. 5-6a. 12-13. 14.
17. Rom 5, 12-19 (or 5, 12. 17-19. Mt 4, 1-11.
Mukhel voll: “Jezuchi porikxa korche khatir” (Mt. 4:1)
Niyallak adar: Fatlea korezmantli gozal, he pautt
prachit kall boro kortolom mhunn, survatekuch
kumsaracho sonvskar gheun nichev kelo. Kopelantlo
bhair sorun ghorchi vatt dhorli, ghora pavche poilinch
vatter tovnaxi fokanna korunk lagle. Tanchi porva
korinastana niyall korit fuddem cholot ravlom, ghora
pavtanch xezarim bogllamtam ghalun tiddok haddli.
Paseňs na zaun, uzot zali ani porot patkant poddlom,
devcharan porikxa keli ani hanv harlom.
-Utpotichea pustokant sorpan bailek buloili ani naddli,
uprant bailen adanvak, xekim dogaim patkant poddlim,
Devan addvarlolem tem tannim kelem.
-Eve-Adanva vorvim patok sonvsarant ailem ani raj
choloilem punn Devachi doiallaien, Jezuk sonvsarant
pattoun mon'xak deivik jivit dilem
-Xubhvortomanant devchar Jezuchi porikxa korta,
Jezuk tallnet ghalunk sodta, punn Jezu Bapak visvaxi
ravlo ani soitanak ani tachea bhulovnneak patt korun
dhanvddaita.
Sotmantam vellar, iadnik vicharta devcharak ani
tachea bhullovnneak tumi patt kortat? ami zobab ditat
“hoi hanv patt kortam”. Khorench ami patt kortanv kai
vo bextti amchi bhavartachi ucharni zalea? Amkanch
vichar korum-ia. Denvchar veg-veglle bhaxen porikxa
korta taka chotur ravum-ia
Mhozo tharav: Somiak visvaxi ravunk denvcharachea
bhulovnneak patt kortolom/lem.
4
Somar, 02 Mars 2020
Vachpam: Lev 19, 1-2. 11-18; St. 18, 8. 9. 10. 15. Mt
25, 31-46.
Mukhel voll: “Povitr zaiat karonn Hanv Sorvespor
tumcho Dev Povitr” (Lev 19:2)
Niyallak adar: Prachit kall zaun asa kurpecho ani
novsornnecho kall. Kiteak hea kurpechea kallant,
kherit amchea jivitachi novsornni zata. Hech
novsornne vorvim, amchea bhavartachi topasanni
zata. Toxench he novsornni zaun, ami sogllim Povitr
zaunk, Dev amkam zagoita. Povitr Sobha amkam
kherit 40 dis dita, amchea jivitachi topasnni korun,
amchem otmik jivit khoim pavlam, hem ollkhunk. Hea
kallant zata titlo faido kaddun, Jezuxim portun yeunk.
Hi lambdik 40 disamchi yatra choltana amkam
Devachem – Utor kherit ulo korta “amchem monn
bodlunk, patkantlim uttunk, novi dixea dovrun
novsorlelim mon'xam zaunk. Toxench ami dusreank
borem khorit ravunk, eka – mekak bhogsunk,
amchea doyall – kaklutichea Deva-xim portun
yeunk”.
Amkam dha updes xikoita – Chorum nhoie, fott
marum nhoie, peleachem nanv ubhoum nhoie,
peleak nuksann dium nhoi ani peleachea vostumchi
axa dovrum nhoi, onit ani lothik govai dium nhoie.
Toxench Povitr zaunk, pelea sovem kuddicheo ani
otmeacho doyall kornneo gorjecheo, voch ani tum-
vui toxench kor.
Mhozo tharav:Amcho Tri-ek Dev Povitr, toxim ami
Povitr zaum-ia.
5
Mungllar, 03 Mars 2020
Vachpam: Iz 55, 10-11; St. 33, 4-5. 6-7. 16-17. 18-19.
Mt 6, 7-15.
Mukhel voll: “Tumkam kitem goroz tem tumi tache
lagim magche adinch tumcho Bap zanno” (Mt 6: 8b)
Niyallak adar: Ghorkar somptoch, dogam lhan
bhurgeanchi zobabdari pallunk Elsa, noukri soddunk
bhair sorta, punn konn tika dina. Oxench ek dis dukhi
kalliz ghevun, Jezuchea paiam-xim ogeponnan dolle
dampun bosun astana, tika ek avaz aikunk yeta, “Hanv
tuzo mog kortam, niraxi zaum naka”. Elsa utt'tta, tiche
dolle dukamni bhorlele astat. Thoinch ek anink ostori
magnneant asli, ti tika polleta ani vicharta. Tum kiteak
roddta? Elsa tika aplem dukh porgott korta. Hi ostori
Elsak aplea lugtache companint kamank laita.
Visvasan kel'lea magnneank Dev nirfoll vochunk dina.
Mon'xachea rupant amkam bhettunk yeta ani jivit dita.
Dev ostorechea rupan yevun Elsak novean
bhorvamso dilo.Jezu amkam sangta,' Magnnem'
utrancho boddbodd nhoi, punn Deva ani magtolea
modem Kalliz-monacheo sombond. Ami uloit ravlim
zalear, Devacho zobab amkam aikunk yeuncho na.
'Amchea Bapa' sobit magnnem Devache khuxe
pormonnem amche sovem zaunk ami magtanv. Ami
dusreank bhogxitanv toxench amkam-i Devachem
bhogsonne mellunk ontrektanv. Ami magche adinch
'Bap' amchi goroz zanna, dekhun magnnem mhunnop
(boball) hache von magnnem korop (ogeponn) hacher
lokx ghalum-ia.
Mhozo tharav: Aiz thaun bhavartan ani kallzache
kholaie thaun magnnem korunk vaurtelim/lom.
6
Budvar, 04 Mars 2020
Vachpam: Jon 3, 1-10; St. 50, 3-4. 12-13. 18-19. Luk
11, 29-32
Mukhel voll: “Atamchi pinddka noxtti, ti ek khunna
magta” (Luk 11:29)
Niyallak adar:Jezu kallar lokh magtalo zalear, atam
hea ekvisvea xekddeant kainch unnem nam. Hea
kallar pasun aiz, bhurgim aplea avoi-bapaim lagim
DNA proof magtat, apunn bhurgim zalear. Aiz khunna
magtat Dev khorench asa zalear. Az retiramni dhanvtat
khunna sodunk, ho father, nhoim, tor dusro brother,
nam tor tisri sister, kainch zainam, madras vetat, nam
tor kerela dhanvtat. Bhavambhoinimno, kitlim ami
dhanvtelim?
Ek hindu ostori, apli pidda khoinchea-ai dotorak
mellona mhonn, soglleak bhovun, retirant, hea-tea
brother-sisterexim vochun tokli. Tika ek padrin
sanglem, tuka bori zaunk zai, sodanch amchea povitr
sonvskarant ogeponnan bos ani tache xim dukham
goddoi. Punn tujem jivit borem zaunk zai, voch ani
soglleank tujea gorjeank, konnank tunven dukoilam
tankam bogos. Sov mhoineam uprant ti mhonntalim;
“ek-ek dis apunn thoim bostana, kitem vaitt ani dukh
hanvem dilam, tem monant yetalem, ani rokddench
vochun, tanche lagim bogsonnem magtali ani
bogxitali. Aiz hanv sarkhich bori zali, sonvskarant
Jezun maka novsorli.
Tambum-ia, kiteak Misa bolidana, vhodd anik tumkam
khunna mellchinam. Ogich bos povitr sonvskaraxim,
bhavartan mag, Jezu vhodd khunna..
Mhozo tharav: Aiz thaun hanv, dispott'ttim goddtta
ten'na, povitr sonvskaraxim bosun, mhojem jivit
novsortolim/lom.
7
Brestar, 05 Mars 2020
Vachpam: Est 14, 1. 3-5. 12-14; St. 137, 1-2a. 2bc-
3. 7c-8. Mt 7, 7-12
Mukhel voll: “Magat ani tumkam melltolem..” (Mt
7:7)
Niyallak adar:: Mag ani polle, tuka tem mellttolem,
darar marlear darar ugoddttolem, sadem bhokti git,
Dev Bap udar kallzacho mhonn dakhoita. Ami Kristi
porza kitli mhonn bhagi!Magunk pasun amkam
Jezun xikoilam. Amchea Bapa magnneant, poilem-
voilem ami zanna zaunk zai, amcho Bap, bhov povitr
Bap. Tachem raj, tachi khuxi amche sovem yevunk,
amche dispott'tto giras disachea disa mellunk, ami
dusreank bhogsunkui titlench gorjechem. Ami
amcher chukloleank bhogxinant zalear, Dev Bapa
kodde, amkam bogsonnem magunk avgodd zatolem.
Jezu amkam khatri dita, magta to ghetolo, sodta taka
mellttelem ani darar marta taka ugoddttolem (Mt 7:7).
kitem magunk zai kai? Poilem sodat sorginchem raj
ani Tachi nit ani yer sogllem tumkam bhorpur
mellttolem (Mt 6:33) Esther Ranni poilea vachpant,
porje khatir Devak xeronna yeta, Dev podvedar,
mhonn manun gheta, Dev Bap adari mhonn
sotmanta ani porjecho jiv samballtta. Stotr 137
ugddapem korta, Sorvesporak ulo marlo, tea vellar
Sorvesporan aikolem. Ami magunk goroz
somestanchea boreponna pasot, otmik udorgoti
khatir, eksurponn bhogtoleam pasot adi...
Mhozo tharav: Mag ani polle, tuka tem mellttolem
hachi khatri gorjevontank diunk vavurtolim/lom.
8
Sukrar, 06 Mars 2020
Vachpam: Ez 18, 21-28; St. 129, 1-2. 3-4ab. 4c-6. 7-8.
Mt 5, 20-26.
Mukhel voll: "Tor Hanv tumkam sangtam: Aplea
peleacher rag dhorta to niai-sobhe mukhar zobabdari''
(Mt 5 : 22)
Niyallak adar:: Amkam tor ken'nanch rag iena zalear
ami sarkim 'normal' mon'xam nhoi, kitem tori amche
bhitor sarkem na. Rag ievop vaitt nhoi punn rag
monant-kallzant gheun ravop ki vaitt.
Jezu somurt sopurnn korunk ailolo. Raga vorvim kitlem
vaitt zata tem monis koso Taka khobor asli. Dekhun
aichea xubhvortomanant raga vixim to amkam xikoun
dita. Ani rag dhorta to niai sobhe mukhar zobabdari
mhonn amkam sangta.
Raga vorvim zaitem vaitt ieunk xokta. Ragachea
bharan ami vaitt utram uchartanv. Hea vorvim
dusreachem jivit ami koddu kortanv. Thode pautt
ragachea vellar mhonnlolim utram visronk augodd
zata.Raga vorvim utranch nhoi thodde pautt amchea
hatancho ami vapor kortanv. Ragak xim ani mer asona.
Dekhunuch to kallzant dovrun ravop sarkem na.
Prachit Kall mon bodolpacho Kall, dekhun hea Prachit
Kallant amcho rag domaun dovrunk zanno zaum-ia,
ani dusreankui oxench korunk adar dium-ia..
Konnachoch rag ailo zalear to dis sompche poilim
somadan korun kobar korunk vavrum-ia. Ami ragan
bhountanv zalear amchem mon bodlum-ia ani
Asizachea Bhagevont Fransisachim utram vaprun
magum-ia Zoim rag-dvea zollta; thoim ami priti
vompum (Polle G.J.R-15): Hench korunk Jezu aichea
disa amkam apoita.
Mhozo tharav: Aiz mhaka konnachoch rag aila zalear
to uloup korun sopoitolim.
9
Sonvar, 07 Mars 2020
Vachpam: D.S. 26, 16-19; St. 118, 1-2. 4-5. 7-8. Mt 5,
43-48.
Mukhel voll: “Tumcho mog kortoleancho tumi mog
korxat zalear, kosli tumkam mozuri mellot?” (Mt. 5:46)
Niyallak adar: Bhag. Mother Teresa, amkam
soglleank, hea adhunik kallant jietoleank ek nomunno
zali. Dubllea-dakhtteam, gorib-gorjevont, ghor-dhar
nasloleank ani piddevontank ti asro ani ilaz zali.
Somazachi seva korun, sonvsari nodren tika kainch
faideak poddunk na zait. Odhik zalear arthik vatten
tika khub addkholl zali. Tori astana, dusreank mog
diunk ani tankam apnnaunk ti pattim sorunk na. Aplea
borea vavrant adar magunk-ui ti lozunk na. Ticho
fokot ekuch haves aslo, soglleank mog melloun,
Devacho rupkar zauncho. Hea tichea borea vavrank
lagun, tinnem bhagivontacho man zhoddun ghetlo.
Aichea xubhvortomanant, amkam dusmananchea
moga vixim xikvonn mellta. Jezu amkam soglleam
thaim mogan ani moipasan, odhik korun tanchem
lagim jim amkam vaitt kortat vo lekhinant, tancho mog
korunk amontronn dita. Zoso Bap sogllea thaim, vaitt
zaum vo boro, Aplo moipas dakholl korta, tech porim
amkam-i dusreank manun ghevun tancho mog
korchem karia asa.
Amchea jivitacher nodor marun, amcheo chali
bodlunk, soglleank kosloch bhed-bhav korinastana,
mogan manun ghevunk ani Devachea mogak,
santam bhoktam bhaxen govai diunk vavrum-ia.
Mhozo tharav: Az pelea sovem hanv ek mogachi
kornni adharun, Devachea mogacho rupkar taka
zatolom/zatolim.
10
Aitar, 08 Mars 2020
Prachit kallacho dusro Aitar
Vachpam:Ut 12, 1-4a; St. 32, 4-5. 18-19. 20. 22. 2 Tim
1, 8b-10. Mt 17, 1-9.
Mukhel voll: “ Tuzo des, tuzo ghorabo, tujem
bapaichem.desant voch” (Ut 12:1)
Niyallak adar:
Ek boroinar oxem boroita, vareachem rup bodlota
ten'na, ghunnghunnpi monis vareacher
ghunnghunnta. Bhorvamxeacho monis tem varem
bodoltolem mhunn ravta. Punn sot vollkotolo monis,
tea vareantlean chirun-vochun apli vatt toyar korta.
Bodolnnim asa toinch, vadd asa.
Abramak Devachem ek utor pavlem, 'sogllem sodd'.
Tannem tem utor pall'lem ani aplem jivitachem tarum,
Devachea khuxechea varea pormonnem gunddailem.
Xubhvortomanant, Jezu aplea tegam xisank gheun,
Tabor dongrar veta. Dongrar aplea Bapachi khuxi,
xisank dhakoll korta ani hi khuxi mandun ghevunk,
aplem rupantor dhakoita. Jezu rupantorachi ghodnni
dollea mhukar dovrun, ami zaitem soddchem asa
mhunn ugddas korta, addkolli melltat, nisrun poddunk
zata, ten'na ekmekachea adarachi goroj asta. Punn
vhoir pautoch, jem dhorxon mellta tantun tan ani aas
bhagta, sasnnak ugddas zavun urta.. Fottkirponn,
naddbhudhi, besarmai, xrixtti add vaitt, hem sogllem
pollounk pollenaslolea porim jievop. Zagrutai haddun,
mogan xiddkaunk hanv proitn kortam? Rupantoracho
onbhov mellunk, poilem aitem mon, dusrem tokos
gheun vavrop ani tisrem sohokaran cholop, Hich ti
Devachi Khuxi mandun ghevun fuddem vochop,
mhonnge jivit novsorop.
Mhozo tharav:Vaddeant kochrea babtin zagrutai
haddun, lokamchem khorem rupantor korunk
vavurtolom/lim.
11
Somar, 09 Mars 2020
Vachpam: Dan 9, 4b-10; St. 78, 8. 9. 11. 13. Luk 6, 36-
38.
Mukhel voll: "Jea mapan tumi dusreank ditat teach
mapan Dev tumkam-i ditolo". (Luk 6: 38).
Niyallak adar::Aplim Mama-Dada aplea xamai-xapaik
koxtt ani dukh ditat tem polleun, tancho lhan baba
Johan oxem chint'talo ani oxem udgartalo. Mama-
dada, faleam tumi zanttim zatelim, ani goddie mhoji
ghorkan tumkam dukuch nhoim, punn ghorantlim bhair
kaddun uddoilim zalear tumi kitem kortelim??.
Adlea teompar nodor marlear, sogllo lok eka-meka
sangata mogan ani ekvottan ravtalim. Konnai lagim
jevunk-khaunk na zalear, eka-mekak adaran
jevtalim.Sodanch tanche modem ekvott aslo ani
sodanch tachem modem, dusreank borem utor ani
bhogsonneachem vatavoronn aslem.
Hench atamchea teompar pollet tor, choddxem amkam
urfattem dixtti poddta. Konn eka-mekak pollena, konnak
dusreanchem poddon vochona ani dusreank chukichem
bhogsonnem divop unnem zalam.
Jezuchi novi adnia “eka-mekacho mog korat,zoso
hanvem tumcho kela toso”, kitlim zannam aplea jivitant
palltat kai?
Aichea Xubhvortomanant, Jezu mhunn'tta dusreank
bhogxat ani Dev tumkam bhogxitolo, apnnak unnem
korun dusreank diat ani jea mapan tumi dusreank ditat,
teach mapan Dev tumkam-i ditolo. (Lk6:38).
Kiteak, sodanch borem korta taka, Dev borem tem favo
korta. Jezun, jea porim dusreank bhogxile ani
dusreamcho mog kelo, teach porim vochat ani tumi
toxench korat.
Mhozo tharav: Mhojea pelea sovem udar monan
bhogsunk ani mogan ravunk hanv vavurtolim
/vavurtolim.
12
Mungllar, 10 Mars 2020
Vachpam: Iz 1, 10. 16-20; St. 49, 8-9. 16bc-17. 21. 23.
Mt 23, 1-12.
Mukhel voll: “Tumi buzancher bhar ghaltat, punn bott
laitit-xe na” (Mt 23: 4)
Niyallak adar: Aplea potichea mornnacher, ghorkhan
oxi udgarli: hanv onath, punn mhojea potin aiz 50
vorsam zalim, ken'nanch maka eksurem kam korunk
diunk na. sodanch kuznant tem bhailea bhagint pasun
aplem kam korche korun, maka sodanch adar diunk
aito aslo.
Anik ek avoi oxi porgott'tta, Mhojim Panch bhurgim,
kosloi vavr dilo zalear, sogllim ekamekachea kamak
hat-bott ghaltalim. Apunn bazarant thaun ghora portota
zalear, dhanvun yevun, mhoji bagam apunn vhortalim.
Ken'nanch tannim, maka eksurem sanddunk nam.
Atanche kuttumb, aplench chint'tat, farizevam bhaxen
dusreancher bhar ghaltat, punn apunn hat-bott pasun
ghalinat. Az xubhvortomanant, osleank Jezu, tanchea
vaitt kortutbam tonddar marun mhonntta, Tumi 'Guru'
mhonn dusreank sangtat ani dusreanchea buzamcher
bhar ghaltat, apunn khainch hat-bott ghalinant. Izaias
provadeachea pustokant amkam mellta, neanit
rakhunk vavrat, zulum sostoleank dhir diat ani bharan
cheploleank adar diat.
Ixttamno, Jen'na kuttumbant, Somudayant, Firgojent
ani somazant, dusreanchea bharak, amchem hat-bott
ghalun ami dusreak adar kortanv, ten'na jivak xanti-
sovostkai mellta, monis Devachem asnnem
onnbhovta. Tea pasot, zo monis lhan zaun jietat,
tacheant Dev vosti korta.
Mhozo tharav: Dusro konnui, ojeachea bharan chepla
zalear, rokddinch adar diunk vavurtelim/lom.
13
Budvar, 11 Mars 2020
Vachpam:Jer 18, 18-20; St. 30, 5-6. 14. 15-16. Mt 20,
17-28.
Mukhel voll: “Tumi kitem magtat tem tumich nokllot?”
(Mt 20:22)
Niyallak adar: Ami amchea jivitant amkam borem tem
sodtanv, zaum amchea xikpant, vavrant, khellant ani
adi, kiteak amkam dusreanim amche vixim borem
uloilolem vo amkam borim mhonnlolem zai. Hem
boreponn zoddunk ani dusream mukhar amchi
vhoddvik dakhounk, ami dusreancho adar magtanv,
kednai fottingponna kortanv vo lonch ditanv/ghetanv.
He toren ami Deva mukhar fottkirim zatanv.
Aichea Xubhvortomanant, Jezu Aplea koxttam-
mornnachi khobor korta ani hea Tachea utramcher niall
korche boldek, Juanv ani Jacobachi avoi, Jezu lagim
aplea putank Jezuchea Rajeant vhoddle zage magta.
Tika ghoddie dislem zait, Jezu Jeruzaleant her
sonvsari razam baxem, aplem raj stapunk veta mhonn.
Jezu hea bhavank somzaun sangta, Devachea rajeant
vhodd zaunk hea sonvsarant lhan zaun, dusreamchi
seva korunk zai mhonn.
Poilea vachpant, Jeremias Israelachem nisontonn
zaina zaunk, vavurtalo ten'na kaim Judev apleak raza
mukhar man mellunk, tache virudh vavurtale, ten'na
Jeremias Sorvesporak aplo xinn ugtto korta. Am-i vaitt
yeta ten'nach Devak magnnem kortanv, vo Taka
guneanvkar kortanv ani amkam zai ten'na tachexim
dhanvtanv, pleachi seva korunk visortanv
Mhozo tharav:Man zoddunk nhoi, punn lhanvikaien
dusreamchi seva korunk vavurtolom/vavurtolim.
14
Brestar, 12 Mars 2020
Vachpam: Jer 17, 5-10; St. 1, 1-2. 3. 4. 6. Luk 16, 19-
31.
Mukhel voll: : “Kalliz soglleam-von ghatki, itlem vaitt
ki taka anink ilaz na, tache gutt konnak thave” (Jer
17:9)
Niyallak adar: Aichea poilea vachpant amkam oxem
mellta, “Kalliz mhollear soglleam-von ghatki, itlem
vaitt ki taka anink ilaz na, tache gutt konnak thave?”
Xubhvortomanant Girest monis, aplea xezari gorib
Lazaracher kednanch nodor ghalina, kiteak to gorvan,
podven ani girestkayen bhorlolo monis.
Halinch mhozo ixtt mogan kazar zal'lo. Zaitim vorsam
pordesant kam kortalo. Tachi bail taka fottoun,
sogllem bangar-duddu ghevun dusrea dadlea borabor
pollun veta. Ami aikolam bailechem aikun puth aple
avoik alberint ghalta ani baile sangata mouza marun
dis sarta. Toddim bhurgeank kusveantuch sompoitat
vo zolmolear Public suatancher soddttat, thoddim
aplea xezarear goribamcher vo gorjevontacher nodor
legun ghalinant
Hem oxem kiteak zata? Amkam dusreanchi kaklut
disona? Duddvanchi as, apleponn, mouza marunk
mogak ani adi. Sorvespor oxem mhonnta, zo konn
mon'xeancher ani vonddavneancher patieta, tancher
xirap. Amcheo vonddannio amkam patkaxim pavoitat
ani Deva sorxillim pois kortat.
Dekhun ami Deva sorxim portun vochum-ya. Dev
mhonntta, “zo monis sorvesporacher patieta ani aplo
visvas tacher dovorta, tea mon'xeacher axirvad”. Ami
amchem mon bodlun sorvesporacher visvas
dovrum-ia.
Mhozo tharav: Mon bodlun vonddavnnio soddum-ia
15
Sukrar, 13 Mars 2020
Vachpam:Ut 37, 3-4. 12-13a. 17b-28; St. 104, 16-17.
18-19. 20-21. Mt. 21, 33-43. 45-46.
Mukhel voll: : “Zo fator bandpiamnim soddun dil'lo
toch zalo konnxea-sondhicho fator..thottak
zaleanv”(Mt.21: 42)
Niyallak adar:Ami zaiteam “Super Hero” cheo
kannieo aikoleat zateleo. Spiderman, Superman,
Shaktiman, adi he soglle chalte monis, aplo bhes
bodlun bhonvtalet, punn jen'na tankam osadoronn
xokti ietat, ten'na te Super hero's zatat ani tanche
modlo lok tankam vollkunk pavonant ani tankam
kiteakuch upkaronant toxem lektat.
Jezun hea sonvsarant, aplo bhovxik vavr suru kelo,
ten'na taka man mell'lo nam ani bhov korun tachea
khaxa ganvant. Kiteak lok taka holko koso lektalo,
tachea ghorchea modem taka mollaitalo. Tachea
avoi-bapaik te vollkotale, tanche modem to vaddlolo
ani tache borobor to jietalo. Punn jen'na Jezucho vell
pavlo, aplea Bapaichem karia xarti pavoupachem
ten'na tachi vagnnuk sarkich bodol'li. Jezu ochoriam
vizmitam korunk laglo. Zannvaien bhoron ulounk
laglo, he tea somazachea monxank somzunk
avghodd zalem ani tannim Taka molavunk suru kelo.
Punn Bapan Taka vhoir ubarlo, ani somazant
nakarlolo zalo, akhe rochnecho soddvonddar.
Aichea kallar tor Jezu amche modem jietalo, zalear
ami-i tench kortole asleanv?. Ami-i atam Jezuk
amchea lhanantlea lhanant jieta tem somzotanv.?
Mhozo tharav: Mhojea lhanantlea lhan bhava-
bhoinnank tankam somazant favo to dorzo diunk
vavurtelem/lom
16
Sonvar, 14 Mars 2020
Vachpam: Mik 7, 14-15. 18-20; St. 102, 1-2. 3-4. 9-
10. 11-12. Luk 15, 1-3. 11-32.
Mukhel voll: : Ixttamnno! Korezmacho kall, Povitr
ani kherit kall, amchea jivitachi novsornnim korunk
amkam adar dita.
Niyallak adar: Ami soirannant ieun amchem jivit
nittayier ghalcho vell ho. Ek mhoji ixittin mhaka oxem
sangtali, 'kaim karonnak lagun apleak kamachem
ghora ietanam busint ieunchem poddlem. He busint,
dis bor vottan, rosteachem kam vo building
bandpachem kam korpi lokam mon'xam sangata
proves korunk agvodd zatalem, punn ek dis proves
kortana tichea monant oxem zalem, zor apunn
tanche modlim eklim aslim zalear ani dusreanim
mhoje sovem oxem chintlelem zalear, apleak kitli
dukh bhogtoli asli. Tea disa thaun tichi vagnnunk
heam monxam sovem bodol'li.
Pap Saib Francis, sogllea mon'xam sovem amkam
manan jieunk ulo marta. Oxem korunk il'lem agvodd,
punn Kristachim pattlavdaram koxim jieunk, hem
mon bhov gorjechem.
Aichea poilea vachpant, Isreal porza Sorvespora
Devachea visvaxi ani doiallponnachi khobor korta.
Xubhvortomanant, vechik puta sovem doiall bapaichi
vagnnuk amkam dista. Amchea osokt bhav-
bhoinnachi osoktai mandun gheun, tanche sovem
doiall zaum-ia.
Mhozo tharav: Mhaka dukhoitoleam sovem doiall
zaunk vavurtelim/vavurtolo
17
Aitar, 15 Mars 2020
Prachit kallacho tisro aitar
Vachpam: Sutt 17, 3-7; St. 94, 1-2. 6-7. 8-9. Rom 5, 1-
2. 5-8. Ju 4, 5-42. (or Ju 4, 5-15. 19b-26. 39a. 40-42.)
Mukhel voll: “Devachi doiallai” (Rom5:2)
Niyallak adar: Eka vorgan ek gorib bhurgo aslo.
Interval zatoch, ho bhurgo aple teacherichi porvangi
gheun, vorgantlo bhair sorun udok pieunk veta, kiteak
tannem aple tiffin'an kainch haddunk naslem.
Dusream bhurgeamnim aple tiffinantle ek-ek khann
hea bhurgeachea tiffinan ghatlem. Ho bhurgo portun
yetoch aplem tiffin bhorlolem polleun ojapun khuxal
zata. Heram bhurgeamchi doiallai ho bhurgo
onnbhovta.
Sorvesporan Moizesak mhonn'llem, Israelachea
thoddea zanntteank gheun loka mukhar chol, nodik
marloloi to danddo hatan dhorun voch. Thoim,
Horebak pavtoch, Hanv tumche mukhar khoddpar
astolom. Khoddpacher mar, ani tantlem lokan pieunch
khatir udok bhair sortolem. Hich Devachi doiallai ami
suttkechea pustokan polletanv.
Dusrea vachpan, ami amchea Bhavarta vorvim
Devachi doiallai onnbhovtanv.
Xubhvortomanan ami tea Samaritan baile thaim,
Devachi doiallai polletanv. Dev, borem korit ravlo. Hanv
kitem kortam kai? Hea gonvllik vorsacho vixoi “tum-ui
voch ani toxench kor, mhonn mhaka akhe voros bhor
huskaiat asa. Devachi dekh gheun, hanv Devachi
doiallai vantt'tta kai? Hanv prachit kallant asa tor,
mhojea jivitant Devachi doiallai onnbhovunk, boreo
kornneo korunk gorjechem.
Mhozo tharav: Dusream sovem ani Deva sovem
onnbhovloli Devachi doiallai hanv dusreank vanttunk
proitn kortolem/lom
18
Somar, 16 Mars 2020
Vachpam: 2 Raz 5, 1-15a; St. 41, 2. 3; 42, 3. 4. Luk 4,
24-30
Mukhel voll: “To Aple vatten gelo.” (Luk 4:30)
Niyallak adar: Prachit kall ek xubh kall, Povitr kall. Hea
kallant ami Paskanche porbek toyari kortanv. Alisha
hem tornattem mhonntalem “Ghel'lea vorsak akhi
Goychi Povitr Sobha Bhavarthachi yatra cholun
Sancoale Igorjexim ghelim, punn hanv vochunk nam.
Hanvem 40 dis otmik vattentlean cholunk suru kelem
ani dor ek dis, Jezu dakhoita ti vatt cholunk proitn kelo.
Mhoji khoxi soddun, Jezuchi khoxi korunk, hanv
vavurlim ani poilech pavtt mhojea jivitant khuxalkai
bhitor sorli.”
Aichea xubhvortomanant, Jezu uloitalo tem manun
gheunk, Tacheach ganvchea lokak avgodd zalem ani
tannim Jezuk nogra bhair ghalo ani dongrachea
mathear thaun, Taka sokla xevttun uddounk kortalim,
punn Jezu tanche modlean cholun Aple vatten gelo.
Jezu Sorvpodvedar Dev, hem Nazaretkaramnim
ollkhun gheunk nam dekhun, tannim Jezuk man diunk
nam. Jezu amchea jivitachi vatt, hem polleunk tankam
otmik nodor nasli, Jezuchi xikvonn aikunk tankam
otmik kan nasle ani Jezuk ollkhun gheunk tankam
otmik zannvai nasli.
Jezuk ollkhun gheun Jezu dakhoita ti vatt, oxir ani
avgodd khori punn te vatten cholun ami sorginchi vatt,
tankunk pavteleanv mhunn khatri asa.
Mhozo tharav: Jezu dakhoita ti vatt cholun,
dusreankui cholunk adar diunk vavurtelim/vavurtolom.
19
Mungllar, 17 Mars 2020
Vachpam: Dan 3, 25. 34-43; St. 24, 4-5ab. 6-7bc. 8-9.
Mt 18, 21-35.
Mukhel voll: “Sat pautti nhoi, punn sot'tor pautti saatt”.
(Mt. 18:22)
Niyallak adar: Micheal ek tornatto, vaitt sangatiam
barobor mostem jivit jiyetalo. Tacho bapui pordesant
aslo. Avoik domkio diun, poixe vhorun moujen jivit
sartalo zalear, avoi sodanch aplea puta pasot misant
magtali. Eka disa aplea ixttam sangata, kolejint mosti
kortana principalak sampoddtat. Taka ek gorib ixtt aslo,
to sogllo gunneanv apnnacher gheta ani Principal taka
suspend korta. Kiteak taka avoi-bapui naslim. Avoi-
bapaicho mog hea ixttachea avoi-bapai koddlean
ghetlo. Dusrea disa aple avoi sangat vochun ixtta lagim
mafi magta, aplea ixttan vhodd doiall kornni kelea tem
polleun mon bodollta ani novem jivit jiyeunk suru korta.
Aichea xubhvortomanant, chakrache churchure
dhorun, dhonian taka soddlo ani rinn bhogxilem ani
doyall zalo. Punn ho chakor apnnak devo aslolea
sovem doiall zaunk nam. Inglez bhaxen ek mhunni asa
'Kindness is a language, the blind can see ani deaf can
hear,” doiallachi bhas kud'deak dista ani bereak
aikota'.
Amkam doiall monis manovtat. Ami dusrea sovem
doyall zaunk patti urtat. Doiall zaun amchean
ekvottache ghorabe bandhunk zatat. Sogllo somaz
mogacho korunk zata.
Mhozo tharav: Doiall zaun, poilim mhojea kuttumbant
bogsonnem diunk vavurtelim.
20
Budvar, 18 Mars 2020
Vachpam: D.S. 4, 1. 5-9; St. 147, 12-13. 15-16. 19-20.
Mt 5, 17-19.
Mukhel voll: “Tumkam jivit mel'lche khatir Devachi
somurt pallat.” (D.S. 4:1)
Niyallak adar: Aichea poilea vachpant, Mozes porje
lagim uloun tankam Devachi somurt ani kaide pallunk
huskaita. Amcho Dev amcho rochnnar ani mogall Bap,
tor Taka amcho zaito husko ani mog asa ani Taka zai
ami amchem jivit, Tache khuxie pormonnem jiel'lem.
Heach pasot Devan amkam apli somurt dilea, Teka zai
ami tika khaltim ravlelim ani amchea jivitant hi somurt
pal'leli. Zori tor ami Devachi somurt pal'li zalear, hantun
amchem xanneponn ani zanvai soglleank dison ietoli
ani khoreanich, ami Deva Bapachim bhurgim, ani ami
Tacho mog kortat mhunn disun ietolem. Je porim ami
Devachi Somurt palltanv, tech porim ami amchea
bhurgeankui Devachi Somurt xikounk ani Tachea
mogan vaddounk, aichem poilem vachop amkam
huskaita.
Aichea Xubhvortomanan, Jezu portun Devache
Somurtichi khobor korta ani novean amkam ti pallunk
huskaita. Jezu spoxttponnim sangta, Devachi
somurticho ek kaido legit bodolchonam, ani zo konn
khalteponnim he kaide pallta, taka Sorginchea Rajeant
vhodllo innam astolo, ani zo konn lhanantlo lhann
kaido legit modtta, tho sorginchea rajeant sogleankim
lhann zatolo.
Mhozo tharav: Aiz hanv ani mhoji famil Devache
Somurtiche kaide novean vachtolim/ vachtolom ani
jieunk vavurtelim.
21
M M
S M ( )
B D ( ' D )
(19ver Marsache – Bhag. Juzechi Porob)
Gaion : Mhojea nanvan Ektthaim zaleant
Survatechim Utram: Ak'khea sonvsarant ami az
Bhag. Juzechi Porob palltana, aiz amchea
somudayant sogllea Bapaim khatir ami magtanv.
Devan tumcher ani tumchea kuttumbacher aplo
axirvad ghalum, tumcho vavr folladik korum ani
tumchem bapai ponnachea zobabdarecher, Devan
aplo uzvadd ghalum ani tumi bautizmant, ghetloli
bhurgeam sovem zobabdari ani tumchea potini
sovem, odhik sufoll zaunk amchim soglleanchim
magnnim ani otrek.
Ek fuddlean Mez ani Tacher vhoddlem Goddial
(Clock) dovorchem
Ektthaim zaloleank Proxnn korche
Ø Goddial vhoir kiteak laitat, tem sokol kiteak
dovrinant?
Ø Goddial amkam kitem xikoita?
Ø Vella khatir Povitr Pustok amkam kitem
xikoita???? ( vach Eccl 3:1-15)
Zobab gheun bhasabhas korchi: 'Vell' hem utor
ami gheunchem
Devachem Utor: Mt 1, 18-25 – Jezu Kristacho
Zolm
v Juze, Mariek kiteak soddunk sodtalo?
v Hem chint'tana tache sovem kitem
ghoddlem?,
v Nidentlo utthun Juzen kitem kelem?
Niyall: Juzecho vell aslo, tika sangata gheun
22
sonvsarak soddvonn diunk. Tea pasot Eka
ghoddialak tin kantte asat. Ek kantto Horam dhakoita
to Jezu… taka minot dhakoita ti Maria anik Seconds
dhakoitolo Juze. Bapaichem kam zaun asa, 24
horam aplea kuttumba sangat diunk ani rakhunk ani
samballunk. Sogllim vhoir eka Bapaik polletat, kiteak
bapui ek fuddari ani rakhonddar. Amche Bapaik vella
bhaxen amche sovem sodanch asunk gorjechem.
Avoi ani bhurgim aplea Poticho vo bapaicho adar
sohokar ani advise ghetat, aplem jivit fuddem
vhorunk.Juze bhaxen amchea Bapaiamni aplea
kuttumbak vell diunk ani tanchi zobabdari gheunk
ani sodanch dusreank soddvonn diunk vavurtele
kuttumb zaunk gorjeche.
Magnnim: bhurgeank ani tornnatteank toyar
korchim Bapaink card vo dhan toyar kelam zalear
tem diunk zata.
Tankam bosoun dovorche ani soglleamni tancher
hat patllaun magnnem korunk zata, vo Devan
tumcher axirvad ghalum hem git korunk zata.
Amchea Bapa
Gaion: A-36
Lhanso kariakrom dovorcho: dekhik Poetry,
bhurgeancho nach, tornnatteancho mog, bhailamni
kitem kantar korunk zata. Khell korun vo action song
korun vell sarunk zata.
(Zatat zalear, tea mhoineank vo dis bhor vell kaddun
kaim spordha korun tankam tea disa khuxal
dhovrunk zata: dekhik Tie break koso, badminton,
carrom asa zalear, puzzles ghalun, kosloi itihas
zanna zalear sangunk, kantaram korun. Tea disa
tankam prize dovrunk zatat.)
23
Brestar, 19 Mars 2020
Vachpam: 2 Sam 7, 4-5a. 12-14a. 16; St. 88, 2-3. 4-
5. 27+29. Rom 4, 13. 16-18. 22. Mt 1, 16. 18-21. 24a
or Luk 2, 41-51a.
Mukhel Voll: “ Juze Davidache kullintlo” (Mt 1:20a)
Niyallak adar:Jednam Adam, Even patok adharlem,
ten'na Sorvespora Devan, ek Sodvondar basailo ani
to Davidache kullintlo upzotolo mhunn Devan, adim
fuddench bhakit kelem. Kall bhorlea uprant
Davidache kullientlo Juzek, Mariecho poti zaunk
Devan vichun kaddlo. Prov. 30:5 hatunt amkam
oxem meltta “Dev Aplea dil'lea utrak sodanch
visvaxi”. Ani jem bhakit Devan Adlea korarant kelem,
tem Novea korarant xarti pavlem. Zori poilo, Juze
Maria gorbest asa ti poleun, guspagonddollak
sampott'tta tori to Dev-dutacho sondex manun gheta
ani Mariek apli potin mhunn swikarta.
Bhag. Juzek atanchea kallar ami zobabdarecho
namunno, oxem polletanv ani bhavartan mandtanv.
Juzen poili zobabdari Devache khuxe pomonnem
koxttank ani addkhollink fuddem korun, Marie sovem
pall'lli, ek boro poti to zalo. Dusre suater, Juze
Devachea puta sovem, Jezuk ek khoro Bapui zaunk
vavurta. Zalear dusre vatten Aplea suota
tevoiponnachea vavrak tannem motv dilem ani
Devachea putakui ho vavr korunk zobabdaren
xikoilo.
Tor amchea jivitachea poinna vhellar, jen'na amcher
koxtt-dog ieta ten'na Bhag. Juze zaun asa amkam ek
nomuno, magneantlean Devachi ieuzonn amchea
jivitant ami ollkun gheunk.ani respetan mandun
gheun jevum-ia.
Mhozo Tharav:Mhojea jivitan Devachea utracher
mhozo visvas odik ani odik okondd korunk, hanv dor-
ek disa Devacho adhar magtolim.
24
Sukrar, 20 Mars 2020
Vachpam: Hos 14, 2-10; St. 80, 6c-8a. 8bc-9. 10-11ab.
14. 17. Mk 12, 28b-34.
Mukhel voll: “Aik Israela! Sorvespor amcho tum mog
kortoloi.” (Mt 12:29)
Niyallak adar: : Amkam mon'xank monzat pospachi
khub avodd. Thoddim sunnim, mazram, sonxe,
kansav, nustim, suknnim adi postat. Heam monzatink
posop vaitt nhoim, punn heam monzatink jen'na ami
amchem jivit mhunn mandun ghetanv, ten'na ami ek
vhodd chuk adartanv. Thodde pautt ami amchi akh'khi
jinnuch, heam monzamtink bhettoitanv. Amchea jiva
poros ami tancho boro poramos kortanv. Tancho xim-
mer naslolo mog korun, tankam ami Devacho dorzo
favo kortanv.
Aichem Xubhvortoman, amkam Jezun dil'lea don,
mukhel updesamcher uzvadd ghalta. Kitlim zanna ami
hea, Jezun amkam dil'lea don updesamchem, palon
kortanv gai? Monis sonvsari vostumchea mogan
buddon gel'lo asa, taka apli girestkai, bhattam-besam,
apleo monzati aple khasgi Dev zal'le asat. Ami amchea
monant, ek vost ghott dhorunk gorjechi, ani ti mhollear,
sogllea lhan toxench vhodd vostumcho rochnnar, zaun
asa ekloch amcho Sorvpodvedar Bap, dekhun poilo
mog ami amchea rochnnaracho korunk zai, ani magir
tache rochnnecho. Ami rochnnek nhoim, punn amchea
rochnnarak, amchea jivitacho maz korunk zai.
Ten'nach sorgimchea rajeant, bhitor sorunk ami lagim
pavteleanv.
Mhozo tharav: Mhojea kornneamni, Devachi xikvonn
pallun, hanv sogllea mhojea jivitant tacho mog
kortelim/lom
25
Sonvar, 21 Mars 2020
Vachpam: Hos 6, 1-6; St. 50, 3-4. 18-19. 20-21ab. Luk
18, 9-14.
Mukhel voll: “Kiteak....visvaxi mog zai, hom nakat,
Devachi vollokh zai” (Hos6:6)
Niyallak adar: Amchi udorgot zait asa, oslea hea
kallar ami jietanv. Hea kallar amkam bhorpur,
Devachea vollkhicher niyall zaite vachunk, aikunk ani
polleunk mellttat, retirantlean, TV chanel, U tube adim.
Tori astana Devachi vollokh mell'llear pasun, kazari
zoddpeam modem ovisvaxiponn ani kunnattkai.
Porza, azun Ekach Sorvespora Devak pornipatt
korcho, poilo mandament moddun, itlem ghaddyeponn
kiteak korta kai? Dusreachem padd ghalop, hem
sogllem vaitt thoddea ghoddyamni vo vellan
amchench padd zata. Dev amkam khast laina, punn
ami amcher vaitt magun ghetanv. Devak amcheo
boreo korneo zai, voilea voir kelolem devosanv naka.
Dekhun Ozea provadiachea pustokantleo volli manun
gheumya, kiteak mhaka iodn naka, visvaxi mog zai,
hom' nakat, Devachi vollokh zai (Oz 6:6)” Aichea
disachem stotr 51, amkam zagrut korta, “mhozo
guneanv khoro vollkhun gheunk, ani khaltea kallzan
chukla mhonnun, Bapa mukhar ubo ravunk”.
Xubhvortoman, Jezuchem khorem mon ani kalliz,
farizev ani donddvosuldar, hanche voparintlean
amkam ugttem zata. Nhoim bextto utrancho
boddbodd, punn khorem dukh ani khaltikai gorjechi
sorginchem sukh zoddtolo zalear.
Mhozo tharav: Dusreank bott dakhoinastana mhjea
ontoskornnachi choukoxi kortolim/lom
26
Aitar, 22 Mars 2020
Prachit kallacho chovto aitar
Vachpam: 1 Sam 16, 1b. 6-7. 10-13a; St. 22, 1-3a. 3b-
4. 5. 6. Ef 5, 8-14. Ju 9, 1-41 (or 1. 6-9. 13-17. 34-38)
Mukhel voll: “Oxem uloun Tannem zomnir luti uddoili,
lutein chiktti keli ani ti chikti kudd'ddeachea dolleank
kaddli” (Jn 9: 6)
Niyallak adar: : Aichea xubhvortomanant, Jezu
zolmachea kudd'ddek “LUTI” lavun boro korta, tachi
khobor amkam mellta. Atanchea kallar konnui duvent
zalear ami rokddench dotorager/hospitalant vortanv.
Kaim zann favo to ilaz mellona zaun mortat. Adlea
kallar ami choddxim ghanvtti vokdham ghorant
kortalim ani amkam favo tim pekounnim melltali.
Zoxem kamin (jaundice) zalear hatik vo paim ponddak,
ek ghorom boot ditalim ani to boro zatalo. Zor ailear,
zhaddam-panacho upeog korun to boro zatalo.
Bhurgeank kosli pidda zalear, ghanvtti vokdham korun
borim zatalim.
Aiz Jezu amkam, osloch ek gunn zache vorvim
pekhounnim favo zata, tem kollit korta ani ti mhullear
LUTI. Adim paim muyelo zalear vo kens-puddi ailear
taka ami luti laitaleanv ani tim bori zatalim. Ami
amchea ghorant asat te upai vaprun, favo to ilaz
gheunk vavrum-ia. Ami Devachi mogachi rochnna
mhonttoch, bhavartan Devachi kaklut amkam favo
zaunk ani hea prachit kallant vait jivit adarun, amchea
dolle ami bond keleat, te ugtte korum-ia-jivit novsorum-
ia. Otmik ilaz favo zaunk upai gheum-ia. Ek borem
kumsar korun, Jezuchea jivall udkache tolleant
vochun, amchem ang duvum-ia, nitoll nirmol zaum-ia.
Mhozo Vait asa tem pois korun, dusreant borem asa
tem polleunk vavurtolim/lom
27
Somar, 23 Mars 2020
Vachpam: Iz 65, 17-21; St. 29, 2. 4. 5-6. 11-12a. 13b.
Ju 4, 43-54.
Mukhel voll: “... Jezuchea utracher bhavarth dovrun to
monis aplê vattek laglo”.( Ju:4:50 )
Niyallak adar: “Khunna ani vismitam dekhlea xivai,
tumi bhavarth dhôvorpak nant “ oxem uloun, Jezu aiz
khorayen xiddkaita tem ami aikolam. Ek bhav mhaka
sodanch mhonntta, kerelant kitleo milagri polleun
mhozo bhavart vaddlo, Punn hea bhavan aplea dusrea
dog bhavak ghorantle bhair ghatleat, bhatt aplem
kelam.
Ek bhoinn mhaka igorjent mellta ani sangta, azmet
sodanch lagim dovor, benjar kelolem tel lai ani
rokddich tuka pekounni mellttoli, Punn tichea khasgi
jivitant sodanch aplea xezareancher keshi ani vaitt
uloit asta.
Aiz Jezu amkam hench sangta. Milagreo, tel, mitt vo
azmet heo povitr vostu gorjecheo. Punn heo vostu
povitr korta, tea Jezukuch hanv visortam zalear, heo
vostu vaprun mhaka koslem boreponn mellttolem.
Jezuchea ekach utran heo vostu Povitr zatat.
Jezuchea utracher bhavarth dovrun to razodhikari aplê
vattek laglo. Ani rokddoch Jezun taka tachea
bhavartachem foll dilem. Tem mhollear, tech ghoddie
tacho put boro zalo. Aiz ami poile ani voile suater,
Jezuchem utor bhavartan aikunk, vachunk, niyallunk
ani tache pormonnem cholunk amkam kurpa
magum-ya.
Mhozo tharav: Hea ani tea vostuncher nhoim punn
Jezuchea jivea utracher bhavarth dhorun
jietolom/jietolim.
28
Mungllar, 24 Mars 2020
Vachpam: Ez 47, 1-9. 12; St. 45,2-3. 5-6. 8-9. Ju 5, 1-
16.
Mukhel voll: “Tum boro zaunk sodtai?” (Ju 5:6) hanv
tujer ken'nach hat ghalchona” (1 Sam. 24:14)
Niyallak adar: Ranu mandal hi ostori, Kolkotachea
railway stationar kantaram gavun, aplo disvoddo
zhoddatli. Eka tornatean, ticho video social mediacher
ghatlo ani tho video boroch viral zalo. Hindi
cinemachea gayokani, tichea avazachi tust korunk,
tika cinemant gavunk bhag favo kelem, az tea
tornateachea bore kornnek lagon, ti ek famad gaupi
zali.
Aichea xubhvortomanant, aren aslolea monxachi
khobor ami aikolea. Konnuch taka naslo, dekhun
Atth'tis vorsam tollie-xim tho also ani boro zaunk
sodtalo, punn konnech taka hat diunk na, adhar korunk
na. Jezu taka polleta ani tachem churchure korun,
tache lagim “tum boro zaunk sodtai” mhonn vicharun,
taka boro korta. Jezu appunnuch vochun tea arkarak
boro korta, amchea jivitant amkam zaitim mon'xam
mellta, tankam koslea na koslea adharachi goroz asta,
osllea vellar ami udhar zaunk goroz. Bhag. Vincent
sonstha, Legion Mary, somudiachi vandgi vo adi ieun
adhar kortelim mhunn ami fattim sorchim nhoi.
Az Jezu mhaka ani tuka mhonnta “utt, tujem antrunn
ukol ani chol, him utram monant dovrun, dusrechea
jivitant ek anj bhodvo zaun, mhozo adhar ani sohokar
kon-naslolea, bairailolea, eksuream sovem divum-ia.
Mhozo tharav: Mhojech ostongi dusream sovem
udhar zaunk vavurtelim/vavurtolo.
29
Budvar, 25 Mars 2020
Devacho Put Monis zaupachi vizbi
Vachpam: Iz 7, 10-14; 8, 10; St. 39, 7-8a. 8b-9. 10. 11.
Heb 10, 4-10. Luk 1, 26-38.
Mukhel voll: “Devache chodd apurbaieche” (Luk
1:28b)
Niyallak adar: Limak, avoi-bapain apli khas dhuv
zal'lea porim posunk ghetlelem. Tika xikoun, graduate
korun, bhair Scotland kam korunk daddlem. Aplea
rogtachem bhurgem pasun, zolmank haddunk tannim
uprant proitn korunk nam, kiteak Lima tanchem
dhadosponn aslem. Bhair xiktana, apunn poskem
mhonn koddun yetoch, ticho sobhav bodol'lo ani aplea
zolmachea avoi–bapaink sodunk laglem.
Poilea vachpant aikotanv, Izaias provadi sodanch,
Devacho modesti koso vavurta. Devachi khuxi, apunn
Tacho apurbaiecho hem ollkhun ghevun, Tacho vavr
fuddem vhorunk zaite tiag korta. Xubhvortomanant,
Dev Mariek duta vorvim bhett diun, apli apurbaiechi
mhonn kollit korta. Oslea mogak, Maria khuxen aplo
hoikar dita, ani Juzechi Potinn khoxi jieunk ani ek khori
Devachi apurbaiechi mhonn, Devachea Putak
sonvsarant haddunk toyar zata.
Lima bhaxen ghatki nhoim, punn Marie bhaxen,
apurbaiechim zaun jieunk vavrum-ya. Amkam dil'li
zobabdari, mog, ani karia thirponnan fuddem vhorunk
gorjechem. Devache suater amchim avoi-bapui,
bhavbhoinn, ixtt-mitram, vo guru xikxok, amkam
Devachi apurbai, kitem ti dhakoll kortat. Hi apurbai ami
mandun ghevunk, manan respetan vangunk ani tanchi
seva korunk vavrunk gorjechem.
Mhozo tharav: Devachem apurbaiechem mhonn
sodanch jietolom, jietelem
30
Brestar, 26 Mars 2020
Vachpam:: Sutt 32, 7-14; St. 105, 19-20. 21-22. 23. Ju
5, 31-47.
Mukhell voll: “Hanvuch mhoje vixim govai dien zalear,
Mhojea govaiek mol na” (Ju 5:31)
Niyallak adar:Prachit kall mhonn'llear otmeachi ani
kuddichi novsornim korun, Povitr Devacher bhavarth
dovrop, aichea poilea vachpant Dev –Mozesak
xiddkaita, porjechea patka khatir updes dil'le te
pallunk nant, Moses –Devak prathon korta, noxtt
nopoit korunk. Strotant, Israelachea Itihasant
Devachem visvaxiponn distti poddta, zoi-zoi
Sorvespora,
Konnuch aplea jivitachi govai dita to fottkiro, dusrean
govaiki dil'li sot mhonnunk ieta. heach khatir Jezu
apunn konn hachi govaiki dina, punn Juanv Baptist
tachi govaiki dita, “Hanv udkan snan ditam, hem
khorem; punn tumi vollkhonaslolo Eklo tumchi modem.
To mhoje uprant ietolo, ani tachea vhannanchi vadi
soddunk mhaka favo nam.” (Ju 1:26), Khudd Jezuchi
xikvonn, ojapam-vismitam tacheo govaiki ditat. Dev
Bap – Jezuk govaiki dita 1) Jezuchea Snana vellar “Ho
Mhozo Put, soglle opurbaicho, tacher asa mhojem
dhadosponn” (Mt 3:16). Jezuchea rupantora vellar “Ho
Mhozo put, Hanvem vichun kaddlolo; Tachem aikat”
(Lk 9: 35).
Ami Jezu Devacho put mhonn vollkhun ghevun, tachi
govai dium-ia. Jezu tujim utram kallzacho sontos,
dolleancho uzvadd, Jinneacho visvas, Tannel'leank
udok, bhukel'leank jevonn, hem amchea
govakientlean porgottum-ia.
Mhozo tharav: Aiz hanv Jezu govai zaunk, tachem
Utor porgottolom/lim.
31
Sukrar, 27 Mars 2020
Vachpam: Zann 2, 1a. 12-22; St. 33, 17-18. 19-20.
21. 23. Ju 7, 1-2. 10. 25-30.
Mukhel voll: “Ho polle to sot'ten uloita....” (Ju 7: 26).
Niyallak adar: Aichea sonvsarant pollet zalear
fottingponnachi zor vanvta ti amkam dixtti poddta.
Monis apli ek chuk lipounk zai mhunn, dusri fott marta.
Punn ek fott lipounk, kitleoch fotti marcheo poddtat.
Punn aiz sonvsarant sot chepun dortat ani fottik
chodd man ditat. Sot uloita tea mon'xank, kedanch
borem utor mellna. Sotan jiyetelea mon'xank, hea
jogant zago nam ani dekunch sot uloita mhunn,
Judevanim Jezu kristak khursar khillailo.
Aichea Xubhvortomanant, Jezu tombuchea utsovak
konnak kollonastana vochunk bhair sorlo. Judev
Jezuk marunk sodtale ani lok Jezucher add uloun
fufut'tale. Jezu Devmondirant xikvonn ditalo, ani Jezu
sot uloitalo kiteak, to aple khuxen nhoi, punn apnak
pattoila tea Bapachi khuxi kortalo ani sodanch sotak
mann ditalo.
Amchea kuttumbant, somudayant ani vavrache
suater sotache namunne zaum-ia, kiteak ami vaitt
kortat ani uloitat tem amchim bhurgim ani amche
khala vavurtelim lhan tornnattim polletat ani vaitt dekh
ghetat. Aiz ami fott marun Xembor rupea chortelim,
faleam tim hozar rupea chortelim.
Tor ami sodanch Jezu bhaxen sot ulonk vavrum-ia.
Kiteak Jezun sodanch veng marli.
Mhozo tharav: Hanv sodanch Sot uloin ani sotak
khair zuzunk vavurtolim/ vavurtolom.
32
Sonvar, 28 Mars 2020
Vachpam:Jer 11, 18-20; St. 7, 2-3. 9bc-10. 11-12. Ju 7,
40-53.
Mukhel voll: “Ho monis uloita te bhaxen kedinch konn
ulounk nam” (Ju 7:46)
Niyallak adar: Jezu amcho Somi ani sodvondnar,
munis koso hea sonvsarant zolmant ailo. Bapache
khuxe pormonnem, Povitr Atmeache kurpen, ankvar
Marie-chea kusveant thaun zolmolo, vaddlo ani
mon'xea khatir jielo. Tachea jivitak amchean
konnakuch sor korunk zaina.
Aiz kall ami zaite loukik ani dhormik bhav-bhoinnam,
Jezuchem utor fuddem vhortat tem polle'lam. Thodde
zann, apli zannvai povitr atmea udexim mell'lea mhonn
provar kortat, tor thodde apunnuch Dev zaun dhorm
fuddem vhorunk soddtat, apunn milagri kortat mhonn
porgott'ttat ani dusreamcho bhavarth haloitat.
Jezu Dev zaun-ui, apli ollokh lhan utranni porgott keli.
Juanvachea vachpant polleit zalear, Jezucher nixed
kortale porom-iadnik ani farizev. Lok guspotalo,
tanchem modem vad-vivad zatale ani oxi tanche
modem futt poddli. Jezuk dhorun haddunk
chovkidarank formonn dil'lem tori, tachim zanvaiechim
utram aikun te fattim sorle, kiteak “Ho munis (Jezu)
uloita te bhaxen kedinch konnuch ulounk nam” hem
aplea vhoddilank sangunk te fattim sorle nant. Hench
soth ami-i porgott korun, Jezu amcho sodvondar,
amche sodvonne pasot khursar melo, hem monant
khol rigoum-ia.
Mhozo tharav: Dor disa, mhaka favo zatolea kuddi ani
otmik denneam pasot, Sorvespora mukhar
khuxalkayen nachtolom.
33
Aitar, 29 Mars 2020
Prachit kallacho Panchvo Aitar
Vachpam: Ez. 37, 12-14; St. 129, 1-2. 3-4ab. 4c-6. 7-8.
Rom 8, 8-11. Ju 11, 1-45. (or Ju 11, 3-7. 17. 20-27. 33b-
45)
Mukhelvoll: “Fator khuxin kaddat'' ( Ju 11:39)
Niyallak adar: Ek malli, eka jardinant vavr korta,
futlolea arxeanchim punj ektaim korta. Jardinacho
voddil taka kochro haddla munn uloita. Malli ogoch
ravta. Vavr somptoch Jardinacho vhoddil tacho vavr
polloun tottakta. Fator ani futtlele arxe gheun ek sundor
murti ubhi korta. Mhunntat, dor eka fatra bhitor ek murti
liploli asta. Kantoitoleachea hatan asa, hi murti akarun
haddunk. Ek boroinar boroita, “Tujea margar zaitim
fator uddoitelim. Tanchem tum durig ubhartai vo pull
bandtai, hem zonn ekleacher dhorlolem asa”.
Ezekiel provadi Devache kaklutechi nodor ubharunk
ulo korun mhunnta Devak haddannim jiv ghalunk zata,
Jezu khaxa Lazarak jivo korta. Ami Rom 8:11 hantunt
vachtanv,'Jea Atmean Jezuk punorjivont kela, toch
Atmo amche bhitor jieta, tor To amche vinaxi kuddik
sasnnik jivit ditolo.' Punn Bautisma udexim sasnnik
jivit mhoje bhitor asa. Punn…… mhojem kalliz
fatrachem kiteak?
Jezu aiz, zonn eklea bhitor liploli asloli, sobitai akarun
haddun sodta.Addkoll ghaltele fator kuxin kadum-ia.
Povitr atmo mogacho atmo sosnikaiecho,
somjikaiecho pull bandun adar diunk ieta. Amchea
oskotaiencher nodor dovrun, choturaen pavlam
marun, Tacheach adaran jivitachi novsornnim korunk
vavrum-ia.
Mhozo tharav: Mhoji oskotai Jezuk ugttim
kortolom/lim
34
Somar, 30 Mars 2020
Vachpam: Dan 13, 1-9. 15-17. 19-30. 33-62 (or 41c-
62); St. 22, 1-3a. 3b-4. 5. 6. Ju 8, 1-11 (or 12-20)
Mukhel voll: “Tumche modem zaka patok na, to ticher
fator marunk poilo zauncho”. (Ju 8:7)
Niyallak adar: Sorgest Zuanv Paul Dusro mhonnttalo:
“Man has lost sense of sin”. Monis patok naslole
bhaxen jieta. Kitem-i kor, kedem vhoddlem patok
adarlear pasun, chaltem, bexttem oxem monis
sozmota. Hanvem kaim mon'xam polleleant, tim
mhonnttat, kumsarak vo sondan sonvskarak kiteak
vochunk zai? Hanv konnacheach ghara vochun
khobrank bosona ani ami patok korinant...oslem
dhoronn, bhava- bhoinni amchem! Chintnamni ani
utramni pasun ami patkam adartanv. Dusreachem
aikun ani sarkem pollenastanam ami ekamekacher
boglanttam ghaltanv.
Poilea vachpant Suzan mha-patok korinastana ticher
mornnachem formonn poddtta. Daniel provadi yevun
choukoxi kelea uprant, ticho jiv vanchta. Dusreancher
gharanni poddttat ten'na, Tunvem ani hanvem Daniel
zaupachi goroz. Xubhvortomanant, pordvarak
sampoddlele bailecher-ui, mornnachem formonn asta.
Kaklutsar ani nitidar Dev khastichem formonn marina.
Tika sudarop korunk sondi dita, haka lagun Dhoni Jezu
udgarta “ Tumche modem, zaka patok na tannem poilo
fator marcho” (Zu 8:7) Aichem fokot 6 vollinchem stotr
23 Somo mhozo Gonvlli mhonn vollkhun gheumya,
patki jivit soddun dusreankui soddun diunk adarachim
zaum-ia.
Mhozo tharav: Stotr 23 Somi Mhozo Gonvlli, tondd-
patt korunk proitn kortolim/lom
35
Mungllar, 31 Mars 2020
Vachpam:Lok 21, 4-9; St. 101, 2-3. 16-18. 19-21. Ju 8,
21-30.
Mukhel voll: “ ..Tumi Mon'xachea Putak ubartoleat
tedna… ki ASA TO HANVUCH” (Ju 8:28)
Niyallak adar:Mon'xeak tea tea vellar jivitant khunna
mellona zalear, rokddoch Devak xinn'tta ani dusreak
zababdari korta. Poilea vachpant Lok Devacher ani
Moizesacher add ulounk lagta. Tanchea patkak lagon,
Dev sorop daddta. Jednam lokh aplem patok ollkota,
ten'na Dev Moizesak pitullcho sorop eka khambear
ubarunk sangta, ani aplo jiv samballunk tim tacher
nodor ghaltat ani vanchtat.
Jezu Xubhvortomanant sangta: Bapan Taka patthoila
ani Tacher bhavarth dorina zaxat zalear patkak lagon
tumi mortoleat. “Jen'na mon'xachea putak tumi zomni
vhelo ubartoleat, tedna HANV TOCH mhonn tumkam
gomun yetolem”(v/28). Jen'na Judev lok Jezuk manun
ghenant ani tachi khori osmitai manun gheunk pattim
sortat, ten'na Jezu aplea khursachea mornnachi
khobor korta. Apleak khursar ubartolet ten'na 'Hanv
Devacho Put', Soddvon'nnar mhonn tumkam gomun
yetolem.
Hea Jezuk ami koxim onbhovunk pavtoleanv? Dev
amkam jivitant Tacher bhavarth thevunk zaiteo sondi
dita. Ken'nai To ek boroch dukta tosloi chimtoi kaddta,
ami soiranant yesor ani hi bhirankull ghoddie pois soro
sor, Taka rigun ravunk poddta. Amcheach vadeachim
zaupachem ami soddun diunk goroz. Ten'nach
amchea Jivea Devak onbhovunk pavtelim.
Mhozo tharav: Az Povitr Sonvskarant bhag gheun
Jezuk onbhovunk vavurtolem/lom.
36
J (P P )
Ek Judit nanvachi ostori koxi dusmanacher zoit
vhorun ani sabar lokank Devachea bhavarthan
cholunk xikoita hem dakoll korta.
Judev raxttrancher, Holofernesachi podvedar fouza
hol'lo kortali ani tancho ekuch hetu aslo to
mhonnllear, ak'kho sonvsar, Nebukadnezzarachea
paiam-xim haddun dhovrunk, ani sogllea dusrea
dhormacho nas korun, Nebukadnezzarak Dev koso
mandun ghevunk te proitn kortale.
Ten'na, Sorvespor Devan vichun kaddleli porza,
dusmanacher zoit melloita ani hem zoit mellun
ghevunk, "Judit" hi ostori khub adarachi zata.
Tea vellar, Judit tornne piraeichi, rupan sobit-sundor,
Devache bhirantin jietoli, ek okkhondd kallzachi
vidva. Dusmanacho nas korche khatir, ti khub vavr
korta ani lokancho atmvisvas jikun ghevun.
Assirieche foujek aple vatten haddta, ani toxench
sobar lokank, Devacher bhavarth dhovrunk, ani
tankam soglleank, Devachea mogan ani Dev
bhirantin cholunk xikoita.
Judit Holofernesacher, aple zoit mellunk veche
khatir toiar zata. Oslea vellar, Judit magnnem korta
ani vidveponnachim nheson nestalim, tim
angvostram kaddun, sonni-sutachim angvostram
nhesun, ani lamb khanatlim ghalun, sobit sundor
dista. Judit ani tichi sevika, bazlolea zovachi ek polli,
sukoilolea follancho bhakrio ani ut'tom pitachi bhakri
ani her vostu ghevun, tim dhogaim Bethulia
xarachea, dharvontteaxim vetat. Vetanam tankam,
Kabris ani Kharmis-hea xarachea dog zantte vhoddil
meltat, ani te dhogoi Juditak ani tiche sevikek
mhunntat, Israelachea bhurgeanche mhoime, ani
Jeruzaleache mhoime pasot, tuje ievzonnek ies
dium (Judit 10:8) Judit dhogiam zantteank,
37
nomoskar korun mhuntta, 'tumi mhaka anvddelam,
tem xarti pavounk, dharvontto ugddunk sangta,ani te
vhoddil tika dharvontto uktto kortat Judit
dharvontteant bhitor pavta, tednam Juditachi
surobai polleun, Holofernes tottak zata ani to aplea
tombunt nidunk veta. Ten'na Judit, Holofernesache
tombunt, to nidlolo astana, bhitor veta ani
Holofernesache tokle vatten ubhi ravta. Khattichea
thomba-xim, asloli tolvar hatant gheta, ani tachea
kensank dhorun mhunnta, 'Sorvespora, Israelachea
Deva, aichea disa mhaka ghottaidi,' oxem mhunno,
ti don pavtt tolvar marun tachi gomtti katorta ani
Holofernesachem xins, aplea sevike lagim diun,
dhogaim vochunk bhair sortat.
Holofernesachem xins ghevun, Judit Bethuliant porot
ieta, ani tem xins bhair kaddun udgarta, “Hem zaun
asa, Assirieche foujechem Mhukel odhikaria
Holofernesachem xins, ani hem mattvachem lugott,
zache khala to pieun poddlolo. (Judit 13:15). Eke
bhailechea hata udexim, Sorvespor Holofernesak
jivexim marta, ani sogllo lok Juditak noman poddtat,
ani Devak nomoskar korta. Uzzian Juditak mhunnta,
Mhoje dhuve, sonvsarantlea sogllea ostoriam bhitor,
bhov vortea Sorvesporacho, axirvad tujer poddum ani
sorg ani prithum rochla, tea Sorvespora Devak
vakhanni. Hem sogllem ghoddlea uprant, Juditachi
vakhanni korun mhuntat, tum Jeruzaleacho voibhov!
Tum Israelachi vhoddvik! Tum amche porjecho vorto
man. Zoso kall zait veta, ten'na Judit utar piraiechi zait
veta, ani aplea ganv ghara portota, tika vhodd man
bhovman favo zata. Judit Bethuliant ontorta ani tichea
govak Manassek purlolo teach fonddant tika purtat.
Ani Juditachi ji aspot asli, ti aplea soiream modem
vant'tta. Juditachea mornna uprant, zaitim vorsam
meren Israelkarank konnech tras kele nant.
38
VOROS XXVI JIVITACHO PROKAS ANK 4
ABRIL
2020
Budvar, 01 Abril 2020
Vachpam: Dan 3, 14-20. 91-92. 95; St. Dan 3, 52.
53. 54. 55. 56. Ju 8, 31-42
Mukhel voll: “Hanv tumkam sot sangtam” (Ju. 8, 34)
Niyallak adar: Ek zantto monis, aplea ilaza khatir
dusrea gavant cholun gelo. To khub thoklolo, thoim
pavtoch kaim bhurge asle, tanche lagim udok magta,
ten'na te tachi fokanna kortat ani Tachea Devachi
murti dovrun oxem mhonnttat, hea Murtecher paim
dovor ani uprant tuka udok ditele. Ten'na to zantto
oso udgarta, hanv tanen morom, punn oxem
kednanch korchona.
Nebukadnezzar raza, tegam mon'xank aplea
murtink kel'lea devak, nomoskar korunk zobordosti
korta. Te bhienastana, sotan tache murtink patt kortat
ani aplea rochlolea Devak visvaxi ravtat. Hea
tanchea bhavartak lagon, Dev tankam mornnantle
vattaita.
Jezu mhonnta, mhojem utor tumche bhitor rigot
zalear, sot tumkam svotontr kortolem. Apnna vorvim,
Jezu Bapachi ollokh diunk sodta, Jezu Bapa kodsun
aila, hem sot tim manun ghenat.
Sot manun gheunk sodanch avgodd, ami-i zaite
pautt promannik mhonn dakhounk, kitle pautt sot
lipoun fott marli na zait? Sot kednach lipon urona.
Jezu jivont zaunk na mhonn, fott marunk mhukel
iadnikanim soinikank poixe dile (Mt. 28, 11-25) punn
sot ugddapem zalem.
Mhozo tharav: Sot ulounk ani jieunk proitn
kortolem/lom
40
Brestar, 02 Abril 2020
Vachpam: Ut. 17, 3-9; St. 104, 4-5. 6-7. 8-9. Ju 8,
51-59
Mukhel voll: “Jim konn mhojem utor samballtat tim
kodinch morchim nant” (Ju 8:51 )
Niyallak adar: Anik thoddeach disanim, ami Povitr
satolleant bhitor sorteleanv. Ami amchea khasgi
jivitachi, mollauni korpachi nibel goroz. Hi
pirachitachi yatra choltana, ami kitem kelam kai?
Amchea bhitorlea jivitacher lokx ghalum-ya. Azun
ami vaitt soddunk nam, jivitachi novsornni korunk
nam, zalear aizuch, ek khol nichev gheum-ya.
Amchem sogllem vaitt soddun, borea novsorlelea
jivitachi survat korum-ya. Hem chodd gorjechem.
Amkam zonn ekleak, Devachem utor zaun asa, ek
vhodd Devachem dennem. Hea Devachea utrant,
amkam kherit xikounn asa. Sogllea vaittak fatt korat,
boro novo rosto apnnaiat. Devak mandta toslem jivit
jieiat. Hem kortolem zalear, amkam soglleank,
Prachit sonvskarachi goroz. Amchea patkanchem
bhogsonnem gheun, ek novem jivit jieunk uttejon
dita.
Adhunik sonvsarant, monis danvot asta. Khoim vata
konnuch nokllo, vatter konnank aptota-adolta khobor
na. Asa kaim hanv toyear, il'lo vell tambon, dusreank
polleunk? Dusreamchem boreponn ollkunk? Toxench
dusreank bhogsonnem diunk? Jezuchea koxttancho
ugddas korun, Jezuchem jivit apnaunk vavrun-ya.
Mhozo tharav: Jezuchem utor samballun, tem
jivitant vevarant ghalunk vavurtelim/vavurtolom.
41
Sukrar, 03 Abril 2020
Vachpam: Jer 20, 10-13; St. 17, 2-3a. 3bc-4. 5-6. 7. Ju
10, 31-42.
Mukhel voll: “Juanvan koslinch khunna korunk na,
punn hea mon'xa vixim tannem sanglam titlem-i
khorem zalem”. (Ju 10:41)
Niyallak adar: “Maria, Tum vorsak 2 tem 3 pautti pois
retirank veta. Tuka kosloi tori foll mevla?” “Azun pasun
na! punn tea brother-an sanglam, magtam tem maka
veginch favo zatolem.” “Tuka tacher purn visvas asa-
so dista”. Ek dis, Jezuchea paiam-xim bhosun
ogeponnan, to ekloch, tuje lagim ulounk sodtolo,
bhavartan aik. To vizmitam korunk xokta mhonn thir
bhavartan, tujem jivit Tachea hatant ghal, tachem Utor
aik ani tea pormonnem jieunk vavr kor, ten'nanch tuka
retirancho foll melltolo”.
Sorvesporan, formailolem tem korunk Jeremias
vavurlo, tori lok taka dhumallo dita mhonn, to Devacher
xinn korta. Dusrea vachpant, Judevam mukhar Jezun-
ui kitlim vizmitam kel'lim. Tori taka te dubhavle ani
fattraunk fuddem sorle. Bhavart naslole kallokant jieta,
ani taka Devachea ani mon'xeachea bolla modem,
aslolo ontor disona.
Ami bhavartan oskot zatanv, ten'na ami kallokant
jietanv. Kudd'ddim zalolea porim, ami dolleancho ilaz
korina zalear, kallokachi sunvoi amkam zata. Prachit
kall, amkam kalloki jivitacho ilaz korunk ek soeg. Patki
ani vaitt, sunvoiamchea kallokantlim bhair sorun,
Devachem utor aikun, tea pormonnem jivit jieum-ia.
Mhozo tharav: Mhojea jivitantli ek tori vaitt sunvoi
kaddun uddounk vavurtolim/lom.
42
Sonvar, 04 Abril 2020
Vachpam: Ez 37, 21-28; St. Jer 31, 10. 11-12ab. 13. Ju
11, 45-56.
Mukhel voll: “Taka jivexim marunk tannim tharav
ghetlo.” (Ju 11:53)
Niyallak adar: Aiz amchea lhan-lhan kornneank
lagun, amchea kuttumbant, somudayant, somazant,
vavrache suater ani dukhichem mhollear, amchea
firgojent pasun ami ekamekak jivexim marunk tharav
ghetanv.
Ek bhoinnin, aplo bhav boro xikta ani vhoir choddtta
mhonn, tachea jevnant vikh ghalun marlo.Eka
novrean, apli okol dusream lagim uloita mhonn ragan,
ticher cholta astana, apli gaddi angar choddoun jivexim
marlem. Apli sun, bangarachim kanknnam haddina
mhonn, tika lasun uddoili. Kiteak kortanv ami oslem
vaitt????
Ezekielak Sorvespor spoxtt korun sangta, “Hanv
tumkam ek gonvlli ditolom, to tumkam nem ditolo ani
tumkam sogllea vaittantlo soddoitolo, ani tumi zateli
mhoji porza.Hanv tumcheant jietolom ani tumi zatelim
mhoji porza ani hanv tumcho Dev.” Juanvamchea
xubhvortomanant vachtanv, Jezuk nam mandun
ghetlo ani tannem borem kel'lem visrun, Tacher
kolpolim ani apleponnan ani gorvan bhorun, Taka
khursar jivexim marlo.
Mhojem ani tujem kitem? ami-i toxem korunk fuddem
sortanv kai? Lhan-lhan chukink lagun, ami amchea
gorvak ani ragak lagun, dusreank jivexim marunk
fuddem sortelim kai? Vo boreponn polleun Tacheant
Dev jieta, hem ollkhun ekamekak man respet ditelim
kai…..
Mhozo tharav: Dusream sovem rag nhoim punn mog
diunk vavurtelim/lom.
43
Aitar, 05 Abril 2020
Jezuchea Koxttancho Aitar
Vachpam: Iz 50, 4-7; St. 21, 8-9. 17-18a. 19-20. 23-24.
Fil 2, 6-11. Mt 26, 14---27, 66 (or 27, 11-54)
Mukhel voll: “Hanv Taka Tumchea hatant ghalin
zalear, tumi mhaka kitem dixat?” (Mt 26:15)
Niyallak adar: Amchea nisorgacher, nodor marlear
amkam disun yeta, zaitem amchem pachvem char
(greenery) aslolim zhaddam, ranam kobar keleant,
xetam, bhattam nanch keleant, ani vhodd-vhodd
imaroti ubeo keleat. Amchea ganvamni, toxench
xaramni zaite builders aile. Chodd axek lagun, brokers
modesti koxe tornnatte, amdar montreamni legun
tankam vicharlem, amchi zomin tumkam dilear, tumi
amkam kitem dixat? Ani he bhaxen, Dev Bapan dilolea
soimbacho ami nas kela.
Xubhvortomanan, Judas Iskariot mhonntta, Jezuk
tumchea hatant ghalin zalear, tumi mhaka kitem dixat?
(Mt26:15) Jezu amchi soddvonn korunk ailolo, Jezun
zaitem borem kelem astanai, Jezuk khursachem
moronn favo zalem. Amchea purvozamni dovorloli
zomin, amche axek lagun viktana,
Amche avoik ami viktanv mhonn zanna zaumya.
Poilea vachpant, Izaias provadi amkam ugddas korta,
mhaka khorea xisachi jib dilea. Tunvem ani hanvem,
poryavoronnacher oneay zata ten'na, amcho tallo
ubarcho asa, ani urloli thoddi soimbik girestkai, fuddle
pillgek rakhun ani ballgun dovrumya. Amchi zomin
amchi avoi, he avoin amkam asro, khan, asro ani jivit
dila, tika man ani respet dium, rochtolea Devak ami
argham dium-ia.
Mhozo tharav: Sonvsari Yatra kortana, Jezuk maz
korun poryavornnacho samball kortolim/lom.
44
Somar, 06 Abril 2020
Vachpam: Iz 42, 1-7; St. 26, 1. 2. 3. 13-14. Ju 12, 1-11.
Mukhel voll: “Tika kimar korum nakat, Mhaka
purpachea disak tinnem ho pormoll samballcho aslo”
(Ju. 12:7)
Niyallak adar:Amcho mogacho monis auchituch
mortoch, tannem nimannea disamni, uloilolea
utrancho ami ugddas kortanv ani mhonntanv : 'To
apunn mortolo mhonn, zanno aslelea porim uloilo'.
Jezui sovem oxench ghoddta. Marien Jezuche paim
pormollachea telan makhtoch, Judas gunngunnuk
lagta. Taka zobab diun, Jezu oxem mhonnta : 'tika
kimar korum nakat, Mhaka purpachea disak tinnem ho
pormoll samballcho aslo'.
Aplea mornna vellar, to Sonvara adlo toiarecho Dis
dekhun, pormoll laun Apnnak nikhipunk zaunchem na,
hem Jezu zanno aslo. Tech porim Aitara fanttea-
pahrar, Maria Magdalen ani ier bailo, pormoll gheun
ietoleo ani Apunn, tea adim jivont zatolo, hachi bhi
Jezuk kobor asli.
Povitr Satolleant ami asanv. Jezuchea
punorjivontponnak ami toiar zatanv. Mariechi kornni
zaun asa, Jezuchea jivontponnachi khunna. Hea
vellar, Jezu Aplea mornnachem chint'ta ani Aplo zago
konnacheanuch bhorunk zauncho na mhonn, To
zanno.
Punorjivont Jezu, azun amche modem jivoch asa, aiz
To amkam Povitr Misache Bhettent, Sonvskaramnim,
Devachea Utran ani durboll-dakttea sovem mellta.
Taka ami bhavartan ghetanv kai ?
Mhozo tharav: Bhavartache dolle amkam di Jezu,
Tuka polleunk, bhogunk amkam zagoi, Jezu
45
Mungllar, 07 Abril 2020
Vachpam: Iz 49, 1-6; St. 70, 1-2. 3-4a. 5-6ab. 15. 17.
Ju 13, 21-33. 36-38.
Mukhel voll: “Kombean sad ghalche adim, tim pavtti
tum Mhaka vollkhonai mhonn sangtoloi.” (Ju. 13: 38)
Niyallak adar: : zaite pavtti oxem zata, dusream sovrm
amcho mog fokot utranim ami dakhoitanv. Jen'na tea
mon'xak, khorench amchi goroz asa, ten'na ami tachea
adharak pavonant. Amchea vavrant, ghul asat mhonn
nhoi, punn amcho mog fokot utrantlean-uch
dakhoitanv, dekhun tanchea gorjek sangat diunk, ami
fatti sortanv.
Aichea xubhvortomanant, Apleacho ghat ghetolea
mon'xa vixim, Jezu ugteponnim uloita. Aplea
misanvanchea nimannea ghoddeanim, Jezu xisam
borobor thoddo vell sarunk, tankam ekttaim korta.
Punn hea mellaveant, tankam spoxttponnim Jezu
dakhoun dita. Konn porim te utrantlean dakhoitat, to
mog ani husko, tanchea korniant disona. Simav Pedro,
zo jiv diunk toiar mhonn ucharta, tachem vixim, Jezu
bhakit korun kolloita, toch Taka tim pavtti nakartolo.
Amchea pelea rupan, Jezu amkam bhett'tta. Punn ami
distolea peleak nakartanv, ani disonaslolea Devacho
mog korunk harpitt zatanv. Ani hakach lagun Jezu
mhontta, “Tum Mhaka vollkonai mhonn sangtoloi”. Hea
kherit kallant, odhik korun, he amche lagxil'le toyarent,
ami Jezu pasot nhoinch utranim, punn kornneani
amcho jiv diunk vavrum-ia.
Mhozo tharav: Aichea disak hanv mhozoch don
rupancho svobhav bodlunk vavurtolom/vaurtolim
46
Budvar, 08 Abril 2020
Vachpam:Iz 50, 4-9a; St. 68, 8-10. 21bcd-22. 31. 33-
34. Mt 26, 14-25.
Mukhel voll: “Polliet, khud Sorvespor Dev mhojea
adarak ieta” ( Iz 50:9)
Niyallak adar:: Logna voros zata mhunnosor, eke
ostorecho ghov ontorta, punn kankean ek supurlem
bhurgem. Jivitant, fuddo korun zai mhunn somzavun,
avoi-bapui tichem dusrem logn kortat. Portun hea
lognant, auchituch kallzacho atak yevun dusro poti
sompta, don vorsamni anik ek bhurgem tichea
kankean yeta. Vhoddilank proxnn, he ostorek proxnn,
vaddeant proxnn Soglleankuch proxnn. Punn kaim
vorsam uprant ti ostori mhunntali, “Dev sodanch maka
adar divunk ieta”. Ti nurse zal'lean, bhurgeancho
samball korun, tinnem aplea vavrak zobabdaren vell
dilo ani jivitak fuddo kelo.
Monis soimban osokt, patkacher apleach ostongim
zhuzunk zaina. Taka dusreanchea adarachi goroz
poddtach.Ani oskotaien ami chuktanv. Bhag. Paulu
Romakarank bhorouvun mhunnta, “Punn zem vaitt
mhaka bilkul naka tench hanv kortam.” Hem ghoddta
amche oskotaienk lagun, Devacher amkam visvas
nam. Izaias provadi Devache sevokachem, Devachea
pattlavdarachem jivit, koslem zaunk zai, tachem chitr
amchea dolleam mhukar dovorta. Jezukui, apleach
monxamnim viklo, torui Tannem Devacher visvas
soddlo nam, tanche sangata to jevlo ani Tanchi seva
keli. Amchea oskotayent, Dev amchea adarak asta
hem sotmandum-ia.
Mhozo tharav: Koxtt yetat ten'na, mhozo vavr
Devacher visvas dhovrun fuddem vortolim/lom...
47
P B D
Amchea ghorant, konnui on-ollkhi/vattsur monis, bhitor sorot
anik apleak, ek rat sarunk di mhunnot zalear, amchea monant
poile kitle-xe proxnn ietele, ani uprant amcho zobab, Na zatolo.
Punn Jezu mhunnta, “Pordexeank biradd diunchem”. Amchea
jivitant, hem manun gheunk, bhov avghodd lagta.
Girest monis ani Lazar, hea voparint ek nodor ghalum-ia (Lk
16:19-31). Lazar eksuro, konnuch taka naslo dekhun, dis – rat
votant, pausant, xi-yant, girest mon'xachea daraxim apleak asro
anvddetalo. Bhukek ani tanek sampoddlolo. Ekui dis girest
mon'xak, tachi doia disunk na, nhoi mhunn tachea
kutumbantlea, konnakuch tachi kaklut disli na. Vhodd ghor,
jevonn-pivonn asun, ektteak pasun, Lazarache churchure
disunk nant. Uprant tancho dogaincho xevott, koso zalo tem ami
zannanv.
Hi ek Jezuchi vopar, punn aichea somazant hench ghoddta. Az
onathank, zantteank, soddloleank, piddevontank fokot
Padrinchem ani Madrinchem kam mhonn somzotat. Apleach
ghorant aplim mogachim jietat, punn amkam vell na,
somudayant amchim dusrea kuttumbamni, tankam bhett
korunk, tanchi seva korunk xembor proxnn astele. Biradd nhoim
ghorant, punn mhojea kallzant, dusreank hanv mandun ghetam
kai? Hem mhojem kalliz soglleank ugttem kai?
Ek boro Samaritan mhojean, tanche sovem zaunk zata, tankam
biradd/asro diun.
“Voch ani tum-vui toxench kor” hea vorsacho vixoi monant
dovrun, bhairailoleank, eksureank amcho adhar sohokar
divum-ia, nhoi tonddan ani dolleanim churchure korun, punn
kornneanim seva diun. Ten'nach Jezu amkam mhunntolo
“Mhojea lhanantlea lhanam, bhavam-bhoinnim modlea ekleak
jem tumi kelem, tem tumi mhakach kelem” .
48
Brestar, 09 Abril 2020
Povitr Brestar (Jezuchem Nimannem Jevonn)
Vachpam: Sutt 12, 1-8. 11-14; St. 115, 12-13. 15-16bc.
17-18. 1 Kor 11, 23-26. Ju 13, 1-15.
Mukhel voll: "Hanvem tumkam kelam toxench tumi-i
korat". (Ju 13:15).
Niyallak adar: Ami monxam osokt. Zaite pavtt ami
duent poddtanv. Kaim pavtti, ami marekar duesank
sapddon, anthrunar poddon tras-koxtt sosche poddtat.
Oslea vellar, amchea ghorcheank koxtt kaddche
poddtat. Zalear kaim vellar, ghorcheanche koxtt
kaddunk vitt ieta, ani ami bezartanv. Punn zori, amchea
gharant posloli monzat duent asli zalear, ami tanchi
seva chakri kortanv. Punn mon'xancho oso okman
kiteak kai? Aturnnar aslolea mon'xachi seva korche
bodlek ami tankam okmanchim utram uloitanv, ani
tanchem kalliz-mon dukoitanv.
Aichea Xubhvortomanant, Jezu Jevnnar boslolo utton,
aplem avronn kaddun, rumal aplea penkttak banddta
ani eka tostant udok gheun, xisanche paim dhuta.
Jen'na Jezu Pedruche paim dhuta, ten'na Pedru Jezuk
mhunnta "Somia, Tum mhoje paim dhutai?!". (Jn:
13:5).
Jezu zanna aslo, Pedru aplo ghat gheuncho asa
mhunn. Tori astana Jezu tanchem paim dhuta, ani
tankamseve chakri koxi korchi, tem dhakoita. Jezu he
khunna vorvim, amkam soglleank dekh dita ani
sangta.Hanvem tumkam kelam, toxench tumi-i korat.
(Jn 13: 15). Tor ami soglleamnim, Jezu bhaxen zaunk,
ani lhan-lhan kornnetlean, amchea peleachi seva
korum-ia.
Mhozo tharav: ‘Seve-chakrem monan, mhojea
peleachi seva korunk, hanv vavurtolim/vavurtolom..
49
Sukrar, 10 Abril 2020
Jezuchea koxttam-mornnacho Sukrar
Vachpam: Iz 52, 13---53, 12; St. 30, 2+6. 12-13. 15-
16. 17. 25. Heb 4, 14-16; 5, 7-9. Ju 18, 1---19, 42.
Mukhel voll: “Tuji torsad poteant ghal” ( Ju 18: 11)
Niyallak adar: Aple bhailen xitant chodd mitt
ghatlem mhonn, ragan ghorkaran tichi tokli, eka
onnticher doddaili, bhail thoinch rogot yevun
soirannar poddli.
Somudayant don kuttumb, udkache pavnnenk lagun
zogoddtat astana, eka dadlean dusreacher, hatant
aslolo lokonddacho kuddko marun tokli foddli.
Firgojent, aplem baroborchem fuddari, borem kam
korta ani takach bori xabaski melltta mhonn, ragan
borun tichem nanv soglleam ganvant piddear kelem.
Xubhvortomanan, Pedruk aplea Dhoniak, dhorunk
aileat mhonn ragan bhorun, apli torsad kaddun, eka
chakracho kanuch katorta. Jezu oso pedruk sangta,
toxem korinant, kiteak dusre vaitt kortat mhonn, ami
korchem nhoim. Jezu apunn, xanticho kunvor mhonn
dhakounk sodta. Izaias provadi pasun,
Sorvesporacho mog dhakol korta, tachi apurbai
dusream sovem uzvaddak haddtta.
Thoddeank sott korun rag yeta, zaite boroupi
mhonntat, ho rag sogllea mon'xant asta. Jen'na lhan-
lhan vostunk vo kizilank lagun, monis sosnikayen
vagona, ten'na kitem-i vaitt korunk pavta. Jezukui
Khursar khillailo kiteak, apleponnak, nirddukaiyek ani
gorvak lagon. Farizev, dhormxastriu ani yadnik,
ragan bhorun, tannim Devachea putak khursar
jivexim marlo.
Mhozo tharav: Rag yeta ten'na, hanv khursar
khillailolea Jezucho ugddas korun, koslench vaitt
korina zaunk vavurtelim.
50
Sonvar, 11 Abril 2020
Povitr Sonvar
Vachpam: Mt 25, 31-46
Niyallak adar: Kalchea disa, Jezuchea koxttam-
mornnacher niyall kelea uprant, az Povitr Sobha
ogeponnan, Somiachea somadhi-xim bhorvanxean
ravta, Tachea mhoimevont Punorjivontponnank. Az
amkam, ghoddie tallni yeteli, Nimannea Sukrara
thaun, rokdinch Paskamchea Aitarant bhitor sorunk.
Somi Jezu somadhint nidla, punn khoreponnim to nidla
kai? Kiteak ami 'Sot'mandtam' mhonnttanv ten'na ami
mhonnttanv, 'To mel'leam modem denvlo'.
Bapan, Jezuk dil'lem soddvonnechem karya sompunk
nam, Tachi kaklut soglleank pavunk zai asli. Hem
korunk, to mel'leam modem denvlo. Abranv provadi ani
her lokank, ho khuxalkaiecho vell kiteak, hi Bori Khobor
tankam pavli. Jezu mornnant legit, Bapachi khuxi
pallttalo. Hi ghoddni somzunk, ami ek biek sor korunk
zata. Ek bim zomnint bhitor, kitem korta tem amkam
disona, punn novi komri, amkam zom'ni vhoir dixtti
poddta, ten'na ami khuxal zatanv.
Povitr Sonvar, amkam Devacher bhorvanso dhorun
cholunk apoita, kiteak Devachi evzonn sompurnn.
Dev koxtt-tras ani moronn legit vapurta, amkam
khorea soddvonnechea margar haddunk. Az
jedna, ami Jezuche somadhixim, ogeponnan bosun
niyall kortoleanv, ten'na Povitr Sonvarachem
khaxelemponn monant dovrun, amche jivitak tem
lavunk vavrum-ya.
Mhozo tharav: Az konnui, eka dukhest bhav/bhoinnik
bhett korun, jivitant somadhan haddunk
vavurtolom/vavurtolim.
51
Aitar, 12 Abril 2020
Paskanchi Porob
Vachpam: D.I. 10, 34a. 37-43; St. 117, 1-2. 16ab-17.
22-23. Kol 3, 1-4 or 1 Kor 5, 6b-8. Ju 20, 1-9 or Mt
28, 1-10.
Mukhel voll: “To mel'leantlo punorjivont zaunk zai
aslo” (Ju 20:9)
Niyallak adar: Mornantlo jivont zalo, zoi zoi,
fonddantlo Jezu sorlo, zoi zoi. Mornantlo jivont zaun
Jezun, vaittacher, kallokacher ani mornnacher zoit
vhelem. Jezu vorvim, Devachea porzollacho uzo
amkam mell'lo. Jezuk ami zoi zoikar dium-ia.
Magdalachi Maria ani dusreo ostoreo, Jezuchea
fonddaxim vetat. Tinnem somadhi veli fator kaddloi
polleli. Jezu, punorjivont zalo ani atam fondant na
mhonn, ek dev-dut tankam sangta. Simanvak ani
Juanvank tinnem sanglem. Tannim Jezucher bhavart
dovorlo. Povitr pustoka pormonnem to mell'leantlo
punorjivont zaunk zai aslo.
Dor dis aplo khuris mogan vorta, Jezuchem jivit jiyeta,
tachi khuxi korta, taka eka disak Jezuchea
punorjivontponnak vantto melltolo. Jen'na mhojea
jivitant tras yetat, ten'na Devak mandt'ta toxem jiyeunk,
hanv proitn kortam?
40 dis zaite upas ami tharaile'le, soro, cigarette, mas,
goddie TV, mobile hankam title ami hat launchinant
mhonn, punn atam pask zalem mhonn idvas korun
vapor korcho nhoim, bhukel'lea vaga bhaxen, jevonn
jevchem nhoim. Ho soeg ghevun, amcheo vaitt chalteo
sonvomyo moddunk vavrum-ia. khoinchea vellar
moron yevun, amkam bhirant nam. Kiteak, Jezu
sangata hanv punorjivontponnacho bhagidar zalam.
Mhozo tharav: Dusreamni vaittant poddona zaunk
tankam adar kortelim.
52
A M
S
P S :
V - .
V :“ ,
- ”
Gaion: R-38
Survatachim utram: Kallokant uzvadd zaun, Jezu mogacho
Surio amche modhem ailo ani amkam soglleank patkantlim
soddoilim. Amkam taronn dilem, amchi soddvonn keli. Maria
magdalen, Zakev kallokantlim utrun, vaitt jivit soddun aplem jivit
bodlun, Jezucho pattlav kortat. Toxench hanv ani tum Jezuchea
mogacho uzvadd. Ho uzvadd zolltto dhovrunk, amkam
Paskamchi Porob dhor vorsak ugddas korta, ani ani amcheant
bhavartachi kirtti pettoita. Tor Amkim patkich mhonn chintun
jieunche suater odhik borem ami Paskamchim Bhavarti mhonn
jielear amcheant zaito bhorvamsi vaddtolo ani amcho ekchar
“Koinonia” vaddttolo.
Vath mezar dovorchi ani ticho Uzvadd polleuncho:
Vaticho Khoim–khoim vapodd zata? Vat khonn –khonn
vapuddtat? Vat amchea dhormant kitem khunnaita? Hacher
bhasabhas korat tumchea somudayanchea ekcharachea
mellaveant.
Devachem Utor: Ju 8: 12-14 vo Efez 5:13-14
Niyall Ucharun-gavun korcho
Uzvaddacher adarloli kaim aplim utram, famad
boroupeamni ani bhagivontamni sonvsarak porgottleant:
Apli Sotia samballunk ani rakhunk, Dhor Kristi Bhavarteamni
Devachea Uzvaddacho onnbhov gorjecho ani upai, hem sot
jieunk vavrunk zai.
Gavun: Jezu Jezu Jezu, zau tum maka Jezu
Tuka zor dusreank uzvadd diunk zai, zalear poilem tunven ho
53
uzvadd apnnaun fankounk zai.
Gavun: Jezu Jezu Jezu, zau tum maka Jezu
Kallokh asunui, Uzvadd polleun sonvsarant jieta to
Bhorvamxeacho monis
Gavun: Jezu Jezu Jezu, zau tum maka Jezu
Dusreani polleunche khatir, tankam tuzo Uzvadd fankoi
Gavun: Jezu Jezu Jezu, zau tum maka Jezu
Kallokak xinnche suater, Vath pettoi ani dusreank uzvadd zau.
Gavun: Jezu Jezu Jezu, zau tum maka Jezu
Oslim zaitim zannvaiechim Utram amkam aikunk mellttat.
Jezu amkam soglleank ek jivi vat, zannem nhoich Izarel lokak
vatt dhakoili punn ak'khea moniskullak Jezun uzvadd dilo ani
kallokantlim bhair kaddun Taronn dilem.
Uzvadd zavop mhollear jivit bodlop, bhavart vaddovop ani
khuxalkai favo zavop.
Ami hea prachit kalla vorvim jivonttponn jieumia, kiteak inglez
bhaxen mhonnttat, “ “without Good Friday we cannot celebrate
Easter”- koxttancho sukrar bnastana amkam paskamcho Aitar
mellonam”, Kallok amkam Uzvadd kitem hacho orth dita, tea
pasot ekamekak ami uzvadd zaum-ia.
Thoddo vell ogeponn samballchem
Vathicher nodor marun amchim magnnim Bapak ubharum-ia:
dor ekelan korchem/ vo boroun haddun diunchim/ Khasgi
korchim.
Amchea Bapa ani Noman Marie ani Mhoima Bapak
Mhonnchem
Xevottak: Git Gheunchem: Jivitachea Jivita Tum
(zata zalear ek vhoddli vat gheun, ticher somudayanchea
kuttumbachea vhoddilachim nanvam ghalumia, ani vat
soglleanchea kuttumbant ek-ek dis dhovrum-ia. Tea kutumban
uzvaddacho ters ani uzvaddachim gitam gavun ani somudayam
khatir magnnim ghalun thoddo vell sarunk zai.)
54
Somar, 13 Abril 2020
Vachpam: D.I. 2, 14. 22-33; St. 15, 1-2a. 5. 7-8. 9-10.
11. Mt 28, 8-15.
Mukhel voll: “Kiteak Tum mhozo jiv norkant sanddcho
nai …“(D.I 2: 27)
Niyallak adar: kalchea disa ami Jezuchem
purnorjivont ponn somoromblem. Koslo ghutt kai ho?
Devan, aplea ekleach Puta Jezuk, amchea patkam
pasot morunk somorpilo. Amchea monant, poilo
proxnn ieta to mhonnlear, Devan Aplea ekleach Puta
thaim onit kiteak keli?. Taka koslench patok nastana,
soglleanch boreponn astana amam patkeam pasot
khoxtt-dogd sonsun, voll-volleachem khursa moronn
favo kelem. Punn amcho Dev- niticho Dev, tannem
Aplea Putak punorjivont korun, Apli nit dakhoili ani
mon'xakullache soddvonneche kam, xarti pavoilem
kiteak, punorjivontponna vinnem hi soddvonn nirfoll
zateli asli.
David patxai, Jezu vixim adim fuddench 1000 vorsam
poilim bakit korun dovorta, Tache koxtt-moronn ani
punorjivontponn. Devan Davidak bhasavnni kel'li,
tache sonstintlea ekleak, tachea xinvasonar bosoitolo
mhonn. Ani Jezuchi vonxavollin, amkam David
patxaiachi khobor mellta. David patxai, hangasor apli
khobor korina, punn Jezuchi. Kiteak Bhag. Pedru
mhonnta, David Patxai melo ani tachi somadhi tanche
modem to dis meren asli, ani tache bhakit-ui Jezu vixim
aslem. Tor moronn Punorjivont zalo ani norkant
sanddunk, to hoch “Jezu Krist”
Mhozo tharav: “Koxtta viret zoit nam” hench Kristi jivit
mhojea jivitant sodankal hanv palltolom/palltolem.
55
Mungllar, 14 Abril 2020
Vachpam: D.I. 2, 36-41; St. 32, 4-5. 18-19. 20+22. Ju
20, 11-18
Mukhel voll: “Punn To Jezu mhonn tinnem Taka
vollkhunk nam.” (Ju 20:14d)
Niyallak adar: Priticheamno! Aichea poilea vachpan,
poilea Kristavanim Jezuk onbhovlo dekhun,
ap-khuxen jivit bodlun, te Kristanv zale. Toxench
Xubhvortomanant, Jezu Magdalache Mariek sangta,
'tankam vochun sang, Hanv jivo asam '. Xis bhielole,
Jezu tancho bhavart ghott korta.
Paskanchi porob Povitr Sobhent, ek vhoddleantli
vhoddli porob. Zor Jezu jivont zaunk naslo zalear,
amcho Kristi dhorm ascho naslo. Jezu Dev, mon'xank
patkantlim soddounk apunn monis zalo, koxtt sosle,
khursar melo ani Purnorjivitont zaun, amkam patkantli
soddoilim. Jezuk dor Misache bhettent, unddea rupant
ami xevtanv. Jezu amche bhitor asa, punn zoxe xis,
doriant voddem tufanank sampodlem ten'na, Jezu
voddeant aslo tori te bhiele. Toxench ami-i amchea
jivitant, voddol-moddam ietat ten'na, Jezu amchea
sangata, amche bhitor asa mhunn ollhunk visortanv.
Misa-bhettent vo Povitr Sacrament, Jezuk amche
proxnn ugtte korunk ami visortanv, Taka sodunk ami
iennem-tennem dhanvtanv. Magdalachi Maria, Jezuk
vollkhunk visorli, toxem ami-i Jezuk onbhovunk
visortanv. Sogllem amche lagim asa tem, bhorem vo
vaitt amchea jivitant ieta, tantulent Jezuchem asnnem
amche sovem onbhovunk vavrum-ia.
Mhozo tharav: Jezuchem hajirponn mhoje bhitor ani
dusream sovem vollkhunk vavurtelim/ vavurtolom.
56
Budvar, 15 Abril 2020
Vachpam: D.I. 3, 1-10; St. 104, 1-2. 3-4. 6-7. 8-9. Luk
24, 13-35
Mukhel voll: “Devak vakhannit” (D.I 3:8)
Niyallak adar: Ek lhan bhurgo, haddamcho (Bone)
cancer zaun, khup sonstalo. Tachi avoi-bapui, taka
polleun dukhi zatalim. Punn ho bhurgo, aplea avoi-
bapaik oxem mhonntalo, tumi dukhi zai nakat, mhoje
pasot roddum naka, kiteak Dev mhoje sangata asa.
Dev mhaka boro kortolo, oxem to Devak dispottim
vakhanntalo. Hea bhurgeacho bhavart Devacher
polleun dusreancho bhorvamso vaddttalo.
Aichea poilea vachpan, Ek pangllo, pedru ani Juanvam
lagim bhik magta. Pedru taka sangta, amche lagim
duddu-bhangar kainch nam, tori tachea hatak dhorun,
taka uttoita ani to sarkhoch boro zata. Aplea bhavartak
lagun Jezu apleak boro kelo mhonn ollkhun, to Devak
vakhannit veta.
Xubhvortomanan, Emmaus vatter choltana, aplea
xisamcho dubhav pois korunk, tancho bhavart
huskaita. Aplea xisam sangata, jevnnak boslolo
astana, Tannen unddo ghetlo, Devak dhinvaslo ani
moddun tankam dilo. Hi ek boreantli bori xikovnn
amkam. Jezun-ui Aplea Bapak vakhannlo, dinvaslo.
Disa-dispottim, hanvem Devachim zaitim boreponna
onnbhovleant, punn hanv hea boreponna khatir
vakhannta kai?
Mhozo tharav: Aiz thaun, mhojea jivitan lhan lhan
vostu zatat, ugddasan Devak vakhannuk proitn
kortelim/lom.
57
Brestar, 16 Abril 2020
Vachpam: D.I. 3, 11-26; St. 8, 2a. 5. 6-7. 8-9. Luk 24,
35-48.
Mukhel voll: “Koxe bhaxen, unddo moddta astana,
apnnem Taka vollkolo.” (Luk. 24:35)
Niyallak adar: Devachem raj porgott korche khatir,
Jezu xisank vichun kaddta ani tankam soglli xikvonn
dita; “Mon'xachea Putan zaitem sonsunk zai: Zantte,
mukhel yadnik ani dhormxastri, Taka bhairaitole ani
jivexim martole” mhunn sangta. (Lk. 9:22)
Jen'na, Jezun koxttank ani mornnak, fuddo korcho vell
pavlo ten'na, To magnnem korunk gelo, ani xis Taka
nidlole mell'lle. Judas Iskariotan, Taka dhorun dilo,
Pedrun Jezuk nakarlo, ani dusre xis bhieun pollun
gele.
Tori astana, aichea xubhvortomanant amkam mellta,
Jezu moron punorjivont zatoch, ghabrun ani bhieun
aslolea xisank, mellunk yeta ani mhonnta “Xanti
tumkam.” Tancho dubhav pois korunk mhonnta
“Hanvuch To”.
Punorjivont Jezu, amkam-i mellunk yeta. Khoimsorui
ami asum, Jezu amkam mellunk yeta. Goroz fokot ami
Jezuk vollkhunk. Jezu khuxalkaien amkam suttka
diunk yeta. Jezu dor eke misache bhettek, ami ekthaim
zatanv ten'na, amchea sangata asa. Jezu Povitr
utrantlean, amchea modhem hajir zata. Jezu misa
bhettent, unddea ani soreachea rupan, amchea
kallzant yeta. Jezuk vollkhun, Tachem asnnem ami
bhoglam kai?
Mhozo tharav: Dor eka sonvskara vorvim, Jezuk
kholaien onbhovunk hanv vavurtelim/vavurtolom.
58
Sukrar, 17 Abril 2020
Vachpam: D.I. 4, 1-12; St. 117, 1-2. 4. 22-24. 25-
27a. Ju 21, 1-14.
Mukhel voll: “Jezu xisank dixtti poddlo” (Ju
21:14)
Niyallak adar:Newton, apnnak Jezu dixtti poddlo
mhonn, zaiteank sangta. Thoddim sotman'tat,
thoddim sotmaninant. Tache ixtt sotmaninant, te
taka oxem mhonntale, tuka Jezu dixtti poddla,
tujem jivit atam novsorunk zai, toxench uronk
zaina. Jezu amchea sangatak asta, ten'na patkak
zago asona. Kurpechem jivit jiyeunk, ami proitn
korunk zai.
Jezu, Tibereasachea doria-xim dixtti poddlo. Jezu
tankam punorjivontponnachi govay zata. Xis,
Jezuk polleun khuxal zatat. Povitr Atmean bhorun,
te mogan Jezuk porgot'tat. Te Jezucho onnbhov,
dusreank porgot'tat, apnna bhitor dovrinant, te
khub khuxal zatat.
Amchea jivitantlean, Jezu, amchea jivitant asa vo
nam, tem amkam gomta. Ami patok kortat ten'na,
ami khala poddtat. Sondhan sonskar ghevun, ami
amchi vat cholunk zai.
Koxttam vellar, Jezu amchea sangatak asa
mhonn, ami vollkhunk zai, ami sogllea
addkolleank, mogan fuddo korunk zai. Jezu,
amkam dor disa nirop dita, to gheun ami amchem
jivit novsorunk zai.
Mhozo tharav: Jezu amchea sangatak asa zalear
amchem jivit sangta.
59
Sonvar, 18 Abril 2020
Vachpam:D.I. 4, 13-21; St. 117, 1. 14-15. 16ab-18. 19-
21. Mk 16, 9-15.
Mukhel voll: “vochath ani xubvortoman porgott korat.”
(Mk 16:15)
Niyallak adar: Ami zaite pauttim aikolam, “Jezuchea
navank podvi asa.” Khorench hem ek soth, ani hem
amkam poilea vachpan disun ieta. Xis Jezuchea
nanvan ani Tache podven, tea apangull mon'xak boro
kortat. Xubhvortomanan, Jezu amkam sangta, vochat
ani hich bori khobor, akhea sonvsarak porgott korat.
Kosli bori khobor kai hi?
Amkam, Jezuchi bori khobor porgottunk, zaite upai
asat. Poile svater amcheach ghorcheam sovem:
tancho mog korun, bhogsonnem diun ani gheun,
ekamekachi seva korun, magnnem korun, bhurgeank
Devacho ani peleacho mog, korunk xikounk gorjecho.
Dusre suater, amchea somudaiant, ekamekachi goroz
ollkunk, gorjevontanchea adharak pavunk, hich
Jezuchi bori khobor, seventlean dhakounk. Tisre
suater, Somazant sanddloleank sodunk ani soddounk,
tankam zobabdaren aplem apovnnem jieunk
huskhaunk. Ho Jezucho vavr korunk, zaitem boll ani
dhir zai, kiteak hea vavrak motv ani mol asa. Oxem
kortanam, amkam koxtt ietolech, punn Jezuchea
xisam bhaxen, ami-i kalljidar zaum-ia ani Povitr
Atmeache bollan, ani amchea borea kornea ani utra
vorvim, Jezuk porgottum-ia.
Mhozo tharav: Dusream sovem, ek bori korni
adharun, Jezuchi bori khobor tea mon'xak
ditolim/ditolom.
60
Aitar, 19 Abril 2020
Paskancho dusro Aitar
Vachpam: D.I. 2, 42-47; St. 117, 2-4. 13-15. 22-24. 1
Ped 1, 3-9. Ju 20, 19-31.
Mukhel voll: “Bhavartan Jezuk mandun ghetat
dekhun…podven rakhta”(1Ped 1: 5)
Niyallak adar: Dev zaun asa kakluticho sagor.Aiz
akho sonvsar bhor, Jezuchea kakutichi porob
somorombta. Jezuchea mornna ani punor-
jivontponnam uprant, Jezun Aplea xisancher bhasailo,
Povitr Atmo pattoilo ani Jezuche Xis, kalljidarponim
bhorun, Jezu Kristachi bori khobor veta, thoi porgot
korit ghele ani aplo jiv zoron mele. Tanche xikounnek
ani bhavartak lagun, zaitim her dhormachim bhav-
bhoinnam, aplea jivitachi novsorni korunk pavlim, ani
zaiteannim Kristi dhorm apnnailo. Kaim xekddea adim,
Jezu Bhag. Favustinak dixtti poddlo, ani Aplea
kukutichi Porob, Paskanchea poilea Aitara, korchi
mhunn magli.
Eke avoik cancer zal'lem, hospitolant ti aplo kimo
ghevunk yetali. Teach hospitolant, kidney piddear
zavun, ek tornnattem koxttovtalem. Hem polleun ti
ostori sodanch tika churchurtali, kiteak tichem-i
tornnem bhurgem obsoeg zavun somplolem. Hi avoi
apunn morche adim, apli kidney kaddun tea cheddvak
bhettoita. Kitle kaklutichem kalliz, nhoim kai he
avoichem???
Heb 13:8 amkam oxem mellta, “Jezu Krist zaun asa,
Toch aiz, faleam ani sodankal”. Tor Jezuchea
xisancho vavr, odhik korun somudai bandpacho zalo,
ani hea somudayant, khorem Kristi jivitak lokh veng
martalo.
Mhozo tharav: Hanv mhoje lagim zata tem bhaxen,
dusream sovem Jezucho rupkar zaunk proitn kortolim.
61
Somar, 20 Abril 2020
Vachpam: D.I. 4, 23-31; St. 2, 1-3. 4-6. 7-9. Ju 3, 1-
8.
Mukhel voll: “Novean zolmolea bogor, konnachean
Devachem raj polleunk zaina.” ( Ju 3:3)
Niyallak adar:: Jenwick, ken'nach firgojechea
vavrant misoll zainaslo, aplech toklecho, padrincher
tiddtalo, taka apleak zai toxem tannim korunk zai
aslem, ani PPC vangddi darant gelear, tankam
xanneponna sangun portun daddtalo. Auchit, novo
Padr.Vigar bhitor sorta ani jenwikak bhett korta.
Devachem Utor somzaun-somzaun,aple firgojentlea
Magnneachea zomeant taka ghalta. Borem kumsar
korun, taka PPC haddtta ani Moderator korta.
Genwikak novo zolm melltta. Devachi khuxi mandun
ghevun, boro vavr to korta.
Monis jen'na patkak sampoddtta, ten'na to atmiktaye
vatten sarko morun veta. Devachea Rajea koddsun, to
bhorpur pois veta, taka tem polleunk ani onnbhovunk
pasun mellona. Punn ho, mon'xache jinnecho xevott
nhoim, mhunn Jezu amkam aichea xubhvortomanan
sangunk sodta. Monis osokt dekhun, to porot-porot
patkak sampoddtta. Hea karonnak lagun, amkam
Povitr-Sobhen, Prachit Sonvskar ghoddun haddlolo
asa.
Kitem ghoddtta gai hea sonvskarant? Hea sonvskara
udexim, Jezu amkam zonn ekleak, amchea patkantlim
dhun kaddtta. Ami hea sonvskarant, amchem patok
roddun, novea jivitak veng marunk gorjechem. Amcho
bhavarth, Devachea Utracher thir ghott dovrunk
visronk favona. Ten'nach ami, Devachea atmean
bhortoleanv ani sorgimchem raj polleunk jerul
pavtoleanv.
Mhozo tharav: Prachit Sonvskarant vantto gheun,
novo zolm gheunk hanv vavurtolem/lom.
62
Mungllar, 21 Abril 2020
Bhag. Anslem
Vachpam: D.I. 4, 32-37; St. 92, 1ab. 1c-2. 5. Ju 3, 7b-
15.
Mukhel voll: “jim konn Atmea thaun zolmoleant,
tanche sovem toxench ghoddtta” (Ju 3:8)
Niyallak adar: “Ie Atmea Bapachea, Ie Atmea
Jezuchea, Ie Atmea mogachea. Bapachi bhurgim
amkam kor, dhiradik govai amkam kor, Kalljidar soinik
amkam kor.” Hem gayon Atmean bhoron, somazant
ani Povitr Sobhent, mogache rupkar zaunk sfurti ani
boll. Toxench Igorz Mata, 7 kuddicheo doyall kornea
barabor, 7 Atmeachea faideacheo-i doyall korneo dita.
Peleak bori budh diunk, nennarank xikounk,
chukloleank nittayer haddunk, dukhestank bhuzvonn,
okman kortoleank bhogsunk, peleachi osoktai
sosnnikayen bhogunk, toxench jiveam ani mel'leam
khatir prathon korunk. Hem sogllem ghoddtta, jim konn
Atmea thaun zolmoleant tankam, Jezu Nikodemak
sangun spoxtt korta (Zu 3:8). Khorench Povitr Snana
disa, ami Atmean Zolmoleant, Thiravnne
Sonvskarantlean Atmeachea denneamni ani
vorgunnamni ximpleant, vaitt nopoit korunk,
somazachem rup novem korunk. Dhormdutanchea
4tea avesorant, poilea kristanvachi atmiktai disun yeta.
Konnak kainch unnem zainaslem, karann
soglleanchem ek mon, kalliz zogzogtalem. Devan dil'li
girestkai ekamekak vantt'talim, Dev Bapacho, jivo
mogacho rupkar tim zatat. Amchea somudayamni,
somajik jivit jietana ami-i chukleant ani dusreank
okman kela zait. Doyall Korneancher nodor marun
bhogsunk amkam avhan.
Mhozo tharav: Atmeachea faideachi, ek tori doyall
korni, aiz hanv korunk proitn kortolim/lom.
63
Budvar, 22 Abril 2020
Vachpam: D.I. 5, 17-26; St. 33, 2-3. 4-5. 6-7. 8-9. Ju 3,
16-21.
Mukhel voll: “Sonvsarant Uzvadd ailo, punn
mon'xamnim Uzvadda poros kallokhacho odik mog
kelo” (Ju 3:19)
Niyallak adar: Marilyn Monroe, ek American kalakar,
machier bhorovpi (model), nachpi ani borem gavpi. Ek
kalakar koxem, tichea kallar tem machier borench
porzolltalem. Hozaramni lok tachea bumikak yetalo,
ani khuxal zaun, tichi toknai kortalo. Punn tem drugs
gheun, ek kalloki jivit jietalem. Billy Graham, ho ek
Devachem Utor porgottnnar, tichea kallar tovui famad,
lok takai vollkotalo ani tache koddlean, zaitem jivitant
Devachem Utor ghetalim ani uzvadda vatten choltalim.
Ek dis to Marilynak bhetta, to tika Dev ek uzvadd, ani
amkam kallokant bhair kaddun, ailam mhunn tika
sangta. Ti Jezuk nakarta ani mhonnta “I don't need
your Jesus” ani thoddea disam uprant, tem aplea
kuddant, drugs high dose gheun melolem mellta.
Amkam-ia oxench, mon'xache ani sonvsarache talle,
amkam zaitea bhasamni aikunk yetat. Thodde
mon'xanche talle, amkam kallokache gulam korun
dovortat. Toxench yer dusreo vostum zaum media, TV,
Internet, mobiles, gongi voktam (drugs), amkam
kallokhache vatten voddun vortat.
Devan Aplea, eklech Putak amkam Uzvadd zaunk,
hea sovsarant dhaddlo. Noxttim kortubam, khotteponn
pois korun Kallokhachi vat sodun Jezuchea uzvaddan
cholum-ia, taronn zhoddum-ia.
Mhozo tharav: Aiz tori mobilacho vaprun unnem
korun, dusreank adarachi zaunk vaurtolo/lim
64
Brestar, 23 Abril 2020
Bhag. George M ani Bhag. Adalbert.
Vachpam: D.I. 5, 27-33; St. 33, 2. 9. 17-18. 19-20. Ju
3, 31-36.
Mukhel voll: “Putacher bhavarth dovortat tanchê
sovem Sasnnik Jivit asa”. (Ju 3:36)
Niyallak adar: Aichea xubhvortomanacho kalcho
bhag vachlear amkam thavem zata ki aichea bhagant
Juanv Jezuchem Devponn porgott kort. Jem tea
kallachea monxank somzunk kotthin zatalem. Karonn
tanchi somzonni sonvsarache nodren te ghetale.
Zaite pautt Jezucher bhavarth dovrunk amkam ilem
kotthinn lagta. Hea sonvsaracheo dhasti ani khuxeo
pallunk ami gull zatanv. Ani hem soimbik, karonn ami
he prithumechim vo hea sonvsarachim. Ani zo konn
hea sonvsarache nodren Jezuk polleunk sodta taka
Tachi khori ollokh kednanch mellchi nam.
Ami Jezuk khoreponnim ollkhoteleanv zalear amchi
otmik nodor ami thiraunchi goroz. Ani hi otmeachi
nodor thiraunk hea sonvsarachea vostunk ani
bhulounneak poile suater patt korunk goroz. Tednach
ami Juanv Baptista baxen Jezu soglleam-von vorto,
Taka Devan Pattoila ani Bap Tacho môg korta ani
Bapan soglleô vostu Tachea hatant dileat –oslim sotam
ollkhunk pavteleanv.
Aiz Povit Sobha zaite upai gheun amkam xikoita ani
amchi otmik nodor vaddounk adhar dita. Zoxem-
pustokam, Povit Sobheche dakhle, retir ani xikounneo
adi. Hea soglleancho vapor korun Dev amkam otmik
nodren bhorunk sodta. Amchi Otmik nodor vaddoun
Jezuchi khori ollokh gheunk pavlam marum-ya.
Mhozo tharav: Povitr Atmeachea bollan dusreank
Jezuchi ollkh diunk vavurtelim/lom.
65
Sukrar, 24 Abril 2020
Bhag. Fidelis, somorponn
Vachpam: D.I. 5, 34-42; St. 26, 1. 4. 13-14. Ju 6, 1-
15.
Mukhel voll: “Kaich ibadd zaum noie” (Ju 6:12)
Niyallak adar: Syria desant, ek dotor piddestanchi
ilaz kortana, eka lhan bhurgean, taka ek proxn kelo.
“Dotor, Mhaka ken'nach bhukh lagona zaunk vhokod
di”. Him utram aikon, tho dotor dukhanni roddlo. Az
xubhvortomanant, ami aikotanv, lok Jezuk sodit-sodit
tache-xim pavlo, kiteak to piddevontank boro kortalo,
ani ken'nach polleunk nasleo-tosle khunna tannim
polleleo. Punn itli lamb vatt chollun, ani bhuken ailea
pasot, Jezuk tankam churchurta, ani kitem khaunk
diunk xisank sangtam, punn te eksure svater, panch
undde ani don maslle bhair, anik kainch naslem. Jezu,
tanche gorzank pavunk vizmit korta. Undde ani
masllio, Bapak ubarun xisank vanttunk dita, ani oxem
panch hozar voir, lokak jevonn diun dhadoxi korta,
anik kainch ibdad korinastana, urleleacheo bara
panttlio bhortat.Amchea Bharotant, xethkamti apleak
bori pik zaunk, dis-rat koxtt kaddta. Dusre vatten,
borem pikek rinn kaddun, farik korunk zaina zaun,
suicide kortat. Kitlo-so lok bhuken morta, zalear kitlo-
so lok Jevnnacho ibadd korta. Amche boxient jevonn
asta, tem amkam favo zaunk, zaiteacho koxtti vaur
misoll asta. Jevnnachem mothv somzum-ia, ani
ibaddche adim bhuken jieteleancho ugddas korum-ia.
Mhozo tharav: Mhojea kutumbant jevnacho ibadd
zaina zaunk xidkaitelim.
66
Sonvar, 25 Abril 2020
Bhag. Marku-Xubhvortomankarachi porob.
Vachpam: 1 Ped 5, 5b-14; St. 88, 2-3. 6-7. 16-17. Mk
16, 15-20.
Mukhel voll: “Somi tanchem utor thiraitalo” (Mk 16:20)
Niyallak adar:Xubhvortomanant, Jezun aplea xisank
ani kherit bhaxen, Markuk aplem utor porgottunk
sonvsarak pattoile. Zaitim loukhik bhavam-bhoinna,
ani kherit amchim tornnattim, aiz aplem tornnatponn,
moujen sarche suater aplem jivit, Devachem utor
dusreank diunk, bharotachea vattarant, hanga thoim
bhonvun khuxalkayen sartat.
Terina Maclon, Americachem ek tornnatem, krizm
ghevun tannem aplea avoi-bapaink sanglem, aplem
xikop korun, apunn bharotant Jezuk porgottunk
vetelem mhonn. 5 vorsam tinnem vavr kelo, odhik
korun koddkaram modhem, nimanne khoim takach
kodd zavun tem melem. Tem oxem udgarlem, aplea
nimannem mornna uprant: “Tornnattea tujem jivit
mouza marun piddear korinaka, punn tujem jivit
Jezuchea vavrak bhettoi. Ji khuxalkai tuka mellta, ti
tuka anik khoinchea-ai sonvsarant mellchina.” Tichem
utor Jezu thiraitalo, uprant khoim zaitim Amerika thaun
bhurgim yevun gelim, ani azun yetat.
Amchem tornnatteachem kitem? amchea ghorant
tornnattim asat. Koslo vavr Jezu khatir tim kortat?
Mobile, internet, instegram, facebook, vapddunk, kitlo
vell amkam asta, punn amcheach somudayant
goribank, gorjevontank ani lhan bhurgeank, Jezuchem
utor vanttunk, ami tankam huskaitat? Jezu bhaxen,
markuchi ani Terinachi, aichea tornnatteank ek dekh.
Mhozo tharav: Aizuch thaun amchea somudayant,
zantteank eksureank hanv bhett ditelim ani Deva utor
sangtelim.
67
Aitar, 26 Abril 2020
Paskancho Tirsro Aitar
Vachpam: D.I. 2, 14. 22-33; St. 15, 1-2a. 5. 7-8. 9-10.
11. 1 Ped 1, 17-21. Luk 24, 13-35.
Mukhell voll: “Hea Jezuk- Devan Purnorjivont kelo ani
ami soglle tache govai” (D.I. 2:32)
Niyallak adar: Paskanchea porbecho tisro aitar ami
manoitanv, Jezuchem jivontponn sonvsarak, xisam
vorvim porgott zait vetalem. Poilea vachpant
Dhormdutanchea Ithihasant, Pedru purnnorjivont
zal'le Jezuk, vhodde urben ani dhiran porgott'ta, tem
amkam aikun mellta. Kristachea rogta vorvim, Devan
amkam, polkea jivitache chalintlim sodoileant mhunn,
Bhagivont Pedru aple Poile chittint amkam ugddas
korta. Aichea xubhvortomant, Emmaus vetele dog xis
niraxi zal'le, ani tancho bhorvanso tuttlolo,
Purnnorjivont zal'lea Jezuchi ollokh zatoch, portun
tancho bhavart, jivo zata tem amkam mellta. Tache
sovem tacheach rogtan, amkam atam mell'li
soddvonn, amchim patkam bhogsun gelim, (Efez 1:7)
zaka Krist mellta, taka novo bhorvanso mellta, Tachea
Jivitanlem niraxiponn pois zata.
Amkam Jezu zai dekhun, Jezu amontronn dhi, amchea
sangata rav mhonn sang. Veg-veglle toren niraxiponn
bitor sorlam, amcher ailole piddek lagon, ghoddiek
kazari jivitant uprastolea tufanak lagon, Tornatteachea
ailolea veg-vegllea proxnnank lagon, tuje dukh, konti,
uske, sogllem Jezuk sang, to tuzo bhorvanso jivo
kortolo, tuje kallokhi vatter tacho uzvadd fanktolo, tujea
bhorvonxeachem kirnn tujea jivitant tuka distelem,
tunch tacho govai zatolo.
Mhozo tharav: Jezuchea Uzvaddan dusreank jivitant
hanv govai zatolom/lim.
68
Somar, 27 Abril 2020
Vachpam: D.I. 6, 8-15; St. 118, 23-24. 26-27. 29-
30. Ju 6, 22-29.
Mukhel voll: “Devak zai toslim kamam korunk
ami kitem korchem?” (Ju 6: 28)
Niyallak adar: Dha mandamentantlo, poilo
mandament mhunnlear, ekleach sorvespora
Devak, pornipatt korun nomoskar korcho, ani
sogllea kallzan tacho mog korcho. Aichea
somazant, zaitea zome bhitor sorleat, ani
Devacher ani saibinnicher vaitt khobro sangun,
lokanchi monam bodlun ani tancho bhavarth
halloun uddoitat. Kaim lok, tanchem aikun aplim
monam bodoltat. Kaim lok, dusream kurddeam
devank buzonk vetat. Punn ami Kristachim, ani
krista sovem ami rigun ravunk zai.
Aichea Xubhvortomanant, Jezuk lok sodunk veta,
kiteak Jezun tanchem sovem, vhodd-vhodd
khunna keleant. Jezun tankam, Jivitacho unddo
favo kelo ani mon'xacho put tankam dilo, karonn
Bapan, khud Devan tacher aplo xik'ko marla.
Hem sogllem polleun ani aikun, Lok Devak
mhunnta, "Devak, zai toslim kamam korunk ami
kitem korchem? (Jn 6: 28). Ten'na Jezu tankam
sangta, Zaka Devan dhaddla, tacher bhavarth
dovrat”, hench tem, Devak zai tem kam”. (Jn
6:29). Tor ami mon'xanim, Ekach Devacher
bhavarth dovrunk zai, ani tachem karia fuddem
vortana, krista sovem rigun ravunk zai.
Mhozo tharav: Ekach Devacher Bhavarth
dhorunk hanv vavurtolim/vavurtolom.
69
Mungllar, 28 Abril 2020
Bhag. Pedru Channel ani
Montfortcho bhag. Louis M. Grignion
Vachpam: D.I. 7, 51---8, 1a; St. 30, 3cd-4. 6ab+7b+8a.
17+21. Ju 6, 30-35.
Mukhel voll:“Hanv jivitacho undo, mhoje-xim ieta taka
bukh lagchina ani mhojer visvas dovorta taka kedinch
tan lagchinam. (Ju 6:35)
Niyallak adar: : Mhojea xezareak ravtale, eke ostorek
havem bhett keli. Ti zaite oddchonek ani akantak
sampodleli. Ticho visvas Devacher khol aslo. Zaiti
Devachea utrachi zannvai, tika khoreponnim asli.
Dusre vatten pollet zalear, hi ostori misache bhettent
vo retirant bhag gheunk, khubuch fattim asli. Dor
aitarak pasun, ti misant vantto ghenasli, apleak zai
ten'nach ken'na misak vetali. Tichea uloupant-lean
oxem distalem, ki aplea-vhonn odhik, bhoktivont
ostori ani nam. Punn tichea jivitant, odchoneacho aslo
ticher bhar.
“Jezu jivitacho unddo”, hem aiz Juanvachea vachpant
amkam spoxttponnim, Jezu ugttem korta. Jezun
ochoriam vismitam kelim, torui lok tache koddlean anik
khunna magtat. Jem sorgar thaun denvta, tench
amkam jivit dita ani toch tho Devacho unddo. Jezu Krist
bapache kuxe pormonnem, sonvsarant ailo ani
amkam khursar morun, novem jivit dilem. Aiz dor eke
ghoddie, ak'khea sonvsarant Jezuchi kudd ani rogot
dor eke misache bhettentlean, sorginchea vhoibhovan
ani Povitr Atmeache bhorten amkam xevunk mevta.
Jezuchi kudd ani rogot amche bhitor ieta ani amkam
bollvont korta.
Mhozo tharav: Jivitachea proxnanim, Jezucher
bhavarth dovrun fuddem vetelim/lom.
70
Budvar, 29 Abril 2020
Siennanchem Bhag. Katarin-dhormodheokx ani
ankvari.
Vachpam: D.I. 8, 1b-8; St. 65, 1-3a. 4-5. 6-7a. ju 6, 35-
40.
Mukhel voll: “Punn ximpoddlolim tim zollim-mollim
Xhubvortoman pogottit gelima.” (D.I.8:4)
Niyallak adar: Bhag. Philaret Moscowchem
mhunnttalem, “Jivem nustem udkachea forsa add
penvta, mel'lem nustem ufeta ani udkache bharin
vanvot veta. Tech porim, niz kristanv piddapid bhogta
astana, legit fuddlim pavlam marta, urlole tem fotkirea
borobor vanvot vetat.” Bhag. Theresa Maria
Khursachi mhunntali, “Dev sant bhokt moddtel ani
chinni gheun toir korta, nhoi pintarpacho brush gheun”
Dhormdutancho itihas, Povitr Sobechea vangddeanni
sonslole piddapidechem chitr, amche mukhar
dovorta. Jezu mhunnta “apleak koxttaila zalear tumkai
koxtoitole, punn tumi dhir sodinakat, apun tumchea
sangata asa mhunn bhasaita”. Aiz piddapid konn
sonsta zait? Zo sot uloita to. Punn Xubhvortomanan,
Jezu amkam asvasonn dita. Aplea Masa-Rogtan,
apunn tumche sovem jieta, tumchea sangat asa, tumi
bheinakat. Tumkam dhorm sompeponni jieun sottea
nam, lonch gheun vavr kortat, sotta khatir zhuztat
tankam nattak kortat, dhomkaitat, bhei nakat. Hanv
tumchea sangata asam. Ani sotha khatir zhuztat
tankam tenko diat, xristi voir vaitt zata tacher zagrutai
haddat. Tumchem karia piddentlean soit Jezuk porgot
korat.
Mhozo tharav: Sota khatir koxttoutat tanche khatir
magtolom/lim
71
Brestar, 30 Abril 2020
Bhag. Pius V
Vachpam: D.I. 8, 26-40; St. 65, 8-9. 16-17. 20. Ju 6,
44-51
Mukhel voll: “Raxttramno, Devachem nanv voir
kaddat, Stuti gazoyat” (St 66:8)
Niyallak adar: Tornnattponnar, tornnatteanchea
retirak kaim bhokti gitantlean, Devak dhinvasunk hanv
xiklem. Katholik Novsornnechea zomeamni, hea
gitacho zaito vapor zata, ani hea gitantlean Devak
vakhannttana, zaiteank pekovnni favo zata, ho-i
mhozo khasgi onnbhov. Oxim, anikui zaitea bhoki
gitam ani gayonam vorvim, Povitr Pustokantlean
legun, amchean Devak vakhannunk zata. Bogor,
bogor Stotrkar, Devachem nanv voir kaddunk apoita
ani kherit bhaxen aiz ulo korta, Raxttramno Devachem
nanv voir kaddat, vhoddllea tallean Tachi stuti gazoiat
(St 66:8). 'Jezu boro gonvlli, kainch maka unne nam'
hem xubhvortomanant Juanv, spoxttponnin Jezuchea
mogachem ani sevechem git gavun dhakoita. Hem git
ami-i, zaum povitr sonvskarak vo misa bhettek gaitanv.
Dor ek Povitr Misachi bhett, dhinvasnnechem bolidan.
Hea vellar amchean vhoddllean zabab diun, gayonam
gaitana Devachi tust korunk zata. Ami sogllim Devachi
bhokti kortelim, dekhun anikui fuddem sangata Deva
mukhar yevunk, aikunk ani vakhannechi utram
sodanch amche jiber asunk. Hem zatana, patkant
poddona zaunk zaitoch adar. Hemvui sot, magnneachi
Dev beporva korina, aplo maiemog pois kaddina,
Tachem nanv vhodd zaum! (St 66:20)
Mhozo tharav: Dhor disak igorjent gaionam choltana,
hanv vhoddlean gaitolim ani Devak vhakanntelim.
72