ZIRLAI 27

PU LLOYD-A (REV. JOHN MEIRION LLOYD)

Chhiar tur : Jn 5:14-18; 2 Tim 4:1-5
Thuhmahruai: Vawiinah hian Zosap missionary-te zinga lehkha ziak tam ber pawl Rev. John Meirion Lloyd-a
chanchin kan zir dawn a ni.
1. A hun hmasa lam: Pu Lloyd-a hi May 4, 1913 khan Wales rama Corris khuaah a piang a, a pa hming chu David
Richard Lloyd a ni a, a nu chu Ruth Lloyd a ni. Unau mipa 3 leh hmeichhia 2 a nei a, a naupan laiin London-ah
kum 1921 khan an pem a ni. Pu Lloyd-a hian engineering a zir hnuin missionary-a kal a duh avangin lehkha a
zir \ha leh a. Kum 1940 khan Aberystwyth Theological College-ah BD a zo a. Thuthlung Thar leh Kristian
Thurinah phei chuan distinction a hmu nghe nghe a ni. Hemi hnu hian Selly Oak College-ah Anthropology a zir
leh bawk.
Missionary atan Sep.17, 1940-ah lak a ni a, Nov. 5, 1941-ah nemngheh a ni. Indopui II-na avang khan
Mizoramah a rawn kal thei lawk lo va, Oct. 28, 1944-ah nupui neiin a nupui neih a\anga a ni nganaah Mizoram
lam panin a rawn chhuak a, a nupui hi lawng ticket an hmuh theih loh vangin a kalsan. Dec. 13, 1944 khan
Durtlang a lo thleng a. A cham muan deuh hnuah Aizawl chu ni 16-ah a lut chauh a ni.
2. A rawngbawlna leh sulhnute: Mizoram a lo thlen hnu chuan Pu Muka hnen ațangin Mizo țawng a zir chawp
a. Mizorama rawng a bawl chhungin hna hrang hrang a thawk a, chungte chu-
(1) Mizo High School Headmastèr hmasa ber a ni: Pu Lloyd-a lo chhuah kum, 1944 January thla khan Aizawlah
Mizo High School an lo din a, Pu Lloyd-a chu 1945 kum bul ațangin Headmaster-ah a \ang nghal a. Kum 5 chhung
he sikulah hian headmaster-ah a țang a ni.
(2) Aijal College-ah zirtirtu leh Principal: Kum 1958 khan Mizorama College hmasa ber, Aijal College ( tuna
Pachhunga University College lo ni ta hi) din a ni a. Zirtirtua rei lo deuh a \an hnuah Pu Lloyd-a chu Principal a
ni a, heng hi an missionary hna baka an thawh a ni. Principal dang Pu Robert-a chah chhuaktu a ni.
(3) Aizawl Theological College: Indopui avang leh harsatna dang avanga Aizawl Theological College kum 1937
a an khar lailawk chu kum 1951 khan Pu Lloyd-a ho hian an hawng thar leh a, Pu Lloyd a chu Principal a ni nghal
a. Amah chauh hi zirtirtu a ni \hin a, a hnu deuhah mi dangin an rawn pui ve ta a, zirlaite nen \ang hovin college
sak hna ngawrh takin a thawk \hin a ni. Kum 1994-a Gospel Centenary kan lawm khan tuna A.T.C. building hi a
hawng nghe nghe a ni.
(4) Kohhran hruai hna: Pu Lloyd-a hi Mizoramah kum 20 a awm hman a, kohhran kaihruaitu pawimawh tak a
ni a; Synod Moderator-ah pawh vawi nga (1948, '54, '58, '59, ‘62) a \ang a ni.
(5) Lehkhabu ziaktu: Pu Lloyd-a hian Mizote tan lehkhabu hlu tak tak a ziak a. Lehkhabu 12 a ziah zingah 9 chu
Mizo \awnga ziah a ni a, Pathian thu, Thurin leh Bible hrilhfiahna an ni hlawm. Sap \awnga a lehkhabu ziah 3
zinga 2 chu Mizoram Kohhran chanchin a ni a, pakhat chu Mizorama missionary-te chanchin a ni. Pu Lloyd-á hi
Mizoram kohhran chanchin Sap \awnga mumal taka ziaktu hmasa a ni.
(6) Mizo Bible a tlangzarh: Mizo \awnga Bible lehlin hna hum rei tak lo kalpui tawh chu Pu Lloyd-a Synod
Moderator a nih kumin zawh fel a ni a. Tichuan, Sep. 9, 1959 khan Mizo Bible chu Pu Lloyd-an a tlangzarh ta a,
hei hi Mizote tana thil chhinchhiah tlak tak a ni.
3. A hun hnuhnung lam: Kum 20 lai Mizorama rawng a bawl hnuin kum 1964 khan Sap ramah a haw a. A haw
hnu hian Bible Society Secretary-ah kum 10 zet a \ang leh a, chumi hnuah Wales hmar lam Rhyl khuaah Pastor
hna a thawk leh. Missionary a\anga a chawlh hnuin kum 1978 khan Mizoram kohhran chanchin a ziak a, chumi
avang chuan M.Th. degree an pe. Kum 1989 leh 1994-ah te Mizoramah a rawn zin leh a ni. Sep. 30, 1998 khan a
thi a, Oct. 4, 1998-ah Mizoramah pawh amah sunna inkhawm hi Mission Veng Biak Inah Synod-in a buatsaih a ni.
Pu Lloyd-a hi lehkhathiam tak a nih avangin Mizote zirna kawnga kan hmasawnna tura nasa taka thawktu
a ni a. A thawk rim em em a, Sap rama a haw hnu thleng pawhin Mizote a ngaihtuah a, kan tan a hlu em em a ni.

Thuvawn: Galatia 2:20 Krista hnenah khen behin ka awm ta; nimahsela, ka nung a ni; keimah erawh chu ka
ni tawh lo, Krista chu keimahah a nung zawk a ni; tin, tunah tisaa ka nung hi rinnaa nung ka ni- Pathian fapa,
mi hmangaiha ka aia inpetu rinnah chuan.