Вы находитесь на странице: 1из 250

1

MIZO SUNDAY SCHOOL UNION

SACRAMENT DEPARTMENT ZIRLAI

Ziaktu

Rev. H. Zalawma

&

Rev. Vanlalzuata

UNION SACRAMENT DEPARTMENT ZIRLAI Ziaktu Rev. H. Zalawma & Rev. Vanlalzuata SYNOD LITERATURE & PUBLICATION BOARD

SYNOD LITERATURE & PUBLICATION BOARD

2

Published by The Synod Literature & Publication Board Synod Press Building (Top) Aizawl – 796 001 Mizoram for The Mizo Sunday School Union (MSSU)

Chhut khatna

-

2004

Chhut hnihna -

2005

Chhut thumna - 2006

Chhut lina

Chhut ngana - 2008

Chhut rukna

Chhut sarihn a - 2010

Copy

(All rights reserved)

- 2,100

2009

2007

-

-

Printed at The Synod Press Aizawl - 796 001 Mizoram

3

A CHHUNGA THU AWMTE

Thuhmahruai

v

Sacrament Pawl Psychology

vi

Sunday School Thiltumte

viii

Sacrament Pawl Thiltumte

ix

Ziaktute Thuhmahruai

x

Hriat tur pawimawhte

xiii

|HEN KHATNA : KOHHRAN

1. Kohhran pian chhuah dan

1

2. Kohhran rawngbawl hna kalpui dan

7

3. Kohhran dik awmzia

13

4. Kohhran dik le h dik l o lan dan

19

5. Kohhran mi nih pawimawhna

25

|HEN HNIHNA : PRESBYTERIAN KOHHRAN

6. Presbyterian Kohhran din chhuah dan

31

7. Presbyterian Kohhran kalhmang

36

8. Ram hrang hranga Presbyterian Kohhran dinhmun

41

9. Mizoram Pre sbyte rian Kohhran pian chhuah dan

46

|HEN THUMNA : MIZORAM RESBYTERIAN KOHHRAN INRELBAWL DAN

10. Tualc hhung Kohhran le h Past or Bia l inrel baw l dan

52

11. Pre sbyter y leh Synod inre lbawl dan

60

12. Synod Office kalhmang

66

|HEN LINA : SAKRAMEN

13. Sakramen awmzia

71

14. Baptisma Sa kramen

77

15. Lalpa Zanri ah Sakr amen

84

16. Sakramen Inkhawm

90

|HEN NGANA : KOHHRANHO THUNUN DANTE

17. Kohhra na te l t ur mite l eh Kr istia n nun – Sakhaw l am

97

18. Kristian nun – Mahni leh Chhungkaw lam

103

19. Kristian nun – Kohhran invawn lam 109

4

|HEN RUKNA : KOHHRAN THURIN

21. Kohhran Thurin pian chhuah dan

119

22. Bible leh Pathian chungchang Thurin

124

23. Mihring leh Thlarau Thianghlim chungchang Thurin

129

24. Chhandamna leh Sakramen chungchang Thurin

135

25. Ringtute tih tur leh Hun hnuhnung chungchang Thurin

140

|HEN SARIHNA : CHANCHIN |HA THUPUI DEUH DEUHTE

26. Chhandam ngai mihring

146

27. Chhandamna

151

28. Rinna avanga khawngaihnaa chhandam

156

29. Thiamchantirna

161

30. Rinna leh thiltih inlaichin dan

166

|HEN RIATNA : KOHHRAN DAN CHHUNGA AWMTE MAWHPHURHNA

31. Kohhran Inthunun Dan

171

32. Inneihna

176

33. Kawppui zawn dan

181

34. Zirtirna dik leh dik lo

187

|HEN KUANA : TUNLAI KHAWVEL LEH TLEIRAWLTE

35. Tleirawlte leh lehkha chhiar

192

36. Tleirawlte leh rimawi

198

37. Khawtlang nuna harsatna leh tleirawlte

203

|HEN SAWMNA : PATHIAN BIAK

38. Pathian biak awmzia

209

39. A huhova Pathian biak

214

40. Pathian biak dan leh a hmanruate

218

41. Pathian biak – Thilpek leh |awng\ai

223

42. A lai puiah Isua

227

Lehkhabu râwnte

234

5

THUHMAHRUAI

Mizo Sunday School Union-in Naupang Sunday School-

a Beginner a\anga Senior Pawl tana zirlaibu a buatsaih, kum

2004 a\anga kan zir chu chhut nawn a lo ni leh ta a. Sacrament Department Zirlaibu hi \um ruk chhut nawnna a ni.

Zirlaibu buatsaih hian zirtu tur naupang rilru phâk tâwk

ang zela thupui thlan leh ziak a ngai \hin a. He kan zirlaibu hmangtute hi Mizoram chh<ng leh pâwna MSSU zawmtute an nih avangin ziah dan tâwk pawh hriatthiam a har hle a ni. Hei vang hian MSSU Text Book Cell-in uluk takin a endik hnuah chhuah a ni a. Chumi hnuah pawh chhut nawn leh dâwn apiangin

a dik lo laite siam \hat \hin a ni. Tun \uma chhut a nih dâwn

pawhin a fel tâwk lo laite pawh siam \hat a ni leh a. Zirtuten kan hlawkpui lehzual ka beisei.

He zirlaibu hi a hmangtu zawng zawngten Pathian thlarau pawl tharna leh malsawmna an dawn zel theih nan Lalpan malsawm zel rawh se.

leh malsawmna an dawn zel theih nan Lalpan malsawm zel rawh se. (REV. DR. R. LALBIAKMAWIA)

(REV. DR. R. LALBIAKMAWIA) Executive Secretary i/c MSSU

6

SACRAMENT PAWL PSYCHOLOGY

Sacrament pawlah hian kum 14 hmang mek te dah tur a ni a. Hetih hunlai hi an ruhrel \han chak vanglai a ni a. Naupang dinhmun an kal pelh tawh avangin kawng tam takah puitling zia an keng tawh zawk. Chutiang a nih avang chuan naupang anga enkawl chu an duh tawh lo. Anmahni kan sawina \awngkamah pawh ‘sacrament naupang’ tih ai chuan ‘sacrament zirlai/pawl’ tih mai hi pawm nuam an tih dan a ni. Nula tlangval tih erawh chu an la duh meuh lo. An taksa a puitling ve uaih tawh a, thahrui erawh an la nei tak tak lo. An taksa a len ve uaih tawh avang hian puitling tak tak anga en an awl hle, puitling taksa leh thahrui ang tak chu an la pu pha lo a ni. Hnatlang leh mahni in chh<ng khura hnathawh nikhua pawhin an zawiin zelthel taka thil tih an ching. Puitling nih ve an duhin puitling ve riauva inhriat chang pawh an nei, amaherawhchu puitling anga mawhphurhna lak tak tak erawh chu an la ngam chiah lo. An taksa \hang chak em em hian a tibuai a, hei hian an chet vel a tikhawr nasa hle. Thiltih vel an zei lovin chet sual an ching. An awte a lo danglam a, hei vang hian \awng tlemah an tlak a, an \awng chhun pawhin zawi t>, rang deuhin an \awng a. An \awng kan hriat chian loha han zawh nawn leh pawh hian an vin hlur tawh \hin. An taksa \hang danglam chak tak hian a tichiai nasa hle. Anmahni taksa chîk taka an zir ang hian mi dang pawh an chîk hle \hin. Chuvangin Sacrament Pawl zirtirtute chu kan pawlten chîk takin min zir reng a ni tih hriat a, pawn lama kan lan dan uluk a \ul ang bawkin kan chh<ng lam nun leh chezia pawh ngun takin min thlir reng a ni tih kan hriat a \ul. Hetianga mahni leh mahni inzir chawp zel an nih avang leh mi dangte nun leh zia an chîk \hin em avang hian anmahni

7

pawh mi dangten chîk ve hle turah an ngaih avangin an zakzum duh hle. Mi dangte hmuha intarlan hi an ngam lovin an hreh thei em em a, Sunday School-ah zawhna zawhin an hriat reng pawh an chhang ngam lo fo. |anna hun hmana \antu dinhmun luaha mipui hmaa intarlante hi an tan chuan a hrehawm ngawih ngawih a, tam tak chuan an puitlin ngam lo fo reng a, a titheite pawhin zawi t>, rang takin an ti hram a ni.

Thil an chh<t nasa a, ni tin sikulah leh hmun dang a\angtein an dap khawm nasat ve tawh avangin thil an hre ve zul tawh a, zirtirtute pawh an aia engkim hriaah an dah tawh bik lo. Zawlpui en thuak thuak chang an ngah tawh a ni. An ngaihdan leh an thil hriatte erawh chu an aia puitling zawkte bulah an sawi ngam meuh lo va, mahni inrintawkna an la tlakchham avangin tihsual an hlau \hin. Kan thusawi leh zirtirnate an awih zel theihna tur chuan an hriatna aia chiang leh bulfuk zawka hre tura kan inzir a ngai a, chutiang mi nia an hriat tawhte chu an ring bur tawh \hin.

Rilru hmang nasa leh thil chh<t vak vak an nih avangin zeldin thubawl leh suangtuah vak vak an ching a, hma lam hun hrilhlawkna (Horoscope) lamte an tuipui phian a, inlarna lam thil leh mumangte pawh an la thutak duh hle. Hetianga rilru hmang vak vak an nih avang hian fianrial an ngaina a, anmahni aia thil hriaa an ngaih nu leh pa leh zirtirtute hnawk tih riau chang an nei \hin.

An ngaihtuahna leh suangtuahna vir vel avangin nghet lo leh kânglâng riauva inhriat chang an ngah a, nun innghahna lungphum nghet an ngaihtuah nasa \hin hle. An phak ang tawk tawkin sakhaw thil pawh an chhui nasa a, sakhaw thil an la tak hle. Hetih lai hun hi piantharna chungchang inzirtirna atan pawh hun \ha a niin an man fuh tawh vek chuan an vuan nghet tlat tawh \hin. Chuvangin an duhthlanna ngeia an pawm turin zirtir an mamawh a, nawr luih chi an ni lo.

8

Hetih hun lai hi nun laklawh, awm dan thiam har lai tak a ni a, anmahni pawhin an awm dan hi an hre thiam thei lo. Hun nuam leh thawveng tak, rilru nawm loh leh hlauhthawnnain a chîm buai bawk si, hun khirh tak a nihna chen pawh a awm. Tun hma thil ngaihtuah l>tna leh hun lo kal tur lam thlir lawk aiin tun hun hian an rilru a luah a, an duh tunlai em em a, zirtirtu pawh incheina, \awngkam leh cheziaah tunlai tak ni turin an beisei a, \hing an tih tawh chu an hmusitin an ngainep thei hle. Sacrament Pawl zirtir tur chuan hriatthiamna th<k tak nen, dawhthei tak chunga kaihhruai an ngai a, tisa thil leh sakhaw thilah a vawrtawp tak tak an thlen dawn chuan anmahni an la inring tawk ngam lo va, nu leh pa emaw, zirtirtute emaw rinchhan tur an zawng leh ruai tho a ni tih hriain beidawng mai lova kaihhruai zel an mamawh a ni tih kan hriat reng a \ul fo a ni.

SUNDAY

SCHOOL

THILTUMTE

1. Pathian hriatna leh rinna dik tak nei tura kaihhruai leh \anpui

2. Pathian thu (Bible) zirtir

3. Kristian thurin zirtir

4. Pathian biak zirtir

5. Kohhran mi \ha tak leh khua leh tui \ha tak ni tura buatsaih

6. Kr ist ia n t ih tur le h awm da n t ur zi rti r.

9

SACRAMENT PAWL THILTUMTE

Pawl reng reng hian din chhan leh thiltum pawimawh tak a nei \hin a, hruaitute chuan an pawl thiltum lam panin pawl member-te chu an hruai \hin a ni. Sacrament Pawl pawh hi Sunday School-ah bet telin, Sunday School thiltumte chu a thiltum a nih rualin a bika din a nihna angin thiltum bik a nei a. Chungte chu zirtirtuten zirlaite kan khalh luhna tur a nih avangin chiang taka kan hriat a pawimawh hle a ni. Sacrament Pawla zirlaite hi Kohhran Dân chh<nga lawm luh mai tur an nih avangin a bika enkawl an mamawh a, anmahni zirtirtu atan pawh Kohhran Upa emaw, mi rin tlak tak ni ngei sela duhthusam a ni ang. Sacrament Pawl thiltumte chu hengte hi an ni –

1. Kohhran Dân chh<nga an luh hma ngeia Chhandamna huang chh<nga hruai luh.

2. Kohhran Dân Zawhkim rinawm tak ni tura chher chhuah.

3. An phu tawk ang zela rawngbawltu \angkai ni tura chher chhuah.

4. Kristian nun dan tur dika nung tura buatsaih.

5. Pathian thu leh Kohhran kalhmang tlangpui hriattir.

6. Zirtirna dik leh dik lo hrethiam tura \anpui.

7. Mipat hmeichhiatna hman khaw loh leh tunlai sualna dang laka ven him.

8. Ziktluak taka nupui pasal nei a, Kristian chhungkaw \ha tak din tura buatsaih.

10

ZIAKTUTE THUHMAHRUAI

Kum 2003 Synod chuan Naupang Sunday School-ah Sacra- ment Department siam a rel a (Synod Resln. No. 35 of 2003). Kum 2004 chh<ngin Mizo Sunday School Union chuan Sacra-

ment Pawl kalhmang tur leh an zirlaibu siam dan tur a buaipui

a. Chu chu 2005 a\angin kan zir \an thei ta a.

Mizoramah hian Presbyterian Kohhran hi kan lian ber a, kan inkaihhruaina pawh a \ha hle a, tluang takin kum za zet kan lo kal tawh a, hma pawh kan sawn zel a. Amaherawhchu, hetianga kawng chi hrang hranga hma kan sawn zel lai hian nasa zawka hma kan sawn theih nan Sacrament Pawl siam hi a lo piang chhuak ta a ni.

Tun hma pawhin Kohhran Dân chh<nga lawm luh turte chu Sacrament kan zirtir tho va, a hranpaa Sacrament Pawl siam hi

eng nge a \ulna tiin kan zawt mai thei e. Kan hriat \heuh angin kan Kohhran hi kan tam deuh vang nge ni, kan del dul viau mai

a. Dân zawhkimte ngei pawhin Dân zawhkimte dinhmun hi kan

hre tawk lo hle niin a lang. Kohhran Dân chh<nga awm hlutzia te, Dân pâwna awm pawiziate hi kan hriat tur ang takin kan hre tawk lo va. Dân chh<nga awmte mawhphurhna leh chanvote pawh kan hre tawk lo bawk a. Kohhran kalhmang leh kan Thurin awmziate pawh hi duh angin kan hre chiang tawk lo bawk.

Heng kan sawi takte hi Sakramen kan zirtir hian naupangte kan zirtir hman lo va, en lova an vawn tur ngawr ngawr kha kan tinzawn theih chhun a ni \hin a. Chuvangin uluk taka Kohhranin Dân chh<nga kan lawm luhte hian Kohhran an belh zui dan hi duh thu a sam lo a ni. Zirtirna danga peng bo ta mai mai kan awm deuh reng a, mahni Kohhran lawina sawi chhe reng mai, inkhawm duh hauh lo kan pung tial tial bawk a. Chhandamna awmzia pawh hre hauh lo, nu leh pa nih tawh hnua piangthar hnuhnawh pawh kan awm nawk bawk a. Heng a\angte hian Sac- rament Pawl siam a pawimawhzia chu kan hre thei ang.

11

Chutichuan Sacrament Pawl hian kan Kohhran tlakfualna lai dawm kân hi a thil tum a ni dawn ta a ni. Chawlhni tina kum khat chh<ng zir tur ruahmante hi awmze nei taka siam a ni a, Dân chh<nga l<t turten an hriat ngei ngei tur thlan chhuah an ni. Kohhran leh a Thurin awmzia te, a inthunun dan te, Chhandamna awmzia te, Dân zawhkimte mawhphurhna chi hrang hrangte an zir dawn a ni.

Heng kan zirlaite hi \hahnemngai tak leh uluk taka zirtir tur a ni ang a, zirtirtu atan pawh Kohhran Upa emaw, Commit- tee member emaw tal ni thei sela, kan indaih ngang lo a nih pawhin mi bîk deuh hlek kan inruat thiam a pawimawh ang. Kohhran Thunun Dân Buin Kohhrana tel tur mite a sawi chu a tawi zawnga kan sawi chuan Chhandamtu atana Isua pawmtute an ni a. Chuvangin Dân zawhkim turte chu Dân chh<nga luh hnuah pianthar nawn ngai tawh lovin, kan chhawm chhuah a pawimawh dawn a ni. Dân chh<nga lawm luh turte chu an tlem emaw an tam emaw, kan lawm luh hma ngeiin piangthar \ha tak an nih theih nan \an lak dan kawng dang pawh kan zawng tur a ni ang.

A nihna ang taka Kohhran Dân chh<nga kan inlawm luh chuan Kohhran Dân chh<nga awm zawng zawngte hian Camp- ing-ah chhandamna kan zawng hnuhnawh tawh lo vang a, intuaitharna Camping erawh chu kan mamawh reng ang. Synod- in Sacrament Pawl a siam chhan hi \ha hle mah sela, Kohhran tinten a tum tak man chiang lova dan anga kan kalpui mai mai chuan a sawt tur angin a sawt dawn lo a ni. Chuvangin thil pawimawh ber chu veng tina Kohhran Committee-ten a bîk taka Sacrament Pawl hi kan ngaihsak a \ul a, chu chu Kohhran tan malsawmna hnar pawimawh tak a ni ngei ang.

Sacrament Pawl Zirlaibu hi kum tinin 2004 a\ang khan kan chhu thar a, kan chhut apiangin ennawna paih ngai paiha belh ngai belh a ni a. Tuna chhut (2009) hi vawi ruk chhutna a ni ta. Lesson Plan zuia a ziaktute rilruah chuan Sacrament Pawla

12

zirlaite zawh tawk tin zawn rana ziak a ni a. Sei lutuk leh chipchiar lutuk chu an rilru nen a inmil lova hriatna avangin a tlangpuia ziak a ni. Amaherawhchu, zirtirtu \henkhatten rawtna chipchiar zawk an rawn theh l<t \hin a. Heng rawtnate hi zirlai tisei lutuk tur ni lo chu khung luh a ni a; zirtir vek sen loh tur leh zirlaiten an hriat sen vek lem loh tur, nakina an la hriat zui tura ngaihte chu hmaih luih a ni. Chuvangin zirtirtute pawhin puitling kan zirtir lo va, Sacrament Pawl kan zirtir a ni tih hre chunga zirtir turin inbuatsaih thar a pawimawh ang. Chu chu a ziaktute rilru leh ziak dan kalhmang pawh a ni bawk.

A bul lamah hian Sunday School thiltum bakah Sacrament Pawl thiltumte dah a ni a. Hei hi zirtirtuten chhinchhiahin vawng nung reng ila, kan zirlai tinte hi an thiltum hre ran chunga zirtir a pawimawh hle ang. Duh thawh luattuk avanga an hriat sen loh tur zirtirna lamah fimkhur ila; chumi rualin zirlai buin a sawi bak belh chhah thiam a pawimawh bawk.

Sacrament Pawl zirlaite hi nakkum lawka Kohhran Dân chh<nga lawm luh turte an ni a. Dân chh<nga lawm luh an nih dawnin Sunday School Exam pangngaia an zirlai an exam-na result hi rin tur a ni lo va, Kohhran Committee-in lawm luh exam chu a hranpain a ruat ang a, lawm luhnaa thil \ul dang zawng zawng pawh a hranpaa kalpui tur a ni ang.

Zirlaibu ziakna atana Bible lehlin hman ber chu ‘Mizo (Lushai) O.V. Reference’ The Bible Society of India-in a chhut hi a ni a. |awng dang hman a nih chuan bracket chh<ngah a lam dan dah zel a ni bawk.

Sd/- Rev. H. Zalawma

Sd/-

Rev. Vanlalzuata

13

SUNDAY SCHOOL CHUNGCHANGA HRIAT TUR PAWIMAWHTE

Zirlai apiangah ‘Zirtirtute tan’ tih leh ‘Naupangte tan’ tih ziak a awm vek a. Sunday School zawng zawngah enlâwkna hi a awm

ngei tur a ni. Zan hrana neih theih a nih loh pawhin Pathianniah tal neih tur a ni.

A. ENLAWK PAWL TIH DAN TUR

Superintendent-hovin Leader-te, zirtirtute leh ziaktute kal khawm vek sela.

I. Inserhna hun : Zirtirtu pakhatin Pathian Lehkhabu chhiarin,

hla thlangin, \awng\aiin he hun hi a hruai ang a. Hemi chanvo neitu hian a hre lâwk tur a ni.

II. Thuhmahruai : Theih ni se, thuhmahruai sawina hun awm

sela a \ha hle. MSSU Hand Book No. 1–7 a\angte hian Sunday

School zirtirtute tana \angkai tur bung khat zel chhiar leh sawi ho ni se.

III. Department hrang hrang kal darh ni sela. Mahni

Department zelah hetianga tih tur a ni : Enlâwk Pawl tana chhiar

tur tarlan hi chhiar tur a ni a, chumi hnuah zirlaibu chhiar tur a ni a, sawi ho nghal ni se. ‘Kawhhmuh tum’ tih hi zirlai zir hmain naupang hrilh loh tur a ni a. ‘Naupangte tan’ tih hi chhiara, a bu en lova zirtir theih tum tur a ni. Tin, Pathianni lo awm leh tur atan programme siam tur a ni. Entir nan

1)

|antu (A hming ziak ni se)

2)

Bible chhiar

3)

Hla

4)

|awng\ai

5)

Thilpek lak khawm –

6)

Khawntu - A hming ziak ni se Hla Thilpek hlan \awng\aina

7)

Thil zir - Thla thum dan zir turte zinga mi

8)

Zirlai thuhmahruai sawi - Leader

9)

Zirlai zir

14

10)

Thuvawn zir

11)

Tih tur

12)

Hla

13)

Lalpa \awng\aina/Zing lam \awng\aina

He programme hi Leader-in amahin a siam mai tur a ni lo va,

zirtirtu zawng zawng nen sawi hovin an siam tur a ni. Chu chu a harsat chuan programme siamtu tur ruat fel ni se. Programme siam zawhah Pathianni lehah tuin nge hmunphiat ang a, tuin nge \hutthleng rem ang tih te leh pangpar khawitu tur te ruat fel diam tur a ni. I V. D e pa r t m e n t h r a n g h ra n g k a l kh aw m l eh s e l a , S u pe r i n t e nde n t- in bânna siam rawh se.

B. SUNDAY SCHOOL NEIH DAN TUR

1. L e ade r le h Se c re ta ry - te ka l hm a tu r.

2. Hruaitu - Pathian thu chhiar leh \awng\ai (Pathian thu zirlaibua

mi chhiar ni se)

3. Hla sak ho

4. |antu

5. Thilpek lak khawm leh hlan

6. Hminglamna

7. Thuhmahruai - Leader-in sawi se. Hei hi zirtir tur atan naupangte buatsaihna a ni

8. Zirlai – (‘Naupangte tan’ tih thuhmahruai zawha number pek

zel hi a thawnthu indawt hriat nan a ni. A bu en lovin, naupang/

zirtute hmel en chunga hrilh tur a ni)

9. Khaikhawmna - Hruaituin zawhna zawtin thuvawn sawitir ni se

10. Thla thum chh<ng zir - (Hla emaw, châng emaw, thuinchhâng emaw)

11. Thupuan - Secretary

12. Hla sak ho

13. Banna - |awng\ai zawh hnuah \huttir leh vek a, fel taka chhuahtir ni se.

15

|HEN KHATNA KOHHRAN

Thuhmahruai : Thupui \hen khatnaah hian thupui panga – Kohhran pian chhuah dan te, Kohhran dik awmzia te, Kohhran rawngbawlna kalpui dan te, Kohhran dik leh dik lo te, Kohhran mi nih a pawimawh tihte kan zir dawn a. Sakramen zirlaite hi Kohhran dân chh<nga l<t mai tur an nih avangin Kohhran chungchang hi an hriat chian a pawimawh a, an thih thlenga Kohhran mi nghet ni tura buatsaih hi kan zirtir chhan ber tur chu ni sela.

ZIRLAI–1

KOHHRAN PIAN CHHUAH DAN

Kawhhmuh tum : Kohhran a lo pian chhuah dan hriattir

Chhiar tur

: Exod. 19:3-6; Mat. 16:13-19

ZIRTIRTUTE TAN

Kohhran tih \awngkam hi Thuthlung Hluiah kan hmu chiah lo va, amaherawhchu Hebrai \awnga Kohhran anpui sawina \awngkam pahnih kan hmuh chu Edah leh Kahal hi an ni a. Edah chu ruat lawk anga pungkhawmho sawina \awngkam a ni a, Kahal pawh pungkhawmho sawina tho a ni bawk. Amaherawhchu, heng \awngkam pahnihte hi mipui

16

pungkhawm satliah sawina a ni lo va, tih tur neia koh khawm avanga pungkhawm sawina a ni. Israel-te chu Pathianin hnamah a thlang a, hnam dangte zing a\angin a ko chhuak a, anni pawh Pathian kohna hriain an lo pungkhawm ta a. Pathianin a koh chhuah pungkhawmte hnenah chuan thuthlung a siam a, anmahni a enkawl a, chuvangin Israel- te chu Pathian Kohhranho an ni tiin kan sawi thei ang.

Pathian Kohhran Israel-te chu a kotu koh chhan angin

an awm lo va, chuvangin Pathian pawhin anmahni chu a

hrem chang a awm \hin a. Pathian hnam thlan ni si kha an hun laia milem biate salah an tâng a, hnam dangte pathian an be fo va, hmuhsitawm takin an awm \hin a. Anmahni ko chhuaktu Pathian ngei pawh Israel-te awm danah hian a lawm lo hle \hin a, amaherawhchu mipui nawlpui chu a koh

chhuah chhan tihlawhtling tura beisei bo ni mah se, an zinga

mi rinawm tlem t>, a la awmchhun (remnant)-te chungah

chuan beiseina neiin a la thlir hram hram a (eg. Exod. 19:3-6; Isa. 1:9; 10:20-23). Heta a la awmchhun tih \awngkam hi Theology zirna \awngkam lar tak a ni a, Pathian Thuthlung rinawm taka zawmtu te, Thuthlung Hlui huna kohhran ziding ni tura beiseite sawina \awngkam a ni.

Amaherawhchu, Israel-te zinga a la awmchhunte ngei pawh chuan Pathian koh chhuah chhan chu an zawm dik ta chuang lo va. Pathianin an hnena thu a thlunte chu anmahni pual chauh emaw tiin an ham\hat nan hman an tum a, hnam dangte chu an hmusit a. Chutichuan Thuthlung Hluia Pathianin Kohhran a din chu a zuih ral ta tiin kan sawi thei âwm e. Chuvangin Thuthlung Thar hunah Lal Isuan, “Ka Kohhranho ka din ang,” a tih thu kan hmu ta a. Amah Lal Isua thihna leh thawhlehna a\anga kohhran ropui tak, khawvel huapa a lo din chhuah tak thu kan zir dawn a ni.

KOHHRAN PIAN CHHUAH DAN

17

ZIRLAITE TAN

Thuhmahruai : Pathian thil tum pawimawh tak mai chu suala tlu tawh mihringte chhandam a, a chhandamte awmna atana Kohhran din hi a ni a. Chuvangin vawiinah hian khawvela kohhran a lo pian chhuah dan kan zir dawn a. Kohhran tih hi kan hre lar hle a, a lo din chhuah dan erawh chu kan hre tawk lo hle hlawm a. Kohhran hi eng vanga din nge, tu din nge, engtik a\anga din nge tihte hi kan hre chiang tur a ni ang.

1. Thuthlung Hluia Kohhran hmel a lan dan : Thuthlung

Thara Kohhran tih \awngkam hi Thuthlung Hluiah kan hmu chiah lo va, mahse Hebrai \awnga Edah leh Kahal tih \awngkamte hi Kohhran tih tlukpuia hman a ni. Edah tih awmzia chu ruat lawk avanga pungkhawmho tihna a ni a, Israel-te Pathianin a ruat lawk avanga an punkhawm thu sawina a ni. Kahal tih pawh hi pungkhawmho tihna tho a ni a, amaherawhchu mipui pungkhawm satliah sawina a ni lo va, a ko khawmtu koh chhan tihlawhtling tura pungkhawm sawina a ni. Chutichuan a ko khawmtu chu Pathian a ni a, a koh khawmte chu Israel-te an ni a, a duhzâwng ti tura koh khawmte an nih avangin Israel-te chu Pathian koh chhuah leh koh hran an ni tiin kan sawi thei ang.

Israel hnamte chu Pathianin a duhzâwng hlen chhuak turin ko hrang mah se, Pathian duhzâwngin an nung lo va, chuvangin Pathian hremna pawh an tâwk \hin a. An hnam pum pui chu Pathian tan rinawm zo lo mah se, Pathian chuan an zinga mi rin tlâk awmchhunte chu a koh chhan tihlawhtling turin beiseina sang tak nen a thlir a. Heng Pathian laka mi rinawm, a thuthlung zawm tlattute sawina \awngkam atan mi thiamte chuan, a la awmchhunte tih hi an hmang a (Exod. 19:3-6; Isa. 1:9; 10:20-23, etc). Nimahsela a la

18

awmchhunte pawh chu Pathianin a koh chhuah chhan tihlawhtling tur chuan an rinawm zo ta chuang lo va, chu chu Thuthlung Thara Kohhran a lo pian chhuah chhan a ni ta a ni.

2. Thuthlung Thara Kohhran a lo pian chhuah dan :

Grik \awnga Kohhran sawina \awngkam chu Ekklesia tih a ni a, a awmzia chu koh chhuah emaw koh hran emaw tihna a ni. Kohhran sawina \awngkam hi Thuthlung Tharah vawi 112 kan hmu a, chung zinga zaa sawmkua chu Paula Lehkhathawna mi leh Tirhkohte Thiltih leh Thupuan bu a mite an ni. Chanchin |ha bu-ah chuan Matthaia chauhvin a hmang a, vawi thum a hmang (Mat. 16:18; 18:17). Kohhran lo pian chhuah dan chu hetiang hian thlir zui ila.

Kohhran hi Lal Isua a\anga lo piang, Lal Isua din a ni a. Zirtir 12 te a ko va, a hnena awm tur leh rawngbawlpui atan a buatsaih zui a (Mk. 3:13-19; Mat. 10:1-4; Lk. 4:12- 16). Lal Isua chu a zirtirte nen Chanchin |ha hrilin an zin chhuak reng a, ringtu pawh an pung zel a, zirtir 12 bakah hian Lal Isuan amah zuitu tam tak a nei ta a (Lk. 10:10- 12). Lal Isua dam laia amah zuia a rawngbawltu mi eng emaw zatte kha Kohhran mi leh sa hmasate an ni tiin kan sawi thei ang.

Heng aia chiang zawka Lal Isuan Kohhran a din dan chu amah Lal Isua ngeiin, “He lungpui chungah hian ka Kohhranho ka rem chho ang a, mitthi khaw kulh kawngkharte chuan chu chu an ngam lo vang,” a tih hi a ni a (Mat. 16:18). Lal Isuan he thu a sawi lai hian amah ringtute awm khawmna tur Kohhran din chu a tum hle tih kan hmu. Thuthlung Hluia Kohhran hlimthla kha a zuih ral tawh a, chuvangin Lal Isuan mitthi khaw kulh kawngkharte pawhin

KOHHRAN PIAN CHHUAH DAN

19

an ngam loh, tihchhiat theih rual loh Kohhran chu din a tum ta a ni. Amaherawhchu, Lal Isua dam lai khan inawp dan fel tak neiin Kohhran hmel chu a la lang mai lo va,

Kohhran ze dik tak erawh chu thinlung lamah chiang takin

a

lang tawh tih kan hria a ni.

3.

Hmuh theihin Kohhran a ding ta : Lal Isua chu a thi

a, ph<min a awm a, vanah a lâwn a. A thawhleh ni a\anga ni sawmngaah a sawi lawk angin Thlarau Thianghlim a lo thleng a, chu chu Pentikos Nî kan tih hi a ni a (Tirh. 2:1

ff). Pentikos Nî-ah khan mi sangthum laiin baptisma an chang a, chuta \ang chuan ringtu an pung chak ta hle a. Tirhkohte kha ring tharte hruaitu an ni a, Jerusalem chu hmun puiah hmangin thuhril leh zirtir chu an hna pui ber a ni a. Chutianga ringtu an lo pun zel avangin anmahni enkawl leh relbawlna kawngah Tirhkohte chu an indaih ta lo va. Anmahni \anpui turin rawngbawltu pasarih an thlang chhuak ta a (Tirh. 6:1ff), chutichuan Kohhran chu Jerusalem khawpuiah hmuh theihin a lo ding chho ta a ni. Kohhran ding hmasate hian hming hrang hrang an pu a, chungte chu

– Zirtir te, Unau te, Mithianghlim te, Kawnga mi te, Ringtu te, Kristiante tia koh an ni.

Chutichuan Kohhran lo pian chhuah dan chu hetiang hian thlir lęt leh ila. Thuthlung Hluiah Kohhran hlimthla a lo lang a, amaherawhchu a zuih ral leh a. Thuthlung Tharah Lal Isuan, “Ka Kohhranho ka din ang,” tiin Kohhran chu amah a\ang ngeia din a tum thu a sawi a, nimahsela a dam laiin Kohhran inawp khawmna fel tak a lang hman lo va. A thih hnuah Thlarau Thianghlim a lo thleng a, Pentikos Nî a\angin Thuthlung Thara Kohhran hmel chu hmuh theihin a lo lang \an a. Chuvangin Pentikos Nî hi hmuh theiha Kohhran

a din \anna anga sawi theih a ni.

20

Chang vawn : Mat. 16:18

He lungpui chungah hian ka Kohhranho ka rem chho ang a, mitthi khaw kulh kawngkharte chuan chu chu an ngam lo vang.

Zawhna

1. Thuthlung Hluia Kohhran sawi nana an hman \awngkam pahnihte kha engte nge?

2. Thuthlung Thara Grik \awnga Kohhran sawina kha eng nge ni?

3. Thuthlung Thara ringtute hming hrang hrang parukte kha han sawi teh u.

21

ZIRLAI–2

KOHHRAN RAWNGBAWL HNA KALPUI DAN

Kawhhmuh tum : Rawngbawl tura cho chhuah

Chh i ar t u r

: Tir h. 6 : 1 - 6 ;

I Pe t . 2 : 9 , 10

ZIRTIRTUTE TAN

Thuthlung Thar Kohhran din tirh lai vela rawngbawltu

chi hrang pariat kan hmuhte chu – Tirhkoh te, Zawlnei te,

Chanchin |ha hriltu te, Zirtirtu te, Pastor te, Hotu (bishop) te, Kohhran Upa te, Rawngbawltu (deacon)-te an ni a (I Kor. 12:28; Eph. 4:11-13; Phil. 1:1; I Tim. 3:1-12; 4:17,19; Tit. 1:5-7). Heng rawngbawl hna pum pui hi hmun hnihah an \hen phawk a, pakhat chu Missionary hna a ni a, hemi lam hna thawktute chu – Tirhkoh te, Zawlnei te, Chanchin |ha hriltute an ni a. Pahnihna chu Kohhran chawm hna a ni a, a thawktute chu – Pastor te, Zirtirtu te, Hotu te, rawngbawltu (deacon) te, Upate hi an ni.

Vawiina Kohhran rawngbawl hna kalpui dan kan zir

turah hian a rawngbawltute lam aiin an hnathawh dan hmang

kan thlur zawk dawn a. Thuthlung Hlui rawngbawl hna kan

thlir chuan dânin a ph<t chhuah avanga rawngbawl hna a lar hle a, an thawh dan azirin hremnain a zui nghal bawk a. Thuthlung Thara rawngbawl hna kalpui dan erawh chu khawngaihnain a phűt chhuah, mahni duh thu ngeia inpeknaa hlen chhuah tur a ni thung a, a phuar khawmtu chu

hmangaihna a ni tih hi zirlaite rilruah tuh tum tur a ni ang.

Mi \henkhatten Kohhran rawngbawl hna hi phur ritah an

ngai duh viau va, khawngaihna rawngbawl hna a nihzia hi

22

kan hriat fuh a pawimawh hle a ni. Rawngbawl hnaah kan thawh tur a hautak hle a nih pawhin khawngaihna kan chan nasatzia hre chunga kan thawh chuan hlim takin kan thawk thei dawn a ni.

ZIRLAITE TAN

Thuhmahruai : Kohhran a lo din chhan ber chu Lal Isua rawngbawl hna chhunzawm turin a ni a. A tir a\anga vawiin thlenga Kohhran rawngbawl hna thawh dan hi Lal Isuan rawngbawl hna a thawh dan a la ni zel a. Chuvangin

vawiinah hian engtin nge Lal Isuan rawng a bawl a, engtin nge Kohhranin a chhunzawm tih hi kan zir dawn a ni. Lal Isuan rawng a bawl dan angin Kohhran hian rawng a bawl

a, keini pawh Kohhran duhzâwnga rawngbawl turin kan

inpe ve tur a ni ang.

1. Rawngbawl hna awmzia : Rawngbawl hna awmzia

kan hriat theihna chu Lal Isuan rawngbawl hna awmzia a zirtir a\angin a ni. Lal Isuan rawngbawlna chu chhiahhlawh hna angin a sawi a, lalna leh thuneihna angin a sawi ngai lo. “Tupawh in zinga mi lian nih duh apiang chu in rawngbawltuah a awm zawk tur a ni, tupawh in zinga hmasa ber nih duh apiang chu mi zawng zawng chhiahhlawhah a awm bawk tur a ni,” a ti a (Mk. 10:42-44). Heta \ang hian Lal Isuan rawngbawl hna awmzia a sawi fiah dan chu kan hre thei ang. Mahni tan chauhva ngaihtuah lova mi dang \hatna tur ngaihtuah hi rawngbawl hnain a ken tlat chu a ni.

Amah Lal Isua ngei pawhin, “Mihring Fapa meuh pawh

rawngbawlsaka awm turin a lo kal lo va, rawngbawl tur leh

mi tam tak tlan nana a nun pe zawk turin a lo kal a ni,” tiin

rawngbawl hna awmzia min hrilh (Mk. 10:45). Lal Isuan rawngbawl hna a zirtirnaah hian inngaihtlawmna hi a ki pui a ni a. A zirtirte ke a silsak pawh kha inngaitlawm taka

KOHHRAN RAWNGBAWL HNA KALPUI DAN

23

rawngbawl tura a zirtirna a ni a, “Kei Lalpa leh zirtirtu mahin in ke ka sil chuan, nangni pawhin in ke in insilsak tur a ni” a ti (Joh. 13:14).

Hebrai \awng te, Grik \awng te, Latin \awngtea rawngbawl hna an sawi fiahna pawh chhiahhlawh, bawih, tihna \awngkam vek a ni. Rawngbawl hna eng emaw bik thawk turin mi bikte koh ni mah se, Lal Isua chhandamna changtu zawng zawngte hi kan phak tawk ang \heuhva rawngbawl tura koh kan ni tih hi Bible zirtirna a ni (cf. Rom 12:1ff; I Kor. 12:1 ff). Keini ngei pawh hi Kohhran dân chh<nga kan luh hunah kan theih tawk ang \heuhva rawngbawl hna thawk turin Kohhranin min beisei vek a. Kan zinga mi \henkhatte phei hi chu Pastor tur emaw, Mis- sionary tur emaw, Upa tur emaw kan la ni mai thei. Chung rawngbawl hna thawk tur chuan mi inngaitlawm te, chhiahhlawh rilru pua mi dangte tana nung \hinte hi Pathianin a ko duh bik \hin a ni.

2. Rawngbawl hna kawng thumte : Lal Isuan rawngbawl

hna a zirtir dan leh amah ngei pawhin a thawh danah hian rawngbawl hna hi kawng thumin a \hen theih a, chungte chu a tlangpuiin sawi ila:

1) Chanchin |ha hril : Lal Isua hna pui ber chu Chanchin |ha hril hi a ni a, riangvaite hnena Chanchin |ha hril tura ruat a nih thu a puang chhuak a (Lk. 4:18). A dam lai hun kha Chanchin |ha hril nan a hmang zo vek a. A thawhleh hnua vana a lawn dawn pawh khan amah zuitute hnenah, “Khawvel zawng zawngah kal ula, thil siam zawng zawng hnenah Chanchin |ha hi hril rawh u,” tiin a chah bawk a (Mk. 16:15). Lal Isua thupek hi Kohhran hmasate khan hna pui berah an neih zui ta zel a. A tira ringtu tlem tęte khan Chanchin |ha hril darh hi an hna pui ber a nih avangin Israel ram pawn lamahte pawh Chanchin |ha chu

24

an hril darh ta zel a, vawiinah phei chuan khawvel pum pui hi Chanchin |ha chuan a thleng ta a ni. Keini Mizote pawh hi tuipui ral ram hla tak a\anga Missionary-ten kan hnenah Chanchin |ha min rawn hrilh avanga taksa leh thlarau lamah dinhmun ropui taka ding thei chauh kan ni. 2) Zirtir hna : Lal Isua hna pui ber pakhat chu Zirtir hna hi a ni leh a. Chanchin |ha dawngtute kha an mamawh ang zelin an nun dan tur te, an tih leh tih loh turte a zirtir zui \hin (Tirh. 19:18ff; 18:24-26; I Tim. 4:16, etc). Amah Lal Isua ngei pawh hian ‘Zirtirtu’ tiin a insawi fo va, chu chuan zirtir hna hi a ngaih pawimawhzia a tilang hle a ni. Lal Isuan zirtir hna a thawh hi chhunzawmin Kohhran rawngbawlna pęng pawimawh tak pakhat chu zirtir hna hi a ni chho ta zel a ni. Vawiin thleng pawh hian Kohhran hian zirtir hna hi a ngai pawimawh hle a. Pathian thu zirnate a din a, Sunday School te a buatsaih a, Nilai zante pawh hi zir tur bik neia inkhawm zanah a ruahman ta zel a nih hi. Kan pianthar hian Pathian thu awmzia zawng zawng hi kan man fuh vek lo va, zir a ngai a, chuvangin piangthar tawhte chuan Pathian thu zir hi an ngai pawimawh ngei ngei tur a ni ang. 3) Tihdam hna : Lal Isua rawngbawlna pęng pawimawh tak pakhat chu tihdam hna hi a. A dam lai khan Lal Isua hnenah taksa leh thlarau lam damlote an lo kal khawm \hin a, chung mite tihdam chu a hna puite zinga pakhat a ni. Lal Isua hna hi chhunzawmin Kohhran chuan tihdam rawngbawlna hi a hna pui ber pakhat atan a nei chho zel a. Thlarau lam damlote hnenah Chanchin |ha a hril a, taksa lam damlote tan Damdawi In a din bawk a. |awng\ai leh thilpekin damlo chi hrang hrangte tan rawng a bawl zui zel a ni. Kan sawi tak Kohhran rawngbawl hna kawng thumte hi Kohhranin rawngbawl hna a kalpui dan a ni zel a. Heng

KOHHRAN RAWNGBAWL HNA KALPUI DAN

25

bakah pawh hian Kohhran hian hmalakna pęng pawimawh

tak tak a nei a, chungte chu Lal Isua hna chhunzawmna vek

a ni tho va. Heng kan sawi tak kawng thum bakah hian mi retheite chhawmdawl hnate hi Lal Isua ngaih pawimawh zâwng tak a ni a, chu chu Kohhran hmasate hun a\anga

vawiin thlenga Kohhran hmalakna chi khat a ni chho ta zel

a

ni (eg. Tirh. 4:29-31; 8: 14-17; I Tim. 2:1, etc).

3.

Kohhranin rawngbawl hna a thliar dan : Kohhran

hian rawngbawl hna hi kawng chi hrang hrangin a thliar hrang a, chung zawng zawngte chu kan sawi vek sen dawn loh avangin kawng hnihin kan khaikhawm mai ang.

Pakhatnaah chuan ringtu zawng zawngte hian rawngbawl hnaah hian tih tur leh chanvo kan nei vek a ni (cf. I Pet. 2:9). Thuthlung Hluiah chuan Pathianin rawngbawl tura a kohte chauhvin rawngbawl hna an thawk a, mipuite chuan rawngbawl hna an thawk ve ngai lo. Thuthlung Thar zirtirnaah erawh chuan a zau zâwnga kan sawi chuan ringtu zawng zawng hi rawngbawltu (Lalpa puithiam) kan ni tiin kan sawi thei a ni. Chanchin |ha kan hril thei vek a, mi dangte tan kan nung thei a, damlote tan kan \angkai thei vek bawk a. Kan tih theihte hi tute emaw tih tur bika ruat lovin kan zavaia tih \heuh hi kan mawhphurhna a ni.

Pahnihnaah chuan ringtu mipui nawlpuite zing a\angin hna bik thawk turin Pathianin a Kohhranho kal tlangin mi bik a ruat bawk \hin. Entir nan, Sakramen rawngbawl hnate hi mi nazawng thawh ngawt chi a ni lo va, chumi hna thawk tur chuan Pastor neih a pawimawh a. Pastor hna chu Pathian kohna hriaten an chhâng a, Pathian thu an zir hnuin Kohhranin a nemnghet a, rawngbawl hna bik atan an nei ta

a ni. Chanchin |ha pawh awmhmun a\angin \awng\ai leh

thilpek hmangin kan hril darh thei vek a. Amaherawhchu, ram thima thawk turin mipui nawlpui a\angin Pathianin tute

26

emaw a ko va; chung mite chu Kohhranin a lo pawm chuan Missionary ni turin an kal bawk \hin. Chutiang bawkin Kohhran Upa hnate pawh kan zavaia thawh theih a ni lo va, mipui hmanga mi bikte thlan chhuah an ni bawk \hin a ni.

Kohhran rawngbawl hna kalpui dan chi hrang hrang kan sawite hi kan Lal Isua zirtirna leh Bible-a innghat a ni tih hria ila. Heng rawngbawl hna kan sawi takahte hian kan chanvo tur leh kan tih tur a awm vek a ni tih hre bawk ila. Rawngbawl turin Lal Isuan min chhandam a (Eph. 2:10), chhandamna chauh duha rawngbawl duh si lo kan ni tur a ni lo vang.

Pathianin Pastor emaw, Missionary turin emaw, hna bik eng emaw thawk turin min ko kher lo a nih pawhin Chanchin |ha hriltu kan ni thei vek a, mahni lawina Kohhranah rawngbawl hna peng hrang hranga mahni phak tawk \heuhva inhmang turin Pathianin min ko a ni.

Chang vawn : Tirh. 6:4

Keini

erawh chu \awng\ai leh thu rawngbawlin kan

awm leh tlat zel ang.”

Zawhna

1. Kohhran rawngbawl hna kawng thumte kha engte nge?

2. Heng rawngbawl hna kawng thumte bakah hian tunlaia Kohhran hmalakna engte nge kan hriat?

3. Chhandamna chang tawh intite zingah hian rawngbawl duh lo kan awm thei ang em?

27

ZIRLAI–3

KOHHRAN DIK AWMZIA

Kawhhmuh tum : Kohhran dik ngainatna chang hriattir

Chhiar tur

: Eph. 2:19-22; I Kor. 1:2-3

ZIRTIRTUTE TAN

Khawvelah hian Kohhran (denomination) hrang tam tak kan awm a, kan kalhmang pawh a inang lo hle hlawm a. Mahni lawina Kohhran \heuh hi dik ber emaw kan ti deuh vek bawk a. Kan ramah ngei pawh hian Kohhran pawl hrang kan tam ta hle a, kan insawi chhe tawn \hâm bawk a. Chuvangin mahni lawina Kohhran sawi mawi chuang lova Lal Isua zirtirna a\ang leh Bible mila Kohhran dik leh dik lo awmzia hi kan zir fiah a pawimawh hle a ni. Sakramen zirlaite tan phei chuan vawiin kan zirlai hi a pawimawh hle a, zirtirtute pawhin uluk tak leh \hahnemngai taka zirtir tur a ni.

Kohhran hrang hrangte inrelbawl dan chu sawi sen a ni lo vang a, amaherawhchu zirtirtute kan inbuatsaih thiam theih nan khawvela Kohhran inrelbawl dan hlawm lite tarlang ila. Hlawm tin chh<ngah Kohhran kalhmang chi hrang hrang nei an la inkhung khawm \euh tih hria ila.

1) Hotu pakhat nei Kohhran (Autocratic form of Goverment) : He Kohhran inrelbawl dan hi Roman Catholic leh Orthodox Kohhranten an zui a. Hotu pakhat chauh, Roman Catholic Kohhran chuan Pope an nei a, Orthodox Kohhran chuan Patriarch (Patriak) an tih chu an nei bawk.

28

An hotu lu berte ve ve chu engkima engkim an ni mai a, an duh duhin thupek an siam thei a, an \hiat leh vek thei bawk. An member-te chuan leia Isua Krista aiawhtuah an pawm a, an thu pawh a kawi a ngilin an zawm \ha hle a ni.

2) Bishop nei Kohhran (Episcopal form of Government) : He Kohhran inrelbawl danah hi chuan Hotu (Bishop) chu thuneitu ber a ni a, Pope tluka thuneitu erawh chu an ni lo. Bishop chu an dam chh<nga \ang lovin an inthlak ve \hin a ni. Hetiang Bishop nei Kohhrante zingah pawh hian kalhmang dang hret hret an awm a, amaherawhchu nemngheh Bishop- te bikin an hruai tlat Kohhrante an ni vek a ni. Bishop nei Kohhrante chu – England Kohhran te, India hmar Kohhran (CNI) te, India chhim Kohhran (CSI)-te hi an ni.

3) Tualchhung Kohhran thuneihna (Congregational form of Government) : He Kohhran inrelbawl danah hi chuan tualchhung Kohhrana lawihote chuan an duh dan danin an Kohhran kalhmang chu an rel chawp mai a. Hmun danga Kohhran inrelbawl dan an entawn vak lo va, an duh dan kha a lal ber a ni. Hotu an ruat pawhin dam chh<ng atan an nemnghet ve lo va, eng emaw chen atan chauh a ni.

4) Inkhawmpui thuneihna Kohhran (Presbyterian form of Government) : He Kohhran inrelbawl danah hi chuan Inkhawmpuia Kohhran member-te aiawh palai rorelna thu chhuak a lal a. Hotute chu inruat bawk mah se, Inkhawmpui leh Committee thu chhuak angin Kohhran an enkawl a, anmahni mi mala thuneihna an nei lo a ni. Tualchhung Kohhran chu Bial Inkhawmpui thuneihna hnuaiah a kal a, Bial chu Presbytery thuneihna hnuaiah a kal a, Presbytery pawh Synod thuneihna hnuaiah a awm bawk a ni. Mi mal an lal rei thei lo va, Kohhran leh Inkhawmpui thu erawh chu a lal hle a, a kalhmang hi Kohhran chh<nga mi tuten emaw sawisel mah se, duh dan tam bera kal a nih avangin

KOHHRAN DIK AWMZIA

29

sawisel a sâwt vak lo. A kalhmang hi a \ha lo a nih chuan Inkhawmpuia tihdanglam a ni \hin.

ZIRLAITE TAN

Thuhmahruai : Khawvelah hian Kohhran pawl hrang hrang kan awm a, kan ramah pawh hian kan tam hle a. Mahni awmna Kohhran \heuh hi dik bera hriain kan insawi chhe tawn \hin a. Kohhran \henkhatte phei chuan anmahni pawl chauh vanram kal turin an inngai a, Kohhran dangte chu hremhmuna kal turin an sawi hial \hin a. Hetiang nuaih nuaiha insawi chhiat hi Lal Isuan Kohhran a din dan chu a ni lo vang. Chuvangin mahni awmna Kohhran sawi mawi chuang lo va, Kohhran dik chu eng nge ni tih hi vawiinah hian kan zir dawn a ni.

Kohhran dik chhinchhiahna palite : Hmasang a\anga Kohhran dik tehna pali (Creedal Statements) atana an hman \hin a awm a, chungte chu – Pakhat (one), Thianghlim (Holy), Huapzo (Catholic), Apostol-te zirtirnaa innghat (Ap- ostolic)-te an ni. Siam\hat Kohhrante chuan Kohhran dik chhinchhiahna dang chi thum an sawite chu – 1) Pathian thu–Thuthlung Hlui leh Thuthlung Thar dik taka zirtir, 2) Sakramen pahnih–Baptisma leh Lalpa Zanriah dik taka hman zel, 3) Kohhran thunun dân dik taka vawn te an ni. Mahse kan sawi zau tur chu hmasang Kohhranin Kohhran dik chhinchhiah nana an hman hi a ni ang.

1. Kohhran chu pakhat a ni : Lal Isuan Kohhran tam

tak a din lova pakhat chauh a din a. Khawvelah hian hnam hrang hrang kan awm a, \awng hrang hrang kan hmang a, chuvangin Kohhran hrang hrang kan awm ta a ni. Amaherawhchu, Lal Isua din Kohhran chu pakhat a ni a, tute Kohhran ber hi nge ni ta ang? Kohhran mal tinte hming

30

vuah a\ang chuan Lal Isuan tute Kohhran mah hi a dik ber tiin a thlan a rinawm lo. Kohhran hming hrang hrang pu mah ila, Lal Isua duhzâwng rilru pua Isua ringtu zawng zawngte chu khawvel huapa pakhat, pumkhat vek kan nihzia hretu apiangte chu eng Kohhrana mi pawh ni sela Lal Isua din Kohhrana member dik takte an ni ang. Chuvangin Kohhran dik rilru chu a zau va, Kohhran dangte chu chhandam loh turin a sawi mai mai ve ngai lo va, pumkhat rawngbawl hna a keng tlat \hin a ni.

2. Kohhran chu Thianghlim a ni : Apostol-te Thurin

chuan Kohhran chungchang hi sawiin, “Mi thianghlimho

inpawlkhawm hi ka ring,” tiin a sawi a. Heta Thianghlim

tih \awngkam hi ‘Serh hran’ tihna a ni a, a tih tur bik ti tur

chauhva serh hran tihna a ni a. Chutichuan Kohhran chu

Pathian serh hran a ni a, khawvel mite lak a\angin tih tur

bik neia a koh hran leh a serh hran a ni. Kohhran chh<ngah

chuan mi sual tak takte pawh kan cheng a, amaherawhchu

mi sual ngaihdamte kan nih avangin min ko hrangtu Lal

Isua thianghlimna kan \awmpui a, keimahniah a malin thianghlimna kan nei ve lo. Lal Isua thianghlimna kan \awmpui hian kan thianghlim lohzia kan hre zual zel zawk a, nimahsela kan thianghlim lohzia kan hriat rualin thil \ha ti tur kan nihzia kan hria a, Lal Isua thianghlimna chu kan \awmpui th<k tial tial si a ni.

3.

Kohhran chu Huapzo a ni : Lal Isua din, Kohhran

dik

chuan anmahni huang chh<ng mai ni lovin, mi zawng

zawng an huap zo \hin. Kohhran chu Lal Isua ringtu apiangte ta a ni a, mi zawng zawng leng tura buatsaih a ni. Rawngbawl hna pawh hi tute emaw thawh tur chauh a ni lo va, Pathian

tana inpe peih apiangte thawh tur a ni a, inthliar hranna a awm lo. Kohhranah chuan hnam rilru te, mi mal rilru te, mahni Kohhran tih dan chauh dik bera hriatnate hi a awm

KOHHRAN DIK AWMZIA

31

tur a ni lo va, ringtu tawh phawt chu zalen taka a khawsak theihna Kohhran a ni tur a ni. Hetianga kan sawi hian Kohhran dik chuan mahni Kohhran kalhmang a nei tur a ni lo kan tihna chu a ni lo va, Lal Isuan Kohhran kalhmang a siam angin awmze nei takin a kal tur a ni kan tihna a ni zawk ang.

4. Kohhran chu Apostol-te zirtirnaa innghat a ni :

Apostol-te khan Lal Isua duhzâwngin Kohhran \iak tirte kha an enkawl a. Kohhran hna pui ber, Chanchin |ha an hrilna apiangah Kohhran an din a, Kohhran hnenah chuan Chanchin |ha hril hna chu an hlan chhawng zel a. Kohhran enkawlna hnaah pawh Kohhrana Lal Isua Lalna dal lovin hotute thuneihna chin turte an ruat fel a, chu chu Kohhran ding tharah pawh an hlan chhawng zel bawk a. Vawiin thleng hian Kohhran dik chuan a tira Kohhran awm dan kha a la phawk fuh reng a, anmahni phuahchawp maiin Kohhran an din ngai lo. Tunlai hian mahni tuizâwng ang anga Kohhran pawl hrang din ta mai kan awm \hin a, Kohhran dik erawh chu Apostol-te hun laia Kohhran awmzia phawk fuh tura din a la ni zel a ni.

Heng Kohhran dik chhinchhiahna pali kan tarlan a\angte hian kan rama Kohhran pawl hrang hrangte hi thlir ila, tute nge dika tute nge dik lo tih chu a lang deuh ruak âwm e. Kohhran chu mihringte din theih a ni lo va, Lal Isua din a ni a, chumi zui chuan mihringten Kohhran inrelbawl hna an kalpui tur a ni zawk. Kohhran dikah chuan Lal Isua chu lu ber leh hotu ber a ni a, a lai pui ber a ni. A khawngaihna avanga chhandamnaah Kohhran member-te chu an lungawi a, chhandamna turin thil dang an belh tel ngai lo. An Kohhran inrelbawl dan chu anmahni tui zâwng aiin Lal Isua duhzâwng a ni a, an rawngbawlna pawh Lal Isua pawm tlak rawngbawl hna a ni bawk.

32

Chang vawn : Eph. 2:21

chuan lungrem hrang \heuh te, rem taka

chuktuahin, Lalpaah chuan Biak In thianghlimah a chang zel \hin a.

Amahah

Zawhna

1. Kohhran dik chhinchhiahna palite kha engte nge ni?

2. Kan Kohhran hi Kohhran dik niin kan hria em?

3. Kan ramah hian Kohhran dik lo nia kan hriatte chu eng Kohhrante hi nge?

33

ZIRLAI–4

KOHHRAN DIK LEH DIK LO LAN DAN

Kawhhmuh tum : Kohhran dik leh dik lo thliar hran thiamtir

Chhiar tur

:

Tirh. 20:28; I Kor. 3:1-8

ZIRTIRTUTE TAN

Chawlhni hmasaah khan Kohhran dik awmzia chu naupangte rilruah fiah takin kan tuh tawh a. Vawiinah hian kha thu kha chhunzawmin Kohhran dik leh dik lo lan dan

kan zir leh dawn a, zirtirtute pawh uluk taka kan inbuatsaih

a pawimawh hle ang. Tute Kohhran emaw an hming hmerha

va demna lakah fimkhur ila, chutih rualin naupangte thinlungah chuan fiah taka Kohhran dik leh dik lo an thliar thiam theih nan kan zirlai hi an rilruah nghet taka tuh tum tur a ni bawk ang.

Kohhrana mi \henkhatte chuan Kohhran dik leh dik lo awmzia hre hauh lovin, “Eng pawl pawh hi a \ha e,” an ti

mai \hin a, mi mala Pathian hriatna dik an neih phawt chuan

a tâwkah an ngai mai bawk \hin. Amaherawhchu, mi mal

taka Pathian nena kan inhriatna chu \ha hle mah se, kan awmna Kohhran inrelbawl dan chu a dik si loh chuan hruai bovin kan awm thei a ni. Chuvangin kan awmna Kohhran

chuan Kohhran dik kalhmang a zui em? tih hi kan hriat fiah

a pawimawh \hin a ni.

Mi \henkhatte chuan hmuh theih Kohhran hi ngainępin, hmuh theih loh Kohhran mi leh sa an nihna chu an duh tâwk mai \hin a. Chutiang mite chuan hmuh theih Kohhran

34

chu an hmu khawvel a, thingzai rem khawm chh<nga mihringte inpawlhona mai mai angin Kohhran hi an ngai bawk a. Hetiang ngaihdan dik lo tak mai hi zirlaiten an neih loh nan ven hneh an mamawh hle ang.

Hmuh theih Kohhran leh hmuh theih loh Kohhran hi a hrangin a awm lo va, rinna leh thiltih a inzawm tawn ang hian an inzawm tawn tlat a ni tih hi hriat fiahtir tur a ni. Hmuh theih loh Kohhran member dik takte chuan hmuh theih Kohhran hi an ngainęp thei lo. Lal Isuan Kohhran a din khan hmuh theih loh lama amah ringtute zawng zawng chu hmuh theihin an inpawlkhawm a, hmuh theihin rawng an bawl a, hmuh theihin Kohhran hruaitute an thlang a, inrelbawl hna zawng zawng pawh hmuh theihin an kalpui vek a ni. Chutianga hmuh theih Kohhran dik leh dik lo lannate chu naupangte thinlungah fiah taka zirtir a pawimawh a ni.

ZIRLAITE TAN

Thuhmahruai : Chawlhni hmasaah khan Kohhran dik awmzia kan zir tawh a. Kha thu kha chhunzawmin vawiinah hian Kohhran dik leh dik lo awm dan kan zir leh dawn a ni. Kan hriat \heuh angin kan ramah pawh hian Kohhran pawl hrang kan tam hle a, Kohhran dik leh dik lo awmzia pawh mahni Kohhran kalhmang a\ang \heuhvin kan teh a, mahni awmna Kohhran kan sawi mawi \hin. Vawiinah hian keimahni Kohhran sawi mawi hauh lovin, Kohhran dik leh dik lo awm dan kan zir dawn a, kan zirlai a\ang hian kan awmna Kohhran hi a dik em tih hi kan teh zawk tur a ni ang. Hetiangin –

1. An Thurin inghahnaah : Kohhran dik thurin chu a

pum puiin Lal Isuaah a inghat a, chhandamna chu Lal Isua

KOHHRAN DIK LEH DIK LO LAN DAN

35

rin avanga a khawngaihnaa chhandam kan nihna hi a ni an ti a. An Kohhran thurin chu kawng hrang hranga Kohhran zawm tur ziak khawmna pawh ni sela, a vaiin Lal Isua z i r ti rn aa i n n gh a t a n i b awk . Z aw l n e i i n tit e t hupu a n e m aw, Lal Isua zirtirna pela Thuthlung eng eng emaw hi thurin inghah nan an hmang ngai lo va, Pathian thu hi an ril rem zâwng leh an tui dan zâwngin an kalpui lo va, Lal Isua zirtir dan zuiin an kal \hin a ni.

Kohhran dik lote erawh chuan Lal Isua hi chhandamtu a nihzia chu sawi ve bawk mah se, chhandam nih theihna turin thil dang an lek tel \hin. Chutiang Kohhrante chuan ‘Isua hi chhandamtu a ni’ tiin an sawi ve a, nimahsela Isua ai maha sawi pawimawh zawk thil dang an nei a, an belh chawp chu Isua aiin an lungawipui mah zawk \hin a ni. Chutiang mite chu chhandam nan Lal Isua chauh ni lova anmahni pawl tih dan ring tel tlatte an nih avangin thurin dik lo an vuan a ni. Thurin dik lo chu Kohhran dik lo a ni nghal a, Kohhran dik lova awm chu Kristian dik lo nihna a ni bawk.

2. An thawhho danah : Kohhran dik chuan Isua Krista

tan \hahnem an ngai a, Krista tan chauh an thawk a. Krista hnenah mi hruai pung si lova an pâwl member tihpun vak mai hi an tum ngai lo. Chanchin |ha an hrilhna hmun apiangah an pâwl tihpun tumna aiin miten Lal Isua an rin theihna turin an thawk ber \hin a ni. Chutiang Kohhran chu an pawl tihpun tuma \hahnemngai rualte awm khawm an ni lo va, Krista tana \hahnemngaite chu pâwl khatah an awm khawm a ni zawk. An thawhho danah pawh Krista tana \hahnem an ngaihnain hma a hruai a, Krista tana an seng

khawmte chu Kohhranah an seng l<t \hin a ni.

Kohhran dik lote erawh chuan Krista tan ti ve zel chungin an pâwl tihpun hi an tum ber a, Krista hnenah mite

36

hruai pung chuang si lovin an pâwl an tipung \hin a ni. Chanchin |ha an hril pawhin Lal Isuan a khawngaihna avanga min chhandamna hlutzia aiin an pâwl \hatzia an sawi lar mah zawk a. Kohhran \henkhatte phei chuan anmahni Kohhrana awm lote chu chhandamna chang lo hial turin an ngai a, Kohhran danga awmte chu an pâwla hruai luh tumin an hmanhlel a, ringtute an tibuai \hin a ni. Chutiang Kohhrante chuan pâwl rilru zîm tak an put avangin an nun dan pawh a zîm a, rual an pâwl zau lo bik \hin.

3. An thil ngaih pawimawhah : Kohhran dik chuan an

ngaih pawimawh ber chu Lal Isua duhzâwng rilru put leh Chanchin |ha nena inmawia nun hi a ni. Eng Kohhrana mi pawh ni sela, pâwl rilru zîm tak pu lova Kristian rilru dik a put chuan an lawmpui a, an pâwla awm turin an thlem an thlem ngai lo. Chutiang rilru pute chu khawi hmunah pawh awmho sela, an Kohhran awmna hrang mah se unau angin an inen thei a ni. An Kohhran inzirtirnaah pawh Kristian zawng zawng huap zovin Lal Isua duhzâwng chu Bible milin an inzirtir a, a bika an pawl \hatzia an tuipui ber lo a ni.

Kohhran dik lo erawh chuan an pâwl duh dan chu Lal Isua duh dan emaw an ti tlat a. An thil ngaih pawimawh ber chu Lal Isua zirtirna aiin an pâwl zirtirna zîm t> chu a ni ber \hin. An Biak Inah Pathian thu an sawi pawhin Bible thupui pawimawh tak takte chu sawi ve \hin mah sela, an thusawi tawp lamah chuan an pâwl tih dan leh bawlhlo velah an khung l<t leh vek \hin a ni. An thil ngaih pawimawh ber chu Pathian thu sawi thiam ni lovin, an pâwl kalhmang sawi mawi thiam leh pâwl dangte sawi chhe thiamte hi an ni mah zawk. Chutiang Kohhrante thil ngaih pawimawh chu Lal Isuan a pawmpui a rinawm loh a ni.

4. |an tlan danah : Kohhran dikte chuan khawvela Lal

Isua ringtu an lo pun zel thu an hriatin, an pâwla mi an ni

KOHHRAN DIK LEH DIK LO LAN DAN

37

emaw ni lo emaw ngaihtuah lovin Pathian hnenah lawmthu an sawi thei a. An pawl rilruin khawvel hi an thlir lo va, Kristiante rilruin an thlir zawk a ni. Kohhran dika awmte chu an awmna pâwl hrang mah se, Krista tana an \an tlan danah an inthurual thei vek a, rawngbawlnaah pawh an thawkho thiam \hin a ni. An thurin innghahna leh an thawh dan leh an thil ngaih pawimawh zâwng a inan vek avangin indem tawn lovin, an intisâwt tawn zawk \hin a ni.

Kohhran dik lote erawh chuan an pâwl rilru zim takin khawvel hi an thlir a, khawvelah hian Kristian tam tak awm mah se, an pâwl milpuite chauh lo chu an hmu dik lo vek mai \hin a ni. Tute emaw chuan Krista tana martar huam khawpin \hahnemngai mah sela, an pâwl mi leh sa an nih loh chuan an ngaisang chuang lo va, an thawhpui thei chuang lo a ni. An rilru putzia a zim em em a, an pawl tih dan ang chiaha ti ve pawh awm sela, an pâwla hming ziak an nih loh chuan an pawmpui thei chuang lo a ni. Hetiang Kohhrante hi chu an pâwl tan chauh an \ang a, Kristiante \an tlanna an hre phak ve lo a ni.

Heng a chunga kan tarlante hi Kohhran dik leh dik lo zia chu a ni a, thil hlauhawm tak chu Kohhran dik lova awm hi a ni tih kan hre thei âwm e. Keini ngei pawh hi rei lo teah Kohhran dan chh<ngah kan l<t dawn a, nakin lawkah nupui pasal neiin Kristian chhungkua kan la din dawn a. Kan thih ni thlenga kan awm dan tur chu tun a\anga kan rel fel a pawimawh hle a ni. Mi \henkhatte chuan nupui pasal inneihna avangin Kohhran dik tâwk lova luh pawh an hnial lo mai \hin a, hei hi dam chh<ng chauh ni lova thih hnu thlenga thil pawi hlen thei a ni tih hria ila. Kan tana pawimawh ber chu Kohhran dika awm hi a ni.

38

Chang vawn : Tirh. 20:28

Pathian Kohhranho, ama thisena a leite chu chawm turin, nangmahni leh in hote zawng zawng chungah chuan fimkhur rawh u, Thlarau Thianghlimin an chunga hotuah a siam che u hi.

Zawhna

1. Kohhran dik leh dik lo lanna kawng lite kha engte nge?

2. Kohhran dik chuan eng nge a ngaih pawimawh ber?

3. Kan Kohhran dik tawk lohna lai han sawi teh u.

39

ZIRLAI–5

KOHHRAN MI NIH PAWIMAWHNA

Kawhhmuh tum : Kohhrana awm pawimawhzia hriattir

Chhiar tur

: Mat. 16:18; Joh. 10:7-16

ZIRTIRTUTE TAN

Hmasang a\anga vawiin thleng hian mi \henkhatten Kohhrana awm pawimawhzia hi an hre lo va, chuvangin Kohhran lawina bik nei lovin an tei mai mai \hin a. Kan ramah ngei pawh hian chutiang mi chu kan awm a, a pawi em em a ni. Chutiang mite chuan hmuh theiha Kohhran ding reng reng hi an hmu khawvel a, anmahni chu hmuh theih loh Kohhran member dik niin an inhre tlat bawk si a. Hmuh theiha Kohhran ding reng renga awm chu Pathian huatzawng nia ngaiin an awmna Kohhran an chhuahsan hial a. Nimahsela pawl chhuakhote chu inhmu khawmin, pawl tho an din leh lawi bawk a. Kohhran an chhuahsan a, zah a hnękin an chapopui zawk mah a; nimahsela Kohhranho awm khawmnaah lo chuan a hrang tak takin an awm thei chuang si lo. Chutiang mite chu khawhar inahte an vei zâwng hrîk thlak tumin an hmanhlel a, Kohhran inawp dan an sawisel a, thlarau mi berah an insawi \hin a ni. Hetianga kan ram boruak hi hre reng chungin kan zirlaite hnenah Kohhrana awm hlutzia leh pawimawhzia hi chiang taka hriattir tur a ni ang.

Kohhran hrang hranga kan tel dante pawh hi inenfiah kan mamawh. Mizo hnahthlak tlem t> hian Kohhran pâwl hrang din kan taima hle mai a, tunah hian mi mal pâwl din

40

neuh neuhte nena chhiar vekin pâwl sawmsarih chuang lai kan awm tawh niin sawi a ni. Khawvel zau tak hi thlir ila, kan ram tiat puiah chuan Kohhran pâwl hrang din taima ber ram kan nih loh pawhin a ber pâwl chu kan tling ve ngeiin a rinawm. Kohhrana lungawi lohna nei te, Pathian thu pawm dana mi dangte aia filawr zual deuh te, mahni awmna Kohhrana chanvo \ha chang lova inngai te, lalna leh thuneihna duh hrim hrim mite hian Kohhran pâwl hrang kan din sup sup a. Mahni awmna Kohhran sawi mawina lamah \hahnem kan ngaih avangin Pathian thu pawh kan sawi hman lo a ni ber mai. Hetianga kan ram boruak tawn mekte hi thlir ran chungin kan zirlai hi zir tur a ni ang.

Kan zir tawhah khan Kohhran dik awmzia te, Kohhran dik leh dik lo lan chhuah dan kan hre tawh a. Vawiina kan zir tur, ‘Kohhran mi nih pawimawhna’ tihah hian Kohhran dika awm pawimawhzia chauh a huap ang a, chumi rualin Kohhran dik lova awm pawizia pawh naupangte thinlungah tuh nghal tur a ni ang. Kan ram Kristiante hi kan pherh chhiat nasat tawh avangin vawiina kan zirlai hi kan ram tana a pawimawhzia hre chunga \hahnemngai taka zirtir turin kan inbuatsaih a pawimawh hle a ni.

ZIRLAITE TAN

Thuhmahruai : Kan ram Kristiante zingah hian eng Kohhran maha awm duh lo, Pâwlchhuak kan tihte hi kan hre \heuh âwm e. Nangni zingah pawh hian in chh<ngte zingah pawlchhuak kan tih ang chi hi in awm mai thei a ni. Chutiang mite chuan Kohhran pawimawhzia hi an hre lo va, Kohhran chhuahsanin an awm mai mai a. An fate pawhin Sunday School kalna tur an nei lo va, an lo len hnuin rual an pâwl lo va, thlarau lam chauh ni lovin, khawvel thilah pawh an

KOHHRAN MI NIH PAWIMAWHNA

41

nih tur ang an ni phak lo a ni. Nangni ngei pawh hi inngaihtuah ula. Dan zawhkim ni turin Kohhranin a buatsaih mek che u a, hetiang taka buatsaihna chang ve lote kan ngaihtuah chuan in vannei takzet a ni. Nakina in thlahte thlenga kawng dik in zawh theih nan vawiina kan zir turte hi ngun takin in ngaithla dawn nia.

1. Kohhran chu ringtute awmna tura Lal Isua din a

ni: Lal Isua thih hnua Pentikos Ni a lo thlen khan khawvel mite thinlungah Thlarau Thianghlimin hna a thawk nasa hle a. Mi tam takten an sakhaw vawn lai kalsanin Lal Isua an ring a. An rinna chu hmuh theih loh, chh<ng ril lam a\anga lo \o chhuak a ni a. Chung ringtute chu Lal Isuan, “Ka Kohhranho ka din ang,” a tihah ngei an awm khawm ta a. Chutichuan Kohhran chu amah Lal Isua ngeiin amah ringtute zawng zawng awm khawmna tura a din chu a ni. Chuvangin Isua ringtu mi mal tinte kha ‘Lal Isua ka nei tawh a lawm’ tiin anmahni duh ang angin an nung mai mai lo va, mi dangte nen inhlawm khawmna fel tak neiin Kohhranah an awm ta a ni.

Khatih lai khan tunlai ang hian Kohhran hming vuah an la nei lo va, Pathian Kohhranho an ni tawp mai a ni (cf. Tirh. 20:28). Kohhranhote chu ni tin Pathian Biak Inah an awm \hin a, rilru hmun khata \awng\aiin, inpawlin, \hahnemngai takin Pathian an be \hin a. An inhmangaih em em a, an thil neihte chu an insem tlang a, an zinga tlachham bikte chu an dâwm kang a, mi zawng zawng lawmzawngin an awm \hin a ni. Lal Isua ring thar, chhandamna changtu apiangte chu an zingah chuan ni tin an tel thar zel bawk (Tirh. 2:42-47).

Kan sawi tak a\ang hian, “Isua ringtu ka ni,” kan tih chuan Lal Isua ngeiin duh taka a din Kohhranah kan awm ngei tur a ni ang. Lal Isua chauh ring duh a, amah ringtute

42

awmkhawmna tura buatsaih Kohhrana kan awm duh si loh chuan Kohhran dintu Lal Isua thupek kan awih lo tihna a ni ang. Kan ramah ngei pawh hian chutiang mi chu mi \henkhat kan awm a, chung mite chuan Pathian thu hi tui takin an sawi ve tho mai a; nimahsela Kohhran an ngaihnępna tak hi an kal sualna a ni.

2. Thlarau Thianghlimin Kohhranho a pâwl \hin :

Tirhkohte Thiltih 20:28-na thu hi ngaithla lawk ila (zirlai zinga mi pakhatin chhiar sela). “Pathian Kohhranho, ama thisena a leite chu chawm turin, nangmahni leh in hote zawng zawng chungah chuan fimkhur rawh u, Thlarau Thianghlimin an chunga hotuah a siam che u hi.” He thuah hian thil chi li kan hmu a, chungte chu – Kohhran hi Pathian Kohhran, Lal Isua thisena a lei, a rawngbawltu pawh Thlarau Thianghlim ruat, a enkawl danah pawh Pathianin a duh dana a enkawl a ni. Pentikos Ni-ah pawh khan ringtu awm khawm (Kohhran)-te chu an vaiin za leh sawmhnih an ni a. An awm khawmna in chu Thlarau Thianghlimin a rawn luah khat a, an zavaiin Thlarau Thianghlimin an khat ta tih kan hmu bawk (Tirh. 1:15; 2:2). Keini pawh hi Thlarau Thianghlim pawl tura kan inbuatsaih chuan Kohhranah kan awm ngei a pawimawh a, Thlarau Thianghlim changtu inti si, Kohhran ngaina si lo kan nih chuan kan tidik dawn lo a ni.

3. Krista leh Kohhran a inzawm : Kohhran hi Krista

taksa a ni tiin Bible-in min hrilh a (Eph.4:15,16; Kol.1:18). Amah Krista chu Kohhran L< a ni a (Eph. 4:15 (b) ). Kan l< leh taksa chu a inzawm tawn angin, Krista leh a Kohhran chu a inzawm tawn tlat a nih chu. Chuvangin miin Lal Isua

a duh chuan Kohhran hi a duh tel lo thei lo va, Kohhrana awmte pawhin Lal Isua an duh lo thei lo bawk. L< chauh neih duha taksa neih duh si lo kan nih chuan piansual dan

KOHHRAN MI NIH PAWIMAWHNA

43

rapthlak berin kan piangsual dawn tihna a ni ang. Chuvangin–

Krista, Kohhran tan kan ding Rilrua inzawmin

tiin hlim takin kan zai tur a ni ang. Mihring khawsaknaah pawh hian kan lu lamin a ngaihtuah a, kan taksain a thawk \hin a. Chutiang bawkin kan L<, Kristan tih tur min pe a, chu chu a taksa Kohhran hmanga tihhlawhtlin tur a ni. Kohhrana kan awm loh chuan Lal Isua rawngbawl hna pawh \angkai taka thawh theih a ni lo vang.

4. Kohhrana awm loh pawizia : Johana 10:7-16 chh<ngah

hian Lal Isuan Kohhrana awm loh pawizia chu tehkhin thuin chiang takin min hrilh a. A tehkhin thuah hian thil pathum – beram, berampu leh beram huang kan hmu a. Beramte chuan an pu an hria a, berampu pawhin a beramte a hre bawk a. Amaherawhchu, beram leh a pu inhriat tawnna mai chu a la tawk lo va, beramte chu an puin an himna huang a siamah chuan zan tinin an lawi l<t ngei tur a ni. An huanga an lawi duh loh chuan an pu chuan beram bovah a puang mai \hin a ni.

He tehkhin thu a\ang hian eng nge kan hmuh? Keini ringtute hi beram chu kan ni a, berampu chu Lal Isua hi a ni a, beram huang chu Kohhran hi a ni. Kan ramah hian berampu Lal Isua hre chiang taka insawi si, beram huang Kohhrana lâwi lűt duh hauh lo kan awm a. Chutiang mite chu ringtu \ha tak an ni thei lo vang. Beram bo an ni a, an himna huangah an lâwi duh lo va, an sawi chhe zawk mah a. Hetiang mite hi an khawngaihthlak hle a, dawhthei taka Kohhrana hruai luh an \ul a ni.

Kohhran dika awm hi kan thlarau tan chauh ni lovin khawvela taksaa kan awm chh<ng ngei pawh hian a \angkai

44

a. Mi pakhat chuan, “Presbyterian Kohhrana naupan t>t a\anga rinawm taka awmte hi chu an puitlin hunah pawh eng pawl hruaituah pawh an tling a ni,” a ti hial a. Kohhrana awm hi rual pawlna a ni a, finna a ni a, mi anna a ni. Kohhran ngaina lote hi chu lehkha thiam tak emaw, hausa tak emaw pawh ni sela, an zahawm tur angin an zahawm thei lo va, an nun a zim duh bawk.

Kohhrana awm pawimawhna chu kawng li laiin kan sawi ta a, a dang pawh sawi tur tam tak a la awm a, mahse duh tawk rih ila. Kohhrana awm hlutzia kan hriat rualin Kohhrana awm loh pawizia hi a lang nghal thei bawk a. Kohhrana awm a pawimawhzia kan sawiah pawh hian Kohhran dika awm chauh a pawimawh tih hre bawk ila. Kohhrana awm lo emaw, Kohhran dika awm lote emaw chu khawi hmunah pawh an thusawi kan ngaihthlak pawhin awih chin tawk neih thiam a \ha hle a ni.

Chang vawn : Joh. 10:16

Tin, he beram huanga mi lo hi beram dang ka nei, anni pawh ka la rawn hruai tur a ni, ka aw pawh an hria ang, chutichuan pawl khatin an awm ang a, a vengtu pakhat nen.

Zawhna

1. Lal Isuan beram, berampu, beram huang a sawite kha tute nge an nih?

2. Kohhran chhuahsantute hi engtianga en tur nge?

3. Kan thih ni thlenga Kohhran dika awm zel kan tum tlat dawn em?

45

|HEN

HNIHNA

PRESBYTERIAN KOHHRAN

Thuhmahruai : |hen hnihnaah hian Presbyterian Kohhran chungchang bik kan zir dawn a. A lo din chhuah dan te, a kalhmang te, Mizoram bika a lo indin chhuah dan te, a dinhmun leh a \han zel dante kan zir dawn a ni. Keimahni awmna Kohhran ngei a nih avangin taima taka zirtir tur leh zir turin inbuatsaih ila.

ZIRLAI–6

PRESBYTERIAN KOHHRAN DIN CHHUAH DAN

Kawhhmuh tum : Mahni awmna Kohhran \obul hriattir

Chhiar tur

:

Tirh. 2:42-47; I Tim. 3:8-13

ZIRTIRTUTE TAN

Presbyterian Kohhran lo pian chhuah dan hi vawi khatah kan zir zo seng dawn lo va, a tlangpui chauh kan tar lang dawn a. Naupangte hnenah phei chuan thu harsa deuh pumpelhin an chhinchhiah âwm tawk chauh kan zirtir a \ul dawn avangin a bul a\anga chhui lova tan bun chin kan neih a \ul dawn a ni.

Presbyterian Kohhran lo pian chhuahna bul hi a chhui hla thei berte chuan Aigupta a\angin an \an daih a. Aigupta

46

ramah khan an sawrkar ro meuh pawh Upahovin an rel a (cf. Gen. 50:7). Mosia hova Israel-te thlalera an kal lai pawh khan Upa sawmsarih an siam tih kan hmu a (Num.

11:25).

Babulon sal tang chhuah hnuah khan Juda-ho rorel chu S a nhedr i n a n vu a h a, a n va ii n pu it h i a m l a l b e r n e n m i 71 an ni a, Thuthlung Hlui huna roreltu Upa 70 number kha an la chhawm zel niin a lang a. Lal Isua hun thleng khan Sanhedrin-te hian mipui aiawhin ro an rel a ni. Chumi zui chuan Juda-te Sunagog rorelna leh inrelbawl hna pawh Pres- byterian kalhmang ang deuh chiah hi a ni ni zel a. Chu chu Kristian Kohhran ding tirte pawh khan hemi kalhmang hi chhawmin, Kohhran inrelbawl hna hi an kalpui ta a. Mahse Kohhran kal zelin an chhunzawm \ha tawk lo va, Kohhran siam \hat hun laiin an din thar leh a, chu chu vawiin thlengin kan chhawm chho ta zel a ni.

ZIRLAITE TAN

Thuhmahruai : Vawiinah hian keimahni awmna Presbyte- rian Kohhran pian chhuah dan kan zir dawn a. Mahni awmna Kohhran \obul hriat chian hi ringtute mawhphurhna a ni a, keini Dan zawhkim ni mai turte phei chuan kan hriat a \ul zual em em a ni. Presbyterian Kohhran hi tuten emaw, thuneih châk hrim hrimin an din a ni lo va, a hun lai Kohhranin Kohhran kalhmang a lo kalsan thui tawh avanga siam \hat Kohhran lo piang chhuak ta a ni a. A dintu mi mal hming emaw pawh sawi fak hleih theih a ni lo va, zawi zawia mi chi hrang hrang hmanga lo piang chhuak a ni a, chungte chu a tlangpuiin kan zir dawn a ni.

1. Presbyterian Kohhran a lo din chhan : Thuthlung

Thar Kohhran kal zel chu Kohhran hming bik pawh nei

PRESBYTERIAN KOHHRAN DIN CHHUAH DAN

47

lovin, inpumkhat takin kum sangkhat vel a kal tawh a. Kum 1054-ah khan a phel ta phawk a, Khawchhak leh Khawthlang Kohhran a lo piang chhuak a. Khawchhak Kohhran chu Eastern Orthodox an vuah a, Grik \awng hmang an ni a. Khawthlang Kohhran chu Roman Catholic tiin an vuah a, Latin \awng hmang an ni a.

Kum 1500 bawr velah khan Khawthlang Kohhran hruaitute chuan dem an kai hle a, mipui thinlungah Kohhran siam \hat duhna a lian hle bawk a. Kum 1517-ah khan Luthera chuan a hun laia Kohhran kal dik lohna chu point 95 laia ziakin Biak In bangah a tar chhuak ta a. Heta \ang hian Luthera Kohhran a lo piang chhuak a, hun lo kal zelah Anglican Kohhran a lo piang leh a.

Heng kan sawi tak Kohhran lo piang chhuakte hi hotu lawk zual neia inkaihruai vek an ni a. Chu chu Thuthlung Thara Kohhran hmasate kalhmang a ni lo tih hi mi chi hrang hrangte rilruah a awm a. Kohhranah chuan hruaitute chu awm mah se, mipui nawlpuite palz<t lo va, lungrual taka mipui aiawhte rorelna hmun tur a nihzia chu Bible-ah kan hmu a. Chutianga Bible-in Kohhran kalhmang a lo siam chu zui turin Presbyterian Kohhran hi a lo piang chhuak ta a ni ber.

2. Presbyterian Kohhran lungphum phumtute : Pres-

byterian Kohhran a lo din chhuahnaa a bul tumtu ber chu French mi John Calvina a ni. Ani hian a hun laia mite thinlungah Thuthlung Thar Kohhran hmasate kalhmang din thar leh duhna phawk chhuak zâwngin 1536 khan lehkhabu a ziak a. A lehkhabu ziak hming chu Kristian Sakhaw Kalhmang (The Institutes of the Christian Religion) tih a ni

a, chutah chuan Kohhran kalhmang tur chu Bible zirtirna leh Kohhran hmasate kalhmang rem thei ang berin a duang chhuak a. Kohhrana hotu lawk zualte thuneihna paihin,

48

hruaitu invuah dan a rem fel a, chu chu Presbyterian Kohhran din chhuah nana lungphum pawimawh tak a ni hlen ta a ni.

John Calvin-an Kohhran kalhmang a duan chhuah zui hian French ramah Kohhran a ding \an ta a. Kum 1560 khan Scotland ramah John Knox-a chuan Calvina Kohhran kalhmang duan chhuah hi a rem fel lehzual a, chu chu Scotland ram rorelna sang ber chuan a pawmpui ta bawk a. Hetih hun lai hian Kohhran hming chu ‘Reformed Church’ tih a la ni deuh ber a, chu chu ‘Presbyterian Church’ tih nen intluk tlanga hman a ni a. Kum zabi 17-na tir lamah khan Presbyterian tih hming tak hi chu Scotland ramah hian an hmang hmasa ber a ni.

Presbyterian Kohhran kalhmang chu zawi zawia siam \hat a ni chho zel a. Andrew Marvile-a chuan Presbyterian Kohhran kalhmang chu famkim zawkin a rem \ha lehzual a. Chu chu 1581 khan Kohhran Inkhawmpui Lianin a pawmpui a. Chumi hnuah pawh Presbyterian kalhmang hi Bible zirtirna anga rem fel chhoh deuh deuhvin, London Westminster Assembly chuan 1643-1652 khan a nemnghet leh a. Chuta \ang chuan khawvel hmun hrang hrangah Presbyterian Kohhran hi a lo darh zau ta a ni.

3. Presbyterian Kohhran hi engtik a\anga lo piang

chhuak nge a nih tak? : Kan zir takte kha han thlir let ila, Presbyterian Kohhran hi innghahna fel tak neia lo piang chhuak ni mah sela, a lo pian kum leh ni tak hi sawi fak a har hle. A nihna takah chuan Presbyterian Kohhran kalhmang hi Thuthlung Thar Kohhran hmasate kalhmang kha a ni a, chu chu hun laihawl hmasa lam (A.D. 430-1095) lai velah khan Kohhranin a chhawm nung zel ta lo va. Hun lo kal

zelah Presbyterian lungphum ph<mtu kan zir takte khan a hun lai Kohhranin Kohhran hmasate kalhmang a lo kalsan tawh chu an rawn din thar leh ta a ni.

PRESBYTERIAN KOHHRAN DIN CHHUAH DAN

49

Thuthlung Thar hun hmasa lam a\ang tawh khan Pres- byterian Kohhran zia leh kalhmang a lang tawh a. Chu chu Kohhran kal zelin a chhawm nun tak loh avangin, tlai khaw hnuah John Calvin-a leh a \hianten Presbyterian Kohhran kalhmang awm tawh sa chu an din thar leh ta a ni tiin kan sawi thei ang. Chutianga Kohhran kalhmang din thartute zinga lar deuh deuhte chu – John Calvin-a te, William Farel- a te, John Knox-a te, Martin Bucer-a te, Theodore Bez-a te leh Andrew Marvile-a te an ni.

Chang vawn : I Tim. 3:13

Kohhranho rawngbawl lam hna thawk \ha tawhte chuan dinna \ha tak leh Krista Isuaa rinna kawngah chuan huaina nasa tak an insiam si \hin a.

Zawhna

1. Kohhran hi Khawchhak leh Khawthlang Kohhrana an phel kum kha eng kum nge?

2. Presbyterian Kohhran lungphum phumtute kha tute nge?

3. John Calvina lehkhabu ziak hming kha eng nge ni?

50

ZIRLAI–7

PRESBYTERIAN KOHHRAN KALHMANG

Kawhhmuh tum : Kohhran hi mi mal thuneihnaa kal lova huho thuneihna a ni tih hriattir

Chhiar tur

:

Sam 87:1-7; Tirh. 15:24-29

ZIRTIRTUTE TAN

Chawlhni hmasaah khan zirlaite thinlungah Presbyte- rian Kohhran lo indin chhuah dan kan tuh tawh a. Vawiinah hian khami thu chhunzawm khan, kimchang deuh zawkin Presbyterian Kohhran kalhmang kan zirtir leh dawn a ni. Presbyterian Kohhran kalhmang hi a zau va, ram hrang hrangah a kalhmang tlangpui chu inang mah se, a inchen chiah chiah vek lo bawk a.

Kan zir tawh ang khan Presbyterian Kohhran kalhmang hi Bible zirtirnaa innghat tlat a ni a. Chumi zui chuan Ge- neva-a John Calvin-an Kohhran Siam\hatna hna a thawh khan Kohhran enkawltu tur chi li a duang chhuak a, chungte chu – Pastor, Zirtirtu, Upa leh Rawngbawltu (deacon) te an ni a. A hnu zelah Calvin-an Kohhran kalhmang a duan chhuah hi tihfamkim deuh deuh a ni chho ta zel a.

Calvin-a khan a Pathian thu pawm dan laipuiah ‘Pathian Lalberna’ tih hi a hmang uar hle a. Bible thuneihna a ngaisang a, Lal Isua chhandamna chu khawngaihna liau liau a nihzia a uar a. Kohhran inrelbawlna lamah chuan Kohhran hmasate kha Hotu lal bik awm lova mipuite aiawh (Upate) rorelin an awm \hin tih a hmu chhuak a. Chuvangin

PRESBYTERIAN KOHHRAN KALHMANG

51

Kohhran chu vantlang rorel (Democracy) zuia inkaihhruai hi Bible nen inhmeh berin a hria a ni. Vawiina kan zirlai pawh hi Calvina zirtirna zuiin kan kalpui dawn a, zirlaite hriat fiah theih tura sawi thiam turin inbuatsaih ila.

ZIRLAITE TAN

Thuhmahruai : Chawlhni hmasaah khan a \obul a\anga Presbyterian Kohhran a lo pian chhuah dan kan zir tawh a. Kha thu kha chhunzawmin vawiinah hian Presbyterian Kohhran kalhmang kan zir leh dawn a ni. Kan Kohhran kalhmang hi engang nge, khawi a\anga in\an nge, Kohhran dik kalhmang a ni em? tihte ngun taka chhűtin in zir dawn nia.

1. Presbyterian awmzia : Presbyterian tih hi Grik \awnga

Presbuteros tih a\anga lak a ni a. Chumi awmzia chu Upa (Presbyter) tihna a ni. Heta Upa tih hian tunlaia keini Kohhran Upa kan tihte chauh hi a kawk lo va, a bik takin Pastor te, Upa te, rawngbawltu (deacon)-te a huap a. Juda- te chuan Sunagog-a an hotute chu ‘Presbuteros’ tiin an ko \hin a, chu chu Kohhran hmasate khan Kohhran hruaitute koh nan an hmang zui ta a ni. Chutichuan ‘Presbyterian Kohhran’ tih awmzia chu ‘Upate rorelna Kohhran’ tiin kan sawi thei ang. A awmzia kan hman dan takah erawh chuan ‘Mipuite aiawha thlan palaite leh Upate rorelna’ a ni. Tirhkoh Paula-ten an zinnaa Kohhran an dinna hmun apiangah Upa an siamsak zel tih kan hmu (Tirh. 15:4,6,22; 16:4; 20:17; Tit. 1:5; I Pet. 5:1-3).

Chuvangin kan Kohhran hming hi tute phuah chhuah mai emaw ni lovin, Bible-a Kohhran inrelbawlnaa mawhphurtute hming \awmpuia lo piang chhuak a ni. Tirhkohten Lal Isua thu anga Kohhran an din ruala lo piang

52

chhuak ve nghal kha a ni a, chuti a nih chuan Presbyterian Kohhran chu Tirhkohte din a ni tiin kan sawi thei âwm e.

2. Presbyterian Kohhran inawp dan : Presbyterian

Kohhran inawp khawm dan hi khawvela Kohhran hrang

hrangte inawp dante zingah chuan a \ha berah kan ngai a.

A chhan chu Bible-a Kohhran hmasate inawp dan nen a

inrem vang a ni. Thuthlung Thar tira Kohhran hmasate khan Kohhran hotu chi hrang hrang nei mah sela, mi mala thuneitu bik an awm ngai lo va, hruaitute pawhin a huhovin thu an nei pumhlum chuang lo. Chu chu entawnin Presbyterian Kohhran chu a t> ber a\anga a lian ber thlenga inkhaidiat chho vek a ni. Mi mal tumahin thu an nei lo va, Kohhran Committee-ah an ngaihtuah a. Kohhran Committee pawhin amaha thuneihna chen nei mah se, Dan khawih thilah chuan Bialah a thlen a. Bial pawhin thuneihna chin fel tak a neih bak chu Presbytery-ah a thlen chho va, Presbytery pawhin Synod-ah a thlen chho zel a ni.

Presbyterian Kohhran inawp dan hi a fel avangin tute emaw \angrualin an su danglam thei lo va, a pum puia Kohhran keh darh rup rupte pawh hi he Kohhranah hian a thleng ngai lo a ni.

3.

Inkhawmpui rorela inkaihhruai a ni : Inkhawmpui

hi

Kohhran hrang hrangten kan nei deuh vek a; nimahsela

Presbyterian Kohhran Inkhawmpui kalhmang hi chu a danglam bik a ni. Kohhran dangte chu an Inkhawmpuiah palaiten ro rel ve tho mah se, an rorel thu chhuak bakah an hotuten thuneihna an nei lian hle zel a. Presbyterian Kohhranah erawh chuan inkhawmpui rorel thu chhuak bak chu mi malin thuneihna an nei ve ngai lo. Inkhawmpui thu

chhuak chu Committee-ah a tihpuitlin dan an zawng a, com-

mittee thu chhuak chu hruaitute leh mi tinten thuawih takin

an zawm dial dial \hin.

PRESBYTERIAN KOHHRAN KALHMANG

53

Thuthlung Thar Kohhran hmasate pawh kha Inkhawmpui thu chhuaka inkaihruai an ni a. Inkhawmpui hmasa ber chu A.D. 49-ah khan Jerusalem-ah an nghat a, chuta roreltute

chu Tirhkohte leh Upate an ni a (Tirh. 15:6). Jakoban rorel

a kaihruai a, palaiten ngaihdan an sawi a. A tawpah an

rorel thu chhuak chu Kohhran tinte hriattir turin Juda leh Sila chu an zin chhuak ta a ni (Tirh. 15:30, 31).

Jerusalem Inkhawmpui hnuah hian A.D. 100-ah Inkhawmpui a awm leh a, chutah pawh chuan Tirhkohte leh Upaten ro an rel a. Chumi hnu A.D. 250-ah te, 300-ah te, 325-ahte pawh Inkhawmpui an nei chho zel a ni. Heng tuna Apostol Thurin te, Nicean Thurin te, Chalcedon Thurinte hi chung hun lai vela an Inkhawmpuia an nemngheh chu a ni. Chuvangin Presbyterian Kohhran kalhmang hi Tirhkohte hun laia an lo siam daih tawh a ni a, thil thar a ni lo tih hre nawn leh ila.

4. Krista chu Kohhran l< ber a ni: Kohhran hrang

hrangte hian Kohhran l< ber chu Krista a ni tih hi a tlangpui chuan kan pawm vekin a rinawm a; amaherawhchu Presby- terian Kohhran pawm dan hi a tak bik emaw ni chu aw tih tur a ni. Inkhawmpui thu chhuak leh Committee thu chhuak hi dik lo thei ni mah se an zah thiam bik a. A chhan chu Inkhawmpui hmasa ber thu chhuakah pawh khan Tirhkohte khan, “Thlarau Thianghlim leh keinin,” ti meuhvin an rorel thu chhuak kha an pawm vang a ni (Tirh. 15:28).

Kohhran chu Inkhawmpui thuin a kal a, Inkhawmpui

chu Lal Isua thuin a kal niin an ngai a ni. Chhandamna atan pawh Lal Isua rin avanga a khawngaihnaa chhandam kan nihzia hi an pawm nghet bur a, belh tel dang chu a t> emaw

a lian emaw an pawm thei lo a ni. Hmasang a\ang tawhin

Kohhran hruaitu ni tura thlan chhuahte hi mite kaihruai thiam thei turin Thlarau Thianghlimin a pawl \hin tih hi an ring tlat bawk a ni.

54

5. Inpumkhatna leh thawhhona : Presbyterian Kohhran

chu lal leh thuneitu bik awm lo a nih avangin a tę ber a\anga a lian ber thlenga inzarzawm tawn vek an ni a, an inpumkhat \ha hle a ni. Inkhawmpui rorelnaah pawh bân phara thu tihtl<k a awm fo va, chutah chuan mi fing bân leh mi mawl bân thiltihtheihna chu a intluk tlang vek a ni. Anmahni an inpumkhatna mai bakah Presbyterian Kohhran chu Kohhran dangte nena thawhho duh mi an ni bawk. Lal Isua chauh chhandamtu a nih pawm a, a duhzawng ngai pawimawh Kohhrante chu a thawhpui thei vek a ni.

Presbyterian Kohhran kalhmang hi kan zirlaiah hian sawi kim sen rual a ni lo va. Kan sawi chhun a\angte hian a kalhmang tur chu a tlangpuiin a lang ruak âwm e. Nakinah dân zawhkim tura min lawm luh hunah leh neitu chan chang taka rawngbawltu kan nih hunah te phei chuan a kalhmang hi kan la hre chho zel dawn a ni.

Chang vawn : Tirh. 15:28

Thlarau Thianghlim leh keinin, heng thu pawimawh lo hi chu, phurrit zual in chungah nghat lo ila a \ha kan ti.

Zawhna

1. Presbyterian tih awmzia hi eng nge ni kha?

2. Inkhawmpui hmasa ber kha khawiah nge an neih a, eng hunah nge an neih?

3. Presbyterian Kohhran hian l< ber atan tu nge a neih?

55

ZIRLAI–8

RAM HRANG HRANGA PRESBYTERIAN KOHHRAN DINHMUN

Kawhhmuh tum : Khawvel puma Presbyterian Kohhran dinhmun hriattir

Chhiar tur

:

Mat. 28:16-20; Tirh. 1:6-8

ZIRTIRTUTE TAN

Prebyterian Kohhran hi Protestant Kohhranah chuan a upa berte zinga mi a ni a. Presbyterian Kohhran hi Re- formed Kohhran tiin an sawi bawk a. A inawp dan leh a inrelbawlna lam a\anga kan sawi chuan ‘Presbyterian Church’ tih hi a inhmeh a, a Thurin leh Theology hawia kan sawi chuan ‘Reformed Church’ tih hi a inhmeh bawk. Chuvangin Presbyterian kalhmang zuia inkaihruai si, Presbyterian tih hming pu chiah si lo, Presbyterian hnahthlakhote hi khawvel hmun tinah an awm a. Chutiang inzawm khawm hming pawh World Alliance of Reformed Churches (W.A.R.C) tih a ni. W.A.R.C. hian kum 7 danah General Council an nei \hin a ni.

Presbyterian Kohhran hi khawvel hmun hrang hrangah an awm a, an bitna lai deuh ramte chu – U.S.A te, Scotland te, Hungary te, Neatherlands te, South Korea te, etc an ni. Presbyterian Kohhran hawiher hi a zau va, tisa thila hmasawnna leh thlarau lama hmasawnna hi a huap avangin Presbyterian mi leh sa tamna ram apiangte hi ram changkang an ni tiin an sawi \hin a. Kan chenna khawvel hi hnualsuat mai lova a siam \ha zâwnga hma a lak avangin Presbyterian

56

kalhmang chh<ngah hian taksa leh thlarau malsawmna a inph<m tam em em a ni. Chuvangin kan zirlaite thinlungah pawh ram hrang hranga Presbyterian Kohhran dinhmun kan hriattir rualin anmahni nun ngeiah pawh Presbyterian Kohhran mi leh sa nihna hi dinhmun hlu tak a nihzia hriattir nghal ni se a \ha hle ang. Kum 1999-ah khan World Alli- ance of Reformed Churches zawmtute chu ram hrang 105 a\angin Kohhran 214-in an zawm a, chuta member zat record chu maktaduai 75 an ni (World Christian Encyclopedia: Sec- ond Edition, Vol. 2, p.677). W.A.R.C. zawm ve lo hi Kohhran eng emaw zat an awmin ring ila, chuvangin mem- ber zawng zawng zat chu hei aia tam daih hi tunah chuan a ni ngei ang.

ZIRLAITE TAN

Thuhmahruai : Vawiinah hian ram hrang hranga Presbyte- rian Kohhran dinhmun kan zir dawn a. Kan zirlai hi a huap a zau em avangin a tlangpui pawh kan sawi seng lovang tih hre hmasa ila. Presbyterian Kohhran awmna ram hi khawvela ram 290 zet an nih avangin chungte chu an dinhmun kan hre seng vek lo va, kan hriat chhun pawh kan sawi seng dawn bawk hek lo va. A tlangpui chauh kan thlir dawn a ni.

1. Europe rama Presbyterian Kohhran dinhmun : Eu-

rope khawmualpui chh<nga ram hrang hrangah khuan Pres- byterian Kohhrante an awm deuh vek a. Germany-ah ngawt pawh Reformed Evangelical Church member maktaduai sawmhnih panga chuang lai an awm a, Pastor pawh singkhat sangsarih zet an nei a ni. Hungary-ah Reformed Kohhran

member maktaduai hnih lai an awm bawk a, Romania-ah khuan Pastor bial zaruk sawmriat pasarih an awm a, mem- ber pawh nuaihsarih zet an awm bawk. Bohemia ramah te,

RAM HRANG HRANGA PRESBYTERIAN KOHHRAN DINHMUN

57

Grik ramah te, Yugoslavia ramah te, Portugal ramah te, Belgium leh Poland ramah te, Spain ramahte pawh Pres- byterian Kohhran \hahnem tak an awm. Europe khawmualpui chh<nga English \awng hmangho zingah khuan Presbyterian Kohhran hnahthlak member maktaduai sawmthum vel an awma ngaih a ni.

2. United Kingdom (Great Britain) ramah : United King-

dom-a Presbyterian Kohhran dinhmun tlangpuite chu –

1) Scotland ramah : Scotland ram hi Presbyterian Kohhran dinna hmasa leh a len berna ni hial \hin a ni a.Kum 1560-ah khan John Knoxa’n Kohhran inawp dan fel takin a ruahman a, Scotish Parliament chuan a pawmpui a. Kum 1929-ah chuan ‘Church of Scotland’ invuahin chak takin an kal chho va. British thliarkar rama Presbyterian Kohhran lian ber an ni.

2) England ramah : England ramah hian Kohhran lian ber chu ‘Church of England’ an tih hi a ni a, amaherawhchu Presbyterian Kohhran hi lian takin a ding chho ve reng \hin a. Kum 1876 khan Presbyterian Kohhrante chu inzawm khawmin ‘Presbyterian Church of England’ tiin an invuah a. Hun lo kal zelah zau zawkin Congregational Kohhrante nena inzawm khawmin ‘United Reformed Church’ an din leh a, chutah chuan member maktaduai thum zet an awm a ni.

3) Wales ramah : Wales ram hi min hringtu Kohhran an ni a. A tir lamah chuan an Kohhran hming chu ‘Calvin- istic Methodist in Wales’ tih a ni a. He hming hi Calvinan Kohhran kalhmang a duan chhuah pawmtu an nih avanga invuah an ni a, an hotu hmasa ber chu George Whitefield-a a ni. Kum 1900-ah khan ‘Calvinistic Methodist’ emaw ‘Pres- byterian of Wales’ tiin emaw an Kohhran hming hi an ziak

58

a. Kum 1933 a\ang khan ‘Presbyterian Kohhran’ tih hming hi an pu ve chauh va, Presbyterian Kohhran hming hi chu keini aiin an pu tlai zawk a ni. Wales ramah hian Presbyte- rian Kohhran member nuaih chuang zet an awm. India hmar chhaka Welsh Mission Kohhran hian 1926 Sylhet Inkhawmpui Lian a\angin Presbyterian Kohhran hming hi kan pu \an.

4) Ireland ramah : Ireland-ah hian an lalpa King James 1 kha Presbyterian mi a nih avangin 1603 khan Scot Pres- byterian mite chu Ireland ramah a luhtir a, ‘Irish Presbyte- rian’ an din a. Kohhran zanga chuang zet an awm a, Pastor pawh zanga chuang an awm a ni.

3. U.S.A. ramah : United States of America rama Pres-

byterian Kohhran phuntu chu Scot mi Francis Makemie a ni a, ani hi ‘America Presbyterian Kohhran pa’ tiin an vuah hial a ni. Hun lo kal zelah kum 1983-ah khan Presbyterian Kohhran hnahthlakhote chu inzawm khawmin ‘The Presby- terian Church of U.S.A.’ tiin an invuah a, an inzawm khawm lai hian member pawh maktaduai sawmthum pakhat chuang zet an awm a ni.

A bul lama kan sawi tawh ang khan khawvel puma Presbyterian Kohhran dinhmun hi sawi sen a ni lo va. Tuna kan sawi takte kha Presbyterian Kohhran phun hmasak deuhna ramte an ni mai a. Africa khawmualpuiah te, Asia ramah te, Pacific thliarkar hrang hrangah a hnu zela Pres- byterian Kohhran lo ding zelte dinhmun chu sawi sen a ni lo. India ramah pawh hian Presbyterian Church of India (PCI) kan ding a. Chutah pawh chuan (2005 inchhiarnaah) Kohhran 2,635 kan awm a, Pastor bial 443 leh member 10,72,102 lai kan awm a ni.

RAM HRANG HRANGA PRESBYTERIAN KOHHRAN DINHMUN

59

Chang vawn : Tirh. 1:8

“Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang,” a ti a.

Zawhna

1. British thliarkara Presbyterian Kohhran dinna hmasa leh len berna ram kha eng ram nge?

2. Wales ram Presbyterian Kohhran hming hmasa kha eng nge ni?

3. U.S.A. rama Presbyterian Kohhran pa kha tu nge ni?

60

ZIRLAI–9

MIZORAM PRESBYTERIAN KOHHRAN PIAN CHHUAH DAN

Kawhhmuh tum : Presbyterian Kohhran hi kan ramah a bul pui a ni tih hriattir

Tir h. 13 : 49 ; 16 : 9 , 10

Chh i ar t u r

:

ZIRTIRTUTE TAN

Mizorama Presbyterian Kohhran lo pian chhuah dan hi sawi fiah thiam a har viau va, sawi fiah thiam a \ul hle bawk si a. Chipchiar lutuk si lo, kimchang thawkhat sia kan sawi loh chuan naupangten an hre thiam dawn lo va. Chuvangin kan zirtir hmain zirtirtuten uluk taka kan inbuatsaih a pawimawh hle a ni. Kan zirtir dan tur tlangpuiah chuan

zirtirtute thinlungah hei hi indawt fel taka hriat hmasak phawt ni sela – A tir ber 1891-a Mizorama Missionary lo kal chu Wales Calvinistic Methodist Kohhran mi a ni a. A hnu 1894- ah Robert Arthingtona’n Missionary atan Baptist mi pahnih

a rawn tir a, amah Arthingtona erawh chu Baptist mi a ni lo va, Quaker pawla mi a ni a. Arthington Mission hi Mizoramah kum li vel chauh an awm a, an hawng leh a. Chumi hnu 1897-ah Welsh Kohhran a\angin Missionary pahnih an rawn tir leh a, Mizoram pum pui chu Welsh Mission Field a ni ta a. A hnu 1903-ah Mizoram chhim lamah Baptist Missionary an lo chhuak a, Welsh Mission Board phalnain Lungleiah awmhmun an khuar ta a ni.

Chutih lai chuan Mizoram pum pui chu Welsh Presby-

terian Mission Field a nih avangin Kohhran dangte tan inrawlh

a rem lo va. Amaherawhchu, London Baptist Missionary

MIZORAM PRESBYTERIAN KOHHRAN PIAN CHHUAH DAN

61

Society (BMS) chuan Mizoram chhim bial chu an rawngbawlna hmun atan Welsh Mission Board hnenah an dil a. Chutih laia Welsh Missionary pahnih Pu Zosaphluia leh Pu Zosapthara-te chuan nakin zelah hnam inpumkhatna a chhia ang tih hlauvin Baptist hnena chhim bial pek chu an ui hle a. Chhim biala ring tharte pawhin Mission dang kuta awm chu an duh lo va. Amaherawhchu, khatih hun lai khan Khasi rama lirnghing avangin Welsh Mission Board chuan sum a seng tam hle a, chuvangin Mizoram chhim lam chu Mission dangin an enkawl chuan sum lamah an indaih thei deuh dawna an hriat avangin chhim bial chu Baptist Mission hnenah an hlan ta a. Amaherawhchu, Mission pahnihte chu unau anga inrem taka awm turin thu an thlung ta a ni.

Chutichuan Mizoram pum pui, Welsh Presbyterian Mis- sion rawngbawlna ni \hin chu hmun hnihah \henin, chhim bial lam chu Baptist Mission rawngbawlna hmun a lo ni ta a, kan ram t> tak t>ah Mission pahnihin hmun an nei ta a ni. Chumi hnu 1907-ah Maraland-ah ‘Lakher Pioner Mis- sion’ a lo ding zui ve leh bawk a. Chutichuan Mizoram chu Mission pathumte hmun khuarna a lo ni ta a ni. Pu Zosaphluia-te \hian dun hlauhthawn ang chiah khan, tunah chuan Baptist Kohhrante nen Kohhran kan indin pawlh ta nuaih mai a. A tir a\ang khan Welsh Presbyterian Kohhran khan Mission dang luh hi phal lo ta sela chuan kan ram Kohhran hi kan inpumkhat zawk ngei ang le.

ZIRLAITE TAN

Thuhmahruai : Vawiinah hian Presbyterian Kohhran hi engtianga lo piang chhuak nge tih kan zir dawn a. Kan rama Missionary lo chhuak hmasate a\anga \anin kan Kohhran lo pian chhuah dan hi chhui a \ul dawn a ni. Chipchiar

62

takin kan zir hman dawn lo va, amaherawhchu ngun taka

kan zir chuan hriat fiah a harsa lutuk lo vang.

1. Mizorama Chanchin |ha a lo luh dan : Mizorama

Chanchin |ha a lo luh dan hi chhinchhiah a awlsam theih

nan chhawng thumin sawi ila.

Kum 1891-ah khan Welsh Presbyterian Kohhran mi, Rev. William Williams-a chu Mizoramah a lo kal a. Thu

hrila, Pathian thu ziak (Tract)-te sema thla khat a cham hnuin a thawhna hmun Khasi ramah a kir leh a. Wales rama Presbyterian Mission Board hnenah Mizoram chu rawngbawlna hmun atana siam turin rawtna a thlen zui a. 1892-ah chuan Welsh General Assembly chuan a rawtna

chu pawmin Mizoram chu Mission Field atan a pawm a,

amah Rev. William Williams-a chu ama duh ang ngeiin Mis- sionary atan a ruat nghal a. Amaherawhchu, William Williams-a chuan a ruatna lehkha hi a hmuh hmain khawsikpui natna avangin a thi ta hlauh mai a. Tichuan Mizorama Chanchin |ha a lo luh dan chhawng khatna chu a tawp ra rih a ni.

Welsh Mission Board chuan Mizorama kal tur Mis-

sionary a zawn buai vel chh<ngin, England ram Leeds khaw

mi hausa pakhat, Robert Arthington-a chuan ama

\hahnemngaihnain Mizoramah Missionary pahnih a rawn tir a. A Missionary rawn tirh pahnih Rev. F.W. Savidge (Sap Upa) leh Rev. J.H. Lorrain (Pu Buanga)-te hi Baptist Kohhran mi an ni a, a rawn tirtu Arthington-a erawh chu Quaker pawla mi a ni thung a. He Mission hming hi ‘Arthington Aborigines Mission’ tih a ni. Pu Buanga-te \hian dun hian January 11, 1894-ah Mizoram an rawn thleng a.

Anmahni tirtu Arthingtona hian hmun khata rei tak awm

chu \ha a tih loh avangin 1897 Krismas zawhah Mizoram an

chhuahsan leh ta a ni.

MIZORAM PRESBYTERIAN KOHHRAN PIAN CHHUAH DAN

63

Pu Buanga-ten Mizoram an chhuahsan dawn khan an hreh hle a, anmahni pawh khan Welsh Missionary nih nghala Mizorama awm hlen mai chu an duh a. Amaherawhchu, Welsh Presbyterian Kohhran chuan Missionary atan an lo ruat tawh Rev. D.E. Jones (Zosaphluia) chu an rawn tir chho ta zawk a, August 31, 1897-ah Mizoram a rawn thleng a. Pu Buanga-te \hian dun nen thla li an awmho hman a, anni chuan an hawsan ta a. Chutichuan Mizoram pum pui chu Welsh Presbyterian Kohhran rawngbawlna hmun niin, Zosaphluia chuan a enkawl ta a. A kum leh December 31, 1898-ah Zosaphluia thawhpui turin Edwin Rowlands (Zosapthara) a rawn thleng ve leh ta a ni.

2. Presbyterian Kohhran a ding ta : Mizoram pum pui

chu Welsh Presbyterian rawngbawlna hmun a nih tak avangin Mizorama Kohhran ding hmasa ber pawh Presbyterian Kohhran a ni a, Presbyterian Kohhran pian chhuahna \obul hi ringtu hmasa berten baptisma an chan kum 1899 kha niin kan sawi thei ang. Amaherawhchu, khatih lai hunah khan Wales rama Presbyterian Kohhran chu ‘Welsh Calvinistic Methodist’ tiin an ko va. Calvinan Kohhran kalhmang a duan chhuah zuitu an nih avangin he hming hi an pu hmasa a, Presbyterian Kohhran hming hmasa a ni. Pu Zosaphluia leh Zosapthara-te khan Chanchin |ha hrilin Mizoram dung leh vang an fang chhuak vek a, ringtu an siam zel bawk a. Chung hun lai chuan Mizoram pum puia Kristiante chu Kohhran pakhatah an lâwi a.

3. Mizorama Kristian hmasate : Mizote zinga Kristian

hmasa berte chu Khuma leh Khara-te an ni a, anni pahnih hian June 25, 1899-ah baptisma an chang a. Hemi kum tawp lamah hi chuan Kristian 12 an tling tawh a. Heta \ang hi chuan kum tinin Kristian an pung chho tial tial a ni. Kum 1901 chhiarpuiah khan Kristian 45 an awm tawh a, 1911

64

chhiarpuiah phei chuan Kristian 2461 an tling tawh a ni. Kum tinin Kristian an pung zel a, kum 50 vel chh<ngin Mizoram pum pui hi Kristian ram tia chhal ngam kan lo ni

ta a ni. Kristian tipungtu ber pakhat chu Harhna hnathawh

a ni a. Mizoramah hian harhna \um li – 1906, 1913, 1919

leh 1935-ah a thleng a. Harhna a lo thlen apiangin Kristian

a sang telin an pun phah a ni.

Heng harhna \um li bakah hian 1984 harhna khan a fan zau viau va, vawiin thleng hian Bial leh Kohhran malah harhna hi a la thleng deuh reng bawk.

4. Kohhran kal zel dan : Pu Buanga leh Sap Upa hawng

ta kha anmahni tirtu Arthington-a a thih hnuah Baptist Mis- sionary Society tirhin March 13, 1903-ah Mizoram an rawn chhuak leh a, Lungleiah awm hmun an khuar a. Amaherawhchu, Mizoram pum pui chu Welsh Presbyterian Kohhran rawngbawlna hmun a nih avangin chuti maia anmahni thua rawngbawl mai theih a ni lo va. London Bap- tist Missionary Society hotute chuan Mizoram chhim lam chu Baptist Mission hmun atan Welsh Mission Board-ah an dil ta a. Welsh Mission Board chuan ui tak chungin chhim bial chu an pe ta a. Chutichuan Welsh Missionary-ten chhim lama Kristian an lo siamte chu chhawmin, Baptist mission- ary-te chuan chhim lamah Baptist Kohhran an din zui ve ta

a ni.

Mizorama Presbyterian Kohhran lo pian chhuah dan leh a \han zel dan chu kan sawi ta nual a. A tirah chuan kan ram pum pui hi Presbyterian Kohhran mi leh sa vek kan ni a. Nimahsela hun lo kal zelah Baptist Mission te, chhim tawpah Lakher Pioner Mission-te an lo ding zui ve a. A hnu zelah pawh Kohhran pâwl hrang kan lo piang ta sup sup a. Tunah chuan Mizoram t> tak tęah Kohhran pâwl hrang kan tam ta hle a ni. Kan Lal Isua duhzawng erawh chu vengtu pakhat hnuaia pâwl khata awm hi a ni (Joh.10:16).

MIZORAM PRESBYTERIAN KOHHRAN PIAN CHHUAH DAN

Chang vawn : Tirh. 13:49

65

Tin, Lalpa thu chu chumi ram khawvelah chuan a darh

ta a.

Zawhna

1. Mizorama Missionary lo kal hmasa ber kha tu nge ni? Eng kumah nge a lo kal?

2. Arthington-a Missionary tirhte hming kha han sawi teh u

3. Mizote zinga Kristian hmasa ber pahnihte kha tute nge?

4. Mizorama Presbyterian Kohhran Missionary lo chhuak hmasa ber kha tu nge ni? Eng kumah nge?

66

|HEN

THUMNA

PRESBYTERIAN INRELBAWL DAN

Thuhmahruai : |hen thumnaah hian Presbyterian Kohhran inrelbawl dan kan zir dawn a. Tualchhung Kohhran a\anga Synod thlenga inrelbawl dan tar lan kan tum ber dawn a ni. A chipchiarin kan sawi seng dawn lo va, hunin a daih chuan kan sawi bak hi zirtirtuten sawi belh mai a \ha ang.

ZIRLAI–10

TUALCHHUNG KOHHRAN LEH PASTOR BIAL INRELBAWL DAN

Kawhhmuh tum : Kohhran hi awmze neia kal a ni tih hriattir

Chhiar tur

: I Tim. 3:1-13

ZIRTIRTUTE TAN

Vawiina kan zir tur hi chhawng hnih – Tualchhung leh Bial inrelbawl dan a ni a. Kohhran Dan zawhkima lawm luh turte hian Kohhran inrelbawl dan hi an hriat chian hle a pawimawh a. Zirtirna dik lova pęng bo ta te, Kohhrana tui lo riau te, mahni lawina Kohhran dem leh sawichhiat chingte reng reng hian Kohhran inrelbawl dan an hre chiang lo a ni

TUALCHHUNG KOHHRAN LEH PASTOR BIAL INRELBAWL DAN

67

duh viau. Rinna lamah chiang tawkin inhre mah ila, Kohhran inrelbawl dan kan man fuh loh chuan Kristian nunah ziktluak takin kan \hang lian thei lo vang. Kohhran hi ringtute ta a ni a, ringtute pawh Kohhran ta an ni vek bawk a. Chuvangin Carthage Kohhran hotupa Cypriana chuan, “Miin Kohhran hi nu atan a neih loh chuan, Pathian pawh paah a nei thei lo vang,” a lo ti hial a ni. Miin ama chenna in leh lo awmzia a hriat chian loh chuan a buai fo dawn a. Chutiang bawkin kan lawina Kohhran inrelbawl dan hi Kohhran mite chuan bangbo lutuk lova hriat chian hi kan bat tlat a ni.

Khawvela Kohhran hrang hrangte hi kan inrelbawl dan a inpersan hlawm hle a. Kan inrelbawl dan zuia Kohhran hming vuah ta pawh tam tak kan awm bawk. Kan sawi tawh angin, keini Presbyterian Kohhran pawh hi kan inrelbawl dan langsar tak chu mipui aiawh palaite thuneihna a ni a. Chung mipui aiawhte chu Pastor te, Upa te, Inkhawmpuia palai rualte kan ni ber a. Chung zawng zawng khaikhawm nan chuan ‘Upate rorela inkaihruai’ tiin kan insawi a, chuvangin Presbyterian Kohhran tiin kan inrelbawl dan hi kan Kohhran hmingah kan pu ta a ni.

Ram hrang hrangah Presbyterian Kohhran rau rau pawh kan inrelbawl dan hi a tlangpuiin inang hlawm mah sela, kan inrelbawl dan huang chh<nga kan kalhmang chu a inchen vek lo. Tuna kan luhchilh tur hi chu India ram Presbyterian Kohhran inrelbawl dan a ni bik dawn a ni. Chutah pawh chuan kan kalhmang hi arpui mei anga rual \hap chu a ni lo va, Kohhran Dan Bu-in Presbyterian Kohhran kalhmang a sawi huang chh<ngah hian dan bawhchhe si lova kal dan zalen tak kan nei a ni.

68

ZIRLAITE TAN

Thuhmahruai : Kan awmna veng hi a kawng awm dan te, dawr awmna te, kan len duhna in te hre chiang lovin luah ta ila, a buaithlak hle dawn a ni. Chutiang bawk chuan tuna kan awmna Kohhran kalhmang hi kan hriat chian loh chuan Kohhran dan zawhkim \ha tak kan ni thei lo vang. Chuvangin vawiinah hian Tualchhung Kohhran leh Pastor Bial inrelbawl dan tlangpui kan zir dawn a ni. Hengte hi ngun taka in ngaihthlak chuan nakinah Kohhran hruaitu in nih hunah pawh nasa takin a \anpui dawn che u a ni.

A. TUALCHHUNG KOHHRAN INRELBAWL DAN

Mi mal tinte nun kaihruaitu leh rinna lama min chawmtu ber chu mahni awmna Tualchhung Kohhran hi a ni a, chuvangin kan ni tin nun dan pawh hi mahni awmna tualchhung Kohhran hian min kaihruai thui hle a ni. Chuvangin mahni lawina Kohhran hi kan dem mai lohna tur leh, a chhe lai siam\hatu kan nih theih nan a inrelbawl dan tlangpui lo thlir ila.

1. Kohhran din dan : Kohhran Dân Buin a sawi angin

Kohhran inrelbawl dan kawng thum kan nei a, chungte chu:

1) Preaching Station : Kohhranin ringlo mite awmnaah rawng a bawl a, baptisma chantir a, ringthar an siam a, inkhawm hrang thei dinhmuna an din chuan tualchhung Kohhranin Preaching Station (Thuhrilna hmun)-ah a siam zui thei a. A dintu tualchhung Kohhran enkawlna hnuaiah a awm zui ang.

2) Branch Church : Kohhran pakhata lawite zinga hmun fâl deuhva awm khawmte chu Bialin Branch Church a siamsak thei a. Branch Church chu Kohhran puitlinga hlan kai a nih hma chuan Tualchhung Kohhran enkawlna hnuaiah

TUALCHHUNG KOHHRAN LEH PASTOR BIAL INRELBAWL DAN

69

a awm zui ang. Bial chuan Preaching Station chu Branch Church-ah a siam thei bawk.

3) Tualchhung Kohhran : Branch Church chuan Kohhran puitlinga awm a duh chuan a awmna Tualchhung Kohhran leh Bial kal tlangin Presbytery-ah ziakin dilna a theh l<t ang a. Chu lehkhaah chuan a diltu zawng zawngin hming an ziak vek tur a ni, Bialtu Pastor-in ama ngaihdan a ziak bawk ang. Presbytery-in rem a tih chuan Tualchhung Kohhran thar a din ang.

2. Kohhran Committee : Tualchhung Kohhran tinah

Kohhran Committee an awm a, chungte chu nemngheh Upate leh Committee member-a thlan, ‘Tualchhung Upa’ kan tihte an ni a, Pastor/Minister leh Pro. Pastor an ni bawk. Com- mittee member (Tual Upa)-te hi kum thum \ang tura thlan chhuahte an ni. Kohhran Upate erawh hi chu dam chh<ng atana thlan an ni a, Presbytery Inkhawmpuiin a nemnghehte an ni. Kohhran Committee member atana kum thum \ang tura thlante erawh chu nemngheh an ni lo va, an \an hun chh<ng an hman zawh chuan a thara thlan leh a ni \hin.

Kohhran Upa thlang tur hian Dan zawhkim zawng zawng zatve tal inkhawm a ngai a. Tling tur chuan vote tla zawng zawng hmun thuma \hena hmun hnih aia tlem lo hmuh a ngai bawk. Tualchhung Upa thlang tur erawh chuan inkhawm zat tur bituk a awm lem lo va. Amaherawhchu, vote tla zawng zawng zatve tal hmuh a ngai.

Kohhran Committee hi Tualchhung Kohhran inrelbawl hnaa mawhphurtu berte an ni a. Anmahni ngaihdan ang angin Kohhran hi an kaihruai thei chuang lo va, Presbyte- rian Kohhran Dan Bu leh Inkhawmpui thu chhuak zuiin Kohhran an kaihruai \hin a ni. An thuneihna pawh Dan Buin thuneihna a pek chinah zel a ni a, mi malah phei

70

chuan thuneihna an nei hauh lo va, Kohhran kalhmang chu

a huhovin an rel zel bawk \hin a ni. Nemngheh Upate bik

hian Kohhrana thunun leh lak luh ngaite chu an la lűtin an thunun a, Lalpa Zanriah Sakramen buatsaih a nihin Pastor an pui bawk a. Heng hnate hi nemngheh lohte chuan an khawih ve lo. Kohhran Committee hian Kohhran mite taksa leh thlarau nun a vil reng a ni.

3. Kohhran Committee hnuaia Committee dangte :

Kohhran Committee hnuaiah hian Kohhran mamawh ang zelin Committee chi hrang hrang din a ni a. A tlangpuia Tualchhung Kohhrana Committee dingte chu –

1)

Sunday School Committee

2)

Ramthar Committee

3)

Finance Committee

Heng a chunga kan sawi Committee bakah pawh hian Tualchhung Kohhranten an hmalakna tinzawnin Committee chi hrang hrang an din thei bawk a, chung committee kan neih zat chu a inzat vek lo a ni. Kohhran tinah Kristian |halai Pawl leh Kohhran Hmeichhia kan ding ve bawk. Heng Kohhran pakhata Committee peng hrang hrangte hi Kohhran Committee hnuaia awm vek an ni a, kalhmang thar (policy) leh thil tum lian deuhvah chuan Kohhran Com- mittee an râwn \hin a ni.

4. Rawngbawltute : Presbyterian Kohhranin rawngbawltu

a tihte hi Tualchhung Kohhran ruatte an ni a, a t> emaw a

lian emaw, chanvo neia a ruat chhuah zawng zawngte hi rawngbawltu kan tihte chu an ni vek. Rawngbawltu ruattu ber chu Kohhran Committee leh Sunday School Committee an ni a, kum tina a thara ruat zel a ni. Rawngbawltu ruat hi fimkhur taka kalpui a ni a, rinna leh ni tin nuna mi rinawmte

TUALCHHUNG KOHHRAN LEH PASTOR BIAL INRELBAWL DAN

71

thlan an ni tlangpui \hin. Committee chuan mihring lama an duhsak zâwngte emaw, an chhungkhat lainate emaw rawngbawl turin an ruat ngawt ngai lo va, Kohhran tana \ha tur an ngaihtuah \hin a ni.

B. PASTOR BIAL INRELBAWL DAN

Tualchhung Kohhran chungah hian Pastor Bial kan nei vek a. Pastor Bial hi Tualchhung Kohhran enkawltu a ni a, Pastor Bial inrelbawl dan chu a tlangpuiin thlir leh ila.

1. Pastor : Pastor Bial pakhat chh<ngah hian Kohhran

pahnih pathum emaw, a aia tam emaw an awm a, chungte chu Pastor pakhatin a enkawl \hin. Bial \henkhatah chuan Probationary Pastor pawh dah a ni a, anni hi kum thum hnua Pastora nemngheh an ni. Pastor chuan a \hut hmun Kohhran a\angin Kohhran dangte a tlawh kual reng a. Sakramen pahnih, Lalpa Zanriah leh Baptisma pek hi a hna a ni a, Sermon a sawi bawk \hin. Pastor chu a bial chh<ng Kohhran tinah hotu chan changin inkhawm leh Committee te pawh kaihruai tura ngaih a ni. Pastor-te hi Synod chuan bial pakhata an awm rei zawng hun a siam a, 2006 Synod Inkhawmpui chuan kum 5 chh<ng awm turin a rel a, chu chu tuna kan hman lai hi a ni.

2. Bial Puipate : Pastor Bial tinah Bial hruaitute ruat a ni

a, chungte chuan Bial Inkhawmpui an kaihruai a, Bial chh<ng thil pawimawh an vawng \hin. Bial Chairman atan chuan nemngheh mite an ruat deuh ber a, Pro. Pastor pawh a ruat theih bawk. Bial chuan Secretary pahnih a nei a, chungte chuan Bial Inkhawmpui Minute leh Committee Minute an ziak a, a hnuaia Kohhran leh a chunga Presbytery leh Synod

nena indawr tawnna thu leh lehkha kal velah mawh a phur bawk a ni. Bial Sum vawngtu (Treasurer) pawh Bial tinin an nei a, Bial \henkhatte chuan Sum vawngtu hi pahnih an

72

nei a, Synod-a l<t zel tur sum vawngtu leh Bial sum vawngtu an nei hrang a ni.

3. Bial Inkhawmpui : Bial Inkhawmpui hi kum tinin vawi

khat neih a ni a, April chawlhni hmasa berah neih \hin a ni. Bial chh<nga Kohhran tinten Agenda an neih chu an pe khawm a, Bial Inkhawmpuiah hian an rel \hin a ni. Bial Inkhawmpuia rorel thei chin palaite chu palai nisa leh palai thlan tiin chi hnih a awm a. Palai nisate chu Pastor/Minister leh Pro. Pastor te, Kohhran Upa leh Bial puipa te, Bial Committee chi hrang hranga member te, Kohhran tin a\anga d a n z awh k i m a i aw h a r u a t t e , Ko hh r a n H m e i c h h i a l e h K . | . P. a\anga palaia ruatte an ni. Palai pakhatin dan zawhkim ai an awh theih zat tur chu Presbytery-in a bithliah ang zelin Kohhran tinin palai an thlang ang (Dan bu p-19). A tlangpui thuin palai thlante chu Kohhran tin a\anga dân zawhkim sawmhnih aiawha pakhat ruatte an ni. Bial Inkhawmpuiah hian Bial huap thilte chu an relin an zawm mai thei a, amaherawhchu ram pum huapa tihhlawhtlin atana an duh emaw, Kohhran dân khawih thilte emaw chu Presbytery-a l<t turin an rel thei chauh a ni.

4. Bial huapa Committee chi hrangte : Bial huap Com-

mittee chi hrang hrang a awm thei a, chungte chu –

1)

Standing Committee

2)

Nomination Committee

3)

Sunday School Committee

Heng bakah hian Bial \henkhatte chuan Bial Ramthar Committee te, Finance Committee te, Social Front Commit- tee leh a dangte pawh an siam bawk \hin.

TUALCHHUNG KOHHRAN LEH PASTOR BIAL INRELBAWL DAN

73

Tualchhung Kohhran leh Pastor Bial inrelbawl dan tlangpui chu kan sawi ta nual a. Vawi khat zirah chuan sawi kim sen a ni lo va, a tlangpui takzet chauh a ni tih hria ila a \ha ang e.

Chang vawn : I Tim. 3:15

ka la awm rei tak dahin Pathian chh<ngte

zinga mi engtia awm tur nge an nih i hriat theih nan ka ziak a ni; Pathian chh<ngte chu Pathian nung Kohhranho, thutak ban leh innghahna chu an ni.

nimahsela

Zawhna

1. Tualchhung Kohhran Committee member thlan dan chi hnihte kha engte nge ni?

2. Tualchhung Kohhran Committee hnuaia Committee chi hrangte kha engte nge?

3. Bial Inkhawmpuia rorel palaite ruat dan kha eng nge ni?

74

ZIR L AI– 11 PRESBYTERY LEH SYNOD INRELBAWL DAN

Kawhhmuh tum : Kohhran inzawm tawn dan hriattir

Chhiar tur

: I Kor. 12:12-20; Rom 12:6-8

ZIRTIRTUTE TAN

Presbyterian Kohhran kalhmang leh inthlun zawm tawn dan hi khaidiat ang hi a ni a, hei hi Kohhran dangte nena kan kalhmang danglamna lian tak pakhat a ni. Bawngpui hi a chhuah hlau takin khaidiatin thlung ta ila, khaidiat chu lian \ha hle mah se, a inzawmna lai pakhat chauh pawh a rinawm loh chuan a chat ang a, bawngpui chu a chhuak daih mai dawn a ni. Chutiang chiah chuan Presbyterian Kohhran hi a t> ber a\anga a lian ber thlengin kan inthlun zawm a, rinawm taka \anrual a pawimawh bik a ni.

Mi mal tinte chu mahni lawina Kohhranah \heuh rinawm tak leh thuawih taka awm a pawimawh a. Tualchhung Kohhran pawh mahni duh dana kal mai mai lova Bial aw ngaichanga kan kal thiam a pawimawh. Chutiang zelin Bial pawh Presbytery leh Synod thu chhuak ang zela kan kal a pawimawh bawk ang. Presbyterian Kohhranah chuan mi mal finna leh thiamna hi a fâlin a hman theih loh va, Kohhranah chhun luh a, a hlawma hman vek a ni. Hetianga kan kalhmang rin tlâk tak hi zirlaite thinlunga tuh kan tum ber tur chu ni sela.

Kan taksa bung hrang hrangte hian hming hrang neiin tih tur hrang nei vek mah se, an zavaiin an inzawm tawn

PRESBYTERY LEH SYNOD INRELBAWL DAN

75

vek a. Kut emaw, lu emaw, kan taksa bung hrang pakhat a nat chuan taksa pum pui a nâ a, chuvangin kan taksa peng tinte chu a dam tlan a pawimawh. Chutiang chu kan Kohhran inzawm tawn dan chu a ni a, Tualchhung Kohhran a\angin Synod thlengin kan inzawm tawn vek a ni.

ZIRLAITE TAN

Thuhmahruai : Chawlhni hmasaah khan Tualchhung Kohhran leh Pastor Bial inrelbawl dan kan zir tawh a. Khami thu chhunzawm khan Presbytery leh Synod inrelbawl dan tlangpui kan zir leh dawn a ni. Kan Kohhran hi mi mal leh Kohhrante pawh tumah a fâlin kan kal lo va, Synod a\angin kan inthlung khawm vek a. Chuvangin mahni Tualchhung Kohhrana tui vak a, a chung lam ngaihthah thei kan ni lo a ni tih hre chunga kan zir a pawimawh hle ang.

A. PRESBYTERY INRELBAWL DAN

Presbytery hi Pastor Bial chunga awm a ni a, Presbytery pakhatah hian Pastor Bial pathum emaw a aia tam emaw Synod-in Presbytery atan a siam thei. Presbytery inrelbawl dan tlangpuite chu –

1. Presbytery Puipate : Presbytery tinah hruaitu (Office

Bearer) an awm a. Chungte chu Moderator, Secretary Sen- ior leh Junior, Treasurer leh Statistician-te an ni. Hengte hian Presbytery Inkhawmpui an kaihruai a, Moderator chu Chairman a ni zel a. Presbytery Puipate hi Minister/Pastor emaw, Upa emaw, nemngheh mite a\anga ruat a ni ber \hin.

2. Presbytery Inkhawmpui : Presbytery Inkhawmpui hi

kum tinin October chawlhni vawi hnihna hmanga neih \hin a ni a, Kohhran hming Presbyterian a nih ang tak hian

76

Presbytery Inkhawmpui hi ‘Upa rorelna hmun’ a ni ber. Rorel thei chin palai inruat dan hi Bial Inkhawmpui ang bawkin chi hnih, palai nisa leh palai thlan an awm a. Palai nisate chu Minister/Pastor, Pro. Pastor leh Upa te, Presbytery huapa Committee Member leh Synod huapa Commt. Mem- ber ni lai te, Pastor Bial tin Chairman leh Ziaktu te, Kohhran Hmeichhia leh K.|.P. a\anga aiawh palai te an ni bawk. Palai thlante chu Pastor Bial tin a\anga dân zawhkim 150 aiawha pakhat zel ruatte an ni bawk.

Presbytery Inkhawmpuiah hian Presbytery huam chh<nga Pastor Bial a\anga thu l<tte rel \hin a ni a. Presbytery huam chh<nga a tihhlawhtlin theih bak Kohhran Dân khawih thil emaw, a rel thl<k theih loh chin apiangte chu Synod-a kal zel turin a rel thei bawk. Presbytery Inkhawmpuiah hian Synod Committee peng chi hrang hranga Presbytery aiawh member turte an ruat bawk.

3. Presbytery Committee chi hrangte : Presbytery hian

Dân Buin a sawi angin Committee chi hrang hrang a nei a, chungte chu –

1)

Standing Committee

2)

Nomination Committee

3)

Sub-Pastoral Committee

4)

Finance Committee

Heng bakah pawh hian Presbytery chuan a hmalaknaah pawimawh nia a hriat chuan Committee dang a siam thei bawk.

4. Presbytery thuneihna : Presbytery hian Kohhranten

an Bial kaltlanga Kohhran Upa thlan an dil chu a pe thei a, Upaa thlan tlinte chu Inkhawmpuiah a nemnghet \hin. A

PRESBYTERY LEH SYNOD INRELBAWL DAN

77

huam chh<nga Biak In zawng zawng chu a ta a ni a, khawii veng Biak In pawh luahtu awm lovin ruak ta sela, a ruang a hlawm \hin. Kohhran siam hna hi a kut a ni a, Preaching Station-te Kohhran puitlinga hlan kainaah thu a nei bawk. Pastor-te rawngbawlna report dawngin, a endik bawk a, a huam chh<nga Pro. Pastor-te chu Pastor-a nemngheh leh nemngheh loh thuah thuneihna thui tak a nei bawk.

B. SYNOD INRELBAWL DAN

Synod inrelbawl dan hi a tam tham deuh avangin a ruhrel chauh tarlang ila, chawlhni leh lamah kan chhunzawm dawn a ni. Synod hi Kohhran hming a ni lo va, Presbyte- rian Kohhran inkhawmpui hming atana hman a ni a. A hnuaiah Presbytery inkhawmpui a awm a, a chungah Gen- eral Assembly inkhawmpui a awm bawk.

1. Synod puipate : Synod puipate chu Moderator, Sec-

retary Senior leh Junior, Finance Officer pahnih, Statisti- cian-te an ni a. Moderator atan chuan kum tinin Minister/ Pastor zinga mi ruat \hin an ni. Secretary leh Statistician atan chuan Upa pawh ruat an ni \hin a, Finance Officer-te hi Minister-te an ni ber.

2. Synod Inkhawmpui : Synod Inkhawmpui hi kum tinin

December chawlhni vawi hnihna hmanga neih \hin a ni a, chutah chuan Moderator chu Chairman a ni a, Committee zawng zawng a kaihruai bawk. Bial leh Presbytery ang bawkin Synod Inkhawmpui rorel thei chinte chu palai nisa leh palai thlan an ni a. Palai nisate chu Pastor/Minister leh Pro. Pastor zawng zawng te, Synod Committee peng chi hrang hranga Committee member te, Presbytery Moderator

leh Ziaktu te, Kohhran Hmeichhia leh K.|.P. aiawh te an ni. Palai thlante chu Presbytery tin a\anga dân zawhkim 400 aiawha pakhat \heuh thlan chhuahte an ni bawk.

78

3. Synod thuneihna : Mizoram Synod chu Mizoram

chh<nga Presbyterian Kohhrana thuneitu sâng ber a ni a.

Mi \henkhatte phei chuan kan Kohhran hi ‘Synod Kohhran’

min ti mai \hin a. Synod Kohhran kan ni lo va, Synod chu kan Inkhawmpui Lian hming a ni zawk a. A thuneihna chu sawi sen ni lo mah se, a tlangpuite chu –

1)

Pastor Bial leh Presbytery a siam thei a, a \hiat leh thei bawk

2)

Synod Department-te a enkawl a, a din belhin a \hiat leh thei bawk

3)

Pastor tur a chher a, a la a, a ban leh thei bawk

4)

Budget a siam a, a dawng a, a hmang bawk

a, a enkawl

5)

Kohhran pum pui chet velna reng rengah chuan thutawp siam theitu a ni

4.

Synod Committee pawimawhte : Chawlhni lehah

Synod Office kalhmang kan zir ang a, chuta bet ve si lo, Synod Committee pawimawh pathum chu hetah hian tarlang ila –

1)

Executive Committee

: Synod aiawha committee sang ber a ni

2)

Pastoral Committee : Kohhran leh Pastor enkawltute

3)

Nomination Committee : Synod Inkhawmpui Pro- gramme leh chanvo ruahman lawktute.

Presbytery leh Synod inrelbawl dan tlangpui chu kan sawi ta a. A hlawm hlawk hlawka kan sawi pawh hian a la kim lo nasa hle a ni tih hria ila. Engpawh ni se, Presbyte-

PRESBYTERY LEH SYNOD INRELBAWL DAN

79

rian Kohhran kalhmang hi a \hain a inawp dan hi a fel em em a. India rama Presbyterian Kohhran inzawmkhawm Pres- byterian Church of India hnuaiah Assembly eng emaw zat a awm a, Assembly hnuaiah chuan Synod hrang hrang a awm leh a, Mizoram Presbyterian Kohhran pawh hi Synod hrang hrang zinga pakhat a ni. Pathianin a awmpui tlat avangin a din tirh a\angin a la phel ve ngai lo va, hma a la sawn deuh deuh zel a ni. Chutiang Kohhrana kan awm ve theih avangin lawmthu kan sawi tur a ni.

Chang vawn : Rom 12:5

bawkin keini tam tak ni mah ila, Kristaah

chuan taksa pumkhat kan ni a, a mal malin inpeng tawn \heuh kan ni.

chutiang

Zawhna

1. Presbytery thuneihnate kha in hriat apiang han sawi teh u

2. Presbytery palai thlante kha dan zawhkim engzat aiawh nge?

3. Synod puipate kha tute nge?

4. Synod thuneihna tlangpuite kha han sawi teh u

80

ZIRLAI–12

SYNOD OFFICE KALHMANG

Kawhhmuh tum : Synod Office hi mipuite ta a nihzia hriattir

Chhiar tur

:

I Pet. 4:17; 5:2-4

ZIRTIRTUTE TAN

Synod Office kan tih hian Office building pui ber chauh ni lovin, Aizawl khawpui chh<nga Synod Office peng hrang hrangte a huap a. A vaia kan zir vek dawn chuan chawlhni eng emaw zat zir tura ruahman a ngaih dawn avangin a tlangpui chauh kan hr<t leh mai dawn a ni. Kan Kohhran hmalakna hi a zau avangin Kohhran Upate tan ngei pawh hriat kim sen tak tak a ni ta lo va, naupang zawkte phei chu an bangbo lehzual ang. Chuvangin, dân chh<nga l<t turten a kawng bo lo tawka an hriat ve tur chauh zir ila, chu pawh chu a sawi dan chin tawk thiam a har viau dawn a ni.

Zirtirtute inbuatsaih nan Synod Office hi a lo zîk chhuah dan hr<t thuak thuak ila. Kum 1947 hma lamah kha chuan Kohhran hian Office mumal tak a la nei lo va, Zosapte kutah khan engkim hi a awm vek mai \hin a. Kum 1910-ah Inkhawmpui Lian hmasa ber an nei a, chu chu ‘Presbytery’ an vuah a, hun kal zela ‘Synod’ kan tih tak hi a ni a. A tir lamah chuan Mizoram hi Presbytery pathumah \hen phawk a ni a, Zosap pathumin an awp \heuh va, Presbytery Office pawh phuahchawp deuhvin an nei ve a, chu chu Zosapte chuan an keng kawh mai a.

SYNOD OFFICE KALHMANG

81

Kum 1948-ah chuan Office kalhmang fel deuh zawk

din a ni ta a, Office Clerk pakhatin a nghak ve ta a. Lehkha l<t leh chhuak zawng zawng chu Office Clerk chuan amahin a buaipui vek a, Peon pawh an la nei lo. Chutih hun lai chuan Pastor Bial pawh 33 an ni tawh a, Pastor 35 an nei ta bawk a, an Budget pawh Rs. 55,730.00 lai a tling ve tawh

a. Chuvangin hun puma thawk tur Treasurer pawh an nei

ve ta a, Clerk leh Treasurer-te chuan ni tinin Office an nghak dun ta a ni. Office-a tih tur petu ber chu Moderator leh Secretary-te an ni a, anni chuan hotu chan an chang ber a ni. Hun a lo kal zel a, 1954-ah chuan peon pakhat an nei leh a, tichuan Office nghaktu chu pathum an ni ta a. Kum 1966-ah chuan account lam khawihtu tur an la leh a, mi paliin Office-ah an thawk leh a. Kum 1969-ah chuan Of- fice-a hotu ber chan chang turin General Secretary an nei leh ta a, 1974-ah phei chuan Office hman turin Jeep thar an nei ta hial a ni.

Kum 1973-ah Synod Inkhawmpui chuan Synod Office inawp dan (Organisational Set-up) thar a duang chhuak ta a, chu chu 1974-ah hman \an a ni ta a. Office khaipa ber

General Secretary dinhmun chu tihtawp a ni a, Office hnaa mawhphurtu atan Executive Secretary pathum neih a ni ta

a. Executive Secretary pathumten hna an insem dan tur

pawh Synod chuan a duan felsak vek a. An zinga kum upa ber chuan hotu chan a chang a, ‘Senior Executive Seretary’ tia vuah a ni a. Kum 1989 a\angin Moderator pawh a hmaa Bial vawng chunga thawk mai \hin kha a Bial vawn bansanin, ni tinin Office-a \hu ve tura tih a lo ni ta bawk.

ZIRLAITE TAN

Thuhmahruai : Vawiinah hian Synod Office kalhmang tlangpui kan zir dawn a. Synod Office pui ber chu Aizawl

82

Mission Vengah a awm a, in lian tak a ni a. Office in pui ber bâkah a bul velah pawh Office kalna in hrang hrang a awm bawk. A thawktute pawh ni tinin mi zali rual vel an bung reng a, hna chi hrang hrang an neih avangin Depart- ment chi hrang hrang a awm a, chungte chu a tlangpuiin kan zir dawn a ni.

1. Synod Office Puipate : Synod Office-a thawktute hi a

tę ber a\anga a lian ber thlengin awmze nei taka inkhaichhawn

a ni a. Office pum puia hotu chan chang leh mawhphurtute

chu – Moderator leh Executive Secretary pathumte an ni ber. Moderator hi Synod Committee pawimawh zawng zawnga Chairman a nih avangin Synod pum puia a khaipa ber a ni a. Ni tin Office hna chelh dingtu leh mawhphurtute chu Executive Secretary pathumte hi an ni ber zawk. An pathum hian Synod hmalakna pęng tinte hi office a\anga enkawlin, mawhphurhna an insem thlap a. An zinga kum upa ber chuan hotu chan a chang a, ‘Senior Executive Sec- retary’ vuah a ni a, a mawhphurhna pawh a rit ber a ni. Anni hi ‘Synod Secretary’ kan tihte nen ngaih pawlh loh tur an ni a, Synod Secretary pahnihte chuan ni tinin office an kal ve lo a ni.

2. Department Head-te : Synod Office-ah hian depart-

ment hrang hrang a awm a, department tinte chuan commit-

tee hrang \heuh an nei a. Department puitling bikah chuan hotu ber chu Department Head a ni a, Committee Secretary

a ni nghal bawk a. An department-ah chuan thawktute a vil

a, chawlh a pe thei a, department hman tur budget leh report a siam a, Synod-ah a theh lűt a, committee a ko va, committee thu a bawh zui bawk a. Department tinte hi Ex- ecutive Secretary pathumten chanvo insemin an enkawl bawk a, \ul bik thilah chuan Department Head-ten an râwn a, office viltu tak tak chu Department Head-te hi an ni zawk.

SYNOD OFFICE KALHMANG

83

3. Superintendent : Synod Office pui bikah Superintend-

ent a awm a, amah pui turin Asst. Superintendent a awm bawk a. Anni hian Office chh<ng inenkawlna bikah mawh phurin, Synod motor kal dan turte an vil a, office chh<nga thil thleng leh office hna kalpui danah mawh an phur a ni.

4. Co-ordinator : Co-ordinator-te hi department hrang

hrangah mawhphurtu pawimawh tak an ni a, anmahni pui turin Asst. Co-ordinator an awm bawk. Synod Office kalhmangah department head ni chiah lo mah se, an thawhna department hmalakna engkim hretu leh thawktu berte an ni.

5. Synod hnuaia Department hrang hrangte : Zirlai

11-naah Synod Committee pawimawh chi thum kan sawi tawh a. Khami baka Synod hnuaia Department dangte chu–

1)

Finance Committee : Synod sum enkawltute

2)

Mizo Sunday School Union (MSSU) : Sunday School lam ngaihtuahtute

3)

Education Board : Sikul lam ngaihtuahtute

4)

Theological Education Board : Pathian thu zirna lam ngaihtuahtute

5)

Communication Board : Press leh Bookroom enkawltute

6)

Mission Board : Chanchin |ha hril darhna lam ngaihtuahtute

7)

Hospital Board : Damdawi In enkawltute

8)

Music Committee : Hla lama hmasawnna ngaihtuahtute

9)

Pension & Provident Fund Board : Thawktute pension lam ngaihtuahtute

10) Synod Literature and Publication Board : Lehkhabu chhuah lam ngaihtuahtute

84

12) Revival Committee : Pathian thua harh tharna ngaihtuahtute

13) Kohhran Hmeichhia : Hmeichhe rawngbawlna enkawltute

14) Kristian |halai Pawl : |halai rawngbawlna enkawltute

Heng bakah pawh hian Committee hrang hrang a la awm a, a langsar zualte chauh kan tarlang mai a ni.

Synod Office kalhmang tlangpui chu kan sawi ta a. Heng kan sawi takte hi a kalhmang tlangpui chauhte an ni a, a neuh neuh a la tam em em a ni. Synod Inkhawmpui thu ang zelin Office hi a kal a, a kalhmang a tidanglam thei a ni tih hre bawk ila. Kan zir tak a\anga kan chhinchhiah tur chu hei hi a ni – Synod Office-ah hian Sawrkar Office anga hotu lawk bik, thuneihna pumhlum nei an awm lo va, biakrâwn tur puipa bikte chu awm mah se, a kalhmang kengtu ber chu thawhhona hi a ni. Mi mal thuneihna a awm lo va, hna peng hrang hranga Committee-te chu thuneitu an ni a, chungte pawh chu Synod Executive Committee hnuaia awm an ni vek bawk.

Chang vawn : I Pet. 5:3,4

chante chungah intilal hek lovin, pawlho entawnan

insiam zawkin ho rawh u. Tin, Beram Vengtu Lalber chu a lo lan hunin, ropuina lallukhum vuai thei lo chu in hmu ang.

in

Zawhna

1. Synod Office puipate kha engte nge?

2. Kumina Moderator hming han sawi teh u

3. Synod Office-ah Department eng zat nge kan neih?

SYNOD OFFICE KALHMANG

85

|HEN LINA SAKRAMEN

|hen linaah hian kan Kohhranin Sakramen pahnih kan neihte chungchang kan zir dawn a. A awmzia te, Baptisma leh Lalpa Zanriah te, Sakramen Inkhawm tih te kan zir ang. Kohhran thil serh pawimawh tak a nih avangin zirtirtute pawh inbuatsaih uluk zual ila a \ha hle ang. Zirlai tawpah hian zirlaiten en lova an vawn tur thuinchhang tarlan a ni a. Heng thuinchhang zul zui hian zirlai pawh buatsaih a ni. En lova vawntir turte hi a remchan dan angin kar khat chh<ng emaw homework atan pek ni se, chu chu nakina dan chh<nga an luh dawn huna an tana \angkai tur te an ni.

ZIRLAI–13

SAKRAMEN AWMZIA

Kawhhmuh tum : Sakramen hlutna hriattir

Chhiar tur

:

Mk. 14:22-26; I Kor. 10:16-22

ZIRTIRTUTE TAN

Thupui \hen linaah hian Sakramen Pawl kan tiha a hming tumtu ber Sakramen thu kan zir dawn a. Sakramen hi kan Kohhran chauh ni lovin, khawvela Kohhran zawng zawng

86

deuhthaw hian thil serh pawimawhah kan neih vek a, Salva- tion Army leh Quakers pawlte chauh hian sakramen an nei ve lo niin a lang. Catholic Kohhran phei chuan Sakramen pasarih lai an nei a ni.

Kan Kohhran chuan Sakramen pahnih, Baptisma leh Lalpa Zanriah kan nei a. Heng Sakramen pahnihte chauh hi Lal Isua din chhuah leh ruat ngheh, Kohhranho tana tih zel tura thupekte chu an ni.

Kohhran rawngbawlna hi Bene leh Esse tia \hen phawk

a ni a. Bene chu ‘sawtpuina’ tihna a ni a, Kohhranin \ul a tih avanga a sawtpui tura rawngbawl hna a siam a ni a, a duh huna \hiat leh theih a ni a. Esse erawh chu pawimawh

bik thil sawina a ni a, Kohhran siam chawp ni lo, Kohhran nihna laimu atana pek a ni a, chu chu Thu leh Sakramen hi

a ni. Thuhril leh Sakramen rawngbawl hna tel lovin Kohhran rawngbawl hna a awm thei lo tluk a ni.

Presbyterian Kohhran chuan thu rawngbawl nan Pulpit kan nei a, chutah chuan Pathian thu kan inzirtir a. Sakramen rawngbawl nan Maicham kan nei bawk a, chutah chuan Kohhran thil serh kan khawih a. Rawngbawltu kan nemngheh chhan ber pawh hi Kohhran thil serh khawih tur leh vawng him turin a ni a. Pastor chauhvin Sakramen a buatsaih thei a, Pro. Pastor leh Upate chauhvin an pui thei a ni.

Hetiang taka kan Kohhranin Sakramen a ngaih urhsun avang hian kan zir turte hi Kohhran rilru pu chunga zir a pawimawh dawn a ni. Mi \henkhatten sakramen hi a hlutna tak tak hre lem lovin kan chang thei a, kan chang \hin bawk niin a lang. Chuvangin Kohhran dân chh<nga l<t turte kan buatsaihnaah hian nasa lehzuala Sakramen hlutzia hre tura \an kan lak a pawimawh ngawt ang.

SAKRAMEN AWMZIA

87

ZIRLAITE TAN

Thuhmahruai : Sakramen Zirlai Pawlte in nihna angin, vawiin a\ang hian Sakramen pahnih Baptisma leh Lalpa Zanriah chungchang kan zir \an dawn a. Baptisma chu in nausen laiin in chang tawh a, Lalpa Zanriah erawh chu dan chh<nga lawm luh in nih hunah in chang ve thei dawn chauh a ni. Tunah chuan baptisma in lo chan tawh leh in la chan ve tur Lalpa Zanriahte hi a hlutzia in hre lo mai thei. Vawiinah hian Sakramen awmzia kan zir phawt ang a, chuta \ang chuan a hlutzia hre thar zel turin in inbuatsaih dawn nia.

1. A \awngkam lo chhuah dan : Sakramen tih \awngkam

hi Latin Bible-a ‘Sacramentum’ tih \awngkam a\anga kan hman zui ve tak zel a ni a. Sacramentum tih awmzia chu ‘chhinchhiahna’ emaw, ‘chhechham’ emaw, ‘rinawmna thutiam’ emaw tihna a ni a, thil, thianghlim tura serh hran tih nan pawh hman a ni bawk. Grik Bible-a sakramen an sawina \awngkam chu ‘Musterion’ tih a ni a, chumi awmzia chu thur<k emaw thuril emaw tihna a ni. Sakramen hi a \awngkam lo chhuah dan a\ang reng hian a pawimawhzia a lang nghal thei hle a ni.

2. Sakramen awmzia : Sakramen awmziate hi kawng

thumin sawi zau ila.

1) Rinawmna thutiam a ni : Sipaia \angte chuan chhechham meuhvin rinawmna thu an tiam \hin. Sawrkar ta an nih tawh avangin an hmelma tawh phawt chu kap mai turin an intiam a ni. Keini pawh kan naupan laia Baptisma kan chan laia kan nu leh pate intiamna chu Kohhran Dân zawhkimah min lawm luh rualin kan kovah nghatin, rinawm taka Isua zui turin mawh kan phur a ni.

2) Thur<k leh thuril a ni : Kan thlarau leh kan taksa chu Lal Isua ta a ni a, chu chu hmuh theih loh, rinnain

88

kan dawng a. Sakramen kan chan hian chh<ng ril lama hmuh theih loh chu pawn lam chhinchhiah hmuh theihin kan tarlang ta a ni. A lan danah chuan thil satliah angin lang mah sela, thur<k leh thuril, hriat fiah rual loh khawpa awmze nei a ni.

3) Serh hran a ni : Buhtlei hi chaw khawrh nana siam a

nih avangin thil bawlhhlawh hawlh nan hman a thiang lo va. Chutiang bawk chuan Sakramen pahnihte hi thil serh an nih avangin a khawihtu tura ruatte chauhvin an khawih thei a.

A changtute nun pawh Lal Isua tana serh hran a ni bawk.

Thil serh hran chu ‘thianghlim’ tiin an sawi bawk a, chuvangin ‘Sakramen thianghlim’ tih kher hi a sawi dan tur tak pawh a ni.

Kan sawi tak ang hian Sakramen hi a sawi fiah dan kawng hrang hrang a awm a. Keini Presbyterian Kohhranin a awmzia kan sawi fiah dan chu, ‘Chh<ng lam leh thlarau lam thil \ha, pâwn lam leh hmuh theih hmanga chhinchhiahna’ tih hi a ni.

3. Sakramen \angkaina : Kan Thurin chuan, “Sakramen

hlawknate chu Krista malsawmna avang leh rinnaa changtuah Thlarauvin a thawh avanga lo awm a ni,” tiin min hrilh a (Thurin. No. 8). Heta a pawimawh lai tak chu, sakramen changtuin rinna tak taka a chan chuan Thlarau malsawmsakna tinr>ng a dawng thei tih hi chhinchhiah ila.

Pathian khawngaihna chu Isua Kristaah a lo lang a, kan tana Lal Isua thihna leh thawhlehna chu sakramen kan chan hian kan \awmpuizia kan tilang a, chuvangin sakramen hi ‘|awmpuina sakramen’ an ti bawk \hin a ni. Pathian khawngaihna chu sakramen-ah hian chiang takin a lo lang

a, chu chu rinnain kan lo chang a ni.

SAKRAMEN AWMZIA

89

Sakramen chuan ringtu inthlahdah tur a veng a, rawngbawl hna a tinung a, Kohhranho inpumkhatna a tipung thei bawk. Kohhran thlarau lam chaw a ni a, kan zain chhang tlang khata mi kan chang ho va, chawhlui hmun khat kan kil tlang \hin a ni.

Sakramen pahnih awmzia chu kan lo zir zo ta a, a awmze th<k zual zel chu dan chh<nga kan luh hnuah kan la hre zui zel dawn a ni. Hei hi chhinchhiah leh ila – Sakramen hi chang satliah tan chuan a hlawk lo va, rilru leh thinlung taka changtute tan erawh chuan thil hmuh lohte hriat fiahna a ni a, thlarau malsawmna dawnna hnar pawimawh tak a ni.

Chang vawn : I Kor. 10:16

Malsawmna no mal kan sawmsak \hin hi Krista thisen \awmpuina a ni lo vem ni? Chhang kan phel \hin hi, Krista Taksa \awmpuina a ni lo vem ni?

Zawhna

1. Latin \awnga Sacramentum tih hi kan \awngin eng tihnate nge?

2. Grik \awnga Musterion tih hi eng tihna nge?

3. Kan Kohhranin sakramen awmzia kan sawi fiah dan kha eng nge ni?

90

ZIRLAITE VAWNTIR TUR

1. A Kohhran tan Kristan Sakramen a siamte chu engte nge ni?

Ch. Sakramen pahnih – Baptisma leh Lalpa Zanriahte hi a siam (Mat. 28:19; Lk. 22:19,20)

2. Sakramen chu eng tihna nge ni?

Ch. Pathian \hatzia lantirna hmanrua leh, Krista tana rinawm tura ringtu intiamna a ni (Mk.8:34).

3. Kohhran tan Sakramen pawimawhna eng nge ni?

Ch. Kohhranho rinna leh zirtirna vawn him nan leh inpumkhat nan (Eph. 4:1-6)

4. Eng atan nge Kristan a Kohhran tan Sakramen a siam?

Ch. (1) Thlarau lam thilte entir nan (Rom. 4:11)

(2)

Kohhranhovin kumkhuaa Krista kan hriat reng nan

(3)

(I Kor. 11:24) Pathian thuthlung chhinchhiah nan (Heb. 9:15-17)

5. Sakramen chuan thlarau lamah engtin nge hna a thawh?

Ch. Rinna a tinung a, a tichak a, a tinghet (Mat. 7:24ff).

6. Sakramen-ah bung eng zat nge awm?

Ch. Bung hnih – pâwn lam chhinchhiah hmuh theih leh chh<ng lam thlarau \hatna (Rom.2:28f).

7. Chh<ng lam thlarau \hatna chu eng nge ni?

91

ZIRLAI–14

BAPTISMA SAKRAMEN

Kawhhmuh tum :

:

Chh i ar t u r

Baptisma awmzia hriattir

M a t . 28 : 16 - 2 0 ; Tir h. 2 : 38 , 39 ; I Ko r.

10:1-5

ZIRTIRTUTE TAN

Baptisma hi Kohhran pawl hrang hrangte inhnialna thu pakhat a ni a. A awmzia kan hrilhfiah dan a inchen lo va, kan chan dan a thuhmun lo bawk a. Mahni pawl tih dan hi dik ber \heuhvin kan hria a, kan tih dana ti ve lote chu kan demin kan sawi chhe mai \hin a ni. Kan zir tawh a\ang khan Sakramen reng reng hi keini Kohhran chuan a chan dan emaw, a bawlhlo lamah emaw kan buai thui lo va, a nihna tak kha miin a hriat fuh kan duh ber a ni tih hriain zir ila.

Kohhran \henkhatte chuan kum 15 tling chinte chauh baptisma an chantir a, keini erawh chuan nausen lai a\anga chan tur a ni kan ti a. Kohhran \henkhatin tuia hnim phűm loh chu an pawm loh laiin, keini chuan thlawrin kan chang a, phűma changte pawh kan dem chuang bawk lo va. Kohhran \henkhat chuan an tih dana ti ve lo Kohhrante chu chhandam loh tur ang hiala an sawi laiin, pawl \henkhatte chuan baptisma reng reng an nei lo bawk a.

Baptisma chungchangah hian ngaihdan leh pawm dan a tam avangin kan Kohhranin a chin chhuaka baptisma kan pawm dan chu kan zir seng dawn lo va. Dan chh<nga lűt turten a kawng bo lo tawka an hriata an vawn ngheh tlat

92

turte chauh kan zir dawn a ni. Hemi baka naupangte hriat ngei tura kan ngaihte chu lehkhabu dangte pawh chhiar zauvin, zirtirtute kan inbuatsaih mai dawn nia.

ZIRLAITE TAN

Thuhmahruai : Sakramen awmzia kan zir tawh a, tunah hian sakramen pahnih zinga pakhat zawk Baptisma chungchang kan zir dawn a ni. Pastor-in nausen baptisma a chantir lai in hmu fo tawh a, eng vanga chantir nge? Eng nge a \angkaina tih hi in ngaihtuah vak lo mai thei. Chuvangin vawiina kan zir tur hi ngun taka in ngaihthlak chuan Baptisma awmzia hi tun hma aiin in hre fiah ang a, chu chu nakin zelah pawh in tan a la \angkai dawn a ni.

1. Baptisma \awngkam awmzia : Baptisma tih hi Grik

\awng a ni a, a awmzia chu tuia hnim, tuia thlawr, tuia theh, tuia bual, tuia su, tihna a ni duah a. Baptisma tih hian a huap zau em avangin Mizo \awnga Bible letling hmasatute chuan thu hlawm khata dah mai dan an hriat loh avangin Grik \awnga ‘baptisma’ tih hi an hmang zui ve ta mai a ni. Hnim ph<m tihna ni ber sela chuan Grik \awng hmang lovin, baptisma sawi nan ‘hnim ph<m’ tih hi a tir a\ang khan kan hmang daih tawh ang. Chutichuan baptisma chu ‘Pa leh Fapa leh Thlarau Thianghlim hminga tuia sil’ a ni (Mat. 28:19).

2. Baptisma hi eng vanga chan tur nge? : Lal Isua ngeiin

baptisma hi chantir turin Kohhran hnenah thu a pek avangin baptisma hi a lo piang a ni (Mat. 28:19,20). Isua ring thar apiangte chu baptisma chantir tur a ni a, chu chu Lal Isua

leh Tirhkohte hun lai a\anga an tih dan a ni a, kan chhunzawm ta zel a ni. Miin Lal Isua chu Chhandamtu atan a pawm a, mi dangte zingah Isua ringtu a nihzia hmuh

BAPTISMA SAKRAMEN

93

theiha a tarlan nan baptisma a chang \hin. Baptisma hi chhandam nan kan chang lo va, chhandam kan nih avanga ringtu kan nih chhinchhiah nan leh nemngheh nan Isua thupekin kan chang tur a ni.

3. Baptisma hi engtianga chan tur nge? : A \awngkam

awmzia kan sawi a\ang hian baptisma hi tuia hnim pilin emaw, thlawrin emaw, thehin emaw kan chantir chuan baptisma chan dan dik a ni vek ang. Rom 6:4-ah hian, “A thihnaah baptisma kan chanin, a hnenah ph<m vein kan awm,” tih kan hmu a, Kol. 2:12-ah chuan, “Baptisma-ah chuan a hnenah ph<m in lo ni ve tawh si a,” tih kan hmu bawk a. Helai changte hi Kohhran \henkhatte chuan tuia hnim pil ngeia baptisma chan hi a dikzia nemngheh nan an hmang \hin. Amaherawhchu, helai changte hi ngun taka kan en chuan, tuia ph<m lam reng a sawi lo va, tui hmanga baptisma chan hian Lal Isua ph<ma a awm chu kan \awmpui dan a sawi mai a ni zawk. A \awng bul lamah pawh heta ‘ph<m’ tih hi ‘Sunthapto’ tih a ni a, Isua thlâna an ph<m sawina a ni a, chu chu “A hnenah ph<m vein kan awm,” tiin Paulan a sawi ta a ni.

Tirhkohte Thiltih buah hian baptisma channa hmun hrang hrang kan hmu a. ‘Khuaah’ tih vawi thum kan hmu a (Tirh. 2:38-41; 8:12,13; 19:5), ‘in chh<ngah’ tih vawi li kan hmu a (Tirh. 9:1718; 10:48; 16:33; 18:7,8), ‘thlalerah’ tih leh ‘lui kamah’ tih hi vawi khat ve ve kan hmu bawk (Tirh. 8:26; 16:13,15). Heng baptisma channa hmun hrang hrangte kan en hian inhnim theihna hmun deuh ber chu ‘lui kamah’ tih hi a ni a, in chh<ngah te, thlalerahte chuan an inhnim lo reng reng ang tih a hriat theih hle. Johana 3:23- ah khan, “Chutah chuan tui a tam avangin,” tih kan hmu a. Kha kha chu Johana baptisma a ni a, Kristiante baptisma a nih loh avangin inhnim \an chhanah a tling lo.

94

4. Baptisma hi tu hminga chan tur nge? : Tirhkohte

Thiltih bu kan chhiar chuan, “Isua hmingin baptisma chang \heuh rawh u,” tih kan hmu \hin a. Hei hi Kohhran \henkhatte chuan changchawiin baptisma an chantirin, “Isua hmingin ka baptis a che,” an ti \hin a, Isua hminga chham ve lote chu thil tidik lovah an puh \hin. ‘Isua hmingin chang rawh u’ tih awmzia hi a \awng bul lamah chuan ‘Isua thuneihnain chang rawh u’ tihna a ni, Isua thuin tih hi Mizo \awnga an lehlinin ‘Isua hmingin’ tia lehlin a ni. Chuvangin Isua hmingin tih hi baptisma chan laia a chham dan tur (formula) a ni lo va, chantir tura thupetu thuneihna hming a ni zawk. Chan laia a chham dan tur chu amah Lal Isua ngeiin Pa leh Fapa leh Thlarau Thianghlim hminga chantir turin thu min pe a ni (Mat. 28:19). Vawiin thleng hian baptisma hi Isua thuin Pa leh Fapa leh Thlarau Thianghlim hmingin kan la chang zel a ni.

5. Tute nge baptisma chang ang? : Baptisma chang turte

chu Lal Isua ringtute leh an fate an ni a (Tirh. 2:39). Kohhran \henkhatte chuan naupangte an baptis lo va, keini erawh chuan nausen lai a\angin baptisma kan chantir thung a. Isua ringtute tih hi ‘Isua mite’ tihna a ni mai a. Nausente hi Isua mite leh Isua ringtute an ni em tiin zawt ta ila “Ni e” tih hi a chhanna tur a ni ang. Amah kan Lal Isua ngeiin, naupangte a kuangkuah a, mal a sawm a, “Pathian ram chu hetiang mite ta a ni si a,” a ti a. Puitlingte hnenah pawh, “Pathian ram chu naupang t>in a lawm anga lawm lo apiang a chh<ngah an l<t tawp lo vang,” a ti bawk a ni (Mk. 10:13- 16). Chuvangin baptisma chang turte chu ringtute leh an fate an ni a, nausente pawh chhandamna changtute an nih avangin ringtute an ni a, baptisma an chang ve tur a ni.

6. Baptisma pawimawhna : Juda-te chuan Juda

chhungkuaa mi an nihzia chhinchhiah nan serh an tan a;

BAPTISMA SAKRAMEN

95

chutiang bawk chuan Kristiante chuan Lal Isua ringtu kan nihzia chhinchhiah nan baptisma kan chang ve \hin a ni. Kohhran chh<ngkuaa mi kan nihzia entirna a ni bawk. School naupang chuan form a ha a, a form hak avangin school naupang a ni lo va, school naupang a nih avangin form a ha zawk a ni. Chutiang bawkin baptisma kan chan avangin chhandam kan ni lo va, chhandam kan nih chhinchhiah nan baptisma hi kan chang ngei tur a ni. Chu chu Lal Isua thupek a nih avangin a pawimawh a ni.

Baptisma chu Pa leh Fapa leh Thlarau Thianghlim hminga tuia sil a ni. Hei hi Krista nena kan inzawmna te, Thlarau Thianghlim zara piantharna leh tihnunna chhinchhiahna leh nemnghehna a ni (Thurin No. 8). Chuvangin Kristiante tan chuan baptisma chan hi thil pawimawh tak a ni a, ringtute tan chuan chan ngei chi a ni. Baptisma vawi khat aia tam chan hi Kohhranin a \ul a ti lo bawk.

Chang vawn : Mat. 28:19, 20 Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula, thu ka pek zawng zawng che u pawm turin zirtir rawh u.

Zawhna

1. Baptisma tih hi eng tihna nge ni kha?

2. Tirhkohte Thiltih bua baptisma channa hmun kan hmuh te kha engte nge?

3. Baptisma hi tu hminga chan tur nge?

96

ZIRLAITE VAWN TUR

8. Baptisma hi eng nge ni?

Ch. Pa leh Fapa leh Thlarau Thianghlim hminga tuia sil (Mat. 28:19)

9. Baptis nan eng thil nge an hman?

Ch. Tui. Chu chu Pa leh Fapa leh Thlarau Thianghlim hminga mi an baptis-na chu a ni (Mat.28:19; Tirh. 8:36).

10. Eng vangin nge mi an baptis ang?

Ch. Lal Isuan Pa leh Fapa leh Thlarau Thianghlim hminga baptis tura thu a pek avangin (Mat. 28:19).

11. Tute nge an baptis ang?

Ch. Ringtute leh an fate (Tirh. 2:39)

12. Eng vangin nge nausente an baptis?

Ch. (1)

Puitling ang bawka Pathian chhandamna changtute an nih avang leh (Mk.10:14),

(2)

Thuthlung Hluiah naupangte an tel anga Chanchin |haah pawh naupangte an tel avang leh (Gen. 17:10ff; Mk. 10:14f),

(3)

Pathian khawngaihna leh chatuan nunna chang tlak an nih avangin an baptis \hin a ni (Mat. 19:14f; Mk. 10:14f).

13. Baptisma chan ringawtin chh<ng lam thlarau \hatna a pe thei em?

Ch. Pe thei lo. Chh<ng lam thlarau \hatna petu chu Thlarau Thianghlim a ni (Deut. 30:6; Joh. 6:63; II Kor. 3:6).

BAPTISMA SAKRAMEN

97

14. Baptisma hi vawi khat aia tam chan tur em ni?

Ch. Ni lo. Lalpa pakhat a ni a, baptisma pawh pakhat a ni (Eph. 4:5)

15. Pa leh Fapa leh Thlarau Thianghlim hminga baptisma chan hian eng nge a hriattir?

Ch. (1) Pathian pakhata mi pathumte chu a tua mah thlei bik lova biak leh rin tur tih a hriattir (Mat. 28:19)

Chhandam ni turin Pathian thu ruat leh a hnathawh chauh rin tur a ni tih leh, vantlang zinga \an tur a ni tih a hriattir (Rom. 1:17; 10:9f).

(3) Kumkhuaa Pathian ro luahtu ni tura Pa leh Fapa leh Thlarau Thianghlim hnena inpekna a ni tih a hriattir (Rom. 12:1).

(2)

(4) A Kohhran thianghlima tel nih a hriattir (Eph. 2:19ff; I Kor. 12:27).

98

ZIRLAI–15

LALPA ZANRIAH SAKRAMEN

Kawhhmuh tum :

Chhiar tur

:

Lalpa Zanriah Sakramen awmzia hriattir Joh. 6:53-58; Lk. 22:14-23

ZIRTIRTUTE TAN

Baptisma sakramen kan zir zo va, Lalpa Zanriah sakramen chungchang kan zir leh dawn a ni. Lalpa Zanriah kan tih hian kan thinlungah chuan Lal Isua tuarna Kalvari tlang lam a hawi deuh ber a. Hla kan sak pawhin a tuarna lam deuh hlir kan sa bawk a. Lalpa Zanriah chu Krista thihna hriat reng nana chhang leh uain chanho hi a ni, tiin kan sawi \hin bawk a. Amaherawhchu, Lalpa Zanriah Sakramen hian Lal Isua pian a\anga a thih thleng a huap a ni tih hi zirlaite thinlunga kan tuh tur chu a ni ang.

Lalpa Zanriah Sakramen hi Thuthlung Thar Kohhran hmasate hun a\anga ngaih pawimawh hlawh tak a ni a. Nimahsela hun laihawl (Middle Age) vel a\angin Lalpa Zanriah Sakramen chungchangah hian inhnialna nasa tak a lo chhuak ta a. Chung ngaihdan hrangte chu hetiang a ni –

1) Roman Catholic Kohhran ngaihdan : “Chhang leh Uain chu \awng\aia hlan a nih hnuin, chhang leh uain a ni tawh lo va, Krista taksa leh thisen tak tak a ni,” an ti a. Hei hi ‘nihna insawn’ (Transubstantiation) tiin an vuah.

2) Luthera Kohhran ngaihdan : “Bawnghnuteah tui kan pawlh chuan tui leh bawnghnute chu lak hran theih lohva a

LALPA ZANRIAH SAKRAMEN

99

infin ang hian, chhang leh uain chu Krista taksa leh thisen nen a infin ta a ni,” an ti. Hei hi ‘nihna infin’ (consubstantiation) an vuah.

3) Zwingli-a ngaihdan : “Chhang leh Uain hi Lal Isua kan tana a tuarna hriat rengna tura chhinchhiahna a ni,” a ti a. Hei hi ‘hriat rengna’ emaw ‘chhinchhiahna’ emaw an vuah a.

4) Calvin-a ngaihdan : “Tuiah lapua kan chiah a, kan lak chhuah lehin, lapua chu lapua ni reng mah se, tui a pai tawh a. Chutiang bawkin chhang leh uain hi \awng\aia kan hlan hnuin Krista taksa leh thisen chuan thlarauvin a luah khat a, a changtuin rinnain kan dawng a ni,” a ti a. He ngaihdan hi ‘dawnna’ (receptionism) an vuah.

Keini, India ram Presbyterian Kohhran Thurin No. 8- naah chuan, “Sakramen-a hlawkna awm chu, a sakramen

thil vang a ni lo va, a \hehtu vang a ni hek lo. Krista malsawmna avang leh rinnaa changtuah thlarauvin a thawh avang chauh a ni,” tiin Lalpa Zanriah hi kan pawm a. Amaherawhchu, 2004-a P.C.I. Gen. Assembly-in kan Thurin

sakramen thil vang a ni lo va, a \hehtu

vang a ni hek lo,” tih lai hi a paih ta a. A chhan chu tun hma lama Kohhran inhnialna boruak thlir chunga thurina telh a nih vang a ni. Engpawh ni se, Presbyterian Kohhrante chuan a Sakramen thil lam aiin a changtuin rinna nunga a chan chu a pawimawh berah kan ngai a ni. Hei hi zirlaite thinlunga tuh kan tum ber pawh ni sela.

a en \hat khan, “

a

ZIRLAITE TAN

Thuhmahruai : Baptisma sakramen kan zir tawh a, Lalpa Zanriah sakramen kan zir ve thung dawn a. Baptisma chang turte chu nausen a\anga puitling thleng an ni a. Lalpa Zanriah

100

erawh chu Kohhran dan chh<nga awmte chauhvin an chang \hin. Baptisma chu Lal Isua ta, amah ringtu apiangte chan tur a ni a, Lalpa Zanriah erawh chu Lal Isua hriatrengna thil a nih avangin mahni inenfiah theite chauh chan turin Kohhranin a ruahman a ni. Hemi chang tur hian nangni ngei pawh Kohhranin a buatsaih mek che u a, hei hian Kohhranin Lalpa Zanriah kan ngaih pawimawhzia a tilang hle a ni.

1. Lalpa Zanriah Sakramen awmzia : Lalpa Zanriah

chu Krista thihna hriat reng nana chhang leh uain chan ho

tiin kan Thurin No. 8-naah a awm a. Hming

hi a ni

hrang hranga sawi a ni a, a hming hrang hrangte hian a awmzia a tilang nghal zel bawk a, chungte chu – 1) Lalpa Zanriah (I Kor.11:20) : Kristan kan tana a tuarna leh a inpekna hriat reng nana ringtute thlarau lam chaw kil hona sawi nan an hmang.

2) Inpawlna Thianghlim (I Kor. 10:16) : Hei hian Lal Isua leh amah ringtute kan inpawlna leh ringtu leh ringtu kan inpawlna te a keng vek a. Inpumkhatna te, inunauna te, Kristaa chanvo thuhmun kan chanzia te sawi nan an hmang.

3) Lawmthu sawina (Mat. 26:27) : Lal Isua kan tana a inpekna avanga ringtuten lawmna ruai kan kil sawi nan an hmang.

4) Intiamna (Mk. 14:2; I Kor. 11:26) : Lal Isua a lo kal leh hma zawng atana rinawm taka nung tura kan intiamna sawi nan an hmang bawk.

Heng kan sawi tak a\angte hian Lalpa Zanriah Sakramen awmzia chu \awngkam khata sawi fiah hleih theih a ni lo tih kan hre thei âwm e. A awmze bul tumtu ber chu Lal Isua thihna hriat rengna hi a ni a, chumi a\ang chuan kawng chi hrang hrangin awmzia a nei zui a ni.

LALPA ZANRIAH SAKRAMEN

101

2. A din chhuaktu : Lalpa Zanriah Sakramen din

chhuaktu chu amah Lal Isua ngei hi a ni. A thih dawna a zirtirte nen chawhlui an kil lai khan, “Min hriat reng nan hei hi ti \hin rawh u,” tiin a chah a. Lal Isua thih hnua Kohhran a lo din phat a\angin Lalpa Zanriah Sakramen hi an nei nghal a, Lal Isua thupek a nih avangin Kohhranten an ngai pawimawh hle a ni. He sakramen chungchanga a thupek chu Chanchin |ha buahte leh Korinth lehkhathawnah kan hmu a ni (Mat. 26:26-29; Mk. 14:22-25; Lk. 22:17- 20; I Kor. 11:23-26).

3. A hmanrua : Lalpa Zanriah buatsaih nana thil hmante

chu chhang leh uainte hi an ni. Chhang leh uain hi Juda-ten Kalhlen Kűt chaw an buatsaih laia an ei \hin a ni a, Lal Isua dam laia an ei leh in bera an hman \hin a ni bawk. Chhang chu Lal Isua taksa \awmpuina leh entirna a ni a, uain chu Lal Isua thisen \awmpuina leh entirna a ni bawk. A hmanrua hi chu thil mawl te a ni a, nimahsela hmuhsitawm takin lang mah se, Lal Isua thupek a nih avangin Pathian khawngaihna dawnna kawng pawimawh tak leh Kristian nun \han lenna atan thlarauvin a hmang \hin a ni. Chuvangin a hmanraw lamah buai lovin, a entir leh a tum te, a thupetu ngaihtuahin, rinna nunga chan tur a ni.

4. Lalpa Zanriah kil dan tur : Lalpa Zanriah kan kil

dawnin urhsun tak leh thinlung taka kil tur a ni. Mahni nun insiam thar tumin, sual sim leh nun thara nun tum tlat chunga kil tur a ni. Tih tak zetna a pawimawh ber a, nuih leh thil dang daih ngaihtuah chunga kil tur a ni lo va, kan bula mite pawh biak loh tur a ni. Lalpa Zanriah hi thil zahawm ber, nunna thu leh thihna thu kengtu a nih avangin zah taka kil

tur a ni a, a kil mai maite chuan hlawkna an neih loh bakah Pathian pawi an khawih a. Tih takzeta kiltute erawh chuan hlawkna an chhar a, chu chu Pathian lawmzawng a ni.

102

Lalpa Zanriah Sakramen chungchang chu kan zir ta a. He Sakramen hian kan tana Lal Isua inpekna a tar lang fiah hle a. Keimahni avanga leia a lo kalna te, rawng a bawl dan te, a thiha a thawhleh dan te, a lo kal lehna thlengin kan tana a inpekna a huap a ni.

Chang vawn : I Kor. 11:26

Chu chhang chu in ei a, no chu in in apiangin, a lo kal leh hma loh zawng Lalpa thihna chu in entir \hin a ni si a.

Zawhna

1.

2.

Lalpa Zanriah Sakramen awmze palite kha engte nge?

Lalpa Zanriah Sakramen buatsaih nana hmanruate kha engte nge nia, eng nge a entir?

Lalpa Zanriah Sakramen kil dawna kan rilru put dan turte zirtirtute nen sawi ho ni sela.

3.

ZIRLAITE VAWN TUR

16.

Ch. Krista thihna leh chumia chhandamna kan chan hriat reng nan (I Kor. 11:26).

Eng hriat reng nan nge Lalpa Zanriah hi an siam?

17. Lalpa Zanriah atana thil hmante chu engte nge ni?

Ch. Chhang leh uain (Mat. 26:26-28).

18. Eng entirna nge ni?

Ch. Krista taksa leh thisen (I Kor.10:16).

LALPA ZANRIAH SAKRAMEN

103

19. Changtute hnena chhang leh uain pek hian eng nge a entir?

Ch. Pa Pathian chuan Krista a pe a, a ringtute hnenah Krista chu a inpe tih a entir (Joh. 6:51).

20. Lalpa Zanriah kil \angkaina eng nge ni?

Ch. Chhang leh uain hi kan taksa tan chaw a ni angin, Krista taksa leh thisen chu kan thlarau tan chaw a ni (Joh. 6:53).

21. Eng vangin nge Lalpa Zanriah kan kil \hin?

Ch. (1) Kristan, “Min hriat reng nan hei hi ti \hin rawh u,” a tih avang te (Lk. 22:19; I Kor. 11:24);

(2) Krista leh a kraws kan \an avang te (Gal. 6:14);

Krista thihna chu sual tana remna leh chhandamna a nih kan rin avang te (Heb. 10:10ff; Eph. 2:4ff);

(4) Krista kan rina, kan pawm avang te (Joh. 3:15; Eph. 2:8);

(5) Krista inhlannaa Pathian pawl kan duh avangtein Lalpa Zanriah kan kil \hin a ni (I Joh.1:3).

(3)

104

ZIRLAI–16

SAKRAMEN INKHAWM

Kawhhmuh tum :

Chhiar tur

:

Sakramen inkhawma rilru put dan hriattir

I Kor. 10:31; 11:27-32

ZIRTIRTUTE TAN

Sakramen pahnih kan neih avangin Sakramen inkhawm pawh chi hnih kan nei a. Amaherawhchu, inkhawm vawi khatah Sakramen pahnihte hi kan buatsaih ve fo bawk \hin. Mipui rilruah chuan a tlangpuiin Baptisma Sakramen inkhawm hi Lalpa Zanriah Sakramen inkhawm aiin a tla na vak lo em ni aw tih theih a ni a. Baptisma chauh kan tih dawn phei chuan sermon inkhawm kar lakah kan zeh ral mai chang a awm \hin. Duhthusamah chuan a hranpa ve vea Sakramen pahnihte inkhawm hi neih theih a \ha ber a, chu chu Kohhran kalhmang pawh a ni zawk bawk. Pathian Biak Inkhawm Hruaina Bu-ah pawh a hranpa ve vea inkhawm dan chi hnihte hi tarlan a ni.

Heta kan zirlaiah hian Sakramen inkhawm kalhmang hrim hrim aiin, Kohhran dân chh<nga l<t tur bikte hriat atana pawimawh tur hawiin zir kan tum ang. A tlangpuia kan sawi chuan Sakramen hi kan Kohhran thil serh pawimawh a nih laiin, a puala kan inkhawmna hi duh aiin kan ngai pawimawh tawk lo hle a. Kohhran \henkhatah chuan inkhawm pangngai aiin Sakramen inkhawmah hian kan kal \ha lo tlat zawk \hin a, hei hi thil pawi tak a ni. Sakramen hi thuin kan ngaisang a, a takin kan ngainep tihna a ni ang.

SAKRAMEN INKHAWM

105

Inkhawm pangngaia inkhawm ngai lo deuhte pawh dan chh<nga awm an nih chuan, Sakramen inkhawmah hi chuan kal hram hram tur an ni zawk ang.

Kohhran puitling chuan Sakramen inkhawm hi an ngaisang a, Kohhran chakna hnar a nihzia an hria a. Amaherawhchu, Kohhran puitling lo deuhte chuan Kohhran thil serh reng reng hi ngaih pawimawhna an tlachham deuh \hin. Chuvangin Kohhran dan chh<nga lawm luh turte hnenah hian Sakramen inkhawm pawimawhzia hi an thinlunga an vawn ngheh tlat tura zirtir thiam a \ul hle a ni. Dan chh<ngah tleirawlte kan lawm l<t a, Kohhran thil serh an ngaihnep nghal mai chuan a fel lo vang. Chuvangin dan chh<nga an luh ruala Sakramen kil nghal pawh hi a theih hramna hmunah chuan a \ha ber ang.

ZIRLAITE TAN

Thuhmahruai : Sakramen pahnih chungchang kan zir zo tawh a. Vawiinah hian Kohhran thil serh pawimawh tak pahnih kan zir takte kha, a taka a pawimawhzia kan tih lan theih nan ‘Sakramen inkhawm’ tih kan zir leh dawn a ni. Baptisma Sakramen inkhawm hi chu in tel fo tawhin a rinawm a, Lalpa Zanriah Sakramen Inkhawm erawh chu in la bang bo deuh mai thei. Chuvangin nakin lawka dan zawhkim in nih huna in zir chawp loh nan vawiina kan zir tur hi ngun takin in ngaithla dawn nia.

A. Baptisma Sakramen inkhawm : Baptisma Sakramen

Inkhawm hi sermon inkhawm pangngaiah Kohhran \henkhatte chuan an zep mai \hin a. A hranpa liau liauva he

inkhawm hi neih theih a \ha ber a ni. Hemi puala inkhawm dan kalhmang tlangpui kan hriat turte chu hengte hi an ni:

106

1. A pawimawhna : Kan zir tawh ang khan Baptisma hi

Lal Isua ringtu leh a mite kan nih chhinchhiah nan kan

chang a. Baptisma kan chan hian khawvel hnenah Isua ringtu kan nihzia kan puang chhuak a ni. A mite ni tura Lal Isuan

a Kohhranho hmanga min chhinchhiahna inkhawm hi a ropui

hle a, Kohhran mipuite pawhin kan ngaihlu tur a ni ang. Khawvela Political Party-te pawhin an party-a l<t tharte chu an pualin inkhawm an buatsaihsak hial \hin a, ropui takin an lawm l<t \hin a. Chutiang bawkin baptisma changte hi Kohhran mi leh saa kan lawm luhna leh Pathian mi an nih chhinchhiahna hun hlu tak a ni a, Kohhran inkhawm urhsun tak a ni.

2. A kalhmang tlangpui : Baptisma inkhawmah hian Pas-

tor chanvo a awm a, a changtute chanvo a awm a, mipuite chanvo a awm bawk a. Kan dinhmun \heuhvah kan pawimawh vek a, he inkhawm tihlawhtlingtu hi kan ni vek a ni. Chungte chu sawi zau deuh ila –

1) Pastor : Baptisma chantir theitu chu Pastor/Minister chauh a ni a, Pro. Pastor emaw, Upate emawin an chantir thei lo. Pastor chuan baptisma chang tur nausen nu leh pate

hnenah an fate chu Lal Isua anna lama hruai puitling turin a intiamtir a. Puitling baptisma changte hnenah pawh rinawm taka Lal Isua zui turin a intiamtir bawk a. Hetah hian Sakramen awmze pakhat ‘intiamna’ kan tih kha a taka hman

a ni ta a ni. An intiam hnuin Pastor chuan baptisma chantirna thuchham chu Pa leh Fapa leh Thlarau Thianghlim hminga chhamin Pathian hnenah a hlan a. Heta \ang hian baptisma changte chuan baptisma awmze pakhat, chhinchhiahna mak tak chu an chang ta a ni.

2) A changtute : Baptisma changtute chuan Lal Isua tana rinawmna thu an tiam chu thinlung taka tiam turin mawh an phur a ni. Nu leh pa \henkhatte chuan an intiamna

SAKRAMEN INKHAWM

107

hi an fate tan an <m zui tawk lo hle \hin a. Chu chu thil pawi tak a ni a, Pathian leh a Kohhranho hmaa dawt sawina a nih avangin a mawh a rit hle a ni. Chuvangin baptisma chan hian kan nun zui zel dan tur a hril nghal a, chutianga nung turin kan intiam a, chhinchhiahna kan pu tawh a ni. Nausen baptisma chantir dawnin a nu leh pate chu Kohhran dan zawhkim lo ve ve an nih chuan chantir theih a ni lo va, pakhat zawk tal chu dan chh<nga awm an ni tur a ni a, chantirna hmunah pawh dân chh<nga awm nupate chuan an fa chu an dinpui ngei Kohhranin a phut a ni.

3) Mipui : Baptisma Sakramen inkhawmah hian mipuite hi a thlirtu ringawt kan ni lo. Pathian hminga baptisma changtute thutiam chu Kohhran hminga hriatpuitu pawimawh tak kan ni. Pastor-in baptisma changtute lu chungah kut nghata malsawmna thu a chham laiin dingin kan lo hriatpui a, a tawpah ‘Amen’ kan lo tih hi mipuite chanvo ropui tak a ni.

B. Lalpa Zanriah Sakramen Inkhawm : Lalpa Zanriah

Sakramen Inkhawm hi Kohhranho inkhawm puithu tak a ni a, a kalhmang tlangpui tarlang leh ila.

1. A pawimawhna : Kohhranhoten Lalpa Zanriah kan

chan hi thlarau lam ruai kan kil hona a nih avangin a pawimawh hle a. A pawimawhzia hretute chuan he inkhawmah hian thlarau lamah chakna thar an nei \hin a, a pawimawhna hre lem lote erawh chuan an sawtpui lem lo bawk. He ruai ropui ber eia in tur hian Lal Isuan keini mi sualte min sawm duh a, kan chan tur a taksa leh thisen chu kan thlarau tan nunna a ni a. Chuvangin Kohhran dan zawhkim kan nih chuan he inkhawm hi kan tel ve ngei

ngeina tur a ni a, hun danga inkhawm peih vak lo kan nih pawhin hetah hi chuan kal hram hram kan tum tur a ni. Inkhawmna urhsun bik a nih avangin inkhawm kawngah

108

pawh \awngkam leh chetzia uluk a pawimawh a, rilru \awng\aina nen kal tur a ni.

2. A buatsaih dan : Kohhran Upaten chhang leh uain an

siam a, maichamah an dah fel a, \awng\aiin an hlan thlap a. Nemngheh mite lo chuan Lalpa Zanriah hi an buatsaih ve tur a ni lo va, inkhawm bana a dah fel pawh Upate tih turah ngaih a ni a, mi dangin an pui ngai lo a ni. Inkhawmnaa Sakramen buatsaihtu tak chu Pastor a ni a, Upaten an buatsaih ve thei lo va, Pastor puitu an ni. Pastor-in puithu takin thu a chham a, maicham hmaa ding Upate nen an chang hmasa a, Upaten mipui hnenah an sem ta a ni. Pastor-in a pek loh chuan Upate chuan maichama chhang leh uain thl>ng chu an la ngai lo va, an sem zawha an lo kir leh pawhin Pastor kutah kher pek let tur a ni a, anmahni thuin maichamah an dahin an la mai ngai bawk lo.

3. A kiltute mawhphurhna : Pastor leh Upaten puithu

takin an buatsaih a, chutih lai chuan mipuite chuan kan tana Lal Isua inpekna ngaihtuah reng chungin kan lo nghak tur a ni. Lalpa Zanriah kiltute inen fiah dan tur kawng rukte chu zirlai tawpah hian ziak a ni a, hei hi kan vawng tlat tur a ni ang. Kan thil chan chu nunna leh thihna thu, urhsun taka chan tur a nih avangin chet sual palha nuihte hi thil thiang lo anga ngaih tur a ni. A kiltute zingah ti tak tak lo hmel pu bik nih hi thil zahthlak tak a ni tih hriat a pawimawh.

Lalpa Zanriah kan chan hian chhang ei zawhah leh uain in zawhah kan \awng\ai \hin a. A riin kan \awng\ai lo va, rilru \awng\aina a ni a, sei tak \awng\ai pawh a rem vak lo. He \awng\aina tawi t> hi thil chi thum – sual thuphachawina te, lawmthu sawina te, inhlan tharnate infin khawma chham a \ha a. Nakina kan bangbo lutuk loh nan kan \awng\ai dan kalhmang tlangpui chu hetiang hian tarlang ila:

SAKRAMEN INKHAWM

109

“Aw Lalpa,kei mi sual ber tana ngaihdamna min siamsak avangin lawmthu ka hrilh a che. Kan Lalpa taksa/ thisen hmang hian i hnenah ka inhlan a, sual sim a, nun thar nei turin min \anpui ang che.”

Sakramen inkhawma kan hriat turte chu a tlangpuiin kan sawi ta a. Hemi baka kan hriat turte chu nakinah kan la hre zui zel ang. A pawimawh ber chu ‘tih tak zetna’ a ni tih hi vawng ila. Duhdah taka kan Lalpa taksa leh thisen kan chan chuan kan chungah Pathianin ro a la rel dawn a ni.

Chang vawn : I Kor. 11:27

Chuvangin tupawh ei tlak lohva chhang chu ei emaw, Lalpa no in emaw apiang chu, Lalpa taksa leh thisen chungah thiam loh a chang ang.

Zawhna

1. Baptisma kan chan laia kan nu leh paten thu an tiam kha keimahni min enkawlnaah hian an hlen chhuakin kan hria em?

2. Lalpa Zanriaha kan ei leh in tur hi Lal Isua thisen leh taksa a ni a, duhdah taka eia intute hi Pathianin ro min relsak dan tur sawi ho ila.

3. Sakramen inkhawm apianga inkhawm tura intiam theiten ban phar ila.

110

ZIRLAITE VAWN TUR

22. Lalpa Zanriah kiltute chu engahte nge an infiah ang?

Ch. Hengahte hian an infiah tur a ni –

(1) An thil tihsual an sim takzet em? (I Kor. 11:28; Tirh. 3:19; Joel. 2:12f); (2) Nun thara nun an tum tlat em? (Rom. 6:19);

Krista inpekna hlu tak chu an tan a mamawh tih an hria em? (Mk. 10:45; Joh. 10:11ff);

(4) Chhandama awm turin Krista chauh an ring em? (Joh. 14:6);

(5) Lawm takin, a thihna hre rengin an lo kal em? (Rom. 5:8; Thup. 1:5 f);

Mi tin hmangaih an tum hram em? (Mat. 5:44ff; I Pet. 1:22) tih te an infiah tur a ni.

23. Lalpa Zanriah kil tlak lote chu eng ang mite nge?

Ch. Lalpa Zanriah kil tlak lote chu hengte hi an ni – (1) Lalpa taksa leh thisen ngaihruat dik thei tura Thlarau hriatna chan tum lo mite (Heb.10:22); (2) Pathian pawl lo va, an thlarau tana chakna nei lo va, pâwn lam dan chauh ring mite (I Tim. 4:8; Joh. 4:23); (3) Inrem lova thinura awmte leh, tihsualna sim \ha duh lo mite (Mat. 5:23f);

(4) Thil tisual tawh lo tura Pathian hnena thu thlung der a, luhlul tak a, hre reng chunga thil sual ti mite (Hos. 10:4; Heb. 10:26f);

Chhandamna tura Krista chauh ring lo va, thil dang ring zawk mite an ni (Tirh. 4:12).

(3)

(6)

(5)

111

|HEN NGANA KOHHRANHO THUNUN DANTE

|hen nganaah hian ‘Kohhranho Thunun Dânte’ tih kan zir dawn a. Kan Kohhran hian Thurin sawm thlan chhuah ziakin kan nei a. Hemi bakah hian ziak bawkin Kohhran Thunun Dân kan nei bawk a. Hengte hi kum 2002 Beihrual Thupuiah khan kan zir tawh a, zirna hun dang erawh chu kan la nei lo niin a lang. Chuvangin Sakramen Department zirlai atan thun luh a ni ta a ni.

ZIRLAI–17

KOHHRANA TEL TUR MITE LEH KRISTIAN NUN – SAKHAW LAM

Kawhhmuh tum : Kohhrana tel tur mite mawhphurhna hriattir

Chhiar tur

:

Heb. 2:1-4; Mk. 12:28-34

ZIRTIRTUTE TAN

Kan Kohhran hian inthunun dan fel tak ziakin kan nei a, hengte hi Bible behchhana buatsaih a ni bawk a, ‘Kohhranho Thunun Dân’ tiin kan vuah a. Heng Thunun Dânte hi hlawm sariha \hen phawk a ni a, chungte chu –

112

1)

Kohhrana tel tur mite

2)

Kristian nun – sakhaw lam

3)

Kristian nun – mahni lam

4)

Kristian nun – chhungkaw lam

5)

Kristian nun – Kohhran invawn lam

6)

Kristian nun – khawtlang lam

7)

Kristian nun – sawrkar lam

tihte an ni a. Thu hlawm tinte hi awmze nei taka tum bik nei vek an ni a, chungte chu \hen sawm leh vek an ni bawk a. Heng Kohhranho Thunun Dânte hi kan Kohhran mite hian zirna hun bik kan neih loh avangin kan nun dan tur teh nan kan hmang tawk lo hle a, mi tam takte chuan hriat pawh kan hre hek lo.

Sakramen Pawl siam a lo nih hian Kohhranho Thunun dan hi zirlai atan lak luh a lo ni ta a, Kohhran dan zawhkim thar turten an hriat chian vek chuan Kohhran nun kal zel atan hmasawnna ropui tak a ni dawn a ni. Chuvangin zirtirtute pawhin Kohhranho Thunun Dânte hi Synod-in Sakramen Pawl a buatsaih chhan pakhat a ni tih hriaa, \hahnemngai tak leh fimkhur taka kan zirtir a pawimawh hle dawn a ni.

A thupuite chauh ni lovin, a \hen sawmte nen kan tarlang vek ang a, a sawi zauna thu hi sei tak a len dawn loh avangin zirtirtute kan inbuatsaih uluk deuh a \ul dawn a ni. A thupuite hi naupangte kan vawntir (byheart) theih chuan a \ha hle bawk ang.

ZIRLAITE TAN

Thuhmahruai : Vawiin a\ang hian Kohhranho Thunun Dânte kan zir \an dawn a. Amaherawhchu, hunin min daih loh avangin a mal malin kan zir dawn lo va, a inkawpin kan

KOHHRANA TEL TUR MITE LEH KRISTIAN NUN

113

zir ang a. Vawiinah hian Kohhrana tel tur mite tih leh, Kristian nun – Sakhaw lam tih kan zir dawn a ni.

1.

Kohhrana tel tur mite : Zirlai 5-naah khan Kohhran

mi

nih pawimawhna kan zir tawh a, vawiinah hian Kohhrana

awm pawimawhzia leh Kohhrana tel tur mite chu eng ang mite nge an nih a, eng nge an mawhphurhna tih kan zir leh dawn a ni. Kohhranho Thunun Dan Buin Kohhrana tel tur mite a teh dan chu hetiang hi a ni:

1) Thlarau Thianghlim hnathawh azara mi sual an nih inhre mi, an sual pawiti a, lungngai a, chhanchhuahna zawng mi an ni tur a ni (Tirh. 2:37,38; 16:30)

2) Chhanchhuahna chu Kristaah chauh rawn zawnga Chhandamtu ropui leh palai \ha famkim anga pawm mi an ni tur a ni (Joh. 16:8,9; Phil. 3:7-9)

3) Krista leh a felnaa ril\ama tuihal mi an ni tur a ni; chu lama sâwtna kawng dik zawng zawng – Pathian thu ngaihthlâk te, Chanchin |ha dan te, Pathian biak inkhawm te, \awng\aite an ngaihsak tur a ni (Mat. 5:6; Heb. 10:25; Rom. 10:17)

4) Kristian Thurin pawimawhte nena inkalh ngaihdan engmah an pawm tur a ni lo; heng – Pa leh Fapa leh Thlarau Thianghlim thu leh thurin pawimawh dangte hi an phat tur a ni lo va, pawm tlat mi an ni tur a ni (Jak. 1:6-8).

5) Kohhran hi Krista Kohhran, Krista phun, Chanchin |ha ‘Thutak ban leh innghahna’ ni ngeia ngai mi an ni tur a ni (Mat. 16:18; I Tim. 3:15).

Heng kan tarlan tak thu hlawm pangate hi Kohhrana

tel tur mite chuan mahni an inenfiahna tur a ni a. Keini

pawh hi dan chh<nga kan luh dawn avangin he thu hmang

114

hian mahni kan inenfiah \heuh a pawimawh dawn a ni. Heng thu hlawm pangate hi a mal mala sawi lovin, hetiang hian khaikhawm ila.

Kohhran mi leh sa ni tur chuan Thlarau Thianghlim zara mi sual nih inhre mi nih a pawimawh hmasa a. Mi sual nih inhriatna mai ni lova chhanchhuahna zawng mi nih a pawimawh a, chhanchhuahna pawh thil dangah ni lova Lal Isua chauhva zawn a pawimawh a. Kohhran mi dik takte chuan Lal Isua chu Chhandamtu awm chhun a nih hriain an rawn pan a, chhandamin an awm a. Chhandam an nih tawh avangin Lal Isua duhzâwng tih châkin an tui a hal a, chuvangin Pathian thu ngaihthlak te, \awng\ai te, inkhawm te an thlahthlam ngai lo. Kohhran Thurin an ngai pawimawh a, Kohhran hi Krista din a nihzia an hre chiang a, Kohhran pâwl hrang hrangah an insawn lâwr ngai lo a ni.

2. Kristian nun – Sakhaw lam : Kohhrana telte chuan

Kohhran mi an nih avanga tih tur leh mawhphurhna an nei a, chungte chu –

1) Pathian biak hi Kristiante tih dan tura pawimawh ber leh hmasa ber a ni a, an thlahthlam tur a ni lo va, an ngai pawimawh reng tur a ni (Joh. 4:23,24; Heb. 2:3; Mk.

12:29,30).

2) Anmahni leh an enkawlten Pathianni an serh tur a ni. Khawvel hna tih lawk theih leh ni danga tih theih – lei leh zawrh te, thu pawimawh dang sawi te tih loh tur a ni. Hahchawlh nana hmanga mu bo mai lovin leh mahni châkkhai lam nana hmang lovin Pathian biak nan leh a thu ngaihthlak nan leh an thlarau tana sâwt tur apiang tih nan an hmang tur a ni (Exod. 20:8-11; Isa. 58: 13,14).

3) Pathian thu nena inrem lo leh Kristian rilru tichhe thei apiang – khaw thim thiltih nawmna te, fiamthu sual te,

KOHHRANA TEL TUR MITE LEH KRISTIAN NUN

115

lâm te, hlimhlawp fel lo te kalsan tur a ni (II Kor. 6:17; Rom 12:2; Eph. 5:11).

4) Inngaih leh hurna lam thil sual engmah an ti tur a ni lo va, sual anga lang leh sual lama min hruai thei thil zawng zawng pawh an pumpelh tur a ni (I Kor. 6:9; Eph. 5:3).

5) Inthawina lam thil reng reng – englo \ai leh chhamphualte pawh an ti tur a ni lo, Puithiamna lam thil engpawh – âisan te, dawi lam thil te, kutze en leh chutiang lam chi phawt hi chu khawvel puithiam rawih ang bawk a nih avangin tih loh tur a ni a. Kawng engkimah Pathian an ring tur a ni (Lev. 19:31; Deut. 18:10,11; Exod. 20:3; Lk. 4:8).

6) Pathian thu buin min zirtir dan ang chiaha Pathian kan rinna rilru kai peng thei apiang – milem biakna lam thil te, khawvel mite ni serh leh thla serh te, hapta ni \ha bik neih te an pawm tur a ni lo. Khawvel miten thiang lova an ngaih rin dan âtthlâk – pangen te leh thil dang zawng zawng hi pawisak tur a ni lo. Heng zawng zawng hi Pathian tak leh khawvel pathian pawm kawpna a ni (Lk. 4:8).

7) Pathian ram tana pawimawh thawhlawm, Pathian thu bua langte hi theih ang tawkin an ngai pawimawh tur a ni. Krista lak khawmpui lo chuan a tidarh a ni (Lev. 27:30- 40; Mat. 12:30).

Sakhaw lama Kristiante nun dan turah hian thu hlawm sarih lai kan hmu a, a mal mala kan sawi zau chuan a sei lutuk dawn avangin a hlawmin sawi leh mai ila. Pathian biak inkhawm leh chawlhni serh hi Kohhran mite tih tur pawimawh tak a ni a. Kan ramah hian inkhawm ngai lo Kristian kan tam sawt hle mai a, chawlhnia mahni nuam tihzawnga khawsa nileng tate pawh kan awm \hin. Chawlhni

116

hi Pathian biakna ni atana awm a nih avangin thil dang tih nan kan hmang tur a ni lo. Inkhawm lova mut bo mai mai te, lei leh zawrh nana hman te, len vah mai mai nan te hman tur a ni lo va, Pathian biak nan hman tur a ni.

Kohhran mi nihna tidal thei leh Kristian rilru tichhe thei apiangte chu kan pumpelh tur a ni. Heng – fiamthu bawlhhlawh te, khawvel lâm leh hlimhlawp bawlna chi reng rengte hi kalsan tur a ni. Lal Isua rin aia puithuna thil dang – dawithiam leh kutze en tih vel te, horoscope leh âien thilte hi rin zawk chi a ni lo va, tuna kan awm dan leh nakina kan awm dan tur chu Lal Isua kutah dah tur a ni. Ring lo miten thil thiang lova an ngaihte hi Kristianten kan ngai pawimawh ve tur a ni lo. Pathian pakhat chauh a awm a, amah chauh chu biak leh rin tur a ni tih hi kan vawng tlat tur a ni.

Chang vawn : Mk. 12:29, 30

Isuan, “A ropui ber chu hei hi a ni; ‘Israel-hote u, ngai teh u, Lalpa kan Pathian chu Lalpa pakhat chauh a ni a; Lalpa i Pathian chu i thinlung zawng zawngin, i thlarau zawng zawngin, i rilru zawng zawngin, i chakna zawng zawngin i hmangaih tur a ni,” tih hi.

Zawhna

1. Kohhrana tel tur mite awm dan tur thil pangate kha zawm kan huphurh em?

2. Tunlaia horoscope te, kutze en te hi kan ring tak tak em?

3. Tunlai hian Kristian nun nena inrem lo, hlimhlawp bawl dan chi hrang hrang han sawi teh u.

117

ZIRLAI–18

KRISTIAN NUN – MAHNI LEH CHHUNGKAW LAM

Kawhhmuh tum :

Chhiar tur

:

Mahni invawn leh chhungkuaa mawhphurhna hriattir

Lk. 21:34-36; II Kor. 6:14-18

ZIRTIRTUTE TAN

Presbyterian Kohhran hi kan ramah chuan inkaihhruai dan nei \ha ber kan ni a. Kan inkaihhruai dan hi ziaka kan tarlan bakah tih dan phung, ziaka dah si loh, ziak ang maia tih dan ngheta kan neih site hi a tam ta hle a. Amaherawhchu, Kohhran tam ber kan nih avangin kan inenkawl zo lo nge ni, kan del dul hle mai a. Kalhmang \ha tak nei kan nih lai hian kan kalhmang hre lem lo hi kan tam hle mai bawk a. Kohhran dangte hi chu an naupangte chenin an Kohhran kalhmang hi an hre viau zel a, helamah hian \an kan lak thar a pawimawh hle a ni.

Tuna kan zir tur ‘Kristian nun – Mahni leh Chhungkaw lam’ tihah pawh hian hai rual lohvin Kristian nun dan tura Kohhran duh dan chu a lang a. Nimahsela hengte hi ziakin hun rei tak lo awm tawh mah se, chuti takin rawngbawltute ngat pawh hian kan ngai pawimawh tawk lo hle a ni. Mi mal zalenna kan hmang nasa a, Kohhran duhzâwng a ni em tih ngaihtuahna lamah harh thar hle kan ngai a ni. Ei leh in thu te, inchei dan te, ni tin hnaa rinawm thute hi hetiang tak hian Thunun Dân Buah a awm tih hi mi \henkhatte chuan kan hre lo mai thei a ni.

118

Thuthlung Hlui hun a\angin thiang leh thiang lo hi an uar hle a, Puithiamte nun dan tur phei chu zawm harsa khawpin a chipchiar a. Thuthlung Tharah pawh rilru leh taksa invawn thianghlim a pawimawhzia hi hmun tam takah kan hmu bawk. Tunlaiin he lam kawngah hian kan inthlahdah ta viau va, dan kan nei ta lo a ni lo va, kan dante hi kan inzirtir tawk loh vang niin a lang.

Chuvangin tun a\anga Kohhran dan chh<nga lűt turten Kohhran duhzawng, Bible nena inrem hi an vawn ngheh phawt chuan nakin zela Kohhran mite nun dan hi a fel sawt dawn a ni. Hemi beiseina tihlawhtling tur hian zirtirtute kan pawimawh a, awmze nei ngei tura zirtir chu kan mawhphurhna a ni ang.

ZIRLAITE TAN

Thuhmahruai : Vawiinah hian ‘Kristian nun – mahni leh chhungkaw lam’ tih kan zir dawn a. Kan zirlai thupui awmzia ber chu – Kohhran mi leh Kristian kan nihna anga mahni invawn leh chhungkaw lama kan mawhphurhna kan zir dawn a ni ber mai. Kohhran duhzawng hi zawm vek theih a \ha a, kan zawm nghal vek thei lo a nih pawhin zawi zawia zawm kan tum tur a ni ang.

1. Kristian nun – Mahni lam : Kohhran Thunun Dân

Buin mahni kan invawn fel dan tur kawng thum a tarlante chu –

1) Mihring tikhawlo thei leh Pathian rawngbawl tura tlak lohtir thei, ei leh inah insum tur a ni (Lk. 21:34; I Kor.

6:10)

2) Mi tin mahni phu tawkin fai tak leh fel takin inthuam tur a ni. Chapona tur leh tlakranna tur lam emaw, sual

KRISTIAN NUN – MAHNI LEH CHHUNGKAW LAM

119

lama min hruai thei tur lam emawa inthuamna chu pumpelh tur a ni. Inthuamna hi Thuthlung Tharin Kristian nun dan zinga pawimawh takin a sawi tel a ni (I Tim. 2:10; I Pet.

3:2).

3) Mi tin mahni hnathawhah an rinawm tur a ni. Thawh theihna leh thawhna hun an neih kha an thatchhiat bosan tur a ni lo. Chutiang mi Lalpan a dem nasatzia kha an hre reng tur a ni (Mat. 25:26).

Mahni kan invawn felna tur kawng thum kan tarlan takte khi sawi zui leh ila. Pathian rawngbawl tura min tlak lohtir thei ei leh inte chu engte nge ni ang? Z< leh drugs te, z<k leh hmuam te, kan taksa tikhawlo thei reng rengah insum tur a ni. Kan taksa hi Pathian In a ni a, ruih theih thila kan tih khawloh chuan Pathianin min tikhawlo ve dawn tih Bible-ah kan hmu a ni (I Kor. 3:16).

Inchei danah pawh Kristiante tana mawi tur kan hriat a pawimawh. Tunlai hian thawmhnaw inbel dan mawi lo tak tak a tam ta hle mai a, hei hi Kohhran Thunun dan hian a khap a ni tih hi hria ila. Mahni saruakna lang zawnga thawmhnaw inbel te, tâwt lutuk leh thawl lutuk inbel te, dul lang hunga kawr hak te, inchei dan pangngai aia uchuak chi reng rengte chu Kohhran mite tan a mawi lo a ni. A hun leh a hmun azira thawmhnaw inbel thiam hi a pawimawh hle a, Biak In chh<ngah phei chuan hmeichhiate tan kekawr hak hi a mawi lo va, kawr pan lutuk hak pawh a mawi lo a ni.

Mahni hnathawh \heuhva rinawm leh taihmak hi kan tih tur a ni bawk. Kut hnathawk mi kan nih chuan hlawhtling ngei tura thawh chu kan bat a ni a. Zirlai kan nih chuan kum tawpa result \ha tak nei tura zir chu kan tih tur a ni bawk a. Eizawn dan apiangah rinawm tak leh taima taka kan tih hi a hlu ber a ni. ‘Thatchhe thluak chu Setana

120

chenna hmun pui a ni’ tih a ni a. Tunlaia ruihhlo ngaite pawh hi mahni hnaa rinawm lo leh mi thatchhe tak an ni duh hle a ni. Chuvangin Kohhran mi dik tak chu a thatchhe tur a ni lo.

2. Kristian nun – Chhungkaw lam : Kristian nun – mahni

lam kan sawi tawh a, tunah hian chhungkaw lam kan sawi zui leh dawn a ni.

1) Chhungkaw thu an rel fel tur a ni a, an fate Lalpa hriatna leh zahnaah an kaihruai tur a ni. Chh<ng inkhawm a theih ang angin an nei tur a ni. Chu ti lo chuan an fate Lalpa thua kaihhruaina remchang an nei lo vang (I Tim. 3:4; Eph. 6:4).

2) Mihring inlaichinna kawng hrang hrang chungchang, Pathian Thu buin a sawite hi fel takin an zawm tur a ni. Heng – Nupui pasal chungchangah te, nu leh pa leh an fate chungchangah te, Hotu leh chhiahhlawh chungchangahte hian (Eph. 5:22-6:2).

3) Ringlo mi an nei tur a ni lo va, Kristian Thurin tlangpui phat mite leh rinna hrang pawm mite an nei tur a ni lo. Inneih hma leh inneih laiin khawvel dan \ha lo an zawm tur a ni hek lo. Innei tur apiangin an thlarau \hatna an ngaihtuah tur a ni (I Kor. 6:14).

4) Kohhran mite chu Kohhran dan lovin an innei tur a ni lo va, chutianga inneite chu lawmpui tur pawh a ni lo, a mawi lo a ni (II Kor. 6:14,15).

Chhungkaw lama Kristian nun dan tur kan sawi takte hi nupui pasal neih hnua kan tih tur a nih avangin keini Sakramen Pawlte tan a pawimawh hle a. Nupui pasal la nei turte in ni a, vawiin kan zir hi in vawn tlat a, in zawm tlat bawk chuan chhungkaw hlim tak in din thei dawn a ni.

KRISTIAN NUN – MAHNI LEH CHHUNGKAW LAM

121

A hmasa berin nupui pasal atan ring lo mi neih tur a ni lo va, sakhuana ngaihsak lo mi reng reng chu neih loh tur a ni. Inneih dawna inruk te, sâwn thlak leh sâwn paite hi Kohhran mite tih tur a ni lo va, Kristian chhungkaw keh chhe sa dinna a ni. Tunlai hian inneite zingah Biak In chh<nga innei aiin Biak In chang phak lova inneite hi an tam zawk hle a, hei hi Kohhran chuan a duh lo khawp mai. Biak In chh<ng ngeia innei thei turin nupui pasal kan inzawng ang a, inneih kan puitlin tur a ni.

Nakina chhungkua kan din hunah Pathianin fanau rochante min pek chuan Pathian lama kaihruai turin mawh kan phur zui dawn a ni. Chhungkua hi Kohhran tę ber a ni a, chutah chuan nu leh pate chu puithiam hnathawk an ni bawk a. Kan fate chu Pathian zah dan te, a thu âwih dante kan zirtir ang a, Pathian biakna hmunah kan hruai tur a ni. Chh<ng inkhawm hi kan tih ngei ngei tur a ni a, ni khatah vawi khat tal chhungkuaa Pathian biak ho hi kan mawhphurhna pawimawh tak a ni.

Kristian nun – mahni lam leh chhungkaw lam chu kan sawi ta a. In aia upa zawkte hi han thlir ula, mahni nun an vawn fel peih loh avanga ngawl vei te, nun dik lo avanga Jail-a tang mek te, sualna avanga mangang, sim hlei thei tawh si lote in hmu ang. Chhungkuaa inkhawm ngai lo te, zu leh ruihhlo zuar chhungkua te, chhungkaw hrehawm tak in hmu bawk ang. Heng mite hian an awm dan hi hrehawm an ti ngawih ngawih a; nimahsela nangni ang rual an nih a\angin an nun dan an uluk loh avangin an sim mai thei tawh si lo. An khawngaihthlâk ęm ęm a ni. Chuvangin nangni pawh in dam chh<ng la hmabakte hi hlim taka in hman zui zel theih nan vawiina kan zirlai hi in awmna hmun apiangah in vawng reng tur a ni ang.

122

Chang vawn : Lk. 21:34

Amaherawhchu, fimkhur rawh u, chutilochuan ei puar lutuk nen, zu ruih nen, damchhung khawsak ngaihtuah nen, in rilru a khat lutuk hlauh ang a, chu mi ni chuan thang âwk angin thawklehkhatan in chungah a lo thleng phut ang.

Zawhna

1. Kristian nun, mahni lama kan tih tur kha kawng eng zat nge kan zir?

2. Pathian rawngbawlna kawnga min tikhawlo thei, ei leh in lama insum turte kha engte nge?

3. Kohhran dan thianghlima Biak Ina nupui pasal neih ngei duhin bân han phar teh u.

123

ZIRLAI–19

KRISTIAN NUN – KOHHRAN INVAWN LAM

Kawhhmuh tum : Kohhran duhzawnga awm tura \anpui

Chhiar tur

:

Exod. 18:21-26; Gal. 6:1-5

ZIRTIRTUTE TAN

Sakramen Pawl zirlaite tan Kohhran hi kawng hrang hranga zirtir a pawimawh avangin Kohhran chungchang hi kan sawi nual tawh a. Tunah hian Kohhran inthununna leh invawn dan hawiin kan sawi leh dawn a, hei lo pawh hi kan zirlai tawp lamah kawng dangin kan la zir leh dawn a ni.

Kan Kohhran kalhmangah hian Kohhran hi nu leh pa chanvo changin hmun laili ber kan luahtir a. Mi mal leh chhungkaw harsatna pawh Kohhran hnena thlen hi kan tih tur a ni a. Chutih laiin Kohhran pawhin a mite chu zilh ngai a zilh a, Kohhran a\anga hnawhchhuah hial thlengin a mite chungah thu a nei bawk a ni. Kohhran rorel leh mite thlarau nun hi a inzawm tlat avangin Kohhran rorel dan a mumal loh chuan a chh<nga chengte nun a mumal thei lo vang. Chuvangin Kohhran chuan Thunun Dan fel tak a nei a, chu chu a chh<nga awmte hian kan zah hle tur a ni ang.

Mi mal tinte chu chhungkuaah kan awm a, chhungkaw tinte chu Kohhranah kan awmkhawm leh a. Chutichuan Kohhran chu chhungkaw pakhat anga sawi theih a ni a. A invawn danah pawh hian a chh<nga chengte chu angkhata enin, member tinte chu an \hat tlanna turin a enkawl a. Heng a mite a enkawl leh a vawn dan hi khawvel lalten an

124

khua leh tui an enkawl dan anga vuak emaw, lung in tantir emaw, chawitir emaw a ni lo. A invawn dan khauh tak anga langte pawh hi Kohhran a thianghlimna tura hmangaihna nena tih a ni \hin.

Kohhranah hian thununna tawk mek eng emaw zat kan awm reng a, Kohhran lian deuhvah phei chuan kan tam lehzual a. Kohhran a\anga bantir ngai hialte pawh kan awm zauh zauh bawk. Hei hian Kohhran rorel ziakna bu pawh a tihnawkin a timawi lo hle a. Kohhran thununna tawk \henkhatte hi chuan Kohhran invawn dan hi an zah loh vang pawh ni lovin an hre lo hrim hrim a, hei hi Kohhran mualphona a ni ve khawp mai. Chuvangin Sacrament Pawl a\anga Kohhran invawn dan hi kan inzirtir a pawimawh hle a ni tih hi zirtirtuten an man chiang tur a ni ang.

ZIRLAITE TAN

Thuhmahruai : Vawiinah hian ‘Kristian nun – Kohhran invawn lam’ tih kan zir dawn a. School naupang nih kan duh chuan kan kalna tur School invawn dan hriat hmasak a pawimawh ang hian, Kohhran dan chh<nga kan luh dawn chuan Kohhran invawn dan kan hriat a pawimawh ang. Kohhran hian a mite \hatna a duhsak avangin invawn dan chipchiar tak a nei a, chungte chu tunah hian kan sawi kim seng dawn lo va, kan zir chhun a\ang hian a dangte pawh kan la hriat belh zel dawn a ni.

1. Unauvin a unau thil tisual hmu sela, Krista zirtirna

ang ngeiin zilh \hat tum sela a \ha. Zilh \hat theih a nih loh chuan thunun tur a ni (Mat. 18:15-17).

Kohhran dan zawhkim kan nih chuan Kohhranho tana \ha tur apiang tih chu kan mawhphurhna a lo ni ta a. Kan

KRISTIAN NUN - KOHHRAN INVAWN LAM

125

\hianten thil sual an tih chuan tute emaw hnenah hek mai lovin hmangaih taka zilh phawt tur a ni. Vawi eng emaw zat kan zilh hnua a sim duh loh chuan an \hatna atana thunun tura Kohhran hruaitute hrilh chu kan tih tur a ni ang.

2. Kristian inhek sela, Kohhranhovin fimkhur tak leh \an

lam nei lovin zawt chhuak rawh se. A chungthu an tihtlűk hmain hretute thu fel takin ngaihtuah rawh se. Kohhran thununna tuar tur a nih chuan, khawngaihna neiin thunun zawk rawh se (Deut. 19:15-18; Gal. 6:1).

Kohhran mite zingah chhiatna zawnga inhek an awm pawhin Kohhran Committee-ten \an lam nei hauh lovin, fimkhur takin an chungchang an rel ang. An thu azira Kohhran thununna tuar tlaka an ngaihte chu khawngaihna nen an \hatna tura thunun tur an ni.

3. Thunun ngai khawpa thil sual tite chu an sim nan leh,

Kohhrana ching mekte ven nan thunun tur a ni. An sim hunah lak luh leh tur a ni. Lak luh hun a nih hmain Kohhran rawngbawlnaah chanvo engmah neihtir tur a ni lo. A sim leh sim loh en nan thla ruk a tawk ang (I Kor. 5:1-5).

Kohhranin mi a thunun chhan chu thil sual tih an sim nan leh mi dangte ven nana fimkhur taka khawngaihna thinlung nena tih a ni. Kohhranin a thununte chu thla ruk hnuah an sim chuan dan chh<nga lak luh leh theih an ni a, thununte chuan lehkhain lak luh hi an dil \hin. Thunun an nih lai chuan Lalpa Zanriah Sakramen an chang thei ve lo va, Kohhran rawngbawlnaah hman theih an ni lo bawk.

4. Kohhranhovah inhnialna leh rem lohna lo chhuak sela,

Kohhranhovin ngaihtuah sela, an theih chuan thu tl<kna fel tak siam rawh se. Thu tl<kna an siam theih loh chuan Kohhranho rorelna sang zawkah thlen rawh se (Exod.

126

Kohh r a n m it e z i n g a h m i m a l l e h m i m a l i n k a r a h e m aw, chhungkua leh chhungkaw inkarah emaw, pawlho inkarah inrem lohna a awm chuan sawrkar rorelnaah thlen mai lova Kohhran hnena thlen hi kan Kohhran kalhmang a ni. Hei hi kan hre chiang tawk lo nge ni, kan ching tam lo viau va, a chingte chuan a \hatzia an hre \hin. Kohhran chuan Pathian thu nen inrem lote inkarah bân a phar a, lei inchawitir hial turte pawh hlim takin an inrem leh thei a ni.

5. Kohhran Pathian biak inkhawmte chu fel tak leh \ha

taka vawn tur a ni a. A hmasain Bible chhiar te, \awng\ai leh hla sak te tih tur a ni. Chumi hnuah inzilh leh infuihna thu te, inthlamuanna thu te, Pathian thua hriat tur pawimawh te sawi tur a ni. Inkhawm chh<ng chu a rei lutuk tur a ni lo va, inkhawmnaa tih apiang chu inkhawmhote sâwt tlanpui tur ngaihtuaha tih ni vek rawh se.

Kohhran Pathian biak inkhawm hi fel taka vawn tur a ni a. Inkhawm vawi khatah chanvo hrang hrang changtute kan awm a, a phur apiangten awmze nei lova an khalh kal mai mai theih a ni lo. Mipui sawtpui tlan ber tur zawn a \ha a, inkhawm hun chh<ng pawh rei lutuk lo a ni tur a ni.

6. Ch<ng inkhawmte chu Kohhranho thlan leh khawmpui

nemngheh miten an ho tur a ni.

Kohhran Pathian biak inkhawm chu nemngheh Upate emaw, Pastor emawin an hruai ber a, a hruai thiam zawk mi dang pawh awm sela, “Nang han hruai ve rawh,” tih ngawt chi a ni lo.

7. Kohhran Upa atan Pathian ngaihsak mi leh Kohhran

Thurin nghet taka vuan mi lo chu thlan tur a ni lo. Heng Chanchin |ha bu lite leh Thunun dan te, Sakramen thute leh Kohhran Thurin te hriatna tawk nei mi an ni tur a ni.

KRISTIAN NUN - KOHHRAN INVAWN LAM

127

Kohhran Upate hi Kohhran enkawltu leh neitu chan chang tura mipui aiawha thlan chhuahte an ni a, zah an phu a. Kohhran Upa ni tur chuan ring thar mi an ni tur a ni lo va, Pathian thu leh Kohhrana mi nghet tak, rinna lama mipuite chawm thei tur mi, nun entawn tlak tak nei mite thlan tur a ni.

Thunun Dân Buin Kohhran invawn dan a sawi chu kan zir zo ta a. Kohhran hi mi mal duh danin a kal lo va, Inkhawmpui leh Committee duh dana kal a ni a. Kohhrana vuivai chingte pawh hian an mi mal duh dana Kohhran kaltir an tum vang a ni duh viau zel. Kohhran kalhmang hre chinte chu zirtirna him lovah an peng mai mai lo va, an awmna Kohhran an sawisel ngai hek lo. Kohhran leh a thil serhte an ngaisang a, a dan zawm an tum tlat a, Kohhran neitu Isua Krista an duh ang bawkin a Kohhran pawh an ngainep thei lo a ni.

Chang vawn : Gal. 6:1

Unaute u, mi, sual engpawh a tih lai phâwkin awm sela, nangni thlarau mite u, “Thlemna ka tawk ve dah ang e,” tia inveng \ha chungin chutiang mi chu thuhnuairawlh takin tungding leh rawh u (Gal. 6:1).

Zawhna

1. Unauvin a unau thil tisual hmu sela, engtin nge a tih ang?

2. Kohhran mite karah intihbuaina awm ta sela khawiah nge thlen hmasak tur?

3. Kohhran Upa atana thlan tur mite kha eng ang mite nge?

128

ZIRLAI–20

KRISTIAN NUN – KHAWTLANG LEH SAWRKAR LAM

Kawhhmuh tum : Khawtlang leh Sawrkara an mawh- phurhna hriattir

Chhiar tur

: Lk . 10:33-37 ; T huf . 20:10 , 1 4; Lev.

19:35-37

ZIRTIRTUTE TAN

Presbyterian Kohhran hmalakna hi a zau va, thlarau khawvel chauh ni lovin, leilung khawvel hi chenna tlaka siam leh chuta cheng tlaka mipuite buatsaih hi a tum a ni. A thurin leh thunun dante pawh hi mahni lawina Kohhran sawi mawina a ni lo va, mi zawng zawng leng haka Bible mila siam a ni bawk. Khawvel a thlir dan pawh hi a zau va, thlarau nun leh ni tina mihring khawsak hona siam \hat hi Pathian duhzawng niin a hria. Khawvel ram hrang hrangah hian Presbyterian tamna ram apiang ram changkang pawl tak niin an sawi a. A chhan chu khawvel hi hnualsuat mai lova a siam \hat hna a ngaih pawimawh vang a ni.

Tuna kan zir tur, Presbyterian Kohhran Thunun dânah pawh hian khawtlang leh sawrkara Kristiante mawhphurhna chi hrang hrang kan zir dawn a ni. Kristian kan nihna rilru pua heng kan mawhphurhnate hi kan ngaih pawimawh chuan Pathian pawhin mal min sawm ngeiin a rinawm.