7 Febrero 200007

1199 S hevva tt 5 7667

Anyo: 2
Numero: 24
N

LA BIBLIOTEKA DE LIVROS EN LADINO EN EL RABINATO DE ESTAMBOL

Karen GERSON fiARHON /Estambol
sephardiccenter@salom.com.tr
Una de las mas importantes nesesidades ke
teniyamos aki en Estambol era la katalogizasyon
en forma internasyonal de la multitud de livros
en la biblioteka del Gran Rabinato. Despues la
restorasyon del Rabinato se fraguo una bibliote-
ka maraviyoza en el edifisio, ma los livros esta-
van en un estado desgrasiado.
La primera etapa de muestro proyekto empe-
so kuando el Sr. Dov Cohen del Instituto Ben-
Zvi, eksperto en livros vino a ver lo ke teniyamos
en 2005. Dov konstato ke teniyamos unos 800
livros en Ladino i unos 5000 livros en ebreo.
Desidimos de azer este lavor en etapas empe-
sando kon los livros en Ladino. Despues tuvi-
mos de topar paras para realizar el proyekto.
Para esto mos vinieron a muestra ayuda los sin-
yores Leon Levy (z”l) de los Estados Unidos i
Sylvio Mutal de la Olanda. Grasias a sus apoyo
Dr. Dov Cohen, grande espesiyalisto de livros
pudimos empesar la primera faza del proyekto:
katalogar los livros en Ladino. Dov Cohen i su
asistente Daniel vinieron a Estambol el 21 Ene-
ro, Alhad demanyana i empesimos a lavorar im-
mediatamente en el Rabinato. Unos 800 livros
en Ladino se ordeno, katalogo i identifio en los
5 dias sigientes.
Aki kero eskrivir mi admirasion por la savidu-
riya de Dov sovre livros. Vos dare solo un egzem-
pio. Topo un livro ke no teniya ni kacha i su pri-
mera oja, dunke no se puediya saver ke livro era.
Dov meldo unos kuantos paragrafos i disho ke
era un romanso probablemente publikado en Ye-
rushalayim. Despues se penso i me disho: “Si no
me yerro, si este livro fue publikado por el edi-
tor ke penso, el metiya el nombre del livro en ka-
da 16 pajinas.” I torno a la pajina 16, i aya es-
tava: el nombre del livro! Es kon esta metikulo-
zidad ke se izo este lavoro.
Kuando Dov mos embiyara el katalogo dijita-
lizado, vamos a pueder avrir la biblioteka en La-
dino a investigadores del mundo entero. Agora
vamos a kontinuar kon los livros en ebreo. Gra-
sias a Dov Cohen para el lavoro ke izo, i grasias
a Leon Levy i Sylvio Mutal ke lo izieron posivle
kon sus kontribusiones.

verbo: “Tu pan no me arto, ma tu palav- Keridos Lektores,

Una letra de Bulgariya
Coya DELEV‹ /Estambol
Antes unas kuantas semanas resivi
una letra de Plovdiv, Bulgariya, sinya-
da Yvette Anavi. Aki devo dezir ke de
vez en kuando, tomo letras, e.mail i
apelos telefonikos de lektores. Me
azen un plazer imenso de ver ke el Ju-
deo-Espanyol se esta meldando. Miz-
mo si ay en vezes kritikas, lo ke es
muy normal... Ma devo konfesar (sin
aravyar mis lektores) ke dinguna letra
no me tyene dado la emosyon i kon-
tentes ke me dyeron las linyas de la
kerida Yvette.
La letra de Yvette es la ekspresyon de
una grande kontentes. I tambyen, en una
manera, komo un rengrasyamyento por
un artikolo ke eskrivi en “El Amaneser”
el 6 de Desembre (No. 22). Se estava
tratando de syertos rekuerdos i uzos de
muestra chikez. Mensyoni el nombre de
Yvette i transferi un artikolo suyo ke yo
aviya meldado en el 1999, en la revista
“Los Muestros.” Era un rekuerdo sovre
“Aleko beni”!...
Entre las linyas de la letra ke me
mando, se esta remarkando su modes-
tiya, su optimismo, su sensyo de
umor. De estos puntos de vista, pare-
semos tanto kon Yvette, ke pensi, se-
riya grande plazer de azer moabet kon
eya... Aki vash a meldar su letra, en
kuala no toki nada. Munchas grasyas
Yvette por tu ermoza reaksyon a mi ar-
tikolo i tu letra amistoza. Te esto em-
biyando mis sinseros suetos de buena
salud i mi amistad...
“Plovdiv-Sofia januaryo 2007
Estimada i amistoza Sinyora
Coya Delevy
Antes de todo me kero eskuzar de la
tadre repuesta sovre los dos artikolos
muy presyozos para mi propyo, publika-
dos en el “Amaneser” i “fialom” del
6.12.2006. Me alegri i me kontenti de
ver despues de tantos anyos ke el suve-
nir de mi chikes vos kavzo rekordos tan
presyozos- “Topates el trezor de Ali Ba-
ba”. Esto ke konsinti es dicho en el pro-
ra me kontento”. Me demando luke le
prime a una ayedada: salud i esto ke tu Por kavza de las pujitas en
izites sovre mi. Te rengrasyo de alma i los kostes de posta, el
korason. abonamiento de
Bivo una vida muy modesta, me El Amaneser sera
kresen alas kuando puedo bolar i
30 Euros por la Evropa i
asembrar kalmo, buendad, amistad,
45 Dolares por las Amerikas,
surisos, alegriya; ser provechoza a mi
empesando de Marso 2007.
famiya, a la djuderya, a mi puevlo
malgrado mi yeda, malgrado ke so un
poko syega, un poko sodra, un poko
muncho arugada por siguro i enkorko-
Mofle GROSMAN
vada- todo lo tengo i me burlo de mi
para mi, penso i ke tu vas ampesar a
5 La Leche de Leon
riyir i lo vas azer lo mezmo en este
momento.
Munchas grasyas por todo. Vos
8-9 Sibel Biçaçi estuvo
en Japonya
oguro anyada buena i klara 2007-
Roz Kohen DROHOBYCZER
5767 (tantos syetes va ser para bue-
no). A la redaksyon del “Amaneser”
11 La Konseja de Purim
i de la Reyna Ester
sukseso i vidas. Amen! Esperando ha-
ke Salvo a su Puevlo
beres buenos vos abraso de korason.
Devuada Yvette Anavi Konoseremos a
Nasida Kalev en 1919 (-dos roskitas 16 Rosana &
una ensima de la otra i otruna ves lo miz- Sebastian
mo=kuatro roskitas) azen 88 anyos.” de la Obra
 2 7 Febrero 2007 EL PONTE

Klara PERAHYA /Estambol
klaraperahya@ttnet.net.tr
Komo ya lo eskrivimos en el fiALOM de doz
semanas antes, el 18 Enero, en el Pantheon
(prestijyozo edifisyo de Paris ande repozan,
en sus sepulturas, los personajes los mas
ilustres de la Istorya de Fransya) un omenaje
kolosal fue rendido a los ke, al peligro de sus
propya vida, salvaron ninyos, mujeres i om-
bres djudyos durante la segunda gerra
mundyal, i kel Estado de Israel nombro “Djus-
tos entre las Nasyones”.
Una inskripsyon en sus onor fue inogurada
por el Prezidente Jacques Chirac i Simone Veil,
Prezidente eya mizma de la “Fundasyon para
la Memorya de la Shoah”. Diskorsos muy sinyi-
fikativos fueron pronunsyados por eyos dos, ke
pasaran a la Istorya komo provas irrefutavles de
la verasidad del martiryo Djudyo, nyegado aktu-
almente por raros intelektuales en el buto de
falsar la realidad.
Kon un immenso koraje siviko, Jacques Chi-
rac rekonosyo i blamo una ves mas kon vehe-
mensya, la inyominia del Governo Fransez de
Vichy, el kual desgrasyadamente ayudo i fasilito
la deportasyon de munchos djudyos prezentes
en Fransya a esta epoka.
Vos damos mas abasho, la traduksyon en Ju-
deo Espanyol de su avla:

sosyales, en todas las profesyones, miles i sizmo. Si el antisemitizmo se enfuresyo en

Traduksyon de la konferensya de Jacques Chirac:
Ay 65 anyos, en la Evropa sometida ka-
ji enteramente a la dominasyon Almana, la
barbaria nazi desidyo la eksterminasyon
del puevlo Djudyo. Una ideolojia desgras-
yada izo reynar la terror, una ideolojia rasis-
ta, fundada sovre la kreensa kriminal i loka
segun la kuala syertas personas son de una
esensya superyor a las otras. I esto en un
kontinente konsiderado komo el punto
krusyal de la sivilizasyon.
Eran numerozos las mujeres i ombres ke
los naziz avian kondenado a la muerte por
sus konviksyones relijyozas o politikas, por
sus preferensyas seksuales o sus handika-
pes. Ma fue partikularmente kontra los djud-
yos ke la lokura nazi se enfuresyo kon la mas
grande krueldad. Fueron eyos ke pagaron el
tributo el mas espantavle: 6 milyones de kri-
ansas umanas asesinadas en kondisyones
ke no se puede ekspresar, la pedrita de kaji
todos los Judyos de Evropa: La Shoah.
Komo en un malo suenyo, el Oksidente
se topo en los tyempos los ma pretos de la
barbaria. A travers la destruisyon de los
Djudyos, es toda la sivilizasyon Judeo-
Kristyana, toda la sivilizasyon Evropea vyeja
de munchos milenaryos ke Hitler kijo abatir,
la demokrasia de Gresya, la sivilizasyon de
Roma i todo lo ke es bazado sovre el derec-
ho i el mensaje umanisto del 18en siglo.
En Fransya mizmo, el payis de las Lu-
zes i de los Derechos del Ombre, ande tan-
tos grandes personajes lucharon para sal-
var el onor del Kapitan Dreyfus, en este pa-
yis ke trusho Leon Blum a la kavesa de su
Governo, en Fransya, un velo eskuro avia
entrekesido las kolores bivas de la “Liber-
tad, Igualidad i Fraternidad”. El governo de
Vichy se dezonoro en organizando, sin ser
ovligado, desde el 3 oktobre 1940, el sinis-
tre ‘Estatuto de los Djudyos’ ke los ar-
rondjava de kaji todas las funksyones pub-
likas. Los Djudyos de Fransya fueron ter-
rivlemente sorprendidos de este antisemitiz-
mo en un payis ke fue el primer a darles des-
de el anyo 1791, los derechos de sitizanos.
Antes 65 anyos, en Fransya fue la ver-
guensa del primer konvoy de deportasyon i
la inyominia de la estrea amariya, el kri-
men irreparavle del Vel d’Hiv ansi ke la
kaptura de miles i miles de Djudyos estran-
jeros ke se topavan en la zona libre.
Sinyoras i Sinyores, ay las tinyevlas, ma
ay tambyen la luz. La Fransya ambyerta,
terrorizada, kortada en dos estava komo en-
tontesida por la dimensyon de su desfecha.
Ma poko a poko bozes empesaron a azer-
sen sentir. Desde el 11 Novembre 1940,
de Gaulle eskrivyo al kongreso Mundyal
Djudyo ke el “estatuto de los Djudyos” no
tendra ninguna validita en la Fransya Lib-
re. I poko despues, en el momento el mas
preto de muestra Istorya, alora ke la Wehr-
macht paresia ser invensivle, ombres i mu-
jeres Fransezes mostraron ke las valores de
umanizmo avian echado raizes en sus al-
mas. Un poko en kada lugar, al peligro de
sus propya vida, eyos resivyeron, eskondye-
ron, salvaron ninyos i mujeres persegidos
por ke eran djudyos. En este sonyo malo ke
los djudyos bivyeron espyertos durante la
gerra, la Fransya, esta Fransya a la kuala
eyos kreeron kon tanta intensidad no avia
enteramente desparesido. En las onduras
del payis una luz de esperansa avia espun-
tado, al prinsipyo eya era frajil i tremblante
ma eya egzistia.
Uvo esta sekretarya de munisipalidad ke
prokuro papeles a famiyas Djudias i pudo
konvenser los moradores del kazal de par-
tajar kon eyos sus “tiketes de komanya”.
Ansi, el koraje de una sola persona galvani-
zo la jenerozidad de todos. Uvo este patron
de otel ke topo delantre de su puerta un
ombre fuyido, ambyerto i desmamparado:
lo avrigo durante dos anyos. Uvo el ornero
ke rekonosyo un ijiko ke fue arrestado i im-
medyatamente koryo prevenir el direktor de
la eskola ke pudo liberarlo kon el ayudo de
un rezistyente; grasya a esta larga kadena
umana de solidaridad i de bravura, una vi-
da fue salvada. Uvo este profesor de Latin
ke, asta la fin, miro de protejar el elevo
djudyo ke el avia prezentado al konkurso je-
neral eskolaryo. Uvo esta portera ke a pe-
nas oyo el ruido de los frenos de los kam-
yones almanes, koryo prevenir los Djudyos
de kedar kayados detras sus puertas serra-
das i ansi los salvo de una muerte segura.
Uvo el “Pastor Trocmé” ke pudo konvenser
la djente de la chika sivdad de montanya
‘Chambon sur Lignon’ de resivir syenes i
syenes de fujitivos Djudyos. Uvo las relijyo-
zas ke avrigaron en sus monasteryos ninyos
Djudyos, komandantes militaryos ke inter-
dizyeron a sus soldados de ayudar a la eks-
pedisyon de deportados, ets…ets...
Uvo tantos i tantos, en todas las klasas
miles de fransezes, los kualos sin pensar a
las konsekuensas, tuvyeron el koraje de
luchar para no deshar murir Djudyos. To-
dos savian lo ke rezikavan: el interrogatoryo
de la parte de la gestapo, la tortura, la de-
portasyon i mizmo la muerte.
Syertos fueron rekonosidos de parte de
Israel komo “Djustos entre las Nasyones”,
otros kedaron anonimos, sea ke eyos pyedre-
ron la vida en ayundando a salvar los otros,
sea ke en sus modestia, eyos no pensaron
mizmo a prevalersen de sus aktos. Unos ku-
antos estan oy aki, ansi ke los ke eyos salva-
ron. Los saludo todos kon un grande respek-
to. En Fransya, grasyas a esta solidaridad en
aksyon, segun la ermoza manera de avlar de
Serge Klarsfeld, los tres kuartos de la popu-
lasyon Djudia de antes la gerra pudyeron sal-
var de la deportasyon i de una muerte kaji
segura. Sovre mas de 75000 ke fueron de-
portados, solo 2.500 sovrebivyeron. Simone
Veil es una de entre eyos. Su koraje en to-
das las sirkunstansyas servyo de egzempyo.
La mayoria de los Djudyos matados fue-
ron entregados a los Almanes por Vichy i
por los kolavoradores, ma la grande parte
de los Djudyos ke salvaron lo fueron por
Fransezes. Oy, estamos aki para tambyen
rememorarmos i enrikeser el futuro. “El
ke salva una alma, salva el mundo entero”
dize el Talmud, palavras gravadas sovre la
medalya atribuida a los Djustos. Kada djus-
to salvo de una syerta manera la umanidad.
Kon vuestro djesto, mos pushash a in-
terrojar muestra konsensya. Kual es el ka-
mino a segir en kondisyones dramatikas?
Vozotros eskojitesh de “konsiderar el otro
por lo ke es reelmente: una persona uma-
na antes de todo”. Para syertos de entre vo-
zotros esto fue una kestyon relijyoza, otros
apartenian a grupos umanos oprimidos un
largo tyempo komo los protestantes absolu-
tamente opozados a la politika de Vichy.
Para todos fue una reaksyon ke vino de las
profonduras de la alma; todos tuvyeron el
koraje de ver i entender la angustya i la mi-
zerya kon los ojos del korason...
Vozotros, Djustos de Fransya transmeti-
tesh a la nasyon un mensaje muy impor-
tante para oy i para amanyana: “El refuzo
de la indiferensya i la afirmasyon de las
vedraderas valores.” Devemos oir vuestro
mensaje: Re-empesar syempre el kombate
por la toleransa i la fraternidad kontra el
antisemitizmo, las diskriminasyones i el ra-
el periodo entre 1930 i 1940 es porke no
fue kondenado kon la fuersa nesesarya.
Tal es la lisyon de estos anyos pretos: «No
abandonar nunka el kombate kontra los
ekstremizmos».
Sinyoras i Sinyores, Los Djustos esko-
jeron la fraternidad i la solidaridad. Eyos
enkarnan la partikularidad mizma del om-
bre: “el libro arbitro”, la libertad de eskojer
entre el Byen i el Mal, segun su konsensya.
A vozotros todos, en este lugar ande eya
onora las personas de valor, la Nasyon ma-
nifesta su respekto i su estima. Vozotros
simbolizash tambyen la Fransya en su uni-
versalizmo i en su fidelidad a los prinsipyos
ke la konstituen. Es grasyas a vozotros i a
otros eroes durante los siglos, ke puedemos
mirar muestro payis i su Istorya kon orgol-
yo. Muestra Istorya kale tomarla komo un
solo pedaso, eya es muestra erensya i
muestra identidad. Es a partir de eya, i en
trasando muevos kaminos ke puedemos ir
la kavesa alta verso el futuro.
Munchos tyenen el sentimyento ke la
Fransya es eternal, ke la demokrasia es na-
tural, ke la fraternidad i la solidaridad se li-
mitan solo a tener un fuerte sistema de se-
guridad sosyal. En una sosyeta ke se topa
en un estado prospero i estable, la idea de
la felisita parese limitarse a la satisfaksyon
de los simples menesteres materyales. Lo
ke mos ambezo el desfondamyento de la
Republika Franseza en el anyo 1940 es de
entender asta ke grado una nasyon es frajil.
Devemos oir vuestro mensaje. Una nas-
yon es una komunidad de mujeres i om-
bres solidaryos, atados los unos a los otros
por un destino i valores komunes. Kada
uno es depozitaryo de una parsela de la Ko-
munidad Nasyonal i eya no puede reelmen-
te egzistir ke solo kuando kada uno se
syente responsavle de eya.
En este momento ande suven el indivi-
dualizmo i el antagonizmo, lo ke devemos
ver en la kara de kada ‘ser umano’, no es la
diferensya ma lo ke ay de universal en eya.
A los ke se demandan lo ke es “ser
Franses”, a los ke se demandan kualas son
las valores universales de la Fransya, vozot-
ros los Djustos trushites, en el momento el
mas preto de muestra Istorya, la mas man-
yifika repuesta ke sea.
Al nombre de la Fransya, al nombre de
la Nasyon entera, me inklino oy delantre
vos kon respekto i rekonosimyento.

La Ichizera de En-Dor
Verso la fin del reyno de Shaul,
los Pilishtis avian de muevo arekojido
sus armadas para gerreyar kontra Is-
rael. Kuando Shaul konstato la enor-
midad de la armada de los Pilishtis,
se avia buen karar espantado.
Agora, el Profeto Samuel se avia
murido i no puediendo konsultarlo,
Shaul se adreso el mismo al Dio, ma
el Dio no le respondio.
En esto, demando a sus servido-
res de toparle una mujer ke save ko-
munikar kon los muertos i ke el la
konsultara.
Le respondieron:
"En En-Dor esta la mujer ke
bushkas".
Shaul se degizo en trokando sus
vistidos, tomo dos de sus ayudantes
kon el i a la noche, se hue ande es-
ta mujer:
"Konsulta para mi el espirito divino
i konvoka el ke te demandare".
La mujer respondyo:
"Ya saves todo lo ke izo Shaul i ko-
mo ekstermino a los indivinos i a los
ichizeros. I de ke bushkas a mi alma,
para ke me maten i a mi?"
La konvokasyon de Samuel.
Asigun Gustave Doré, 1832-1883.
Shaul:
"Bendicho ke sea su Nombre! Por-
ke no te afitara dingun mal por esto".
"A ken keres ke lo konvoke?"
"Konvoka a Samuel."
I kuando Samuel le aparesio, la
mujer echo un grito:
"De ke me enganyates i no me
dishites ke sos Shaul?"
"No t'espantes. Kualo es lo ke vi-
tes?"
"Vide a los dios saliendo de la tierra."
"A kualo paresen?"
"Un viejo aparesio. Esta kuvierto
de un manto."
ESTORIAS DE LA BIBLIA 7 Febrero 2007 3
Shaul avia entendido ke era Sa-
muel. Se prosterno a la tierra i empe-
so a bendizir.
Samuel avlo a Shaul:
"De ke me deranjates en konvo-
kandome?
Shaul:
"Esto en angusya. Los Pilishtis se
metieron en gerra kontra mi i el Dio se
alesho de mi. I no kijo responderme, ni
por los profetos i ni en mis suenyos.
Por esto es ke te yami. Para ke me
amostres mi kamino".
Samuel:
"Deke me estas interojando, kuan-
do el Dio te abandono i esta tomando
la parte de tu enemigo?
I el Dio te tratara asigun avlo de mi
boka. I te arankara tu reyno de tus ma-
nos i lo dara a tu yerno David.
Porke no oyites su boz i no egzer-
sates su sanyo sovre Amalek. I por es- La muerte de Shaul.
to el Dio te esta aziendo sufrir oy.
Asigun Gustave Doré, 1832-1883
I el Dio entregara a Israel i a ti en
las manos de los Pilishtis. I amanyana
asperando a Samuel para ke de el pri- rajozamente kontra los Pilishtis en el
tu i tus ijos serash kon mi."
mer sinyal para empesar la gerra. Monte Gilboa. Ma los Pilishtis vensie-
En esto, Shaul se kayo i se es-
Kuando el puevlo se estava apa- ron. Realizando ke no iva pueder sal-
pandio en la tierra. Se avia terroriza-
rejando a dispersarse porke Samuel varse de sus manos, Shaul eskojo de
do de los biervos de Samuel i sus
no avia ainda aparesido, Shaul ofresi- suisidarse en kayendose enriva de su
fuersas le estavan mankando porke
o un sakrifisio i avanso su armada pa- espada. Kon el, i tres de sus ijos pe-
no avia komido pan dia entero.
ra el kombate. A la fin de este kom- riseron en esta gerra.
La mujer se aserko de Shaul i vi-
bate, los Pilishtis fueron arondjados Shaul, despues ke fue proklama-
do ke estava muy trublado.
ahuera del pais de Efrayim. En segi- do Rey de Israel por Samuel, avia
Le disho:
to, Samuel avia deklarado ke mizmo matado a todos los ichizeros i maji-
"Mira komo tu servidora te oyo i
viktoriozo, el reyno de Shaul seria de sianos para provar su Fey al Dio. Por-
endanyo su vida. Ekspozi mi alma por-
kurta vida. tanto, kuando Samuel no estava mas
ke lo demandates kon tus palavras.
Es kon la gerra kontra los Amale- en vida, no pudiendo komunikar kon
I agora oye a tu servidora i per-
kites ke el prinsipal konflikto es- el Dio por su intermediaro para kono-
meteme de meter delantre de ti un
brocho entre Shaul i Samuel. Shaul ser su suerte, avia demandado la in-
pedaso de pan, para ke komas i ke
avia salido viktoriozo de esta gerra. tervension de la Ichizera de En-Dor.
tus fuersas te retornen i ke puedas
Ma no se avia konformado a la de- Samuel le avia dicho ke en kavzo
kaminar."
manda de Samuel de eksterminar ke se fuyera de kombatir los Pilishtis,
Shaul refuzo i disho ke no iva ko-
kompletamente los Amalekites sin su vida seria salvada. Ma en kavzo ke
mer. Ma sus ayudantes endjuntos kon
deshar ni una alma biva. akseptera el verdikto del Dio, sus pe-
la mujer, lo ovligaron i Shaul los oyo,
Kon el tyempo, Shaul fue tormen- kados serian pardonados i se adjusta-
se alevanto i se asento a la kama. La
tado por el espanto ke David estava ria a Samuel en el otro mundo.
mujer tenia una vaka godra. La dego-
komplotando para detronarlo, i por la Despues de su muerte, el Dio
yo pishin i despues apronto kon arina
idea ke el Dio lo avia abandonado. avia eksprimido su admirasion por
i kon la vaka un pan sin levadura i lo
Kuando David se estava fuyendo el akto korajozo de Shaul, ke en sa-
trusho delantre de Shaul i de sus ayu-
de Shaul, avia arivado a Nob, popla- viendo ke se iva murir, se avia ido a
dantes. I eyos lo komieron. Se ale-
do por los Kohanim. Ayi, Ahimeleh el la gerra i mismo avia tomado i a sus
vantaron i se fueron la misma noche.
Kohen en kapo le avia dado pan sak- ijos kon el, en akseptando el kasti-
***
ro i la espada de Goliat. Kuando Sha- go ordenado.
El shizmo entre Shaul i Samuel
ul supo esto, kon su orden, Ahimeleh,
avia empesado kuando Samuel avia
los 85 Kohanim de la sivdad, kon to- (*) Ver sovre este sujeto, El Masakro
arekojido su armada para kombatir
dos los ombres i mujeres, kreaturas i en Nob, publikado ultimamente en
kontra los Pilishtis ke estavan kam-
rezin nasidos, vakas, kodreros i az- esta seria.
pando en Mikmash. Mismo ke los Pi-
nos, fueron masakrados.(*)
lishtis estavan atakando de vez en Gad NASS‹ / Herzelia
Despues de su dialogo kon el es-
kuando a los Israelis, Shaul estava nassig@zahav.net.il
pirito de Samuel, Shaul kombatio ko-
 4 7 Febrero 2007
La Epoca (Saloniko) 1901
El Djudeo Espanyol
(Kontinuasion del numero 23)
Sinyor Fresco dize: “Me parese ke
es indiskutivle” ke el idyoma djudeo es-
panyol avlado por “una parte de los
Djidyos de Turkiya, no es una lingua en
el “senso moderno” dela palavra.”
Antes de todo no es “una parte” ma
todos los Djidyos de Turkiya ke avlan el
djudeo espanyol.
[...] Verdad es ke el djudeo espanyol
no es una lingua en el senso filolojiko
de la palavra. “Akeos ke lo avlan i ke lo
eskriven no se konforman a dinguna
regla de gramatika" dize Se. David Fres-
co. En esto, kerido Se.Fresco, vos ye-
rash grandemente i no digo "me parese"
o es "indiskutivle", ma de una manera
absoluta: vos yerash grandemente.
"Es un linguaje i no una lingua"!!!
Ke kere dezir linguaje? Ke kere dezir
lingua? Avrid un diksyonaryo Se. Fresco
i veresh ke linguaje i lingua sinyifikan a
una muy chika diferensya serka la miz-
ma koza. Kale sea ke keriash dezir dia-
lekto (trokamyento de una lingua segun
la rejyon ande es avlada) o jargon (lin-
guaje korumpido).1
Akeos ke avlan i eskriven el dju-
deo espanyol se konforman a las reg-
las de gramatika ke les fueron en-
senyadas en la lingua sovre la kuala
resivyeron una instruksyon gramati-
kala. En muestras partes es djeneral-
mente el franses o el italyano. Kyen
dize franses o italyano dize "kaje" es-
panyol syendo el grupo de linguas
neo-latinas ovedese en mayoridad
alas mizmas reglas de gramatika, de
sintaksa i no se kere dicho de lojika.
[...] "Kauzas muy naturales kon-
seguensas lojikas de syertas leyes iz-
yeron abastadriar, desfigurar este id-
yoma ke devino un jerigonza por an-
si dezir barbaro komo el jerigonza de
boemyanos nomades".
Vos vos emborachash de palavras
Se. Fresco, de kualas kauzas naturales
keresh avlar? De kualas konseguensas?
Ke leyes? Ke sinyifikan los byervos jeri-
gonza barbaro? No entendesh vos ke es
una absurdidad - remarkad byen ke no
digo egzajerasyon - el komparar el dju-
deo espanyol ala "onomatope" barbaro
delos boemyanos? Aki desho djuzgar
alos meldadores i paso.
Se. Fresco keriya sinyalarme las pro-
duksyones de algunos myembros de
muestra dokta korporasyon i konoser
LA BOZ DEL PASADO
despues mi apresyasyon.
Inutile, el artikolo propyo del sinyor
Fresco me basta. Kon un poko de bue-
na veluntad mi onorado kolega arivariya
a entender ke en dando un lugar al dju-
deo espanyol en los programas eskolar-
yos, no se tardariya a pueder gustar las
bellezas de muestro dialekto i a enrike-
serlo literaryamente i syentifikamente.
"... Aun ke ay mas de un kuarto
de siglo ke yo me topo en el mizmo
tereno de aktividad literaryo, eskrive
Se. Fresco, yo no pude ver ainda ke
ay floresensyas de rozas i de flores
delisyozas delas kualas avla Se. Levy
en su konferensya..."
Yo no me akodro aver avlado de flo-
resensya de rozas i de flores delisyozas.
Yo avli de broshuras de produksyones de
imajinasyon, de ovrajes de mas en mas
syentifikos i literaryos ke aven aparesido
asta agora. [...] Las koleksyones de los
djurnales aparesidos asta oy son tambyen
una prova de mas para loke dishe.
[...] Karo sinyor Fresco, vos tenesh
mucha pretensyon si vosh figurash ke en
un kuarto de siglo un idyoma puede azer
tantos progresos. La lingua franseza non
metyo manko ke de 1350 anyos para
empesar a vinir en estado de dar flore-
sensya de rozas i flores delisyozas komo
vos lo sonyash por el djudeo espanyol.
Demandalde a Rivarol o a Lakanal o
simplemente a un ekselente profesor de
lingua ke yo konosi en la Universidad de
Letras de Paris: Se. Ferdinando Bruno.
[...] "Util el djudeo espanyol! Ma el
fue el prinsipal tosego ke mos dejenero,
el manadero de onde koryo sovre nos
tantas mizeryas. La absensya de una
lingua konosida por muestros muevos
kompatriotas mos abituo ala inersya
morala. Mos dejenero i mos echo en to-
da sorte de mizerya. ..."
Antes de todo ken avlo de "utilidad"
del djudeo espanyol? Yo konstati un fa-
to akumplido, i lo mostri a todos.
Despues de azer ver ke no avriya
posivilidad praktika de abandonar el
djudeo espanyol adjunti ke se pueda
pensar a perfeksyonarlo. Lo ke mos
ayudariya mas efektivamente a mues-
tro eskopo: akel de pueder "estudyar"
mas lojikamente la lingua turka." En
Haydar Pasha dishe:
"... Kual era muestro primo dever en
metyendo un pye sovre la tyera otoma-
na? Akel de embezar, a konoser el lin-
guaje en el kual pudyeramos eksprimir
toda muestra gratitud por la ospitalidad
ke mos era tan liberamente akordada.
Mozotros faltimos a muestro dever, neg-
lijimos el mas importante de muestros
ovligos. En lugar de mesklarmos a
muestros muevos patrones, kijimos iz-
larmos en un arinkon. Ala fin de un
syerto numero de anyos pedrimos el ka-
rakter propryo ke teniamos en Espanya.
Non pudimos asimilarmos alos muzul-
manos i kedimos imoviles entre un pasa-
do ke no mos akodrava nada de bueno i
una evantualidad de la kuala ni supimos
profitar. Esto fue un grande yero, un ye-
ro impardonavle i la sola eskuza puede-
mos topar, si tal es ke puedra aver esku-
za, es ke la kulpa revyene a muestros
avuelos i non direktamente a mozotros."
[...] Atodaviya en lo pasado de los
Djidyos de Turkiya dinguna sinyal eg-
ziste pudyendo konvensermos oy ke el
djudeo espanyol ayga sido el tosego ke
mos dejenero, manadero de onde koryo
sovre nos tantas mizeryas.
La kavza de muestra eskuridad pa-
sada, de muestro atrazamyento moral i
materyal era el aver ambyante de una
parte i de otra. Kale tener koraje dezir-
lo, la manera yerada i sorda donde
muestros avuelos entendian la praktika
dela relijyon. Es el fanatizmo syego i
absurdo ke mos detuvo syempre de
progresar. Fue la aboresyon de mues-
tros padres por la sivilizasyon konside-
rada komo enemiga mortala dela relij-
yon ke mos impidyo de salir del avla.
Si los franzeses, los alemanes, los
inglezes se emansiparon antes de nos,
apoko ke se topavan esparzidos entre
puevlos syen i miles de vezes mas nu-
merozos ke eyos i eran forsados moral
i materyalmente de avlar el linguaje
delos ke los entornavan, es sovre todo
por ke supyeron romper a tyempo las
telas espesas del fanatizmo. Avrid
bueno los ojos Se. Fresco i verash ke
el djudeo espanyol no solo no mos izo
dingun mal, ma kontribuo a una syer-
ta partida a konservar el karakter nas-
yonal del Djidyo de Oryente. Yo puedo
dezir sin espantarme de ser dezmenti-
do ke el djudaizmo de estas partes de-
ve algo al djudeo espanyol i visto ke
dezde el empesijo no adoptamos la
lingua del pais komo lingua madre, yo
regreto amargamente ke muestros
padres no aygan echo esforsos por
dezvelopar la lingua espanyola. Syen-
do, malgrado todo, somos latinos de
rasa i de konsepsyon, somos puede ser
mas latinos ke los espanyoles eyos
mizmos porke mos konservemos en
konsumyendomos, i los espanyoles re-
sivyeron un fuerte alimento estranye-
ro, komo los fransezes i los italyanos,
puede ser un poko manko.
Se. Fresco dize:
"Admitamos, ke segun lo kree sin-
yor Levy, avra alguno ke eskrivira en
djudeo-espanyol todos los livros ne-
sesaryos por estudyar el derecho,
(avokateriya) kual(a) es la fakultad
ke le akordara el diploma de aboga-
do? En ke lingua ara el su abogasya?
Mi ijo kere devinir mediko, en ke lin-
gua, si vos gusta, ara el sus estudyos?"
Kerido Se. David Fresco, vuestra
aboresyon, mas presto vuestro espritu
de kontraryedad por el djudeo-espan-
yol, vos aze ver muestro dialekto de to-
das las partes jerigonza por aki, jerigon-
za por ai. Vos vos echash i vos alevan-
tash kon este idyoma, i vos paseash,
komesh i durmish kon el.
Demandar su perfeksyonamyento
no es egzijir su adopsyon a la ekskluz-
yon de toda otra lingua. Entended
byen, vos rogo ke no sera defendido a
un elevo konosyendo perfektamente el
djudeo-espanyol de estudyar el franses
i el turko. Al kontraryo, el lo ara kon
mas fasilidad, ma admitamos ke no se
avle, no se eskriva, no se estudye ke el
djudeo-espanyol, ke van a azer mues-
tros ijos para tomar diploma?
Ke azen oy los bulgaros? Ke azen los
serbos? ...
1
El djudeo-espanyol es un jargon del dialekto
[portugez] dela lingua espanyola.
a kontinuar...
Transliterado por:
Christine H.LOCHOW DRÜKE / Frankfurt
habazeleth@yahoo.com

LA LECHE DE LEON
Mofle GROSMAN /Estambol
grosman@gmail.com
Un livro ke me aviyan echo regalo en el anyo 1998,
lo tomi a meldar en estos diyas… El livro tyene un
nombre ke todos lo konosemos. Pirke Avot.
Un rekordo de la boda de Leyla i Rav Nafi Hale-
va. Por siguro ke no puedemos kontar aki anchos
detalyos. Ma echaremos una ojada sovre un sujeto,
en arogandovos de no deshar la eskrita aki i no mel-
dar otra sin eskaparla.
Porke aki estamos vyendo una lisyon ke puedemos
topar en eya una aklarasyon menesteroza.
Pirke Avot, kere dizir “konsejos de padres”. Vini,
tomaremos un konsejo sin pagar grosh.
Hahamim, mete tino a los byervos ke empleyash…
(Mishna 1/11).
Avtalyon dize: “Hahamim, mete tino a los byervos
ke avlash. Porke kon estos byervos un diya puedesh
peryer el kamino derecho i vos puedesh topar aryento
de una agua suzya, truvya. I los elevos ke tenesh det-
ras se enkontran kon danyo aryento de esta agua.”
Kuando ambezas unas kozas a tus elevos, los byer-
vos empleyalos kon atansyon. Tus palavras no kale ke
los enganye, no kale ke les trase kaminos yerrados.
Los elevos van a kontar a otros lo ke se ambezaron.
I esto va azer naser problemas. Echa tino ke entyen-
dan lo ke estas kontando. Un diya te puedes topar en
otro lugar aryento de una agua suzya, truvya. Te pue-
des topar en frente de unos elevos ke te entendyeron
yerrado. Eyos en kaminando en kaminos yerrados, te
pueden dizir ke estan kaminando en el kamino de la
Tora. I pueden responder ke: ”Esto mos ambezo el
Haham” I otros se van a embezar yerrado en pensan-
do ke kaminan en el kamino ke mos traso la Tora.
Puedemos kontar una konsejika para pueder en-
tender la fuersa de los byervos o la fuersa de pue-
der avlar…
En un payis, el ijo del rey estava muy hazino.
El rey estava dezesperado. Le estava paresyendo
ke lo iva peryer a su kerido ijo.
Los doktores se estavan indo i vinyendo i no esta-
van topando un remedyo para este ijo hazino.
Un diya un doktor disho ke el hazino si beve leche
de leon, se vyene en si i se aze bueno.
El rey deklaro ke le va dar un grande regalo al ke
va trayer la leche de leon para ke se milizine el ijo
kerido.
Todo estava muy ermozo, ma komo se puediya par-
venir de pueder tomar la leche del leon?
Ken teniya este koraje?
Un korajozo salyo en medyo i le disho al rey ke el
le va trayer esta leche, solo teniya menester ke le dye-
ra unos kuantos kodreros.
Este sinyor toma los kodreros i suve a las mon-
tanyas para pueder topar una kaverna ke biven ar-
yento leones.
Despues ke tomo un kamino largo, oyo bozes de
leones ke estava vinyendo de aryento de una kaverna.
El ombre ke keriya trayer leche de leon, embiyo un
EL KANTON DE MOfiE
kodrero por la vanda de la kaverna. Un poko despues
embiya el sigundo kodrero.
Los leones en vyendo ke este ombre les esta embi-
yando komito fresko, se aretan de gritar.
El ombre en aserkandose un poko mas embiyo el
treser kodrero. Los leones en vyendo la buendad ke les
esta azyendo, lo desharon ke se aserke al lado de eyos.
I un poko despues les pudo tomar i la leche.
El ombre ke parvino a arekojer leche de los leones
estava aryento de un grande guste. Aviya parvenido
una koza ke no se puede parvenir.
Los ke reusheron a este alkanso empesaron a avlar
entre eyos.
Los ojos: “Mozos los vimos!”
Las manos: ”Mozos arekojimos la leche!”
Las orejas: “Mozos los oyimos!”
Los pyes: “Mozos entrimos a la kaverna ke se to-
pan los leones!”
La lingua en vyendo a los ke se estan alavando de
eyos para eyos disho: “El sekreto de este alkanso esta
en mi!...”
Los organos ke aviyan avlado le demandaron:
- Tu kualo es ke puedes azer, ariento de la boka?
Despues el ombre tomo kamino para arivar al pa-
lasyo del rey.
Al amaneser erivo al palasyo i suvyo las eskaleras
kon grande emosyon. El rey lo estava asperando.
El ombre entrego la leche en las manos del rey, en
dizyendo:
- Sinyor Rey, le trushe la leche de perro ke la teni-
ya menester!..
El rey en oyendo estas palavras sale loko de los in-
yervos i ordena ke lo aprezen al ombre.
Los organos del ombre ke se estavan alavando de
eyos para eyos, empesaron a arogar a la alguenga:
- Te rogamos ke mos salves de lo ke mos trushi-
tes a la kavesa.
Al diya, kon rogativas grandes el ombre sale otra
7 Febrero 2007 5
una vez en frente del rey.
Le dize:
- Sinyor Rey! La leche ke le trushe es leche de le-
on. En tornando de mi dover, en el kamino me salyo
en frente unos perros. Por este kavzo me yerri en el en-
trego de la leche de leon i le dishe sin kerer, ke es
leche de perro. Le djuro en mi onor ke la leche es lec-
he de leon komo me ordeno. Ke tome esta leche i ke
se la de a su kerido ijo para ke se milizine.
El ijo del rey beve esta leche i se aze bueno en
kurto tyempo.
La lingua les dize a los organos ke se aviyan alava-
do de eyos para eyos:
- Aki esta mi fuersa!... Yo ago i yo dezago!...
En tenyendo un konsejo de oro ke mos kedo de
muestros padres, kere dizir del Pirke Avot, kale ke
nunka mo lo olvidemos.
“Hahamim Izaaru bedivrehem”
“Hahamim, mete tino a los byervos ke
empleyash…”
Ð
Ya avlimos un poko del danyo de avlar sin pensar i se
puede dizir de avlar muncho… Agora avlaremos un
poko de los ke no avlan ni en Pesah, ni en Purim…
Un diya de fikso dos mujeres estavan avlando…
- Ay kaji vente anyos ke no avlo kon los ke moran
al lado de muestro apartamento.
- Puede ser. La persona en vida de la sivdad
no esta topando tiempo para frekuentar mezmo
kon su vizino.
- No!... No es komo dizes. Mozos ya mos konose-
mos ma no mos avlamos.
- Ya saves los nombres?
- Siguro!.. Mi esfuegro i mi esfuegra.
Ð
Si es ke empesimos de esfuegros i esfuegras, kale
adjustar i los yernos kon las ermueras…
Ð
De un apartamento alto un manseviko estava gri-
tando:
- Ayudame!... Mi esfuegra se esta echando de la
ventana!...
Los vizinos koryeron para ayudar ke no se eche la
mujerika de la ventana.
Kuando vyeron ke el yerno esta al lado de la mujer,
demandaron:
- Ya estas tu al lado de eya, deke estas gritando?
- La ventana esta muy pezgada no esto puedyendo
avrirla.
Ð
Un pintador aviya eskapado la pintura de la sinyo-
ra Merkaducha. El yerno i la ija, estavan mirando a la
pintura.
La ija:
- Ke ermozo ke la izo a mi madre, esta komo ke
mos kere avlar.
- Si. Ya esta komo ke va empesar a maldizirme...
Ð
 6 7 Febrero 2007
Era un Tyempo... Salonika...
Los Sefaradis de Gresya - La Komunidad de Salonika
Coya DELEV‹ /Estambol
Desde 3-4 anyos, me esto interesan-
do mas muncho a la istorya de los Djud-
yos ekspulsados de la Peninsula Iberika,
(Espanya i Portugal tambyen). Esto kon-
tinuando a meldar diversos lavoros sovre
esta kestyon. Eskrivanos, investigadores,
profesyonales eskrivyeron en diferentes
linguas, sovre Salonika. El prezente arti-
kolo miyo no tyene dinguna pretensyon
de ser istoriko. Es solamente un chiko
rezume sovre los uzos, tradisyones i kos-
tumbres ke me paresyeron dinyos de in-
tereso. Munchos ya los konosemos. Por-
ke fueron kaji los mizmos en todas las
komunidades Sefaradis del Imperyo
Otomano. Portanto, en syertos lavoros ke
meldi, estan ekspozados kon tanta “ko-
lor” i “kalor”, ke tuve el dezeo de komu-
nikarlos a los lektores.
Antes de la Sigunda Gerra Mundial,
los Sefaradim de Gresya se nombravan
komo syenes de miles, kon Salonika a la
kavesa. Aktualmente, aun ke ay syertas
kontradiksyones en los shifros, se puede
afirmar ke son muy pokos. Los Djudyos
de Gresya en jeneral, syempre konserva-
ron biva la memorya de la Espanya. A las
Keilot dyeron nombres komo: ” KAL
ARAGON”, “KAL SEVILLA”, “KAL LIS-
BOA VYEJO”, ets. Se instalaron, for-
mando grupos asigun las sivdades o rej-
yones ande moraron en Espanya (komo
Toledo, Sevilla, Mayorkas, Kordova, Sa-
ragosa, ets.) I mizmo munchos tomaron
estas alkunyas.
Los Sefaradis de la Gresya Mediter-
ranea formaron komunidades intere-
santes del punto de vista etnografiko,
folkloriko i tradisyonal. Se trusheron
sus uzos, kostumbres de Espanya, los
konservaron kon amor i los transmetye-
ron a sus ijos i inyetos. En un artikolo
miyo aparesido serkamente, se esta az-
yendo aluzyon a syertas tradisyones
folklorikas de este payis. En el sovre-
dicho teksto intitulado “El Diya de las
Madres Judiyas”, mensyoni los rekuer-
dos de Daisy Alalouf-Newell sovre la sa-
viduriya de las mujeres Salonikliyas.
Los Djudyos de Espanya, en 1492 i
los del Portugal, en 1536, (proklamas-
yon de la Inkizisyon en el Portugal por el
Rey Jaoa III) vinyeron en doz olas. En
desparte de las tradisyones, trusheron
sus kultura i la lingua a Salonika i otras
sivdades del Imperyo Otomano. Aki los
Sefaradis de la Espanya avlaron el es-
panyol kon su forma klasika, kaji un sig-
ARTIKOLOS
lo. Un istoryano tyene dicho ke en Salo-
nika, se avlo un Kastelyano puro komo el
de Toledo.
Agora kero sitar unos dos paragra-
fos del livro interesante de Michael
Molho (1). Esta pintando un tablo ko-
lorido de la vida i tradisyones de los
Sefaradis de Salonika.
“Aun ke no eran ovligados de kedar-
sen en Gettos, eyos preferavan bivir
aparte de los Moslem i Kristiyanos, en
sus propyas “MAALES”. Biviyan en ka-
zas entornando anchos “KORTIJOS”,
kon el pozo i munchas vezes, el mupak
en medyo. Las fachas de las kazas eran
feas. Par kontra, al interyor, todo era
alegre, limpio, las paredes de un blan-
ko-blu, enkaladas kon “KIRECH” (kal).
Entre los arvoles diversos, se viyan
tambyen, flores, trandafilas, i “YASEMI-
NES” dando un parfum delisyozo.
“Los platos i syertos atakanos de mu-
pak eran en “barro”. Los objektos relijyo-
zos, el “KANDELAR” de noche de Shab-
bat, eran lo mas, en plata. Entre los pla-
tos ke gizavan, aviya “BAMIA”, berendje-
na, espinaka, apyo, “fijon” (FASULYA),
ets. En desparte de las “KIFTES”, komi-
yan kodrero, solo entre Avril i Mayo. En el
dezayuno, al lado del pan i kezo i bis-
kochos, aviya i las “BUREKAS”, boyos i
guevos haminados...”
Las muchachikas apenas salidas de
la adolesensya, ya eran kandidatas de
novyas kumplidas. Los mansevos anga-
jados kedavan espozados komo un anyo.
Entervalo, la novya aparejava el ashugar
(2). Aki kero dar un relato de las bodas
ke eran tan pitoreskas.
“Antes de todo, era el “Banyo de Bo-
da”, una verdadera seremoniya. La nov-
ya, las famiyas, (i la madre del novyo) i
amigas, se arrekojiyan en el “HAMAM”,
para “aparar el ashugar”. Kantavan, bay-
lavan, akompanyadas de una banda de
muzika (kompuesta de mujeres). Des-
pues del banyo, la novya era vestida de
blanko, entera endjoyada, las unyas pin-
tadas koloradas. La kara era tapada kon
el vual (tul) del” velo” largo, ke lo teniyan
doz, tres kriaturas... El Rabbino bendezi-
ya los novyos debasho la “KUPA”. Los
syete diyas sigyendo la boda se yamava
“HUPPA”. Durante esta perioda, los envi-
tados no mankavan de ir i venir. Uzavan
a servir unos biskochikos redondos (Ta-
melas), ke untavan aryento el kafe” (3).
Nochadas de enverano, en el distrik-
to Djudyo de la vyeja Salonika... Se pu-
diya ver sinyores kon las jaketas en los
ombros, kamizolas medyas avyertas i un
“KUSHAK” kolorado en el bel (talya). Se
pudiya enkontrar tambyen el “MELAM-
MED” (maestro de eskola), vestido del
“ANTERI” largo de koton reye, emboto-
nado asta el garon i en vezes, kon el
“KAFTAN” (ke era kon yaka de samarra
en invyerno) i la “FEZ” kolorada en la
kavesa.
Los Sefaradis de Salonika konserva-
ron kon fidelidad los uzos i tradisyones
ke eredaron de sus ansestros ekspulsa-
dos de Espanya. Las mujeres, syempre
en sus kazas, solamente salyendo afue-
ra, seya para kudyar un hazino, o seya al-
guna “fuersa mayor”. Esta manera uza-
van i en Andalusia. Guadraron el uzo
vyejo de vazyar la agua, si aviya akonte-
sido una muerte en el seno de sus kaza
(4). Aki unas kuantas linyas sovre los
uzos en kavzo de dolyo:
“En los enterramyentos, las grandes
famiyas alkilavan (pagando), “Yorade-
ras”. Eran profesyonalas ke teniyan un
ancho repertoryo de kantes funebros. Los
kantes eran adaptados asigun las sir-
kunstensyas. En kaza, las mezas eran
kuvridas kon manteles pretos. Se komiya
pan i guevos haminados. En ELUL se azi-
ya el “piligranaje” a los simeteryos, resi-
tando “psalmos” i el tradisyonal “KAD-
DISH” (5).
Komo lo dishimos, los Sefaradis fue-
ron syempre fidel a sus tradisyones, se-
yan relijyozas, o seya otras. Aziyan seleb-
rasyones komo “EL PURIM DE SARA-
GOSA” en Salonika... Para Shabbat, la
balabaya aparejava komidas diversas i
los kandelares de plata o de bronzo.
Despues de las orasyones en la Sinago-
ga, en kaza el balabay diziya el KID-
DUSH, kon todos al doredor del pranso.
Un pranso riko, kon diversidad de pla-
tos, salatas i espesyalmente el pishkado
i bevyendas komo vino blanko i el inevi-
tavle “RAKI”.
“En PESAH, kantavan “La kantika de
las Kantikas”. Despues de Pesah, el livro
de RUTH, ke deskrive la vida agrikola i
kantavan kantes de rekolta. De mizmo,
selebravan festivales en SUKKOT i PU-
RIM. La seremoniya de “Berit Mila” es el
primer komandamyento divino de Avraam
Avinu. En estas okazyones, kantavan kan-
tes de “aninar” para durmir el ninyo (6).
El LADINO de Salonika era un dia-
lekto partikolar en la grande Famiya Ju-
deo-Espanyola. Era el espanyol i el por-
tugezo del 15. siglo, todo en tomando
kon tyempo, syertas ekspresyones gre-
gas, ebreas i turkas. Este dialekto se
nombrava “DJUDEZMO”. Egzaktamente
komo los Ashkenazim yamavan Yiddish
sus dialekto. Un grande lavoro literaryo
fue eskrito en Ladino por los Sefaradis
del Este. La “Ovra Maestra” es el
ME’AM LO’EZ ke konsiste de 15 volu-
mes. Son eskritos en un estilo simple,
popular. Era la lektura favorita familyal
de las nochadas.
Esta grande Komunidad Judeo-Es-
panyola, la Komunidad de SALONIKA.
Sivdad nombrada komo el YERUSHA-
LAYIM de los BALKANES, kontava sye-
nes de miles de almas. Durante la Si-
gunda Gerra Mundial, en 1943, los Na-
zistos deportaron la mas grande parte de
la populasyon Djudiya de Salonika.
SALON‹KA era un tyempo la sivdad
unika en el mundo ande los Djudyos
eran la mayoriya... La sivdad ande se av-
lava lo mas el Judeo-Espanyol. Oy eya
esta luchando para no deshar murir esta
idioma uzada anyos i anyos. Puede ser
tambyen i sus tradisyones. Kero meter el
punto final kon estos byervos de mues-
tra amiga Karen fiarhon (El Amaneser
no. 9 - Proyekto Centropa):
“La Dra. Rena Molho i su ekipo de
mansevos akademikos estan muy en-
tuzyasmados de pueder dokumentar la
istoria oral de los surviventes de una
komunidad ke era la alma de la
erensya sefaradi. La Sigunda Gerra
Mundial no mato solo a milaryas de per-
sonas, ma tambyen destruyo la kultura
ke biviya en el seno de Salonika...”
(Diversos manaderos.)
(1) - Michael Molho: “Usos y costumbres de los
Sefardies de SALONICA”.
(2) - En realidad, munchas komunidades Sefara-
dis uzavan a aparejar el ashugar, kaji en estando la
ninya en la kuna! La kasha de ashugar era nombrada
i la vide yo en munchas famiyas.
(3 - 5) - Felipe T. B. De Quiros: “The Spanish
Jews”. El livro orijinal es en Kastelyano.
(4) - Yo personalmente fui testigo de este uzo,
kuando moravamos en Galata.
(6) - Esto lo oyi de una ansyana Salonikliya.
 AMANESER KON ARTE 7 Febrero 2007 7
La galeria de arte ALMELEK

Frank Meisler kon Ester Almelek

kultura artistika. ets. Resivio la madalya de oro Franz Kafka de

Esti SAUL /Estambol
estisaul@yahoo.com.tr
La galeria simpatika de arte Almelek avrio sus
puertas en 1988 en Estambol, Levent, para pro-
mover artistos otoktones, en ekspozando sus ov-
ras, para amatores de arte i koleksionarios.
Tiene muncho merito sovre todo en Turkia,
en ke este sektor era neglijado.
No egzistia ni un museo de arte plastiko.
Kreo ke la famiya Almelek, avangardista,
permetio i reusho a reflektar la kultura artisti-
ka de diferentes estilos i aspirasiones.
Es enteresante de konstatar ke los 4
miembros de la famiya son versados en la
Apenas estavamos en Levent akeya noche
del 2 de Desembre, para asistir al kokteyl de
la aviertura, ke afito una interupsion del ko-
riente de elektrisidad. Me espanti ke no iva
ser posivle de pueder admirar las ovras plas-
tikas del mesajero de arte, el famoso skulptor
Frank Meisler.
Ovligados de suvir las eskaleras aklaradas
por kandelas, es Ester Almelek, la galerista re-
putada kon su ospitalidad i su riza abitual, ke
mos resivio a brasos aviertos.
Entonses estuvo un regalo para los ojos, las
skulpturas del artisto Israeliano, ke estava pre-
zente por el vernisaje.
Las ovras iluminadas por las kandelas me pa-
resieron misteriozas i muy enteresantes: la solom-
bra del metal grizo reflektandose en la pared...
Es una grande reushita de tu parte, Ester, de
azer venir el artisto, te felisito!
Si, ay unos 2-3 anyos ke esto detras del
skulptor para esta ekspozision.
la Akademia Cheka, i el titolo de Akademisia-
no Onorario de la Ukrania.
La karakteristika la mas importante de las
estatuas de Meisler es el movimiento; tam-
bien aktiva en mosotros el deseo de deskuv-
rir: “djusto komo puertas de la vida ke se av-
ren i se serran”.
Ester, tienes un mesaje de komunikarmos?
Nosotros umanos nesesitamos ke el Arte
akompanye muestras vidas, sea la musika, el te-
atro, la literatura o los artes plastikos. Enrikeseran
muestra vision i mos daran alegria para bivir.
Munchas grasias.
Almelek Sanat Galerisi
Tel:0-212-265 32 61
E-mail:artgallery@almelek.com

Fue un plazer de azer el reportaje kon el mizmo...

Nasio en 1931 en Danzig, Polonia. Fue embi-
yado en Ingletierra ande su tiya para sus estu-
dios. Diplomado de la Fakultad de Architektura
de la Universidad de Manchester, se instalo en
1960 en Israel. Kreo munchas ovras. Los mate-
riales ke uza son bronzo, plombo i estanyo, plata
o bien plakado de oro. Sus kreasiones fueron of-
ridas por el governo Israeliano a dirijentes pro-
eminentes de governos estranjeros. Puedemos si-
tar Margaret Thacher, el Rey Huseyin, Bill Clin-
ton, el Rey Juan Carlos, ets.
Konstruo monumentos en Los Angeles, Flo-
rida, New York, Ingletierra, Alemania, Israel,
 8 7 Febrero 2007
Sibel Biçaçi estuvo en Japonya
Güler ORGUN /Estambol
gulerorgun@gmail.com
Puedes kontar un poko tu biografia?
Nasi en Estambol. So lisensiada de
las eskolas Sainte-Pulcherie, St-Michel i
eskola de gia turistika del ministerio de
turismo turko en 1977. Kuando eskapi
el lise la unika kalidad ke posedava era
mi saviduria de fransez, nada mas. Me
desidi de aprovechar esta saviduria en el
turizmo. Ma despues lavori mas en es-
panyol ke en fransez. Kon lo ke saviya
del ladino empesi a lavorar en kastelya-
no i despues lo adelanti.
En pasadas estuvites en Tokyo i vi-
Entonses empesates a lavorar
jitates la universidad Sophia de
solo savyendo ladino?
Si ma el kastelyano lo rekuperi muy Tokyo. Puedes kontarmos un poko?
presto. Tengo buena oreja i memoria.
Los klientes espanyoles nunka se kesha-
ron de mi. Al kontrario aryento del voka-
bulario ke yo uzava me se kedavan kon
la boka avyerta de las palavras ke eyos
entendian muy bien ma ke oy en dia son
palavras literarias i no se uzan en el vo-
kabulario diario. Me dizian ke esto av-
lando komo Cervantes. Grasias a mi pro-
fesion konosi munchas nasyonalidades.
Kuando se dize espanyol no es solo Es-
panya ma toda la Amerika Latina. Oto-
matikamente te ambezas sus jeografia,
istoria, sus situasiones politikas i sosya-
les. Ma en 1983 dishe ke el ken avla
fransez i espanyol puede ambezarse fa-
silmente el italiano i empesi a lavorar
tambien en esta lingua.
Ke tal tu aventura del japones?
De ninguna manera no lo tenia en
mi tino. Ansi ke a una kompanyera ke
me disho de asistir a los kursos de ja-
pones organizado por la asosiasyon de
gias le arespondi ke “no so loka para
meterme a ambezar kozas ke nunka
podre ambezarme”.
Komo trokates de idea?
En una de las ajensias de viaje ke
yo dava servisio, un kompanyero de avla
ingles aviya empesado a lavorar en esta
lingua. Sinseramente me seli de el. Topi
la persona japones ke le dio lesones par-
tikulares a el, dishe de mi para mi ke ka-
le ke lo aga. Ma despues de un anyo ain-
da me konsinti insufisiente i me desidi
de ir a estudiar a Japonya en el anyo
1987. Fuimos yo, mi marido i mi ijo ke
tenia 3 anyos. Fui a la eskola de lingua
AKTUALIDADES
todo el invierno. Mi marido me ayudo i
me enkorajo muncho.
Kuando tornates ya pudites em-
pesar a lavorar?
Si. Aviya muncho lavoro i muy po-
kas gias ke avlavan esta lingua. Es
mintiras si digo ke lo avlava perfekta-
mente. Ma dingunos se keshava. Me
ambezi de memoria lo ke devia eks-
plikar: Despues ke torni de la Japon-
ya kontinui a tomar lisyones de otra
profesora. Despues deshi mi lavoro en
linguas evropeas i me dediki sola-
mente al japones.
*En el anyo 2003 en el semanario
Shalom aviya un avizo: “Prof. Hiroto Ue-
da de la Universidad de Tokyo kon Anto-
nio Ruiz Tinoco de la Universidad Sop-
hia-Tokyo tendran una entrevista en el
Shalom. Los interesados son invitados”.
Sin peryer tiempo topi el web del Prof
Ueda en el internet i le mandi un e-mail.
Le dishe ke kuando vendrian a Estambul
les podria ayudar. Kuando vinieron me
yamaron i estuvimos endjuntos 5 dias.
Es en esta okazyon ke te konosi. Tu ko-
laboravas kon el Prof. Tinoco i estavash
preparando el diksionario virtual ladino-
espanyol-ingles-turko. El eskopo de es-
tos dos profesores era estudiar la etimo-
lojia del espanyol avlado en diversos pai-
ses. Avian eskapado todos los paises de
avla espanyol i les kedava el espanyol de
un pais ande el espanyol no es la lingu-
a del pais. En sus programas tenian ke
vijitar los simiterios i meldar las eskri-
turias sovre las tumbas. Yo fui kon eyos
i los doz ultimos dias izimos vijitas tu-
ristikas. Despues de 2 mezes de este
evenimiento partisipi al primer tur de
Auschwitz ke salyo de Turkia por la ino-
gurasyon del memorium eskrito en ladi-
no. Es aya ke konosi a Rachel Amado
Bortnick fondadora del forum Ladino-
komunita i al Prof. Haim Vidal Sephi-
ha. Sephiha en un livro ke me mando
despues, mensionava ke kaliya enrejis-
trar las poemas i romansas eskritos en
las tumbas antes ke desaparesieran.
Pensi ke yo lo podria azer i en prima-
vera tomi mi kamera de foto i vijiti to-
dos los simiterios de Estambol toman-
do las fotos de las eskriturias en ladino.
Despues los meti en mi komputadora.
En pasadas kuando mi sovrina Riella
Baruh Yakar ke es disenyadora de teks-
til fue envitada a la feria Japantex en
Tokyo, me fui endjuntos kon eya.
Kuando avizi a Tinoco ke iva estar aya,
el me invito a su universita i le yevi mi
lavoro de tumbas. El pensa meter este
lavoro en el web ke tenesh endjuntos.
Komo te resivyo Prof. Tinoco?
Prof. Tinoco avizo a Prof. Ueda i otros
profesores i estudiantes ke iva estar aya i
organizo una reunion en su universidad.
Los profesores son algunos espanyoles ke
biven en Japonya desde munchos anyos i
otros son japoneses. Eksepto Prof. Tino-
co i Ueda, todos los otros era por primera
vez ke ivan a konoser a una sefardita. Yo
les yevi los livros “Trezoro Sefardi” de Be-
ki Bardavid - Fani Ender i “Lo ke melda-
Sibel Biçaçi
van muestros padres” de Rifat Birmizra-
hi. En la reunyon del Shalom los profeso-
res avian konosido a Beki Bardavid i a Ri-
fat Birmizrahi. Antes de la reunyon en la
universidad fuimos a la biblioteka a to-
mar los livros nesesarios para ensenyar a
los estudiantes i profesores. Estos eran
“En Tierras Ajenas Yo me vo Murir” de
Gad Nassi, poemas de Lina Albukrek i
Salomon Bicerano, Dichas i Proverbos de
Klara Perahya, los kuentos de Matilda
Koen Sarano, livro de komidas sefardis i
un livro eskrito por un japones “Spain-
Yudaya no Minzokushi” ke kere dizir “El
puevlo Judeo-Espanyol”. El Prof. Tinoco
me regalo un diksionario muy interesan-
te: Ladino-japones.
Ke se avlo en esta reunyon?
Yo en primero empesi a avlar en japo-
nes dizyendoles ke ize el mizmo esforso
ke eyos izieron i azen para ambezarsen el
espanyol, yo lo ize para ambezarme el ja-
pones i ke mozotros ke vinimos al Impe-
rio Otomano okupamos una oja en la is-
toria de Espanya, Despues les dishe ke
iva kontinuar en la lingua de Cervantes i
kontinui toda mi konversasyon en espan-
yol. Komentimos las razones por las kua-
las esta lingua se pudo konservar tantos
anyos i esta kaji por pedrerse agora.
Kuando me demandaron ke les avlara en
ladino, les meldi lo ke yo aviya arespon-
dido al kestionario de Klara Perahya el
anyo pasado dizyendoles ke las kondisio-
nes sosyales ya no son komo eran antes,
ke no biviamos en las maales djudias, ke
una lingua no podria egzistir miles de an-
yos i ke se murian segun las kondisyiones
del dia. Me dieron razon a lo ke les dishe
i konfirmaron ke el Espanyol se perdio en
las Filipinas munchos anyos antes por la
misma razon.
Tu dizes ke el esforso ke se aze
para konservar el djudeo-espan-
yol es en vano?
Absolutamente. Yo siempre esto
de akordo ke una lingua se puede
ambezar para estudiar su kultura.
Ma las linguas ambezadas mankan
de dinamika. I sin la dinamika la lin-
gua no tiene mazal de pasar de una
jenerasyon a la otra.

Mas kualo demandaron sovre la
komunita djudia de Turkia?
Demandaron sovre muestras eskolas,
la lingua ke se ambeza en la eskola dju-
dia, las oras de klasas de ebreo. Yo les ko-
menti tambien ke no teniamos dingun
odio espesial verso los espanoles, ke da-
inda munchos de mozotros teniamos
nombres espanyoles komo Estreya, Perla,
Luna, Sol i alkunyas de establesimientos
komo Geron, Sevilla, Toledo, Leon, Tarra-
gona, Jaen, Carmona, Navarra, Calahorra,
Ojalvo etc, ke avlar en espanyol era un
modo de eksprimir muestra identita.
Antes de irte a Japonya me avi-
as avlado sovre tu traduksyon al
japones del livro “An›lar Evi”. Komo topates los profesores de
“An›lar Evi”, kon su nombre oriji-
la universidad?
nal “La Casa de la Memoria” era un
livro ke me mando en el anyo 2000
un amigo espanyol komo tantos otros
livros ke me manda siempre. Se trata-
va de muestra salida de Espanya en
1492 kon los sintimientos i eveni-
mientos de muestros antepasados i la
vida ke tenian ke deshar atras por no
aver akseptado el kristianismo i todo
Gizado
Yahni kon Sevoya
AKTUALIDADES
esto elaborado kon un komentario ka-
balistiko. El romanso puede ser fikti-
vo ma todo akontese aryento de una
realidad i esta realidad semos mozot-
ros. Primera vez ke ize una traduks-
yon en mi vida. Ma kon la ayuda i
apoyo de Yusuf Alt›ntafl el livro apa-
resyo kon un linguaje klaro i koryente.
En el anyo 2004 kon una amiga japo-
neza ke bive en Estambul mos meti-
mos a traduzir el livro al japones i lo
eskapimos el anyo pasado. Fina ke yo
me fui a Tokyo este lavoro estava dur-
miendo en la komputadora. Le ko-
menti a Tinoco. Agora tenemos proje-
tos de editar la version japoneza.
Todos ekselentes. Malgrado ke eran
japonezes, avlavan un espanyol perfek-
to. Puedo dizir ke me sorprendio la kest-
yon de un profesor ke me demando si
ainda teniamos las yaves de muestras
kazas en Espanya i torno verso sus kom-
panyeros dizyendo lo ke el Sultan Baye-
z›t II avia dicho a Ferdinand: Vozos vos
estash enprovesiendo i estash enrike-
siendo mi pais”. No esperava nunka ke
un japonez supiera tanto.
En jeneral estas uzando 2 nom-
bres, kual nombre preferas?
En mi karta de identidad tengo solo
Sibel desde el anyo 1976. En mi lavoro
siempre uzi mi nombre ofisial. Ma en ka-
za so siempre Sofi, el nombre de mi no-
na ke al pareser vino de Bulgaria. Sofia
sinyifika saviduria en Grego. Sibel viene
de Kibele ke es el nombre de la madre
diosa de la epoka pagana de Anatolia. Ke
koinsidensia ke la universidad onde estu-
ve se yama Sophia. Su nombre en japo-
nes es Joo-Chi Daigaku. Joo es monte,
Chi es saviduria, Daigaku es universidad.
Ladinokomunita / http://groups.yahoo.com/group/Ladinokomunita / Mesaje: No. 16476
• Es menester para 4 perso-
nas:
• 1 prasa chika
• 1 kilo de sevoyas perlas
chikitikas i bien munda-
das
• Tomatada
• 1/2 kilo de karne de vaka
de la parte del garon kor-
tada en kuartizikos chikos
• Pimienta, sal, azete
• I si ay kozas ke vos agrada
komo pimienton fuerte.
Kere dizir: Universidad de saviduria alta.
Es una de las 3 universidades prestijio-
zas de Tokyo i es muy difisil entrar.
Se trokaron munchas kozas en
la Japonya desde 20 anyos?
Yo no lo topi muy trokado. Solo ke
antes 20 anyos travi muncha sehora
porke ainda no avlava bien. Esta vez
puedo dizir ke me lo gozi. Me konsen-
ti ke en interval de 20 anyos ya me
auzi seya al karakter de los japoneses,
sea a sus linguas.
Te plazen las komidas japonezas?
Yo so la ke meti el nombre de “Mo-
ri” al restoran japonez en Estambul.
Durante el establesimiento del restoran
les ayudi en la komunikasyon kon los
gizanderos. Los dirijentes del restoran
eskojieron uno de los tres nombres ke
les sugjeri. Kuanto a las komidas, no
me gusta ninguna karne o pishkado
krudo, prefero los kebabes.
Estas aziendo otras traduksiones?
Mi profesion no es traduksion. No me
Se sofriye la karne kon manteka
(para los ke komen kasher, kon azete).
Entremientes se korta lo blanko
de la prasa komo rondelas i se sofri-
ye kon la karne.
Se mete una kupa de vino kolora-
do, se serra el tendjere kon chuflete
(oya de presion).
Kuando chuflo, se abasha el fuego
a mita i se desha kozer medya ora.
Entonses se avre el telefono a una
amiga i se aze lak lak!
7 Febrero 2007 9
plaze asentarme entre 4 paredes. Esto
auzada a lavorar debasho del sielo. Fin
agora solo ize una traduksion para una
editorial i fue el romanso “Le Messie” de
Marek Halter. Yo meldo i desido las ko-
zas individualmente. “An›lar Evi” tam-
bien fue ansi, una desizyon personal. Ul-
timamente investigi fuentes espanyolas
para estudiar muestra istoria en la pe-
ninsula iberika desde el siglo 1 asta el
siglo 15, es dizir 1500 anyos de istoria.
3 vezes mas ke muestra istoria en Tur-
kia. Penso kompartirlo kon mi puevlo,
ma ainda no se komo.
Podemos dizir ke tienes tenden-
sia verso las linguas?
No puedo enyegar el fondamento
ke me dio una eskola estranjera. Ma
yo siempre peni no por hobi sino ke
para saltar un grado mas i ganar mi
vida mijor. Kreyo ke la unika razon es
esta i no tendensia.
Mersi muncho por aver konsak-
rado tiempo para mozotros
Yo tambien te agradesko.
Kuando ya kozyo, se avre el tendje-
re i se adjusta las sevoyas, tomatada,
sal, pimienta, azete, i se mete a kozer.
Kuando ya se kozyo todo, antes de ser-
virlo se eskudya las porsiyones a kada
persona en un bol ke va entrar al orno
(yani tandur a la Izmirliya).
Se desha en el tandur fina ke se
aze kolor de la tavla.
I despues, miam miam!
Erroll GELARDIN (de soganli yahni)
Tel Aviv, Israel
bourla@zahav.net.il
 10 7 Febrero 2007 POEZIYAS

ra Mundiyal ke aze imposivle por eya de tornar a Israel.

Rahel Blaustein-Sela
Kantika Triste
Oyes mi boz, mi boz de leshos
Oyes mi boz, de ande estas
La boz yama kon fuersa, la boz yora en mi sangre
I por un tyempo mas de lo bendicho.
El mundo es grande, en el ay munchos kaminos.
Enkontros kurtos, separasyones por syempre.
El ombre dezeya, sus piezes lo enganyan,
No puede topar lo ke perdyo.
Mi diya dalkavo puede ser es serka,
Serka el diya de lagrimas de separasyon,
Te aspero fina ke mis diyas se amatan,
Aspero komo Rahel a su amor.
Esta poeziya (en Ebreo orijinal “Zemer Nuge”)
es de Rahel Blaustein-Sela, mijor konosida komo
Rahel la Poeta.
Esta mujer muy remarkavle mos desha regalo
una ovra poetika en la lingua ebrea moderna, ke
fue kreada en los anyos duros de la Aliyah Segun-
da i durante una vida kurta de 41 anyos. Nasida an
el anyo 1890 en Rusya, muy manseva es guerfana
de su madre, ya empesa a eskrivir poeziyas kuando
tyene 15 anyos. A la edad de 19 anyos, kon su er-
Dos Anyos de Servisio Militar
mana, azen aliyah a la Tyer-
ra de Israel.
El espirito de esta manse-
ves es el sonyo de trokar la
Tyerra Santa neglijada en un
pais ke el lavoro va arrebivir.
Rahel se ve lavorando i es-
krivyendo poeziyas. En primero biven en Rehovot an-
de se ambeza la lingua del Livro Santo, despues de
este momento avla i eskrive antes de todo en Ebreo.
Influensada por A. D. Gordon, se va a lavorar la tyer-
ra al lado de Kinneret. El lago de Kinneret i el rio
Yarden van a akompanyar su imajinasyon i inspiras-
yon i van a topar sus lugares prinsipales en sus po-
eziyas.
Ansi rekorda estos diyas:
"En la madraguda empesimos a lavorar. Eramos
katorze, muestras manos kon kayos, deskalsos, bron-
zados del sol, kon korason alegre. En el ayre mues-
tras kantikas, konversasyones i rizas. Lavorando du-
ro, por un momento deshavamos la pala de la mano,
lavavamos la sudor de la frente, echavamos una mi-
rada de amor al Kinneret. Ke bueno, blu blu blu sin
palavras dizyendemos paz por muestra alma".
Rahel parte por la Fransya, por la sivdad Toulouse,
para estudyar la agrikultura kuando tyene 23 anyos, en
el anyo 1913. En al anyo 1914, empesa La Primera Ger-
Parte por Odessa ande es aktiva kon los refujiados djud-
yos, tambyen en Odessa aze la traduksyon de las poezi-
yas de Bialik a la lingua rusa .En el anyo 1919 toma el
vapor "Ruslan", el primer vapor de Rusya a Israel, i esta
vez se instala en Deganya, ma, malorazamente se aze
hazina kon la tikiya. Ansi ke es ovligada de partir a Tel
Aviv i aya mora en un chati, al lado de la mar. Ayi eskri-
ve la grande parte de sus poesiyas, hazina ma kon una
enerjiya spiritual fuerte, ke maraviya sus amigos. Rozas
i livros son los solos regalos ke aksepta. Kada semana se
publika en el jurnal Davar una poeziya mueva. El eska-
rinyo del Kinneret la akompanya fina el diya dalkavo.
A su muerte es enterrada komo demando, al la-
do del Kinneret.
Rahel reprezenta la jenerasyon de la fondasyon
de Israel, ke supo aunar el lavoro duro de la tyerra i
la fuersa spiritual i la kreensiya en el futuro, en los
diyas ke van a venir. Rahel adjusta a esta kreasyon
materyal la ultima ermozura kon sus poeziyas.
Avram MIZRAHI / Modiin, Israel
simbama@012.net.il
Suvenires de un
Pesimisto
En la djuderiya paso los diyas de mi manseves,
Syento alegriya kuando me akodro kada ves,
Una vida kalma i syempre yena de simplisidad,
Una alegriya se remarkava en kada edad.

A los 20, me fui a azer el servisio militar, Todos de bivyenta modesta, no mostravan rikezas,
Resiviendo el orden para ir a SAMSUN, porto de la Mar Preta. No se viya enemistades, kovdisyas o grandezas,
En un lugar de entrenamiento 2 anyos tenian de pasar. Ijos, ijas, ermueras biviyan kon padre i madres,
Las kondisiones en la armada davan un apreto. Todos los vizinos eramos yenos de amistades.
Respekto i alegriyas reynava en las famiyas,
Apenas ke uno metia sus pies ke kontava los dias. Sin aver los luksos i las rikezas de estos diyas.
Uno se viya aki komo un prisionero. No aviya la ambisyon de oy, eramos umanos,
Las kondisiones muy desgrasiadas, En los Shabades, en las fyestas todos komo ermanos.
Mal tratado, insultado i aharvado. Si d’alguna ansya era atakado un vizino,
O no puediya alevantarse por ser hazino,
Un soldado no era pagado, Era kudyado por todos, le davamos una mano,
Ni puedia lavarse o lavar su ropa. En amostrandole una kerensya de un ermano.
La komida de la KARAVANA, no era tan al gusto.
Resivir ordenes sin kedar, del todo no le gustava. Enrikidos de buenos sentimyentos i amor,
Biviyamos una vida diferente de este dor.
Aki se respektava la autoridad. Agora kuando meldo kada diya las nuvelas,
Inutil era korrer kontra el viento o el koriente. I vemos todas las desgrasyas… de la vida te yelas.
El entrenamiento i la disiplina eran por la vida en realidad
Rovos, matansinas, las gerras i salvajeriyas,
I por este kamino tenian de pasar muncha djente.
Te aleshan de tu bivyenta i de tus alegriyas.
Keriya bivir komo antes, sin saver nada de esto;
AKI UN VARON
O en borracho inchir mis diyas, o irme mas presto.
SE KONVERTIA EN OMBRE MATURO.
Hayim Vitali SADACCA / Montreal
Simon GERON / Sydney, Australia
simongeron1@hotmail.com

SUPLEMENTO DEL fiALOM EN DJUDEO-ESPANYOL / fiALOM’UN ÜCRETS‹Z ve AYRILMAZ JUDEO-ESPANYOL EK‹D‹R.

Abonamiento: abone@salom.com.tr
Artikolos publikados en El Amaneser refletan las opinyones personales de sus otor, i son enteramente i solamente a su responsabilidad.
Redaktora : Karen GERSON fiARHON
La reproduksyon total o parsyal de estos artikolos es permetida kon la kondisyon de mensyonar su manadero i el nombre del otor.
Koordinadora : Güler ORGUN
Konsilyo de Redaksyon : Christine H. LOCHOW DRÜKE, Gad NASS‹, Roz KOHEN DROHOBYCZER
PARA ABONARSE ➨ posta elektronika: elamaneser@gmail.com

La Konseja de Purim i de la Reyna Ester ke Salvo a su Puevlo
Me akodro de las fyestas de Purim de mi chi-
kez. Mi madre Ester, en primero anonsava ke iva
tomar “el tanit de Ester”. Asigun la tradisyon, ka-
da mujer djudiya nomada Ester teniya el privilejyo
de tomar este tanit. El diya del tanit, empesava-
mos a selebrar la fyesta kon dulsuryas ke mi pad-
re aparejava: el tishpisti i la baklava kon kanela.
Mi madre mos amostrava “la Megilat Ester” ke te-
niya guadrada kon otros pedasos de su ashugar en
el baul. I despues mos kontava la leyenda:
Ahashverosh, el rey de Shusan, en Paras, aviya
desidado de organizar una fyesta de 180 diyas i
noches, i invitar a todos los ofisyales de los payi-
zes vizinos. Su reyna Vashti iva dar la fyesta para
todas las mujeres del payis de Paras.
En el syeten diya de las fiestas, kuando Ahash-
verosh estava un poko borracho, dyo el orden ke la
reyna Vahsti venga a amostrar su ermozura a todos
los invitados.
Kuando Vashti refuzo de vinir, Ahashverosh se
inyervo i desido de kitarla del palasyo i toparse
una novya mueva para ke esto seya un egzemplo
para todas las mujeres ke no respektan los orde-
nes de sus maridos.
Despues empeso la bushkidad para remplasar
la reyna. Las mansevas las mas ermozas del payis
empesaron a arekojersen en el palasyo.
Ilustrasyon: Roz Kohen Drohbyczer
Akeyos diyas morava en Sushan Mordehay el
Djudyo, un egzilado de Yerushalayim. El era el tiyo
de Ester la guerfana. Mordehay ke oyo ke el rey es-
tava bushkando una novya, avizo a Ester de prezen-
tarse, ma de no dizir a dinguno ke es djudiya. I an-
sina Ester paso un anyo en el palasyo, aparejando-
se para este enkontro. A la fin del anyo de aparejos,
el diya ke Ahashverosh la vido a Ester, se enamoro
de eya i la deklaro reyna al lugar de Vashti.
En uno de los diyas, en kaminando en las ka-
yes, Mordehay oyo ke dos bandidos se estavan
aparejando a matar el rey.
Morehay pishin la informo a Ester, i ansina fue
salvada la vida del rey Ahashverosh.
Poko tyempo paso i arivo un diya ke Aman se
izo el vizir del rey i dyo orden ke kada uno i uno
deve de abokarse en frente de el. Kada uno i uno
PURIM
empesaron a abokarsen enfrente de Aman, ma
Mordehay el muestro refuzo, porke la Ley djudiya
permetiya de abokarse solo enfrente del Dio.
Aman el maldicho, desido de vengarse de Mor-
dehay i de todos los Djudyos de Shusan. Despues
de echar dados, se desido ke la matansina iva ser
en el mez de Adar, ke es el dodjen mez.
Despues Aman se fue a ver al rey Ahashverosh
i le disho ke ay un puevlo ke tyene emunas dife-
rentes i ke no respekta el orden de la sivdad.
Ahashverosh ke oyo esto, le dyo su seyo i le disho
de destruir estos todos ke refuzan sus leyes. Kon
orden sinyado por el rey, agora kada djudyo iva ser
matado en un diya en el mez de Adar i todos sus
byenes ivan a ser konfiskados por Aman.
Mordehay el desmazalado ke oyo esta desizyon
maldicha, estuvo muy triste i se metyo unos sa-
kos arazgados en lugar de su vistimyenta i se met-
yo siniza sovre su puerpo en sinyo de dolyo.
Poko despues, las mosas de Ester la reyna lo
vyeron i le kontaron a Ester ke su tiyo estava muy
malorozo i en luto, arodeandose en las kayes. Ester
le mando vistimyenta limpya ma el refuzo de trokar-
se i avizo a Ester de demandar el ayudo del rey.
Para pueder avlar kon el rey, Ester teniya de te-
ner permisyon para salir en frente de el, ma en-
tendyo ke si no demandava su ayudo, su puevlo
iva ser destruido.
Ester se desidio de azer tres diyas de tanit, pa-
ra tener el koraje de salir enfrente del rey sin ke
fuera yamada.
Al treser diya se metyo sus fostanes de reyna i
se aserko del rey kon espanto grande. El rey ke la
vido vinir, la aksepto pishin i le demando:
“Ke dezeyas, mi reyna? Yo ya esto pronto para
darte el medyo de mi payis."
Ester le disho ke estava aparejando un pranso
i ke keriya envitar al rey i a Aman su vizir.
Kuando Aman salyo del palasyo, se apersivyo
ke Mordehay estava en la puerta del palasyo i ke
estava ainda refuzando de abokarse delantre de el.
Kuando arivo a su kaza, estava soflamado i le
disho a su mujer ke achakes de Mordehay, no se
iva gustarse en el pranso de la reyna, al kual esta-
va envitado. Su mujer le avizo de aparejar el lugar
ande iva enforkar a Mordehay i a su puevlo.
Akeya noche, el rey Ahashverosh no pudo dur-
mir i desidyo de meldar livros eskritos sovre eve-
nimyentos pasados. Ensupito meldo i se akodro ke
alguno nombrado Mordehay lo aviya akavidado de
dos bandidos ke keriyan matarlo. Demando a sus
mosos si lo aviyan onorado a este Mordehay por su
ayudo.
Akel punto se topava Aman en el palasyo
para los aparejos del enforko. Kuando
Ahashverosh lo vido, lo yamo i le de-
mando:
“Aman, ke puedo azer si kero dar
onor a alguno por sus servisyos?”
Aman pensando ke el rey de-
zeava onorarlo a el mismo, disho:
7 Febrero 2007 11
Ester delantre Ahashverosh
VIGNON, Claude, 1624 / Musée du Louvre, Paris
"Dale tus vistidos i tu korona i asentalo sovre tu
kavayo i paseyalo gritando ‘es esto lo ke el rey aze
si dezea onorar a alguno’”
“Presto,” disho el rey “traye mi kavayo i mis
vistimyentas kon mi korona i vistildo a Mordehay
el Djudyo, ke esta asentado en la puerta del palas-
yo i grita en la kayes ke 'es esto lo ke el rey ase si
dezea onorar a alguno'”.
Kuando el rey arivo al pranso de Ester la reyna,
le demando:
“Ke te dezea la alma?"
Entonses Ester le disho ke keriya salvar su vida
i la vida de los Djudyos ke Aman aviya kondana-
do a la forka. El rey ke oyo esto salyo loko i salyo
ahuera, ma kuando retorno, lo vido a Aman ke se
echo a los pyes de Ester arogandole ke lo pardone.
Ma kuando Ahashverosh lo vido a Aman ansina to-
kandola a su reyna, peryo el meoyo i pishin dyo el
orden de enforkarlo en lugar de Mordehay.
Kuando ya se kalmo un poko, le dyo a Morde-
hay todo lo bueno de Aman i su seyo. Ester konti-
nuo a eksplikar a Ahashverosh ke todo el puevlo
djudyo del payis estava en el mismo peligro acha-
kes del maldicho Aman.
Presto todo fue trokado i fueron los ijos de
Aman ke fueron enforkados al lugar de los Djudyos
ke eran sin pekado. Mordehay tomo el lugar de
Aman i vino al poder al lado del rey.
***
De akel diya asta oy, los Djudyos fyestan el
tredjen diya de Adar, en akodrandosen de Purim,
el goral de los dados i komo los Djudyos fueron
salvados de la mano de este rasha yamado Aman.
Anyos despues, kuando kije fyestar la fyesta
de Purim en los Estados Unidos, vide ke la estor-
ya de Purim es eskrita i kontada aki en munchas
formas. Yo no tengo komo teniya mi madre, un
baul vyejo kon una "Megilat Ester" para amostrar
a mis ijas, ma las fyestas kontinuan. Aki los
Djudyos se visten komo Mordehay o komo
otros personajes de la leyenda,
komen i beven i se alegran, i
kontan esta estorya a sus ijos.
Roz Kohen DROHOBYCZER
/ St. Louis
 12 7 Febrero 2007
^ Si no keres no alkansas, si no bushkas no topas.
^ Las paredes tyenen orejas.
El Eskaso
Ansi kontavan los abitantes Judyos
de la sivdad vyeja de Yerushalayim i
este relato lo sinti de boka del famo-
zo aktor i narador YAAKOV BANAY.
En el sentro del merkado arabo aviya un botikar-
yo vendedor i produktor de semeres para kavayos
(Silla de montar en espanyol). Teniya un dishiplo
en la botika; lo mandava a merkar i yevar sus me-
nesteres para su kaza, i a su mujer no le dava nun-
kua dinero en su mano para gastar i merkar algo.
Un diya de viernes, oras ke van los musulmanos
a la djami (meshkita) para orasyonar, se fue el bo-
tikario i desho la botika en mano del dishiplo.
Entremyentes vino un ombre kon un kavayo, en-
tro a la botika kon intisyon de merkar un semer pa-
ra su kavayo, i este ombre apunto a un semer ke se
topava en un kanton de la botika. El dishiplo refu-
zo de venderlo pero el merkader lo konvensyo al
dishiplo, le pago en la mano una suma de moneda
i se fue a su kamino.
El botikaryo torno de la djami, vido ke el semer
ke se topava en el kanton de la botika no estava en
su lugar, ojos pretos i la kaza karvon, asigun dize el
refran, imedyatamente le pregunto al dishiplo onde
estava el dicho semer ke se topava en el kanton de
la botika, i bien klaro ke el dishiplo le konto la ver-
dad, komo lo vendyo a un pasajero, sin saver el
GÖZLEM GAZETEC‹L‹K BASIN VE YAYIN A.fi.
ad›na sahibi Av. Yakup Barokas
Atiye Sok. 12/6 Teflvikiye/‹STANBUL 34365
EL KANTON DE LA LINGUA
^ El eskaso gasta dos vezes.
de ayi el patron de la botika guadrava toda su
moneda de lo ke vendiya, sin ke la mujer ni el
dishiplo lo sepan.
El botikario tanto estava inyervozo, asta ke kayo
hazino en kama.
Entremyentes disho la mujer: “Ay menester de
mantenermos. Yo kon ti, el dishiplo, vamos a kon-
tinuar el echo”.
Pasaron diyas i semanas, supito vyene a la boti-
ka el dicho merkador de akel semer. Les disho a la
mujer i al dishiplo ke el semer ke merko estava muy
pezgado, le estava aziendo muncha pena para en-
kargarlo sovre el kavayo, i el kavayo no estava ka-
minando presto komo antes. Lo keriya trokar kon
otro semer.
Le respondyo la mujer ke tome el ke le gusta, i
el merkader tomo otro semer i se fue a su kamino.
La mujer i el dishiplo no se estavan kreendo por
el mirokolo ke les izo el Dio: el semer i la moneda
aviyan tornado atras!
Serraron la botika i fueron a kaza, a yamar al
patron de la botika. El patron, sintyendo esta nuve-
Ilustrasyon: Roz Kohen Drohobyczer la, se alevanto de la kama i koryo para ver kon sus
presyo i sin permisyon. ojos todo lo ke paso, vido el dicho semer, se le kal-
Al botikaryo ya se le troko la kolor de la kara, mo la alma i el korason i se alevanto de su hazinu-
empeso a sudar i inyervarse de si para si. Alkavo ra. Le demando pardon de su mujer, le travo la ore-
disho al dishiplo: “Va yamala a mi mujer”. jika del dishiplo, se aunaron i se abrasaron. La mu-
Vino la mujer a la botika, kualo ve? Su marido jer i el dishiplo serraron la botika i se fueron kon
en dolyo, la kara enbasho, asentado en la estera i kara riyente a sus kaza.
murmureando.
La mujer le pregunto al dishiplo kualo pasa, i Avram BEHAR / Yerushalayim
el dishiplo le ekspliko komo vendyo un semer on- ebehar2004@yahoo.com
Yay›n Yönetmeni: Karen fiarhon Yönetim Yeri: Atiye Sok. Polar Apt. 12/6 Teflvikiye - ‹stanbul
Bas›ld›¤› Yer: Printcity Fatih Mah. Hasan Basri Cad. Samand›ra-‹stanbul
Sor. Yaz› ‹flleri Müd: Ifl›k Sivil
Atiye Sok. 12/6 Teflvikiye
Telefon: (0212) 231 92 82 - 240 41 44 e-mail: elamaneser@gmail.com Bu yay›n Bas›n Ahlak Yasas›’na uymay› taahhüt eder.
Faks: (0212) 231 92 83 - 247 30 82 Yay›n Türü: Yerel Süreli Yay›n
Dizgi/Tasar›m: Semra Sevinç
 BIBLIOGRAFIA 7 Febrero 2007 13
KANTON DE BIBLIOGRAFIA SEFARDI 
El buto de este Kanton de Bibliografia Sefardi es de arekojer i dokumentar
los trezoros del patrimonyo sefardi.
EDITURA TIROCINIO
Prezentaremos a Pilar Romeu Ferré, investigadora i › NASSI Gad (ed.), En lengua sefardí), Barcelona,
editora de la Editura Tirocinio: tierras ajenas yo me vo murir, 2001.
tirocinio@tirocinio.com Barcelona, 2005. › ROMEU Pilar, Las
Kon su koleksyon FUENTE CLARA la infatigavle › ASENJO Rosa, El llaves del Meam loez: Edición
editora i investigadora Pilar Romeu Ferré kyere guadrar Meam loez de Cantar de los crítica, concordada y analítica
una parte del legado kultural istoriko i literaryo Cantares (Sir ha-Sirim) de de los índices del Meam loez
ispaniko a traves de la kultura sefardi desde la ekspul- Hayim Y. Sakí de la Torá, Barcelona, 2000.
syon de los djidyos de la Peninsula Iberika en 1492. (Constantinopla, 1899), › ROMEU Pilar,
Tirocinio publika desde 1998 diferentes testimonyos Barcelona, 2003. Leyendas del rey Salomón (en
de la produksyon literarya en lengua sefardi, antigua i › MORDOH Samuel, El textos sefardíes), Barcelona,
moderna, ansi komo otros lavoros –syentifikos o de Aba (De Salónica a Sefarad), 1999.
divulgasyon – ke aporten alguna novedad sovre la vida Barcelona, 2003. › ALMOSNINO Moisés,
de las komunidades sefarditas. Felisitamos a muestra › ROMEU Pilar, ed. Crónica de los Reyes
amiga i kolega Pilar por su enerjia i kompetensya. Los dos mellizos (Novela en Otomanos, Barcelona, 1998.

Istorya › TRIGANO, Shmuel › KIRON Arthur, La Casa

› DIAZ-MAS, Paloma /
Harm den BOER (eds.),
Fronteras e interculturalidad entre
los sefardíes, Rodopi, Amsterdam
2006, Foro hispánico, 28,
ISBN: 90-420-1899-2
(ed.), Le Monde Sépharade, (2 editrice Belforte et l'Arte della
vols), Seuil, Paris 2006, stampa in Ladino, Salomone
ISBN: 2-02-041417-1 Belforte & Co, Livorno 2005,
ISBN 88-7467-020-6
INFO: www.libreriabelforte.com
› GUASTALLA Guido i

› PAPO Laura Bohoreta, Silvia, 1805-2005. Salomone

Belforte & C., Salomone
Sefardska Ïena i Bosni,
Belforte & Co, Livorno 2006,
Connectum, Sarajevo 2005,
ISBN 88-7467-021-4
ISBN: 9958590166
INFO: www.libreriabelforte.com
INFO: info@interliber.com

› NAAR, David (red.), With

Their Own Words. Glimpses of Nr. 2, Sofia 2006,
Jewish Life in Thessaloniki ISBN: 10-954-820025-2
Before the Holocaust, Jewish
Community of Thessaloniki, Istorya de livros
Thessaloniki 2006.
INFO: jctmuseo@otenet.gr
Biografia
› SCHAUFFLER William
G., Autobigraphy. For Forty-nine
Years a Missionary in the Orient,
Randolph, New York 1887,
reedisyon New York 2006
INFO: www.AstroLogus.org

Folklor Gaëlle COLLIN / Paris

› Para ke no se olvide ..., (gagwena@aol.com)
Michael HALÉVY / Hamburg
Biblioteka Emil Shekerdjiski,
(mihalevy@alice-dsl.de)
 14 7 Febrero 2007
El AMOR en la Literatura i la Muzika
Coya DELEV‹ /Estambol
Oy,14 Febrero...diya del “Amor”, o
mas egzaktamente, diya de los enamora-
dos. En fin de kuento, a lo mizmo revye-
ne! Kualo de mas apropyado ke un moa-
bet sovre este sujeto i fidelidad, traisyon,
selo, olvido, espartisyon, ets., kompanye-
ros inseparavles... Estas nosyones son
elementos los mas empleados en la muzi-
ka, literatura i espesyalmente en la poezi-
ya. Indiskutavlemente, estos sintimyentos
dan al poeta una ardor mas kreativa. La
poeziya lirika es el reflekto del romantis-
mo, de las emosyones fuertes i la mas “li-
terarya” entre los djeneros de literatura.
Todo eskrivano dezea eksprimir sus
ideas i sintimyentos de una manera ag-
radavle i efikache. En jeneral, la literatura
es un modo de ekspresarse. Los profes-
yonales dizen ke es tambyen un arte i
adjustan: ”Para ke un teksto, un livro, o
mizmo una poeziya puedan ser konsi-
derados komo “literaryos”, deven pose-
dar una valor de arte”.
Estos propozitos, keridos lektores, es-
tan un poko komplikados para mi! Lo
mijor es de no alesharmos del sujeto
muestro, el “amor”. Tengo meldado ke
es el mas ermozo regalo ke la vida izo al
benadam. Prefero no muncho komentar
sovre este punto. Porke penso ke esta
afirmasyon puede ser valivle para los ke
partajan los sentimyentos. Los ke estan
solos? Los ke se syenten malorozos?...
TO
T
UE
KU EN
N El Riko i el Vendedor de Guevos
UN
U N
Era un dia de feria en el merkado.
Agrikultores de todos los kazales i al-
deas del derredor de la sivdad, trushe-
ron los rekoltes a vender. Tambien ka-
minavan de butika a butika a merkar
kozas para yevar en kaza. Otros fueron
a ver un sirko ke vino a la sivdad, es-
pesialmente para este dia de feria.
Entre los vendedores ke apozavan
aya i pregonavan en toda boz sovre la
merkansia, avia i uno ke pozava un
sesto djigante de guevos ensima de
una siya i gritava: “Guevos freskos!
Guevos baratos!”
Al lado de el vino un dia un otro
vendedor ke vendiya gayinas. El gayi-
nero parese ke fue su primera vez ke
vino a esta feria. Ma el guevero, no. El
konosia kaje a kada uno i uno ke apa-
resiya en la feria.
El kontava a su vezino todo lo ke
saviya sovre kada uno ke vian pasar.
“Na, mira aki. Este ombre ke vez,
ARTIKOLOS
Louis Aragon, poeta i eskrivano
Fransez (1897-1982) disho: ”No ay
amor feliz. Si kada amor era orozo,
deke se eskrivyo tantos romansos de
amor? Deke los mansevos los melda-
ron kon lagrimas en los ojos?” Perso-
nalmente, yo aki kero deklarar ke mal-
grado mi dezakordo kon su idea, pue-
de ser ke el Sr. Aragon, en una mezura
teniya razon. En muestra manseves, no
mos artavamos de sintir “Les Feuilles
Mortes”, ke en un lugar deziya:
“Ma la vida separa
“Los ke se aman,
“En kalmo, sin bruido,
“I la arena efasa
“Los pasos de los amantes dezunidos... “
Keridos amigos, aki avra demandas
ke se pozan: Aktualmente, komo se esta
refletando el amor en la literatura, la mu-
zika i el sinema? Es ke se puede azer
una komparasyon kon muestra manse-
ves? Naturalmente las repuestas seran
diversas. Ma ay un fakto, una realidad.
Fuimos de una jenerasyon ke meldava
livros, poeziyas romantikos, ke sintiya i
kantava romansas de amor. En el mun-
do entero, en estas ovras, el tema por lo
mas fue el amor i el romantismo.
Puedo dezir lo mizmo tambyen por
los filmos, en mayoriya romantikos, ke
preferavamos: “Casablanca”, “Dr. Jiva-
go”, “Gone with the Wind”, ets. Kuantos
mansevos no esperaron akeyos amores
de los filmos ke nasiyan de azardos in-
es un borrachon de prima klasa. I ko-
mer tambien le plaze muncho. En ka-
da feria, el vyene i se merka kantida-
des enormes de komidas i beverajes.”
“El otro ke vez venir,” kontinua el
guevero, “dizen ke es ladron, i ya paso
un buen tiempo en la prizyon.”
Bueno, mucho mas tadre de la
manyana, aparesyo un ombre bien
vestido, paseandose avagar avagar,
kon trankilidad, entre los
magazenes i los vende-
dores embolantes en
la feria.
"Lo ves a este?"
disho el vendedor
de los guevos. "Ves
a esta persona? Este
es muy muy riko.
Rikinyon. Es el
mas riko ke konos-
ko. El se levanta en
oras tadres de la
Ilustrasyon Benyamin Burg
kreivles? Kuantos no kreeron ke to-
dos los amores se eskapan kon
“Happy End”? Kuantos no se des-
haron ser enganyados kon estas
iluzyones?...
“Agora estamos entendyendo
ke los filmos no mos enganyaron.
Era mozotros ke preferavamos kre-
er a los suenyos. Era mozotros ke teni-
yamos menester de enganyarmos, de
iluzyonarmos!...”
Keridos lektores, esto fue una fraza
de una amiga, myentres ke estavamos
diskutiendo el sujeto. Veniremos a
muestros diyas. La manseves de oy
no esta tan interesada en la literatura,
muzika i filmos muy romantikos. Na-
turalmente, no kero jeneralizar, por si-
guro ke ay eksepsyones. Ma de una
parte estamos vyendo amores de ma-
gazin, amores de reklam, de otra par-
te un romantismo (!) en la TV.
En los anyos 1950-60, los keridos
uzavan letrearsen de parte a parte. Agora,
solo kon mesajes de GSM. En los sovre-
dichos anyos, las muchachas eskriviyan
sus emosyones, se desbafavan en sus
“jurnal entim”. Agora lo estan azyendo en
los ekranes de TV o en las revistas de
magazin. El amor lo estan bivyendo kon
apresuramyento, sin reelmente konoserlo.
Malgrado todo, el amor, para syer-
tos es la unika realidad. Son los ke,
syempre apresyaron el romantismo ke
kedo en los filmos vyejos, en kantikas,
manyana, porke kada noche se va a
otro balo. Lavorar no lavora. Para ke?
Ya tyene mabul de paras. Tyene
muncha moneda i munchos byenes.
Te puedo dizir ke el tyene mas de
4000 de liras de oro!"
El vendedor de los guevos ayinda
avlando por el riko i na ke el riko se
aserko verso la siya ke ensima de eya
estava el sesto de guevos. El pie de
este ombre se entrompeso,
o tal vez lo izo mahsus,
kon intision. No se. Ma
el sesto kon todos los
guevos kayo en basho i
naturalmente, munchos
guevos se rompyeron i se
formo en la tierra komo
un lodo blanko i ama-
riyo de guevos.
"Guay de mi!"
empeso a gritar el
vendedor de gue-
Tangos de ASTOR PIAZZOLA
En la radio, Astor Piazzola,
Rekuerdos ke vyenen en una ola...
Me akodro, baylavamos el tango,
“A media Luz,” o “Cumparsita”,
En mis brasos yo te tengo,
Medio borracho de felisidad...
Diyas lokos de muestra edad,
Oras dulses i dezenvoltas,
Mos paresiya ke nunka soledad,
Un diya sonara muestras puertas...
En la radio, i oy, Astor Piazzola,
Ma, entonses, yo solo, i tu sola...
Coya Delevi - 2006
poeziyas, romansas. La poeziya tyene
el ritmo ke la difera, djustamente, del
eskrivir i avlar standart. Asigun Paul
Valéry, eskrivano fransez: “El eskrivir
en proza es kaminar, ma la poeziya es
baylar”. Ke dezish si eskapamos este
moabet kon una de mis poeziyas, “El
Bayle del Amor”, kon un tango?
vos. "Ke me izites? Me rompites todos
los guevos", grito kon chiyos el guevero.
"Bueno, bueno, kalmate" le disho
el riko. "Perdoname. Diskulpa. Yo
te vo a pagar por el danyo ke te fi-
ze. Dime, kuantos guevos tiniyas en
el sesto".
"Yo se? No se!" disho el vendedor
kon yoros i gritos "Komo puedo saver?
Komo puedo kontar todos los guevos
ke tiniya en el sesto. Avian munchas
dozenas. Yo se? Puede ser syenes de
guevos!"
"Ansina es?" se metio a riyir el riko,
en alimpyando su kostum, su vestim-
yento, muy repozadamente. "Tu no sa-
ves kuantos guevos tiniyas en el sesto
i no pudiyas kontar dozenas o syenes
de guevos. Komo i de ande es ke sa-
ves tan egzaktamente los byenes i el
dinero ke posedo yo?
Yehuda HATSVI / Tel Aviv
hatsvi@netvision.net.il

La Korona de Estambol: L a K u l a d e Ga l a t a
Niso TIZA /Estambol
n_tiza@yahoo.com
En el mundo entero ay un solo Estambol, en
Estambol un solo Beyo¤lu (Pera) i en Beyo¤lu una
i unika Kula.
De leshos se ve komo ke es vieja i muy kansa-
da. Siguro ke va estar ansina. Ay siglos ke esta
aya porke tiene un grande pezgo en sus ombros.
En Galata, en kaminando entre las kalejas ye-
nas de kazas viejas i bruskas, supito puedesh ver-
la enfrente de vozos. No vos mareyesh. Eya kon
toda su gloria la puedesh ver en pies, asperando a
vozotros. Pishin vash a alevantar los ojos verso el
sielo para verla fina ariva kon todo su mistiko.
Despues de akel momento, eya vos va travar
verso eya komo un (m›knat›s). Malgrado ke tiene
pasado munchos malorozos faktos komo fuegos i
rajes i malgrado ke las kazas i apartamentos no
deshan ver el sielo, komo ke vos esta diziendo
“Yo dainda esto aki en piez” i esto lo esta dizien-
do kon toda su noblesa.
Anyos i anyos, seya de aryento del payis i se-
ya del mundo entero, milyones de djente i turis-
tos vienen para ver su ermozura i su perspektiva.
Suvir al tepe de la Kula i ver la vista maraviyoza
de Estambol entero, el Bosfor (Bo¤aziçi), la si-
lueta de las islas (adas), Sarayburnu, Ayasofya,
las djamis (meshkitas) ke se topan ensima de
las siete montanyikas de Estambol, kon el Café
Pier Loti, barkas i motores de los peshkadores,
los pasharos ke bolan ensima de Marmara i Ha-
liç, vapores pasando i deshando las eskumas en-
riva de la mar i la kara mueva i moderna de Es-
tambol ke es las fraguas altas i la sigunda Kula
ke es Beyaz›t Kulesi.
AKTUALIDADES
Aparte de esta toda ermozura, ay otras mun-
chas maraviyas ke se pueden ver de ariva kon una
vista fantastika de 360 grados vista de pasharo.
La Kula entervalo de siglos ke paso, tuvo
munchas misyones, komo kontrolar los fuegos, las
flamas ke puede salir i para ver el enemigo ke
puediya atakar a Galata.
Malgrado esto, de la Kula los fuegos, las fla-
mas i los dumanes no manko nunka. Apatre de
esto, aya era lugar de aprezar los prizoneros de
gerra en su bodrum i komo un bodrum de komite
i armas i para karantina.
Malgrado ke paso munchos fuegos i ra-
jes, eya pudo parvenir fina oy sin dingun
mal. La Kula fue restorada munchas ve-
zes. Oy en diya tiene la forma de alkavo
ke era el anyo 1830.
La Kula fue fraguada en el anyo 1348
por la parte de los Genovezes para obser-
var los enemigos ke puedian atakar al
Imperyo Bizantino. Las mujeres i ombres
de Genova lavoraron dia i noche para pue-
der fraguar esta Kula.
La kula tiene 60 m. de altura, la
anchor entera es de 16.5 m.
La anchor de ariento del lugar de entra-
da es 8.95 m.
La anchor de las paredes de los 7 etajes es de
3.75 m.
El pezgo entero de la Kula es serka de diez mil
tonas.
En akeyos tiempos viejos, en el doredor entero
de la Kula aviyan avrido foyas ondas kontra los ene-
migos. Kon tiempo estas foyas fueron tapadas acha-
kes de las fraguas muevas. Achakes de estas foyas,
dos kalejas de al lado de la Kula fueron yamadas
7 Febrero 2007 15
Büyük i Küçük Hendek (foya en Turko).
En el anyo 1509, Estambol paso un raj
muy fuerte ke izo muncho danyo. A este
raj lo yamaron “Destruksyon chika”.
Malorozamente la Kula paso mun-
chos fuegos kon grandes danyos. El
Sultan Selim III, para ke no afite ot-
run fuego, izo montar dos kamaretas
kapladeyadas kon plomo. Pasando
tiempo i estas kamaretas fueron
destruyidas por un otro fuego.
El etaj de alkavo ariva, ke
oy en dia es el lugar ke se sa-
le afuera a la tarasa, fue
fraguada por Sultan
Mahmut II. Esta tarasa
fue muy popular por
los vijitores para ver i
fotografiar el panoramik
i turistik Estambol ente-
ro. En el tepe de la Ku-
la se topavan feneres
de flamas. Viendo ke
son danjerozas estas fla-
mas, se empeso a meter
bandieras de diferentes
kolores. Kuando saliya
un fuego en un lugar de Estambol, se echava ti-
ros. Despues de un tiempo, este uzo se alevanto
por Abdülhamit II achakes ke al puevlo les paresi-
ya ke los enemigos estavan atakando Estambol.
En el empesijo del XX siglo, la Kula tuvo una
otra misyon: Era lugar de arreglar las oras. En el
tepe se topava una koza komo un top ke amostra-
va las oras i ke ya se izo midi. Por modo de esto,
a midi todos miravan al tepe.
Dospues del fuego del anyo 1831 fina oy, la
Kula paso munchas restorasyones. Los primeros
tres etajes fueron echos por los Genovezes, del
treser etaj fina ariva por los Otomanos.
Dizen ke en el tiempo de Sultan Murat (1623-
1640), Hazarfen Ahmet Çelebi bolo kon los brasos,
de la Kula fina Üsküdar, serka de dos kilometros.
Esta persona fue la primera persona ke bolo kon
los brasos aviertos i en los brasos kon alas de tavla.
Akel diya todo el puevlo de Estambol salieron a las
kayes para verlo a el bolando. Kefi de los istorya-
nos, no es mas ke de una leyenda.
La Kula kada diya esta avyerta de las 9 de la
demanyana fina las oras 19.00. El mueven etaj
entr’el diya es kafeterya i restorante i las noches
es restorante i “night-club” kon el panorama ma-
raviyozo, kon dansozes oryental, folklor i kantado-
res. La noche es una diferente vista de Estambol
entero, kon miles de luzes, de kolores.
No peryesh tiempo para ver i bivir ermozuras
ke no se puede ver en dingun lugar del mundo.
No vos olvidesh de trayer vuestra makina para
fotografiar.
Fin al tejado de alkavo, puedesh suvir kon
asansor.
 16 7 Febrero 2007
Rosana i
Sebastian de la
Obra en la
Casa Sefarad,
Cordoba
Karen GERSON fiARHON / Estambol
sephardiccenter@salom.com.tr
Konosi a Rosana i Sebastian kuando
vinieron a Estambol para una de sus
frekuentas vijitas antes 5 anyos. Eyos
estavan bushkando objetos para sus
Casa de la Memoria en Sevilla en akel
tiempo i a sus grande sorpresa deskuv-
rieron la piesa teatral muzi-
kala “KULA ‘930” ke se es-
tava djugando kon un kadro
ancheado para su 25en ani-
versaryo. Me akodro la reak-
sion maraviyoza ke tuvieron i
es de ayi ke empeso muestra
amistad. En 2002 mos fui-
mos a kantar en sus Casa de
la Memoria kon Los Pasharos
Sefaradis, i este anyo tuvimos
la okazion de konoser sus
Casa de
mueva aventura en Cordoba
kon la Casa de Sefarad.
Kerida Rosana, kontamos un poko
de tu istoria personal i tu lavoro.
A pesar de ke mis estudios univer-
sitarios me konvierten en Filóloga, mi
vida transkurrio en ofisios diferentes:
desde manseva me dediki a la pintu-
ra i a la eskritura. Durante munchos
anyos tuve eksposisiones en Madrid,
Roma, Venezia, Sevilla, Bruselas, Lu-
La kaye ande esta Casa
Sefarad, Cordoba
REPORTAJES
xemburgo, Ginebra, ets. En mi aktivi-
dad komo eskritora me dediki tanto a
la poesía (Premio Elena Martín Vival-
di de Andalucía) komo al relato (Pre-
mio Federico García Lorca de Relato
Corto). Desde 1995, diriji diferentes
sentros museístikos asta 1999 kuan-
do se kreo la Casa de la Memoria en
Sevilla. En 2006, inaugu-
rimos la “djoya” de mues-
tros proyektos: la Casa de
Sefarad en Córdoba.
Kerido Sebastian, agora
keremos meldar un po-
ko de tu propia istoria i
tu lavoro asta agora.
Yo so un viejo istoria-
dor, dokumentalista, bib-
liotekario i archivero.
la M emoria,
Muy joven gani el posto
Sevilla
de Direktor de la Bibli-
oteka del Parlamento de Anda-
lucía. En la aktualidad me dediko a de-
fender los derechos de las personas en
una Institusión (muy prestijioza) ke se
denomina Defensor del Puevlo de Anda-
lucía. De esta manera mis kaveyos se
van amungando, asta tener en la aktu-
alidad pokos i blankos.
Keridos Amigos, kontamos un poko
komo empeso vuestro intereso en la
Casa Sefarad, Cordoba
< Konoseremos a Rosana &
Sebastian de la Obra
erensia sefaradi i el judeo-espanyol.
Semos erederos de multiples identi-
dades ¡Estamos en Andalucía! (i esto ya
es un privilejio). La tradisión judeo-es-
panyola es una de las piezas fundamen-
tales de muestra identidad. Manipulada.
Olvidada. Negada. Apropiada por unos
pokos. Deskonosida para la immensa
mayoría. Mozotros desidimos, aze munc-
ho tiempo, dedikar una parte importante
de muestra vida, de muestro tiempo, de
muestra intelijensia i, también, de mues-
tro dinero i pasión, a rekuperar esta me-
moria. Es komo si tuviéramos una devda
de pagar i, además, la pagaremos kon
gusto, kon amor.
Komo es ke tuvitesh la idea de avrir la
Casa de la Memoria en Sevilla?
Al prinsipio Rosana kería una Sa-
la de Eksposisión para mostrar la ko-
leksión de objetos i piezas ke
avíamos akumulado en muestra vida
(donasiones, adkizisiones, erensia,
depósito, ets.). Sebastián kería avrir
una gran Biblioteka i Sentro de Doku-
mentasión para sosializar su Bibliote-
ka (unos 10.000 egzemplares i vari-
os miles de dokumentos). Así konflui-
mos en avrir la Casa de la Memoria
de Sevilla. Un ermozo lugar donde
mostrar muestros “trezoros” i al miz-
mo tiempo un espasio de aktividades
kulturales (konsiertos, kuenta-kuen-
tos, konferensias, djugos, ets.)
Komo es ke empesatesh vuestra aven-
tura en Cordoba? Komo i kuando se
avrio la Casa de Sefarad en Cordoba i
ke son vuestras aktividades ayi?
Córdoba es una sivdad májika. Es la
kapital de Sefarad (esperemos ke no se
akaparen en Toledo, o en Girona). En
Córdoba devía de estar la Casa de Sefa-
rad. En Córdoba devía kontinuar este
“egzersisio de memoria”. El azardo o el
destino (da igual) favoresió ke deskuv-
riéramos el lugar perfekto. La kaye de
los judíos, frente a la más antigua Sina-
goga de Espanya, ayí enkontrimos una
kaza singular del Siglo XIV. Ayí konstrui-
mos muestro proyekto.
Vozotros sosh los mijores vendedores
de muestros CDs en Espanya? Komo
es ke puedesh vender tantos CDs?
Realizamos konsiertos todas las
semanas. Konosemos de memorias
las kantigas, las romansas. Savemos
kuáles están bien kantados i kuáles
no. Mos enamoramos de una kantika
en partikular o de otra. Esta relasión
apasionada kon la kultura se transmi-
te i se kontajia. No ay otra eksplika-
sión. Los vizitantes merkan muncha
múzika (partikularmente de Los Pas-
Casa de la Memoria, Sevilla
haros, de Joaquín Díaz, de Sarina
Yannatou, de Aljama, ets.), porke ¡bi-
vimos esta múzika!
Ke son vuestros butos i proyektos
para el futuro? Komo puedemos ko-
operar kon vozotros?
Tenemos un milión de proyektos para
realizar. Kursos para los adultos sovre lin-
gua i kultura sefardí; aktividades infanti-
les i de adultos de múzika; seminarios;
publikasiones espesializadas; siklos de
konsiertos; jornadas i aktividades de gas-
tronomía; enkuentros de komunidades
de la diáspora... Nesesitamos alimentar
una verdadera red de sentros kulturales
sefardís, ke sean realmente INDEPEN-
DIENTES, ke krean en la kultura i en su
difusión, i ke únikamente estén alimen-
tados por el amor i la memoria de esta er-
moza tradisión (Además deven ser inteli-
jentes, es dezir, deven ser rentables para
no tener ke “depender”...)
Munchas grasias, keridos amigos. El
Dio ke vos de la fuersa de kontinuar kon
este lavoro maraviyozo ke estash azien-
do en esta Casa de Sefarad, esta kaza
yena de la majiya del pasado.