Канон моле=бный пред иконою Пресвятыя Богородицы Ки=ккскою

Творение священноучи=теля Ефрема Афинянина

http://www.pravenc.ru/text/182137.html
Песнь 1
Ирмос: Воду проше=д, яко сушу,/ и еги=петскаго зла избежав,/
израильтянин вопия=ше:// Избавителю и Богу нашему поим.
Пресвятая Богородице, спаси нас.
Многими му=чими злыми,/ и, к Тебе приходя=ще,/ избавление сих
обретаем/ святою Твоею иконою,// Дева Ма=ти Христа Бога нашего.
Дево Неискусому=жная, Твоими мольбами/ прощение даждь грехов
моих,/ и=миже Зиждителя всех и Бога моего,// Твоего Сына
прогневах, Непорочная.
Помилуй, Пречистая Марие,/ прибега=ющия к иконе священней
Твоей,/ ея=же ради Ти величия сотворю,// Бога Всеси=льнаго
Ро=ждшей.
Виждь мое озлобление, Благая,/ виждь печаль мою и в радость
преложи=./ К Тебе бо ныне притекая, Дево,// разрешения обрести
лютых чаю.
Песнь 3
Ирмос: Не=беснаго круга Верхотво=рче, Господи,/ и Це=ркве
Зиждителю,/ Ты мене утверди в любви Твоей,/ желаний краю, верных
утверждение,// Еди=не Человеколю=бче.
Покров Тя знаю и Стену/ христиа=ном, Пречистая,/ яко Зиждителя
всех и Господа Роди=тельницу./ Матерними Твоими
предста=тельствы Того умоли// о мне, Его прогне=вавшем и
согреши=вшем.
Божие дело исполня=ем,/ Святых Отце=в веление, Богоневе=сто,/
любезно иконе покланяющеся Твоей, Всепе=тая./ Честь бо сия к
Первообразу восходит,// яко великий учит Василий.
Тя молю, Госпоже Безмерноси=льная,/ иконы ради Твоея=
Ки=ккския,/ е=юже бога=тную благодать излия=ла еси,/ помилуй вся
Тя верно призыва=ющия,// Милующая де=лы су=щи.
Ки=ккоса Хранительнице, радуйся,/ от иконы Твоея благодать
точащая,/ вся=каго милующая/ и обители Ки=ккския сущи
Утверждение./ Величие бо Свое и Бога показала еси, Ма=ти,//
взывающим Ти всегда.
Песнь 4
Ирмос: Услы=шах, Господи,/ смотрения Твоего таинство,/ разуме=х
дела Твоя// и просла=вих Твое Божество.
Помыслов моих помрачение/ и лука=ваго ухищрения, Всецари=це,/
расточи Твоею силою// и тишину даждь сердцу моему.
Великая сотворила еси/ чрез икону Твою, Мати Дево,/ от сухоты и
обстоя=ний// избавля=ющи Тя глаша=ющия.
Спаса ро=ждшая, даруй спасение/ с верою Ти притекающим,
Всенепоро=чная,// призывающим имя Твое.
Упование и Помощь отчаянным/ Ты еси, Госпоже=,/ те=мже Тя
молим:// спаси, уще=дри заступле=нии Твоими.
Песнь 5
Ирмос: Просвети нас повелении Твоими, Господи,/ и мышцею Твоею
высокою// Твой мир пода=ждь нам, Человеколю=бче.
Исполни радости сердца, Пречи=стая,/ исполняющая прошения//
благоговейно молящихся Ти.
Прегрешения наша потреби, молимся,/ Сына Твоего прогневавших,
Мати Божия,// Я=же Ангелов Превы=сшая.
Избави, Чистая,/ обдержа=щих злых и обстоя=ний// к покрову
Твоему благоговейно ныне тща=щияся.
Спаси ны туне,/ Спаса Родительнице,/ любо=вию приступа=ющия
Ти// и честному Твоему ныне образу покланя=ющияся.
Песнь 6
Ирмос: Очисти мя, Спасе,/ мно=га бо беззакония моя,/ и из глубины
зол возведи, молю=ся,/ к Тебе бо возопи=х, и услы=ши мя,// Боже
спасения моего.
Избавляемся искушений/ чрез Твою, Всенепоро=чная,/ икону
чудотворную,/ е=юже совершила еси// многая и великая, о
Всецари=це, чудеса.
Яко на мори и на суше удивила еси,/ пресла=вная соверша=ющи,/
верно взыва=ющия Ти,/ тако ныне удиви на мне, Де=во,// чудное имя
Твое.
Спаси мя, Богома=ти, Ки=ккоса Заступнице,/ благодать
богатотво=рную/ от Бога бога=тно прии=мшая/ деяти дивная// на
благодеяние верно Ти вопиющим.
Облагодати мой ум/ и сердце очисти от лукавых помысло=в,/
Богоневе=сто Владычице,/ печалей избави, Обрадованная,//
Наде=ждо и Предста=тельство мое.
Песнь 7
Ирмос: От Иудеи доше=дше, о=троцы, в Вавилоне иногда верою
Тро=йческою пламень пещный попра=ша, пою=ще: отце=в Боже,
благословен еси.
Все упование мое/ на Тя возложи=х, Девице Богоблагода=тная,/ яко
великоси=льную,/ всеси=льнаго Матерь Слова,// Егоже благословим
со Отце=м и Духом.
Икону Твою вси лобыза=ем,/ Отроковице Непобедимая,/ яко чудесы=
безчи=сленными/ на земли и на вода=х просла=вленную,
Всенепоро=чная,// благода=тию Твоею, Святая Владычице.
Привлецы= дожди и благорастворе=нныя ве=тры, от образа благодать
искипа=ющая, яко Богом облагода=тствованная, молитвами Твоими,
и=мже великая вои=стинну показа Господь.
Плоти неможе=ния/ и душе=вныя недуги, Неисчетноси=льная,/
исцели, Дево,/ яко иму=щи дерзновение к Сыну Твоему,// Чистая,
едина Благословенная.
Песнь 8
Ирмос: Царя Небе=снаго,/ Егоже поют вои а=нгельстии,// хвалите и
превозносите во вся веки.
Матерь всех Царя/ воспеваем вси и славосло=вим,// аки Благодатную.
Добродея=ния точащую/ яже в Ки=ккосе икону Девы/ ныне да
почтим вси,// яко в чудесе=х мно=зех возблагослове=нную.
Уще=дри люди Твоя,/ к покрову Твоему приступа=ющия,
Отроковице,// яко да умно=жиши величие Твое.
Песнь 9
Ирмос: Вои=стинну Богородицу/ Тя испове=дуем,/ спасе=ннии
Тобою, Дево чистая,// с безпло=тными лики Тя велича=юще.
Помилуй грешную мою душу,/ юже окая=нну сотвори=х, Чистая,// и
избави мя о=гненнаго мучения.
Богоневе=сто Всесвята=я,/ спаси мя молитвами Твоими,/ Спаса мира
в мир Приведшая,// яко да воспою Твою непобедимую силу.
У иконы Ки=ккския, Обра=дованная,/ Яже верных мольбам
внима=ющи,/ вонми= ныне и мне,// благода=тию орошающая.
Де=во Богородице, приими= благоприя=тне/ е=же по силе дар,
Всенепорочная,// и осла=би, оста=ви ми, Владычице, прегреше=ния.