Вы находитесь на странице: 1из 65

ТУЛЬЧИНСКАЯ ЕПАРХИЯ УПЦ

БОЖЕСТВЕННАЯ ЛИТУРГИЯ
СВЯТАГО АПОСТОЛА ИАКОВА,
БРАТА ГОСПОДНЯ ПО ПЛОТИ
(с приложеним хоровой партитуры для мужского хора)

Общая редакция архиепископа Ионафана (Елецких)

2007
ОБЩИЕ УКАЗАНИЯ
На престоле полагается антиминс, крест,
поставляются евангелие и две свечи. Если изволит
Предстоятель, то проскомидия совершается по чину
Божественной Литургии св. Иоанна Златоуста, если же
нет, то Св. Агнцев должно быть уготовано по потребе;
вина влить в большой потир мало, а по входе добавить по
потребе. Дополнительно можно уготовать чаши с вином и
большие дискосы по потребе (покрытые серебром или
золотом блюла) для частиц святого Хлеба. В храме
поставляются седалища для клириков друг против друга,
как в чине омовения ног.
Если вход в храм совершается процессией, то
Предстоятель и клирики облачаются в ризнице вне храма.
Клирики выстраиваются попарно и входят в храм: впереди
свещеносец, за ним иподиаконы с рипидами, диаконы с
кадилами, свечами, священники (младшие впереди).
Последним шествует архиерей с жезлом старой формы
(без «змей» и без сулка).
Предстоятель и все клирики с пением тропаря
праздника или иного песнопения входят в храм и
становятся в притворе храма, как на литии.

ПРЕДСТОЯТЕЛЬ: «Слава в вышних Богу…»


(обиходным напевом).
НАРОД: (продолжает): «…и на земли мир, в
человецех благоволение…» (и поют Великое Славословие
до конца).

ПРЕДСТОЯТЕЛЬ же и клирики покланяются и входят


в алтарь по обычаю и становятся по чину вокруг престола
в подобие буквы «П». Если иереев много – становятся в два
ряда. Диаконы стоят у Царских врат за Предстоятелем.
МОЛИТВА ЛИЧНОГО БЛАГОЧЕСТИЯ

ПРЕДСТОЯТЕЛЬ (тихо читает): Оскверненна


грехми многими, да не презриши мене, Владыко Господи
Боже, наш. Се бо приступих к божественному сему
пренебесному таинству, не яко един есть достоин, но взирая
на Твою благостыню, глас Ти пущаю: «Боже, милостив
буди мне грешному; согреших на небо и пред Тобою, и
несмь достоин воззрети на святую Твою сию и духовную
трапезу, на нейже Единородный Твой Сын и Господь наш
Иисус Христос мною, грешным, и всякою скверною
оскверненным, тайно приносится в жертву». Сего ради Тебе
моление и благодарение приношу, еже ниспослати ми Духа
Твоего Утешителя, укрепляющего мя к Службе сей, и от
Тебя возвещенный ми глас неосужденно проповедати
людем сподоби, чрез Иисуса Христа, Господа нашего, с
Ним же Ты, Отче, благословен еси со Всесвятым, и Благим,
и Животворящим Твоим Духом, ныне и присно, и во веки
веков. Аминь.
ПРЕДСТОЯТЕЛЬ (гласно начальный возглас, осеняя
престол крестообразно св. Евангелием):
Слава Отцу и Сыну, и Святому Духу,
троичному и единичному Свету Божества,
сущаго во Троице единичне и нераздельне,
Егоже славу - небеса поведают,
земля же - Его владычество и море - Его державу,
и всякая чувственная и умная тварь –
Его величество непрестанно проповедает,
яко Тому подобает всякая слава,
честь, держава и великолепие,
ныне и присно и во веки веков.
КЛИРИКИ: Аминь.
ПРЕДСТОЯТЕЛЬ (гласно): Благодетелю и Царю
веков, и всея твари содетелю, приими приходящую чрез
Христа Твоего Церковь Твою, коемуждо полезное исполни,
приведи всех в совершение и достойны нас соделай
благодати освящения Твоего, совокупляя нас во святую
Твою Соборную и Апостольскую Церковь, юже стяжал еси
честною кровию Единородного Сына Твоего, Господа и
Спаса нашего Иисуса Христа, с Ним же благословен еси,
со Пресвятым и Благим и Животворящим Твоим Духом
ныне и присно, и во веки веков. Аминь.
ДИАКОН: Благослови, блаженнейший Отче, кадило.

МОЛИТВА БЛАГОСЛОВЕНИЯ КАДИЛА.


ПРЕДСТОЯТЕЛЬ (тихо): Боже, приемый Авелевы
дары, Ноеву и Авраамову жертву, Аароново и Захариино
кадило, приими и от рук нас, грешных, кадило сие во
благоухание духовное и во оставление грехов наших и всех
людей Твоих. Яко благословен еси и подобает Тебе слава -
Отцу и Сыну, и Святому Духу - ныне и присно, и во веки
веков. Аминь.
И совершает каждение престола, алтаря,
иконостаса, клириков и народа по обычаю,
НАРОД: «СЛАВА, И НЫНЕ. ЕДИНОРОДНЫЙ
СЫНЕ" (и поет тропарь по потребе на каждение
алтаря, иконостаса и народа).
По окончании каждения читает молитву по входе в
алтарь:
ПРЕДСТОЯТЕЛЬ: Боже Вседержителю,
великоимените Господи, давый нам вход во Святое Святых
пришествием Единородного Твоего Сына, Господа и Бога
нашего Иисуса Христа, молим и просим Твою благостыню,
понеже престрастны и трепетны есмы, хотяще предстати
святому Твоему жертвеннику: низпосли на нас, Боже,
благодать Твою благую, и освяти наши души и телеса и
души, и обрати помыслы наши ко благочестию, да в чистой
совести принесем Тебе дары, даяния, плоды во потребление
согрешений наших и во умилостивление за все люди Твоя.
Благодатию и щедротами и человеколюбием
Единородного Сына Твоего, с нимже благословен еси во
веки веков.
КЛИРИКИ: Аминь.
ВЕЛИКАЯ ЕКТЕНИЯ
ДИАКОН (лицем к народу): Миром Господу
помолимся.
НАРОД: Господи, помилуй (на каждое прошение).
- О ниспослании Превышняго Мира и Божием
человеколюбии Господу помолимся.
- О мире всего Мира и о единении святых Божиих Церквей
Господу помолимся.
- О спасении и заступлении блаженнейшего отца и
(архи)епископа нашего (имя епархиального архиерея), о
всем клире и о всех христолюбивых людех, Господу
помолимся.
- Пресвятую, пречистую, преславную благословенную
владычицу нашу Богородицу и Приснодеву Марию, святаго
Иоанна - славнаго пророка, предтечу и крестителя,
божественныя и всехвальныя апостолы Петра и Павла, и
прочих святых апостолов, славныя пророки и
добропобедныя мученики, вся святыя и праведныя
помянем, яко да молитвами их и предстательствами вси
помилованы будем.
НАРОД: Господи, помилуй.
ДИАКОН: Премудрость, станем благоговейно,
вонмем.
Диаконы во время произнесения Предстоятелем
молитв поворачиваются лицем к алтарю.

МОЛИТВА НА ТРИСВЯТОЕ ПЕНИЕ


ПРЕДСТОЯТЕЛЬ: Щедре и милостиве,
долготерпелевый, многомилостивый и истинный Господи!
Призри от Святаго жилища Твоего и услыши нас,
молящихся Тебе, и избави нас от всякого искушения
диавольского же и человеческого, и не отстави от нас
помощь Твою, ниже тягчайшия силы нашея наказания не
наведи на нас, не довольны бо есмы побеждати противныя.
Ты же силен еси, Господи, во еже спасати нас от всех
противлений. Спаси нас, Боже, от бедствий мира сего по
благости Твоей, яко, да вошедше в чистой совести ко
святому Твоему жертвеннику, блаженную и Трисвятую
песнь с пренебесными силами неосужденно возслем Ти и,
благоприятную и божественную совершив Службу,
сподобимся вечныя жизни. Яко свят еси, Господи Боже
наш, и во святых обитаеши и почиваеши, и Тебе славу и
трисвятую песнь возсылаем, Отцу и Сыну и Святому
Духу, ныне и присно, и во веки веков.
НАРОД: Аминь. «Святый Боже» (знаменным
роспевом).
ДИАКОН (перед заключительным «Святый Боже»)
возглашает: Динамис! (Громче!).
Совершается исхождение клириков на середину храма
для чтения Слова Божия и слушания проповеди. Младшие
клирики идут первыми. Два старших священника износят
Апостол и Писания Пророческие. За ними шествует
Предстоятель с Евангелием на правом плече и жезлом в
правой руке, за ним идут диаконы. На уготованные
аналогии возлагаются книги. Для архиерея предварительно
поставляется седалище, как для чина умовения ног (лицом к
народу). Архиерей сидит с жезлом. Все клирики восседают
на уготованные седалища для слушания Священного
Писания. Диаконы становятся по обе стороны седалища
архиерея лицом к народу.
ПРЕДСТОЯТЕЛЬ (по окончании «Святый Боже): Мир
всем.
НАРОД: И духови твоему.
Учиненный чтец, благословившись от Предстоятеля,
приемлет книгу Писаний Пророческих, становится по
правую руку Предстоятеля, лицом к народу и возглашает
«Аллилуя».
ЧТЕЦ: (поёт) Аллилуйа, аллилуйа, аллилуйа
(киевским распевом).
НАРОД : Аллилуйа (мерно, трижды).
ЧТЕЦ: Святаго пророка Исаии чтение.
ДИАКОН: Вонмем.
Читается пророческое чтение. По окончании чтения
книга Писаний Пророческих вновь полагается на аналогий,
а народ начинает петь « Аллилуя».
НАРОД: Аллилуйа (трижды).

МОЛИТВА НА ЧТЕНИЕ ЕВАНГЕЛИЯ


ПРЕДСТОЯТЕЛЬ (после пения «Аллилуйя» гласно):
Осияй сердца наши, Человеколюбче Владыко, Нетленным
Светом Твоего Богоразумия и духовныя наши отверзи очи
во евангельских Твоих проповеданий разумение. Вложи в
нас и страх пред блаженными Твоими заповедями, да
плотския похоти вся поправше, духовное жительство
пройдем во всем ко благоугождению Твоему и
мудрствующе и деюще. Ты бо еси просвещение душ и
телес наших, Христе Боже, и Тебе славу возсылаем, со
Безначальным Твоим Отцем, и Всесвятым и Благим и
Животворящим Твоим Духом, ныне и присно и во веки
веков. Аминь.
СТАРШИЙ ДИАКОН: Возстанем. Услышим святаго
Евангелия. (Все клирики встают).
ДИАКОН: От (имя рек) святаго Евангелия чтение.
Внемлем святому чтению.
По окончании чтения Евангелие полагается вновь на
аналогий.
НАРОД: Аллилуия (трижды).
ЧТЕЦ: Послания святаго апостола (имя рек) чтение.
ДИАКОН: Вонмем.
Читается апостольское послание. Клирики сидят. По
окончании чтения поётся «Аллилуя».
НАРОД: Аллилуия (трижды) .
Архиерей и клирики вновь возседают на седалища.
Предстоятель (сидя) поучает народ (проповедует).
По окончании проповеди все встают. Духовенство и
народ поют тропарь праздника (гласовым напевом).
Седалища Предстоятеля и пресвитеров уносятся. Два
старших священника берут богослужебные книги (Писание
Пророческие и Апостол). Предстоятель приемлет от
диакона святое Евангелие и все клирики направляются в
алтарь.
Диаконы в алтарь не заходят, но остаются на солее,
совершают крестное знамение и поворачиваются лицом к
народу. Затем по старшинству начинают почерёдно
произносить ектению. По входе в алтарь Евангелие
поставляется на середину престола, остальные
богослужебные книги поставляются в учиненные места.
ДИАКОН (лицем к народу): - Возгласим вси:
«Господи, помилуй».
НАРОД: Господи, помилуй (на каждое прошение).
- Господи, Вседержителю Пренебесне, Боже отец наших,
молимтися, услыши и помилуй.
- О умирении всего Мира и о единении во Христе всех
святых Церквей, помолимся.
- О спасении и заступлении блаженнейшаго отца и
(архи)епископа нашего (имя епархиального епископа), о
всем причте и о христолюбивых людех, помолимся.
- О еже избавитися нам от всякия скорби, угроз, беды
и принуждения, пленения, горькия смерти и беззаконий
наших помолимся.
- О предстоящих людех, ожидающих от Тебя богатыя
и великия милости, молим Тя, буди милосерд и помилуй.
НАРОД: Господи, помилуй
ПРЕДСТОЯТЕЛЬ (осеняя народ десницей
возглашает):
Спаси, Боже, люди Твоя и благослови достояние
Твое.
НАРОД: Господи, помилуй
ДИАКОН: Призри на Мир Твой милостию и
щедротами, вознеси рог христианский, силою чеснаго и
животворящего креста, молитвою пресвятыя,
благословенныя Владычицы нашея Богородицы, предтечи и
апостолов Твоих, и всех святых Твоих, молим Тя,
многомилостиве Господи, услыши нас, молящихся Тебе,
и по-ми-луй.
НАРОД: Господи, помилуй (трижды, как на «Спаси
Боже»).
Диаконы стоят лицом к алтарю.
ПРЕДСТОЯТЕЛЬ (гласно, нараспев): Боже,
огласивший нас божественными и спасительными Твоими
словесами, просвети души нас, грешных, к восприятию
прежде чтенного, яко да не токмо слышатели явим себе
духовных речений, но и творцы деяний благих, содержащия
веру нелицемерну, живот незазорен, жительство неукорно,
во Христе Иисусе Господе нашем, с Нимже благословен
еси, со Всесвятым и Благим и животворящим Твоим Духом,
ныне и присно и во веки веков. Ты бо еси благовестие и
просвещение, Спас и Страж душ наших, Боже, и
Единородный Твой Сын, и Дух Твой Всевятый, ныне и
присно, и во веки веков.
НАРОД: Аминь.
Диаконы стоят лицом к народу
ДИАКОН: Возгласим вси : «Господи, помилуй».
НАРОД: Господи, помилуй (одно на каждое
прошение)
- Господи, Вседержителю Пренебесный, Боже отец
наших, молим Ти ся, услыши и помилуй.
- День весь совершен, свят, мирен и безгрешен прейти
у Господа просим.
НАРОД (на каждое прошение): Подай, Господи
- Ангела мирна, верна наставника, хранителя душ и
телес наших у Господа просим.
- Прощения оставления грехов и прегрешений наших у
Господа просим.
- Добрых и полезных душам нашим, и мира Мирови у
Господа просим.
- Оставшееся нам время жития нашего в мире, здравии
и покаянии скончати, у Господа просим.
- Христианския кончины жития нашего неболезненны,
непостыдны, мирны и добраго ответа на страшном и
трепетном Судищи Христовом просим.
- Пресвятую, пречистую, преславную благословенную
владычицу нашу Богородицу и Приснодеву Марию, святаго
Иоанна - славнаго пророка, предтечу и крестителя,
божественныя и всехвальныя апостолы Петра и Павла, и
прочих святых апостолов, славныя пророки, и
добропобедныя мученики и вся святыя и праведныя
помянувше, сами себе и друг друга и весь живот наш
Христу Богу предадим.
НАРОД: Тебе, Господи.
Диаконы стоят лицом к алтарю.
Предстоятель во время чтения ектении раскрывает
св. антиминс.
ПРЕДСТОЯТЕЛЬ: Владыко животворче и благих
подателю, давый человекам блаженную надежду жизни
вечныя, Господа нашего Иисуса Христа! Сподоби нам,
Блаже, во освящении и сию Ти божественную совершати
Службу, в наслаждении хотящего быти блаженства.
Распевно.
Яко под державою Твоею всегда храними и во свет
истины путеводими, Тебе славу воссылаем, Отцу и
Сыну и Святому Духу, ныне и непрестанно, и во веки
веков.
НАРОД: Аминь.
Диаконы стоят лицом к народу и поочерёдно
возглашают:
ДИАКОН:
В мире духовнем, да воспоем Христу.
Оглашеннии изыдите.
Блюдите, вернии, друг друга,
дабы не пребыл бы с нами кто от оглашенных
и крещением непросвященных,
да никто от отлученных и запрещенных,
от немогущих молитися с нами.
Блюдите двери со тщанием.
Возстанем вси во страсе и благоговении. Двери
блюдите. Возстаньте вси.
Диаконы входят во святый алтарь.

ЛИТУРГИЯ ВЕРНЫХ
Учиненные КЛИРИКИ или НАРОД начинают «косно»
петь первую часть тропаря: "Да молчит всякая плоть
человеча и да стоит со страхом и трепетом…".
Совершается Великий вход с чашей, дискосом и
уготованными Св. Дарами.

ВЕЛИКИЙ ВХОД.
В начале процессии стоят (попарно) иподиаконы со
свечёй и жезлом, потом рипидчики. Предстоятель,
пресвитеры и диаконы, облобызав св. престол,
направляются к жертвеннику. Совершается каждение
Святых Даров по обычаю. Два старших священника
приемлют от Предстоятеля чашу и дискос. Диаконы
первыми и священники исходят из придела Царскими
вратами (младшие впереди). Вся процессия по греческому
чину шествует вдоль северной стороны храма затем,
развернувшись у главного входа, направляется к Царским
вратам. Диаконы и иподиаконы заходят в алтарь
боковыми дверями. Епископ стоит в Царских Вратах с
кадилом и затем совершает каждение Св. Даров.
ИЕРЕЙ (с чашей): Архиерейство твое да помянет
Господь Бог во Царствии Своем, всегда, ныне и присно, и
во веки веков.
ПРЕДСТОЯТЕЛЬ:
Священство и диаконство ваше да помянет Господь
Бог во Царствии Своем, всегда, ныне и присно и во веки
веков. Аминь.
ПРЕДСТОЯТЕЛЬ (лицом к народу) читает МОЛИТВУ
ПРЕДЛОЖЕНИЯ, которую держит пред его очами
книгодержец:
ПРЕДСТОЯТЕЛЬ: Боже, Боже наш, небесный Хлеб,
пищу всему миру, Господа нашего Иисуса Христа
пославый, Спаса, и Избавителя, и благодетеля,
благословяща и освящающа нас, (принимает на руки
сразу и чашу, и дискос, приподнимает горе) Сам
благослови Предложение сие и приими его на
Вышенебесный Твой Жертвенник. Помяни, яко благ, и
Человеколюбец, принесших и ихже ради принесоша, и нас
неосужденны сохрани во священодействии Божественных
Твоих Таин. Яко святися и прославися пречестное и
великолепое имя Твое, Отца и Сына и Святаго Духа,
ныне и присно, и во веки веков.
КЛИРИКИ ИЛИ НАРОД: Аминь. И начинают петь
вторую часть тропаря Великого входа: «Предходят же
сему лицы ангельстии…».
Предстоятель направляется к престолу, поставляет
чашу и потир по обычаю. Клирики входят в алтарь
Царскими вратами.
Архиерей кадит Святые Дары на св. Престоле и
читает (вполголоса) молитву на поставление Св. Даров на
престол:
ПРЕДСТОЯТЕЛЬ:
Владыко Вседержителю, Царю Славы, ведающий о
всех, прежде бытия их! Прииди к нам во святый час сей,
призывающим Тя, и избави нас от срама греховного, очисти
наш ум и помышления от нечистых похотей и мирския
прелести, и от всякаго действа диавольскаго, и приими от
рук нас, грешных, фимиам сей, якоже приял еси
приношение Авелево и Ноево, и Аароново, и всех святых
Твоих, избавляя нас от всякаго деяния лукаваго и спасая во
еже всегда благоугождати и поклонятися, и славити Тебе,
Отца и Единородного Твоего Сына, и Духа Твоего
Всесвятаго, ныне и присно, и во веки веков.
Боже и Владыко всех, достойными нас соделай часа
сего, недостойных, да очистившися от всякаго коварства и
лицемерия, соединимся друг другу союзом любве и мира,
утверждены Твоего боговедения священием, ради
Единородного Твоего Сына Иисуса Христа, с Нимже
благословен еси со Пресвятым и Благим, и Животворящим
Твоим Духом ныне и присно, и во веки веков. Аминь.
Диаконы исходят из Царских врат и стоят лицем к
народу.
ДИАКОН: Возлюбим друг друга лобзанием святым.
ПРЕДСТОЯТЕЛЬ И КЛИРИКИ: Возлюблю Тя
Господи, крепосте моя,/ Господь – утверждение и
прибежище, / и избавитель мой/ (глас 8).
Клирики по обычаю совершают "Лобызание мира".
НАРОД: Верую во единаго Бога Отца, вседержителя,
Творца небу и земли, видимым же всем и невидимым. И во
единаго Господа Иисуса Христа, Сына Божия,
единороднаго, иже от Отца рожденнаго прежде всех век.
Света от Света, Бога истинна от Бога истинна, рожденна,
несотворенна, единосущна Отцу, Имже вся быша. Нас ради
человек и нашего ради спасения сшедшаго с небес. И
воплотившагося от Духа Свята и Марии Девы, и
вочеловечшася. Распятаго же за ны при Понтийстем
Пилате, и страдавша, и погребенна. И воскресшаго в третий
день по Писанием. И возшедшаго на небеса, и седяща
одесную Отца. И паки грядущаго со славою, судити живым
и мертвым, Егоже Царствию не будет конца. И в Духа
Святаго, Господа животворящаго, иже от Отца исходящаго,
иже со Отцем и Сыном спокланяема и сславима,
глаголавшаго пророки. Во едину, святую, соборную и
апостольскую Церковь. Исповедую едино крещение, во
оставление грехов. Чаю воскресения мертвых: И жизни
будущаго века. Аминь.
ДИАКОН: Главы наша Господеви приклоним.
НАРОД: Тебе, Господи.
Диаконы стоят лицем к алтарю.
ПРЕДСТОЯТЕЛЬ (гласно, преклонив мало главу):
Едине Господи и милостиве Боже, преклоньшим главы своя
пред святым Твоим жертвенником и просящим у Тебя
духовные дары, ниспошли благодать Твою благую, и
благослови всех нас всяким благословением духовным и
неотъемлемым, Иже в вышних Живый и на смиренныя
призираяй. Яко хвально и поклоняемо, и прославлено
есть имя Твое, Отца и Сына и Святаго Духа, ныне и
присно и во веки веков.
НАРОД: Аминь.
ДИАКОН: Владыко, благослови.
ПРЕДСТОЯТЕЛЬ (распевно): Господь да благословит
нас и да поспешит нам, и достойны сотворит нас
предстояния святаго Своего Жертвенника и пришествия
Святаго Своего Духа Своею благодатию и человеколюбием
(осеняет Святые Дары) всегда, ныне и присно, и во веки
веков. НАРОД: Аминь.
ПРЕДСТОЯТЕЛЬ:
Слава в вышних Богу, и на земли мир, в человецех
благоволение(3 раза).
Господи, уста мои отверзеши и уста моя возвестят
хвалу Твою (2 раза).
Да исполнятся уста моя хваления Твоего, Господи, яко
да воспою славу Твою, весь день великолепие Твое (1 раз).
ПРЕДСТОЯТЕЛЬ: Возлюбите Господа со мною/ и
воспоем Имя Его вкупе (во глас 8).
КЛИРИКИ: Дух Святый найдет на тя / и сила
Вышняго осенит тя (во глас 8 или особым напевом).
Диаконы лицем к народу произносят поочерёдно
прошения.
ДИАКОН: - Миром Господу помолимся.
НАРОД (за каждым прошением): Господи, помилуй
- Спаси, сохрани и ущедри нас, Боже, Твоею
благодатию
- О ниспослании Превышнего Мира, о Божием
человеколюбии и о спасении душ наших Господу
помолимся.
- О умирении всего Мира и единении святых Божиих
церквей, Господу помолимся.
- О святей Соборней и Апостольстей Церкви, по всем
концем земли сущей Господу помолимся.
- О спасении и заступлении блаженнейшего отца и
(архи)епископа нашего (имя епархиального архиерея), о
всем причте и христолюбивых людех, Господу помолимся.
- О стране нашей и воинстве ея, и о еже с небесе
помощи и победе, Господу помолимся.
- О граде нашем, всяком граде и стране, и о иже в
православной вере и благочестии Божии живущих в них, о
мире и безмятежии их, Господу помолимся.
- О плодоносящих и добродеющих во святых Божиих
церквах, и о поминающих убогих, вдовиц и сирот,
бездомных и в нужде сущих, и о заповедавших нам
молитися о них, Господу помолимся.
- О еже в старости и в немощи сущих, болящих,
труждающихся, и от духов нечистых стужаемых, и о еже от
Бога скором исцелении и спасении их, Господу помолимся.
- О еже в девстве и целомудрии, и в честнем браце
пребывающих, и о еже в горах, вертепах и пропастех
земных подвизающихся преподобных отцех и братиях,
Господу помолимся.
- О плавающих, путешествующих, и о еже в пленении
и изгнании, и в темницах и в тяжком рабстве и в пленении
сущих христианстих братиях наших, и мирном
возвращении коегождого в дом его с радостию Господу
помолимся.
- О предстоящих и сомолящихся нам в час сей
святый и во всякое время, об отцех и братиях, о трудах и
усердии их, Господу помолимся.
- О всякой душе христианстей, скорбящей и
озлобленней, милости Божия и помощи требующей, и о
обращении заблудших, здравии болящих, и о упокоении
преждепочивших отец и братий, Господу помолимся.
- О оставлении грехов и прощении согрешений
наших, и о еже избавитися нам от всякия скорби, гнева,
беды и нужды, Господу помолимся.
- О благорастворении воздухов, о временех
мирных, о дождех и росах благих, о изобилии плодов, о
совершенном плодородии и о благом венце лета, Господу
помолимся.
- О еже услышану быти молению нашему пред
Богом и ниспослатися нам богатым милостем и щедротам
Его, Господу помолимся.
- Пресвятую, пречистую, преславную благословенную
Владычицу нашу Богородицу и приснодеву Марию, святых
и блаженных Иоанна, славнаго пророка, предтечу и
крестителя, святых апостолов Петра и Павла и прочих
апостолов, Стефана перводиакона и первомученика,
пророков Моисеа, Аарона, Илию, Елисея, Самуила,
Даниила, Давида и вся святыя и праведныя помянем, яко да
молитвами и молениями их, и предстательствами вси
помилованы будем.
О предлежащих честных и пренебесных,
неизреченных, пречистых, славных, страшных, ужасных
божественных Дарех, и о спасении предстоящего и
приносящего сия честнаго отца нашего и (архи)епископа
(имя епархиального архиерея), Господа Бога мо-лим
(возвышая голос).
НАРОД: Господи, помилуй (трижды).
Иподиаконы износят пред Царские врата чашу для
умовения рук и кропило. Предстоятель, измыв руки, чтет
«в себе» сии молитвы:
ПРЕДСТОЯТЕЛЬ (во время возглашения ектении
читает молитвы сия):
Призревый на нас милостию и щедротами, Владыко
Господи, и даровавый дерзновение нам смиренным и
грешным и недостойным рабом Твоим предстояти святому
Твоему жертвеннику и приносити Тебе страшную сию и
безкровную жертву о наших гресех и людских неведениих,
призри на мя, непотребного раба Твоего, и изглади моя
прегрешения благоутробия ради Твоего, и очисти моя уста
и сердце от всякия скверны плоти и духа, и остави от мене
всякий промысел срамный же и неразумный, и призови мя
силою Всесвятаго Твоего Духа в службу сию, и приими мя
ради Твоея благости, приближающагося святому
жертвеннику, и благоволи, Господи, приятным быти
приносимым Тебе даром сим руками нашими, снисходяще
моим немощем, и не отвержи мене от лица Твоего, ниже
возгнушайся моего недостоинства, но помилуй мя, Боже, и
по множеству щедрот Твоих презри беззакония моя, яко да
неосужденно, пришед пред Славу Твою, сподоблюся
покрова Единородного Твоего Сына и озарения Всесвятаго
Твоего Духа, и не яко раб греха отвержен буду, но яко раб
Твой обрету благодать и милость, и оставление грехов, в
сем и будущем веце. Ей, Владыко Вседержителю,
всесильный Господи, услыши моление мое: Ты бо еси вся
действуяй во всех и от Тебе вси чаем во всех помощи же и
заступления, и от Единородного Твоего Сына, и
животворящего Духа, ныне и присно, и во веки веков.
Аминь.
Далее присовокупляет и сию:
Боже, иже ради многаго Твоего ради и неизреченного
человеколюбия ниспославый Единородного Сына Твоего в
мир, да заблудшее возвратит овча, не отвратися нас
грешных, вручающим Ти страшную сию и бескровную
жертву: не бо на правды наша уповаемы есмы, но на
милость Твою благую, еюже наш род соблюдаеши. И ныне
молимся и просим Твою благостыню: да не будет во
осуждение людем Твоим устроенное нам сие ко спасению
таинство, но во оставление грехов, во обновление душ и
телес, во благоугождение Тебе, Богу и Отцу.
Далее присовокупляет и сию:
Господи Боже наш, создавый нас и введый в сию
жизнь, показавый нам пути во спасение, даровавый нам
небесных таин откровение! Ты бо еси положивый нас в
службу сию, силою Духа Твоего Святаго. Благоволи убо,
Господи, быти нам служителем Новаго Твоего Завета,
слугам Святых Твоих Таинств; приими нас,
приближающихся Святому Твоему Жертвеннику, по
множеству милости Твоея, да будем достойны приносити
Тебе словесную сию и безкровную жертву о наших
согрешениих и людских невежествиих; юже приемь во
святый и пренебесный, и мысленный Твой жертвенник в
воню благоухания, возниспосли нам благодать Святаго
Твоего Духа. Призри на нас, Боже, и виждь на службу сию
нашу, и приими ю, якоже приял еси Авелевы дары, Ноевы
жертвы, Авраамова всеплодия, Моисеова и Ааронова
священства, Самуилова мирныя. Якоже приял еси от
Святых Твоих Апостол истинную сию службу, тако и от рук
нас, грешных, приими Дары сия во благости Твоей,
Господи; яко да, сподобльшеся служити без порока Святому
Твоему Жертвеннику, обрящем мзду верных и мудрых
строителей в день страшный воздаяния Твоего праведнаго.
Далее присовокупляет и сию молитву (за завесой).1
Благодарим Тя, Господи Боже наш, яко дал еси нам
дерзновение во входе святых, егоже обновил еси нам путь
новый и живый чрез завесу плоти Христа Твоего.
Сподобившеся же внити на место селения Славы
Твоея, внутрь же быти завесы и Святая Святых зрети,
припадаем благостыне Твоей, Владыко.
Помилуй нас, ибо пристрашни и трепетни есмы,
хотяще предстояти святому Твоему жертвеннику, и
приносити Тебе страшную сию и бескровную жертву о
наших гресех и людских неведениих. низпосли на нас Боже,
благодать Твою благую, и освяти души и телеса и дуси, и
премени помышления наша ко благочестию, яко да чистой
совестию принесем Тебе милость, мир, жертву хваления.
Милостию и щедротами Единородного Сына Твоего, с
нимже благословен еси со Пресвятым и благим, и
животворящим Твоим Духом, ныне и присно и во веки
веков. Аминь.

АНАФОРА
(молитва освящения Святых Даров)
ПРЕДСТОЯТЕЛЬ: Мир всем!
НАРОД (хор): И духови твоему.
ДИАКОН (лицом к народу): Станем благообразно.
Станем благочестно. Станем со страхом Божиим и
сокрушением. Вонмем! Святое Возношение в мире Богу
принесем - …
НАРОД: (отвещавает или же поет). - … (Яко)
Милость Мира, Жертву хваления.

1
(Историческое примечание: в древности завеса свешивалась с великой сени (балдахина) над
престолом, закрывая собой святыню от излишних взоров. За завесу для освящения Св. Даров
входил Предстоятель.Читалась особая молитва завесы. С появлением иконостаса завесу
переместили на Царские врата. О входе за завесу ныне напоминает литургический обычай
«вхождения» Предстоятеля под великий покровец (воздух), которым клирики «навевают» над
архиереем и Святыми Дарами, воспоминая этим действием «дыхание бурное, как бы от
несущегося ветра», - огненную благодать Святого Духа, сошедшую на св. Апостолов в день
Пятидесятницы)
ПРЕДСТОЯТЕЛЬ (тихо): Ты, знаменательно
одевающий священнодействие покровом гаданий, ныне,
открыв, его ясно покажи нам, и умные очи наша
необыменного Твоего света исполни, и, очистив нищету
нашу от всякия скверны плоти и духа, достойны соделай
нас страшнаго сего и ужаснаго предстояния, яко
премилосерд и милостив Бог еси, и Тебе славу воссылаем,
Отцу и Сыну и Святому Духу, ныне и присно и во веки
веков.
ПРЕДСТОЯТЕЛЬ (лицом к народу):
Любовь Бога и Отца, и благодать Господа и Бога, и
Спаса нашего Иисуса Христа, и содействие и Дар
Всесвятаго Духа, буди со всеми вами.
НАРОД (отвещавает): И со духом твоим.

ПРЕДСТОЯТЕЛЬ: Ко горнему возвысим ум и


сердца.
НАРОД: Мы ими - во Господе.
ПРЕДСТОЯТЕЛЬ: Возблагодарим Господа.
НАРОД: Достойно и праведно.
ПРЕДСТОЯТЕЛЬ (во услышание): Воистину достойно
есть и праведно, лепо же и потребно, Тя хвалити, Тя пети,
Тебе кланятися, Тебе славословити, Тебе благодарити
всякия твари видимыя и невидимыя содетеля, сокровище
вечных благ, источника жизни и бессмертия, всяческих Бога
и Владыку, Егоже поют небеса и небеса небес, и вся силы
их, солнце и луна, и весь звездный лик, земля, море и вся,
яже в них, Иерусалим пренебесный, собор избранных,
Церковь перворожденных, написанных на небесех, дуси
праведных и пророк, души мученик и апостол, ангелы,
архангелы, престолы, господствия же и власти, и силы
страшныя, херувими многоочитии и шестокрилатии
серафими, иже двема крилама покрывают лица своя, двема
же ноги и двема летающе, взывают друг ко другу
неусыпными усты, немолчными славословеньми, (нараспев)
победную песнь великолепныя Твоея Славы радостным
гласом поюще, вопиюще, взывающе и глаголюще.
НАРОД (глас 6): Свят, Свят, Свят Господь Саваоф/,
исполнь небо и земля славы Твоея. / Осанна в вышних,/
благословен Грядый во имя Господне/, осанна в
вышних/.
ПРЕДСТОЯТЕЛЬ: Свят еси, Царю Веков и всякия
святыни Господи и Подателю. Свят и Единородный Твой
Сын, Господь наш Иисус Христос, Имже вся сотворил еси.
Свят же и Дух Твой всесвятый, проницаяй всяческая, и
глубины Твоя, Бога и Отца. Свят еси всесильне, страшне,
блаже, благоутробне, наипаче состраждаяй созданию
Твоему, сотворивый от земли человека по образу Твоему и
подобию и даровавый ему наслаждение райское,
преступивша же заповедь Твою и, отпадша, сего не презрел
еси, ниже оставил еси, блаже, но наказал еси его яко
благоутробный Отец, призвал еси его чрез закон, наздал еси
его чрез пророки, последи же единородного Твоего Сына,
Господа нашего Иисуса Христа ниспослал еси в мир, да
Сам пришед, Твой обновит и возставит образ. Иже сошед с
небесе и и воплощься от Духа Свята и Марии Приснодевы и
Богородицы, споживе же человеком, вся устрои ко
спасению рода нашего. Хотяще же вольную и
животворящую смерть крестом прияти, в нощь, в ню же
предаящеся, паче же Сам Себе предаяше за мира жизнь и
спасение, прием хлеб во святыя и безсмертныя Своя руки,
воззрев на небеса и показав Тебе Богу и Отцу, благодарив,
благословив, освятив, преломив, даде святым и блаженным
Своим учеником и апостолом, и возгласил:
(Показующе сослужащим дискос, произносит
Христовы словеса):
"Приимите, ядите, сие есть Тело Мое, еже за вы
ломимое во оставление грехов.
НАРОД: Аминь.
ПРЕДСТОЯТЕЛЬ: Такожде по вечери, прием чашу и
растворив вино водою, зряща на небеса, показав Тебе Богу
и Отцу, возблагодарив, освятив, исполнив Духа Свята, даде
святым и блаженным Своим учеником и Апостолом,
возгласил:
(и, показующе сослужащим):
"Пийте от нея вси: сия есть Кровь Моя Новаго
завета, яже за вы и за многи изливаемая и предаваемая
во оставление грехов.
НАРОД: Аминь.
ПРЕДСТОЯТЕЛЬ: Сие творите в Мое воспоминание:
ибо, егда ясте хлеб сей и чашу сию пиете - смерть Сына
Человеческаго возвещаете и воскресение Его исповедуете,
дондеже приидет ».
Диакон из Царских врат лицем к народу возглашает:
ДИАКОН: Веруем и исповедуем.
КЛИРИКИ: Смерть Твою, Господи, возвещаем/ и
воскресение Твое исповедуем (во глас 8 ).
ПРЕДСТОЯТЕЛЬ: Поминающих нас, грешных,
животворящия Его страдания, спасительный крест, и
смерть, и погребение, и тридневное воскресение, и еже на
небеса восхождение, и одесную Тебе Бога и Отца седение, и
еже второе славное и страшное Его пришествие, егда
приидет со славою судити живыя и мертвыя, егда хощет
коемуждо воздати по делом Его, - пощади нас, Господи
Боже, наипаче по милосердию Твоему, приносим Ти,
Владыко, страшную сию и безкровную Жертву, моляще, да
не по грехом нашим, ниже по беззаконием нашим воздаси
нам, но по Твоему снисхождению и неизреченному Твоему
человеколюбию презрев и изгладив еже о нас рукописание
Тебе молящихся. Подай нам небесныя и вечныя Твоя
дарования, ихже око не виде, ухо не слыша и на сердце
человеческое не взыде, яже уготова Бог дюбящим Тя, и не
ради грехов моих отринеши люди Твоя, человеколюбче
Господи.
ПРЕДСТОЯТЕЛЬ: Людие бо Твои / и Церковь Твоя
молят Тя (глас 8).
КЛИРИКИ И НАРОД: (в тойже глас): Помилуй нас,
Господи Боже наш,/ Отче Вседержителю (и паки
повторяется трижды).
ПРЕДСТОЯТЕЛЬ: Помилуй нас, Боже Вседержителю,
помилуй нас Боже, Спасителю наш, помилуй нас, Боже, по
велицей милости Твоей и низпосли на нас и на
предлежащия Святыя Дары сия Духа Твоего
Всесвятаго, Господа Животворящего, сопрестольного
Тебе, Богу и Отцу и Единородному Твоему Сыну,
соцарственного, единосущнаго же и совечнаго,
глаголавшего законом и пророки и Новым Твоим заветом,
сошедшаго в виде голубине на Господа нашего Иисуса
Христа во Иордане реце и пребывающаго на Нем,
сошедшаго на святыя Твоя апостолы в виде огненных язык
в горнице святаго и славнаго Сиона в день святыя
Пятидесятницы - сего Духа Твоего Всесвятаго низпосли,
Владыко, на нас и на предлежащия Святыя Дары сия,
да посетив святым и благим и славным Своим наитием
освятит И СОТВОРИТ ХЛЕБ УБО СЕЙ (ОСЕНЯЕТ)
ТЕЛО СВЯТОЕ ХРИСТОВО.
КЛИРИКИ И НАРОД Аминь.
ПРЕДСТОЯТЕЛЬ: И ЧАШУ СИЮ (ОСЕНЯЕТ)
КРОВЬ ЧЕСТНУЮ ХРИСТОВУ.
КЛИРИКИ И НАРОД: Аминь.
(И совершают все боголепное поклонение
преложившимся зде Святым Дарам). Иподиаконы же сразу
начинают навевать над ними рипидами).
ПРЕДСТОЯТЕЛЬ (ходатайствует):
Да будут Святыя Дары сия всем, кои от них
причащаются, во оставление грехов и жизнь вечную.
КЛИРИКИ И НАРОД: Аминь.
ПРЕДСТОЯТЕЛЬ: Во освящение душ и телес.
КЛИРИКИ И НАРОД: Аминь.
ПРЕДСТОЯТЕЛЬ: В приношение плодов от дел
благих.
КЛИРИКИ И НАРОД: Аминь.
ПРЕДСТОЯТЕЛЬ: Во утверждение Святыя Твоя
Соборныя и Апостольския Церкви, юже основал еси на
камени веры, да врата адовы не одолеют ей, избавляя ю от
всякия ереси и от соблазна делающих беззакония, сохраняя
ю даже до скончания веков.
КЛИРИКИ И НАРОД: Аминь.
ПРЕДСТОЯТЕЛЬ: Приносим Ти, Владыко, Службу
сию и о святых Твоих местах, ихже благословил еси
богоявлением Христа Твоего и наитием Всесвятаго Твоего
Духа, наипаче же о святем и славнем Сионе, Матери всех
Церквей, и о еже по всей Вселенней сущей - Святей Твоей
Соборней и Апостольстей Церкви, богатыя дары Всесвятаго
Твоего Духа и ныне подаждь ей, Владыко.
КЛИРИКИ И НАРОД: Помяни, Господи Боже наш
(читком).
ПРЕДСТОЯТЕЛЬ: Помяни, Господи, и иже в ней
святыя отцы наши и епископы, иже во всей Вселенней
православно правящия слово Твоея истины.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, еже зде честное
пресвитерство и повсюду, еже во Христе диаконство,
прочее всякое служение, весь церковный чин и еже во
Христе братство наше, и вся христолюбивыя люди.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, сопредстоящия
нам иереи, служащия во святый час сей пред святым Твоим
жертвенником во еже приносити святую и безкровную
Твою жертву и даждь им и нам слово во отверзение уст
наших, во славу и похваление всесвятаго имени Твоего.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, по множеству
милости Твоея, и мене, смиренного и грешнаго, и
недостойнаго раба Твоего, и призри на мя милостию и
щедротами, и избави и свободи от гонящих мя, Господи,
Господи сил, и не вниди в суд с рабом Твоим, и понеже
умножися во мне грех, да преизбыточествует Твоя
благодать.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, и святый Твой
жертвенник окружающия диаконы, подаждь им жительство
непорочно, чисто служение их сохрани, и на степени
лучшия возведи.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, святый Бога
нашего град Иерусалим и всякий град и страну, и в
православной вере и благочестии живущия в них, мир и
безмятежие их.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи,
благочестивейшия и христолюбивыя власти страны нашей,
всю палату и воинство ея, и еже с небесе помощь и победу
их, коснися оружия, и защити, восстани в помощь их,
устрой их советы, яко да мирное и тихое житие поживем во
всяком благочестии и чистоте.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, в старости и
немощи сущия, болящия, дряхлыя и от духов нечистых
стужаемыя, от Тебе, Бога скорое исцеление и спасение их.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, всякую душу
христианскую, скорбящую и умученную, милости и
помощи от Тебе, Бога, требующую, и обращение.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, иже в девстве и
соблюдении и подвизе пребывающия, и иже в горах и
вертепах и пропастех земных подвизающиеся отцы и
братию наша, и иже зде во Христе освященный собор наш.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, труждающиеся и
служащия нам отцы же и братию нашу, ради имене Твоего
святаго.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, всех во благое,
всех помилуй, Владыко, всех нас примири, умири
множество людей Твоих, истреби соблазны, упраздни
брани, умири разделение церквей, ересей восстания скоро
утоли, ниспровержи гордыню суетнуую, вознеси рог
христиан православных, Твой Мир и Твою любовь подаждь
нам, Боже, Спасителю наш, упование всех пределов
земных.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи,
благоумиротворение воздухов, дожди благоприятные и
росы благия, плодов изобилие, совершенное плодородие и
венец лета благости Твоея, очи бо всех на Тя уповают и Ты
даеши пищу во благовремении, отверзаеши Ты руку Твою и
исполняеши КЛИРИКИ И НАРОД: Помяни, Господи Боже
наш.
ПРЕДСТОЯТЕЛЬ: Помяни, Господи, плодоносящия
добротворящия во святых Божиих Церквах и помилуй
убогия и заповедавшия нам, еже поминати их в молитвах.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Еще сподоби, помянути, Господи,
приношения принесших хлеб и вино во днешний день на
святый Твой жертвенник, и в помышлении ими
поминаемыя, и кийждых имена, яже во диптихах нами
прочтенныя.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, и родители наша,
сродники и други. Сих всех помяни, Господи, ихже
помянухом, православных. Воздаждь им вместо земных
небесныя, вместо тленных нетленная, вместо временных
вечная, по обетованию Христа Твоего, понеже жизни и
смерти власть имаши.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Еще сподоби помянути, Владыко,
также и иже от века Тебе благоугодившия по родам, святыя
отцы, патриархи, пророки, апостолы, мученики, учители,
преподобныя и всякую душу праведную, в вере
скончавшуюся.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, архангельский
глас глаголющь: «Радуйся, Благодатная, Господь с Тобою,
благословенна Ты в женах и благословен плод чрева
Твоего, яко Спаса родила еси душ наших».
КЛИРИКИ И НАРОД: Помяни, Господи Боже наш.
Помяни, Господи, пресвятую и преблагословенную,
пречистую владычицу нашу Богородицу и Приснодеву
Марию (и моления Ея).
КЛИРИКИ И НАРОД: Помяни, Господи Боже, наш.
ПРЕДСТОЯТЕЛЬ: Помяни, Господи, святаго Иоанна
славнаго пророка, предтечу и крестителя, святыя апостолы
Петра и Павла, святых апостолов и евангелистов Матфеа,
Луку, Марка и Иоанна, прочих святых апостолов, святыя
пророки и патриархи и праведныя, святыя мученики и
исповедники, святаго Стефана диакона, святаго Иустина,
святаго Лаврентия, святаго Поликарпа и всех святых.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Помяни, Господи Боже, святыя
отцы наша и архиепископы и всех, ихже помянухом и ихже
по множеству имен не помянухом. И упокой их во стране
живых, во Царствии Твоем, в наслаждении рая, в недрех
Авраама и Исаака и Иакова, святых отец наших, отнюдуже
отбеже болезнь, печаль и воздыхание, идеже назирает их
Свет Лица Твоего.
КЛИРИКИ И НАРОД: Помяни, Господи Боже наш.
ПРЕДСТОЯТЕЛЬ: Скончание же жития нашего
христианское, благоугодное и безгрешное в мире устрой,
Господи, собирая нас у ног избранных Твоих, егда хощеши
и како хощеши, едине токмо без стыда и прегрешений, ради
Единородного Твоего Сына, Господа же и Бога и Спаса
нашего Иисуса Христа, Той бо един безгрешен явися на
земли.
КЛИРИКИ И НАРОД: Помяни, Господи Боже наш.
Диакон исходит на солею и становится лицом к
алтарю.
ПРЕДСТОЯТЕЛЬ: В первых помяни, Господи,
святейшего отца нашего и архиепископа всея Руси (имя рек)
и блаженнейшего отца нашего и архиепископа всея
Украины (имя рек), старость им достойную подаждь,
многолетна сохрани, пасущих люди Твоя во всяком
благочестии и досточестии, ихже даруй Святей Твоей
Церкви в мире, цела, честна, здрава, долгоденствующа,
права правящих слово Твоея истины.
ДИАКОН ( лицем к народу):
Помолимся о умирении и благостоянии всего Мира, и
святых Божиих церквей, и о всех, коих в помышлении
имеем, и о зде предстоящих людех, молим Тя, Господи.
И о всех и за вся.
ПРЕДСТОЯТЕЛЬ: Даждь им Владыко, и нам, яко
благий и человеколюбец.
КЛИРИКИ: Ослаби, остави, Боже,/ прегрешения
наша/, вольныя же и невольныя,/ яже в ведении и
неведении/
(гл. 6).
ПРЕДСТОЯТЕЛЬ: Благодатию и человеколюбием
Христа Твоего, с Нимже благословен и препрославлен
еси, со всесвятым и благим и животворящим Твоим
Духом, ныне и присно и во веки веков.
КЛИРИКИ: Аминь.
ДИАКОН: (лицем к народу):
- Еще и еще, непрестанно, в себе, Господу помолимся
(все, «ничтоже отвещевая, молятся внутрь себя
«Господи, помилуй», токмо внимающе прошениям).
- О принесенных и освященых честных пренебесных,
неизреченных, пречистых, славных, страшных, ужасных,
Божественных Дарех Господу Богу нашему помолимся,
- Дабы человеколюбец Бог наш, приемь их на святый и
пренебесный и мысленный Свой Жертвенник, вознизпослал
нам Божественную благодать и Дар - Всесвятого Духа -
помолимся.
- Соединения веры и содействия Всесвятого и
поклоняемого Его Духа испросивше, сами себе, и друг
друга, и весь живот наш Христу Богу нашему предадим
(все молчат).
Диакон стоит лицем к алтарю.
ПРЕДСТОЯТЕЛЬ: Боже и Отче Господа и Бога и
Спаса нашего Иисуса Христа, великоимените Господи,
блаженное Естество, неистощимая Благостыне, всех Боже и
Владыко, Сущий благословенный во веки веков, седяй на
Херувемех и прославляемый от Серафим, Емуже предстоят
тысящи тысящь и сонмы ангел и архангел воинства!
Принесенные Тебе дары, даяния и приношения в
благоухание приятное приими, ихже освятити и совершити
Ты сподобил еси, Блаже, благодатию Христа Твоего и
Всесвятаго Твоего Духа. Освяти, Вдадыко, наши души и
телеса, и дух, прикоснися помышлениям и исследуй
совести, отвергни от нас всякое помышление лукавое,
всякий помысл срамный, всякую страсть и похоть
постыдную, всякое слово неподобное, всякую зависть, и
суемудрие, и лицемерие, и всякую лжу, всякое лукавство,
всякое искушение житейское, всякое любостяжание, зло,
ярость, гнев, злопомнение, оклеветание, сребролюбие и
нерадение, всякое движение злое плоти же и духа, чуждое
святыни Твоея.
И сподоби нас, Владыко человеколюбче Господи, со
дерзновением, неосужденно, чистым сердцем, душею
просвещенною, непостыдным лицем, освященными
усты смети призывати Тебе, Иже на небесех святаго
Бога, Отца, и глаголати:
НАРОД: Отче наш, иже еси на небесех, да святится
Имя Твое, да приидет Царствие Твое, да будет воля
Твоя, яко на Небеси и на земли. Хлеб наш насущный
даждь нам днесь, и остави нам долги наша, якоже и мы
оставляем должником нашым, и не введи нас во
искушение, но избави нас от лукаваго.
ПРЕДСТОЯТЕЛЬ (распевно):
И не введи нас во искушение, Владыко Господи, но
избави нас от лукаваго, и от дел его, и от всякаго
оскорбления, и от козней его, ради имени Твоего святаго,
нареченного на нашем смирении. Яко Твое есть Царство и
сила и слава, Отца и Сына и Святаго Духа, ныне и
присно, и во веки веков.
НАРОД: Аминь.
ДИАКОН: (лицем к народу) Главы наши Господеви
приклоним.
Диакон стоит лицем к алтарю.
ПРЕДСТОЯТЕЛЬ: Тебе приклонихом рабы Твои,
Господи, своя главы пред святым Твоим жертвенником,
чающе от Тебя богатыя милости. Богатую и ныне благодать
Твою и благословение Твое низпосли нам, Владыко, и
освяти наши души и телеса и дух наш, яко да достойны
будем причастниками и участниками святых Твоих Таин во
оставление грехов и жизнь вечную. Ты бо еси
поклоняемый и препрославленный Бог наш, Ты и
Единородный Твой Сын, и Дух Твой Всесвятый, ныне и
присно, и во веки веков.
НАРОД: Аминь.
ПРЕДСТОЯТЕЛЬ, знаменует крестообразно дискос и
потир, исходит на солею и глаголет
И да будет благодать и милость Святыя и
единосущныя и несозданныя, и нераздельныя, и
поклоняемыя Троицы со всеми вами.
НАРОД: И со духом твоим.
ДИАКОН: Со страхом Божиим внемлем!
ПРЕДСТОЯТЕЛЬ (совершает возношение Св. Агнца) :
Святе и во Святых почиваяй, Господи, освяти нас
словом Твоея благодати и наитием Всесвятаго Твоего Духа.
Ты бо рекий Владыко: «Святи будете, якоже Аз свят есмь».
Господи Боже наш, непостижиме Боже, и Ты, Слове,
Отцу и Духу единосущне, совечне, нераздельне, приими
чистую песнь во святых Твоих безкровных Жертвах с
херувимы и серафимы и от мене, грешнаго, вопиюща и
глаголюща:
(распевно) “Святая – святым”.
НАРОД: Един Свят,/ Един Господь/ во славу Бога
Отца со Святым Духом,/ Емуже слава во веки веков.
Аминь./
ДИАКОН: О спасении и заступлении блаженнейшего
отца и (архи)епископа нашего (имя епархиального
архиерея), и о всякой души скорбящей и озлобленной,
милости и помощи Божия требующей, и о обращении
заблудших, о исцелении болящих, освобождении
плененных, упокоении преждепочивших отец и братий
наших, вси усердно рцем: Господи, поми-луй.
НАРОД: Господи, помилуй (12 раз, литийным
напевом).
ПРЕДСТОЯТЕЛЬ преломляет Св. Агнец на четыре
части и одну из них омокает в Честной Крови и снова
полагает на дискос со словами:
ПРЕДСТОЯТЕЛЬ (тихо): Соединение Пресвятого
Тела и Честныя Крове Господа и Бога и Спаса нашего
Иисуса Христа.
Соединися и освятися, и совершися во имя Отца и
Сына и Святаго Духа.
ДИАКОН (на солее, обратившись лицем к алтарю):
Отче, владыко, благослови.
ПРЕДСТОЯТЕЛЬ, стояще в Царских вратах лицем к
народу, показующе дискос со Святым Агнцем, возглашает:
ПРЕДСТОЯТЕЛЬ: Вкусите и видите: се - Христос
Господь, раздробляемый и неразделяемый, верным
раздаваемый и неоскудеваемый, ныне и присно, и во
веки веков.
НАРОД: Аминь.
ДИАКОН: Примирившись во Христе, да воспоем.
КЛИРИКИ: Вкусите и видите, / яко благ Господь. /
Аллилуия / (во глас 8).
Царские врата закрываются.
НАРОД: Вкусите и видите, /яко благ Господь./
Аллилуия (во глас тот же или иным напевом трижды ).
Диакон входит в алтарь малыми дверями и
становится по обычаю.
ПРЕДСТОЯТЕЛЬ (вполголоса): Владыко Христе Боже
наш, Небесный Хлеб, Пище всего Мира! Согреших на небо
и пред Тобою и несть достоин причаститися святых и
пречистых Твоих Таин. Но ради благости Твоея и
неизреченного долготерпения достойна мя сотвори
неосужденна и непостыдна причаститися всесвятаго Тела и
честныя Крове во оставление грехов и жизнь вечную.
Раздробляется весь Святый Агнец. Все частицы
полагаются на дискос.
Предстоятель и клирики причащаются по обычаю.
По причащении клириков, диакон, встав справа от
престола, возглашает:
ДИАКОН: Владыко, благослови.
ПРЕДСТОЯТЕЛЬ (подавая ему потир): Слава Богу,
освятившему и освящающему нас.
ДИАКОН: Вознесися на небеса, Боже, и по всей земли
слава Твоя, и Царство Твое пребывает во веки веков.
Предстоятель приемлет дискос со святым Хлебом.
Диакон, исходяще из алтаря на солею, показуя народу
потир, возглашает.
ДИАКОН: Со страхом Божиим, верою и любовию
приступите.
КЛИРИКИ (во глас 6): Благословен Грядый во имя
Господне/, исполни уста моя хваления, Господи, / и
радости исполни устне мои, / яко да воспою славу Твою/.
Предстоятель становится у Царских Врат с
дискосом, диаконы с потирами - у иконы Богородицы.
Причастники подходят сначала причаститься
Святого Тела Христова к Предстоятелю, который
произносит: «Тело Христово». Причастник: «Аминь».
Предстоятель влагает ему в уста частицу Святого Хлеба.
Причастившись св. Хлеба, причастник затем
подходит к ДИАКОНУ, который говорит: «Кровь
Христова, Чаша жизни». Причастник: «Аминь». Диакон
дает ему отпить Святой Крови из потира.
(Аще Предстоятель изволит, то причащают верных
по чину Литургии св. Иоанна Златоустаго).
НАРОД во время причащения поёт «Вечери Твоея» или
иные приличные духовные псалмы и гимны.
По причащении народа священнослужители паки
входят в алтарь и поставляют один священный сосуд на
престоле, а дополнительные чаши и дискосы на
жертвенник.
Предстоятель влагает оставшиеся частицы Святого
Хлеба с одного дискоса в великий потир, потом осеняет
народ, возглашает:
ПРЕДСТОЯТЕЛЬ (осеняя народ): Спаси, Боже, люди
Твоя, и благослови достояние Твое.
КЛИРИКИ (во глас 2, киевским «светлым» распевом):
Благодарим Тя, Христе Боже наш,/ яко сподобил
еси нас причаститися Тела и Крове Твоея/ во оставление
грехов и жизнь вечную,/ неосужденны нас сохрани,
молимся,/ яко благ и Человеколюбец./
ПРЕДСТОЯТЕЛЬ же поставляет святую Чашу на
престол и совершает каждение Святых Даров, читая
вполголоса молитву:
Возвеселил еси нас, Боже, в единении Твоем, и Тебе
приносим песнь благодарственную, плод уст, исповедающе
благодать Твою, с кадилом сим да взыдет к Тебе, Боже, да
не возвратится тщи, но подаждь нам его ради благоухание
Всесвятаго Твоего Духа - миро пречистое и неотъемлемое,
исполни уста наши хваления, и устне радования, и сердце
радости и веселия во Христе Иисусе Господе нашем, с
Нимже благословен еси, со Всесвятым Твоим Духом, ныне
и присно и во веки веков. Аминь.
Предстоятель отдаёт Святую Чашу иерею, а дискос
- диакону, которые молча («ничтоже глаголя») переносят
их на жертвенник и потребляют по обычаю. Диакон на
солее возглашает последнюю ектению.
ДИАКОН (лицем к народу): Паки и паки Господу
помолимся.
НАРОД: Господи, помилуй.
- Яко да будет нам причащение святынь Его во
отвращение всякаго лукаваго деяния, в напутие живота
вечного, в причащение и обретения Дара - Святаго Духа -
помолимся.
- Пресвятую, пречистую, преславную, благословенную
Владычицу нашу Богородицу и Приснодеву Марию со
всеми святыми и праведными помянувше, сами себе, и друг
друга, и весь живот наш Христу Богу предадим.
НАРОД (хор): Тебе, Господи.
Диакон стоят лицем к алтарю:
ПРЕДСТОЯТЕЛЬ: Боже, великаго ради и
неизреченного благоутробия снисшедый немощи рабов
Твоих исцелити, и сподобивый нас причаститися сея
пренебесныя Трапезы, не осуди нас, Владыко, грешных о
причащении пречистых Твоих Таин, но сохрани ны, Блаже,
во освящении, яко да достойны бывше Всесвятаго Твоего
Духа, обрящем часть и наследие со всеми святыми, еже от
века Тебе благоугодившими, во свете лица Твоего,
щедротами Единородного Твоего Сына, с Нимже
благословен еси, со всесвятым и благим, и
животворящим Твоим Духом, ныне и присно и во веки
веков.
КЛИРИКИ: Аминь.
ДИАКОН: Главы наша Господеви преклоним.
Диаконы склоняют ко алтарю главы, ожидая
окончания возгласа.
ПРЕДСТОЯТЕЛЬ (гласно): Боже великий и дивный,
призри на рабы Твоя, яко Тебе преклонихом выи, и простри
руку Твою державную, исполнену благословений, и
благослови люди Твоя, и сохрани достояние Твое, яко да
всегда и непрестанно прославляем Тя, единаго живаго и
истиннаго Бога нашего, Святую и Единосущную Троицу,
Отца и Сына и Святаго Духа. Тебе бо подобает от всех нас
всякое славословие, честь, поклонение и благодарение,
Отцу и Сыну и Святому Духу, ныне и присно и во веки
веков.
НАРОД: Аминь.

БЛАГОСЛОВЕНИЕ ИСХОДА НАРОДА


ДИАКОН (лицем к народу):
С миром Христовым изыдем.
На средину храма износится свеща. Иереи и диаконы,
облобызав престол, по старшинству попарно исходят
Царскими вратами и становятся под амвоном.
ПРЕДСТОЯТЕЛЬ исходит из алтаря последним,
становится на солее и лицем к народу читает молитву на
исход народа из храма :
ПРЕДСТОЯТЕЛЬ: От силы в силу восходяще и всю,
еже в храме Твоем исполнив божественную службу, ныне
молимся Тебе, Господи Боже наш: совершенного
человеколюбия сподоби нас, исправи путь наш, укорени нас
в страсе Твоем, всех помилуй и пренебесного Твоего
Царствия достойны покажи, ради Христа Иисуса, Господа
нашего, с Нимже подобает Тебе слава, честь, держава,
вкупе со Всесвятым Духом, ныне и присно, и во веки
веков.
НАРОД: Аминь.
ПРЕДСТОЯТЕЛЬ: Благословися Бог, благословляяй
и освящаяй нас причащением Святых и Пречистых Его
Таин, ныне и присно и во веки веков.
НАРОД: Аминь.
ДИАКОН: Отпущаетеся в мире.
ПРЕДСТОЯТЕЛЬ: Да благословит вас Бог-Отец во
Святом Духе через Христа, Господа нашего, во веки
веков.
НАРОД: Аминь (заключительным напевом).

Клирики исходят из храма, поюще “Тебе, Бога


хвалим” или иное кое пение.
НОТНОЕ ПРИЛОЖЕНИЕ
(гармонизация: иеромонах Л. Пихлер)