VOL. XXIX ISSUE NO. 34 An Official Organ of Y.M.A. Republic Veng Branch Dt. 21.08.

2011

Branch YMA News

Ni 23.8.2011 (Thawhlehni) zan dar 7:00P.M. hian YMA Runah Branch YMA Executive Committee neih a ni dawn a. Kohna sem chhuah a ni a, a hmu lo chuan hei hi kohna a ngaih nghal tur a ni.

Zu kan ruih hian......

The Republican 21st August 2011 Kan ramah Total Prohibition hmangin zu kan khap mek a, hetih lai hian kan khap mek ZU hian buaipui leh ngaimawh a hlawh em em a ni. Chanchinbu leh media lamah pawh zu thatna leh that lohna te, MLTP Act hlih a tul thu leh khap bur pawimawhna te kawng hrang hrangin tarlan a ni thin. Zu chungchang sawia kan * Rui chunga khawhar ina ka hriat nghal thin chu ....Zu kan ruih kalte hian ka bula thut midangin an hian .... hreh ngawih ngawih * Inti polite taka mi zinga ka * Ka thusawi mi dangin an hre lo titi ve chhen hian rimchhia leh lovang tih ni awm fahran a mi zinga mi nin ruk mai ka lo ni ring deuh deuh atawng leh sawi * Puipun nikhua a rui chunga ngai sawu nawn chhente hian mi ka kal hian a rukin hnung lam dang in min kham hluah hluah atangin mi nuihzat ruk ka ni * Zu rim ka nam hrim hrim * Mi lam hawi zawnga ka hian mi dang rin ka hlawh lo nghal tawng hian rimchhia min ti lutuk ringawt nia.............................

THLANMUAL FUND
Tunlai hian vengchhungah thlanmual fund khawn mek a ni a. Hei hi chhungkaw thenkhatin lo hrethiam lo kan awm mai thei a, thlanmual fund hi YMA pawisa a ni lova, veng mipui zingah chhiattawk kan awm a min chhawmdawlna atana chhngkaw tin hnen atanga khawn thin a ni a, YMA hi a khawntu leh enkawltu mai niin YMA account nen inpawlh lovin a hrana vawn thlao a ni. Thlanmual fund vawikhatah tam taka khawn lovin kan tlin tawk awma ngaih in kumtir ah khawn thin a ni a, kan mamawh dan azirin khawn belh leh zel thin a ni. Thlanmual Fund hi a hmangtu tan a tangkai em em a, hmang miah lo a kan awm theih phei chuan duhthusam a ni. Kan hmang ve si lo ti a lungloh a lak chi a ni lo ve.

S ECTION YMA N EWS

Section-IV Ni 20.8.2011 (Inrinni) khan sumtuak nan bawngsa an ser a. Vengchhung mite tlawmngaia lo leisak tute leh Lucky Ticket an siam lo leisaktute hnenah lawmthu an sawi a ni. Tin, Lucky Ticket an vawr hi kar leh lamah rawn tarlan tum a ni. Section-V Nimin khan Sialsuk ah Doordarshan a an hla thun tur video buatsaihin shhoting an nei a, member an kal tha hle. Thlanmual Fund an khawn Rs. 8,050.00 chu Branch ah an thehlut tawh bawk. Section-VII An din champha vawi 25-na 8 August 2011 chu meichher chhi in a hawnna neih a ni a. A hawnna hunah hian an Leader hmasaber ber Pu Liandailova chuan neidetin Silver Jubilee a hawng a, YMA chhang zaipawl hla remin, theitui leh cake tui tak a lawm nan an ei bawk. Dt.15th August 2011 khan a lawmna hun pui ber chu Republic Veng Community Hall-ah hman niin, YMA member, YMA chhang te leh vengchhung nu leh paten an telpui tha hle a,khuallian atan Pu.B. Sangkhuma,an section dintirh lai a Branch YMA President niin, khual zahawm atan Bialtu MLA Pu K Liantlinga leh Pi F Lalhuthangi Exe.Councillor (AMC) te chuan rawn telpuiin vengchhung zaithiamte bakah fiamthu thiamten hun an hmang bawk a. Tin, sawmbikte khuallian, khual zahawm, Local Council, Branch YMA, MUP, MHIP te hnen atangin lawmpuina leh infuihna thu tha tak an dawng. Section -VII YMA chuan he hun rawn telpuite zawng zawng leh ruai kan theh theih nana thilpek petute zawng zawng chungah leh vengchhung nu leh pate chungah lawmthu an sawi tak meuh meuh a ni Heng a hnuaia tarlante hnen atang hian Jubilee lawmpuina dawn a ni. 1) Pu B.Sangkhuma Rs. 2,000.00 2) Local Council Rs. 1,000.00 3) Branch YMA Rs. 500.00 4) MHIP Rs. 500.00 5)MUP Rs. 500.00 6)Sec I Rs. 500.00 7)SecIII Rs. 500.00 8) Sec IV Rs. 200.00 9)Sec V Rs. 200.00 10)Sec VI Rs. 500.00
Phek 2-na ah chhunzawm a ni

THLAN LAI KAL DAN

Nimin ni 17.8.2011 a Section tin thlanlai kal dan hetiang hi a ni :Section - I 2 Section - III 12 Section - IV 0* Section - V 14 Section - VI 5 Section - VII 9 Section - VIII 2 Branch OB 3 TOTAL 47 Star mark hi chhiat tawk section chhinchhiahna a ni e.

YMA Information Complaint na YMA Information hi a chhiat thatah m ipuite hian kan mawh phurhna a ni tih kan hria in a lo chhiat pawh in phone No. tarlanah hian i hriattir thin ang u.

9612310138

The REPUBLICAN WEEKLY

Y.M.A. REPUBLIC VENG BRANCH

Dt. 21.08.2011

E DITORIAL B OARD
Editor Jt. Editor News Editor : H. Lallianmawia : H. Lalhriatpuia : Robert Zosangliana Albert Lalsangzuala Lalbiakthuama HS Lalremsiama Biakzosanga David Lalrinawma Lalzarzova : Lalchhuangliana : Emmanuel Rodingliana Lalhmangaihsanga Sailo

Manager Cir. Managers

9436153827 9862536632 9862379583 9862374165 9089603091 9862325356 9615820570 9862355749 9856310432 9436192239 9862247848 9862170549

REPUBLIC HLUI LEH THAR

- Lallunghnema Charity Lodge, MVC Pathian Thuhriltu Tirhkoh Paula tih dan takin, thil hluite chu a ral ta a; ngai teh u, a lo thar ta, tiin keini Mual Vengchung YMA te chuan kum 25 kan tlin kan lawm a, kan hlim a, kan nui bawk bawk a; ruai tuihnai tak kan kil a, kan taksa zawng zawng chu hlim leh nuihin a lo khat zo ta. A lawmawm e ! Silver Jubilee Ni hian ka lawm ve ngang a ni ang e. Ka va fatu ve a, mahse ka tangkai lua lo. Thiante kuhva khawr ei hektu mai chauh ka ni. Mahse ka zak love, ti tha ka inti ve tho. Mahni theihtawkah Vanzema kan ti ve mai tur lah ni le ! Nia, mihring tung chhova kalte ang bawkin Republic Veng hi a lo upa chho ve zel a; tawn hriat leh ningkhawng tam tak a pal chho mek zel bawk a; thil thar a lo lang a, thil hlui a liam mek zel thung. Nitin kumtin chenna ngai loh ram min fan pui a, tlawh ngai loh min tlawh tir a, hmuh ngai loh min thlir tir a, chuan ngai loh tlang min chuan tir a; chu tlang ngei atang chuan Republic hlui min thlah liam tir a, Republic thar lo lang tur leh lang mek chu tlumtea thlir takin kan lo thlir a, chu thil thar lo lang tur chu dingdihlipin kan lo hmuak a ni. Chu tlang chu a hming atan Lungrualna Tlang tih a ni a. Chu tlangah chuan rinawmna te, dikna te, thianghlimna te, remna ten thla an zar a. Chu tlang atang chuan veng chhunga thil chhia leh tha kan vawngin kan paih bo nghal zel a, veng tana thil tha ber berte chhawm chho zelin hun thar lo thleng tur chu veng mipuiin kan lo ngaichang mek a ni. Chungte chu Republic hluiin min pek, Republic tharin veng mipuite min daipui mek chu a ni. Tichuan sawi zel ila, Republic hluiah chuan thil tha leh tha lo a inchawhpawlh ve chuat tho mai a, harsatna hrang hrang paltlangin hruaitu hmasa ten thahnemngai takin tun hunah hian an lo hnuklut mek a ni. Hruaitu hmasa, khawtlang tana sul lo sutu te chuan chhun leh zan pawh sawi lovin veng nuam leh veng chhuanawm kan nih theih nan nasa takin an lo thawkrim tawh thin a, mahni chenna In pawh luah lum hman lo lekin Republic Veng hi an lo enkawl tawh thin a ni. Republic hlui leh thar atana rahbi tuktute an ni. Republic hluiah chuan khawtlang an lungrual em em a, sualna ten hmun an chang ngai hek lo. Zu leh ruihtheih thil ten endawng an hlawh a, khawtlang nun tichhetu an nih an hriat avangin vantlang mipuiin heng thil thalo te hi an lo hnawl ngam tawh thin a ni. Republic mi hmasate chuan tun Republic hi a lo nih theih nan a thim a var thlu lovin hna an thawk a; rinawmna te, chhelna te, taimakna te, inhmangaihna te leh inremna te thuama awmin nakina an darthlalang lo lang tur chu thlirin an lo bei tawh thin a ni.

republicanchanchinbu.blogspot.com
YMA RUN hmang turte tan Br. YMA I/c Secy., Property - 9862369320 / 9436362024

Section News Chhunzawmna..... Jubilee lawmpuia hmanpuitu bakah lawmpuina thilpek petute zawng zawng chungah Section YMA in lawmthu an sawi tak meuh meuh a ni. Tin, ruaithehna atana buhfai bag 2 leh chini 20 kg thawhtu an Executive member Pu Lalnuntluanga (Tluangtea) leh Sachek siam tur thawhtu an Secy. Tv. Lalzidinga (Mapuia) chungah section YMA chuan lawmthu an sawi bawk. Tunkar tluan khan zingkarah an section panna kawng (Biakin kawmthlang) siamin an hnatlang thin a, member thawkchhuak te chungah section chuan lawmthu a sawi. Nimin 20.8.2011 (Inrinni) khan an s ection panna kawng siamin an hnatlang leh a, member thawkchhuak an tha hle a, Section YMA chuan lawmthu a sawi. Section Fai intihsiakna neih leh tur ah Section YMA chuan chhungtinte mahni in leh a vel fai taka vawng turin an in ngenin an in hriattir.

SPORTS SUB-COMMITTEE THUCHHUAK

Central YMA buatsaih Marathon Race lo awm tura kan Branch aiawha tel duh te chuan Pu C. Zirliana Sports Sub Committee Chairman hnenah September ni 11 thleng in hriattir theih a ni. CYMA Table Tennis tournament lo awm tura kan Branch aiawh tur thlanna August ni 26, zan dar 7 ah kan veng hall ah neih a ni dawn a, section tin aiawh bithliah a awm lova, an tam thei ang ber tel kan tum dawn nia.

Huang Zalen
* Ni 18/8/11 zana Hall thlang sa talhna vela zan dar 12 leh a chanve thlenga bengchheng te khan helai veng mipui min ti muhil thei lova. YMA hruaitute'n an khap ngam bawk hek lo, Pu Editor, Huang Zalen in tih ami te kha an nih loh hram ka beisei. - Lalthrika Pu, Number thup lo (9436147293) * Vengchhung a Top Up zuar thin te hian a man dik takin hralh thin rawh se. Entirnan Rs 33 man chu a man ngaiin hralh mai se la, Rs 35 a zuar lovin. Mipui te hian thil awm dan kan hre ve tho si a. - Mr Top Up

The REPUBLICAN WEEKLY

Y.M.A. REPUBLIC VENG BRANCH

Dt. 21.08.2011

Republic hmasa ah chuan veng a thianghlim tih hian hrilh zawh rual a ni lo. He thu ziaktu pawh hian he venga, a awma hnu lama luikawr tui thianghlim tak, tuna a tawp tak ziate a hai bik awm love. Republic hluiin a hluihlawn turah chuan bawlhhlawh tawp pui pui te, septic tank rimchhia te, kawra bawlhhlawh paih te, kawng dunga ui-ek hmuh tur awm fo thinte hi an ni a, hnuchhawn loh chi a ni lo. Republic tharah chuan thil engkim siam tharin a awm a, mihring rilrua thil thalo tak tak, itsikna te, elrelna te, thikna te, duhamna te, mahni hmasialna te, kohamna te a bo vek tawh tur a ni. A hlui zinga tha, a tha zinga hmelhem lo a ni ngei tur a ni. Day kan hmang a, Jubille dar kan khawng, hunpui kan hmang, thu tha tinreng kan ngaithla a, kan inhrilh bawk. Chubakah, hriatrengna Souvenir changtlung tak buatsaih a ni bawk. Ruai ropui kan kil a, kan puar a, kan fan e, mahse hei chauh hi a ni lo.... Republic hluiin a hnuchhawn turte, Republic tharin a lo rochun turte chu kan agenda tuna kan khel mek hi a ni. Ruai chu tun atan mai a ni a, a tukah a ral leh mai thin. Programme pawh hi a ral leh mai. Laisuih tuahrem mawitu mai chauh an ni. A pawimawh ber ta zawk chu khami ni atang khan thil tha kan siamchhuak thei dawn em ? Thusawi ropui tak takte khan kan nun a khawih che em ? Thil hluite chu a ral ta, ngai teh a lo thar ta ti thei tura kan inpuahchah a va ngai zawk awm ve. Kan ruai chu..... vawk a thau bawk a, a hmui khawp mai, a thianghlim, Pa Thanga Fatu leader ani tih ringawt a ni lova, sachek kha a tui hle mai, mahse a kha deuh tih ang ngawt a ni hek lo. A pawimawh ber chu kan Jubilee hian enge min pek ? Enge min thlen dawn tih a va ni ta zawk awm ve ? Thudik leh huaisenna darthlalang kan banga tarin dikna te, rinawmna te, thianghlimna te, dawhtheihna te, chhelna te, inpumkhatna te, insumtheihna te, thuhnuairawlhna te hi min hmuh tir se, Republic hlui chu a tharin a lo thlak tawh ang a; Republic tharah chuan Ramthar kan chuan tawh dawn a ni. Chu Republic tharah chuan thil hlui zawng zawng, mimal, chhungkua leh khawtlanga thil thalo, Republic hmelma zawng zawngte chu an lo ral tawh dawn a ni. Republic thar chuan phur takin chawlhna tuikamah min chawlh tirin lungrualna tlangah min lawntir dawn.... insawiselna leh inhuatna te chu sulrul leh tuiekin eichhe mai rawh se.... Republic tharin a mamawh love. Nia Republic hlui chu mual vengchung hlui.... Republic thar chu Mualveng chung thar.... Chutiang zelin Venghlun pawh, Hmar veng pawh a thar zelin thlak rawh se. Chu chu Republic thar lo thleng mek chu a ni. Tunah pawh khan i nunah a lo thleng mek, Republic hlui leh thar chu i nunah a intan mek a ni. Mahse.......... i thu thu a ni e......... i duh leh duh loh a ni e......... Tun Republic hi nakin Republic a ni tho tho dawn.

ANNA HAZARE
Tunlaia India ram mihring lar ber chu Social Activist Anna Hazare hi a ni awm e. Corruption dona tur Lok Pal Bill chungchang avanga lar, a hming tak Kisan Baburao Hazare hi 15 June 1937 khan Maharastra thingtlang khaw te tak te Bhingar ah a lo piang a. A pa Baburao Hazare hi Ayurveda Ashram Pharmacy ah nitin inhlawhfa chawpin a thawk thin a ni. Nau 6 ngawt a neih avangin an khawsak a harsa hle a, lehkha pawh a zir mumal thei lova, a ni in Mumbai lamah lehkha zir tura hruai in pawl 7 thleng a zir hnu in eizawnna lam a ngaihtuah a ngai a. Dadar ah pangpar te zuarin a hnu ah ama pual dawr te a hawng ta nghe nghe a ni. 1962-a sipai lak runpui ah khan kum 25 mi Hazare chu physical-ah tling pha chiah lo mahse Indian Army ah lak a ni a. Aurangabad a training a zawh hnu in 1963 khan India Army ah Driver hna a tan a. 1965-a India leh Pakistan indo lai khan Pakistan border ah post a ni a, 12.11.1965 khan hmelma thlawhna in rawn bei thutin a thiante zawng zawng an thi a, ani chauh hi a damchhuak nghe nghe a ni. India ram hmun hrang hrang ah awm kual in Mizoram-ah pawh a awm tawh a ni. 1970 chho ah khan lirthei chetsualna ah tel lehin a dam chhuak leh a, hemi atang hian kum 38 mi Hazare chuan mihringpuite rawngbawlsak turin a intiam ta a, 1978 ah sipai atangin a pension ta bawk a ni, Kawng hrang hrangin mipui vantlang tan a thawk a, nupui pawh nei lovin Sant Yadavbaba temple kianga room te tak te ah a khawsa a ni. April ni 16, 2011 khan a hausakna a tarlan danin bank ah Rs. 67,183.00 leh a pawisa faiin Rs. 1,500 a nei a ni. Ralegan Siddhi ah chhungkaw rochun ram hectare 0.07 a zau neiin a unaupa in a luah a, India sipai leh an khua in ram an pek chu thingtlang mipui tan a hlan let a, tunah hian India sipai atanga a pension dawn bak sum lakluhna dang a nei lo a ni. Chawimawina hrang hrang a dawn tawh te : 2008 Jit Gill Memorial Award World Bank 2005 Honorary Doctorate Gandhigram Rural University 2003 Integrity Award Transparency International 1998 CARE International Award CARE 1997 Mahaveer Award 1996 Shiromani Award 1992 Padma Bhushan India President 1990 Padma Shri India President 1989 Krishi Bhushana Award Government of Maharashtra 1986 Indira Priyadarshini Vrikshamitra Award Govt. of India

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 21.08.2011

Sunna
Pi Lalbiakthangi, kum-95, W/o Pu Khama (L) Section-IV ami chu ni 16.8.2011 (Thawhlehni) tlai lam khan a borala. A ruang hi tlaivarpui a ni a, a tuk ni 17.8.2011 (Nilaini) khan Republic Veng thlanmualah vui liam a ni. Republican Editorial Board in khawhar chhungte kan tuarpui hle.

YMA NIHNA : YMA chu Politics rawngkai lo tlawmngai pawl a ni.

INFIAMNA
Football Chawhchawrawi:
* Gerd Muller, West Germany Striker chhuanvawr kha Bundesliga ah goal la thun tam ber a ni a. Vawi 427 khelah goal 365 a thun a ni. * Man Utd in lak tum zinga an sawi tel ve kum 18 leka upa Mario Goetze chuan nikum khan vawi 67 lai a pawlte petgoal theih turin a siam sak a, Bundesliga ah chance siam tam ber a ni. * Barcelona Midfielder thar Cesc Fabregas in Premier League season hnuhnung pathum chhung khan Arsenal tan 61% chiah first eleven ah a tel. * Chelsea Coach thar Villas-Boas hian season liam ta a Porto Manager anih lai khan away match ah Villareal a hneh lova, a bak zawng chu chakloh a nei lo. * Arsenal lakthar Gervinho khan Opening game ah red card a hmu a, season liam ta Opening Game ah player thar Koscielny in red card a lo hmu ve tawh bawk. * December 2006 khan Gerrard in Anfield ah Fulham an tum tumin penalty a thun lova, chumi hnua thun lo leh hmasa ber chu Liverpool Star Player tho Luiz Suarez an kar hmasa inrinni a, a thelh kha a ni. * Arsenal hian Fabregas a telin match khatah 2.04 goals thun ang zel a ni a, Fabregas a tel lovin 1.52 goals thun ang chauh anni. Fabregas a khelin an lamah 0.92 goals lut ang a ni a, a khelh lovin 2.01 lut ang a ni thung. Fabregas a awm chuan Arsenal in match khatah 2.01 points hmu ang an ni a, a tello chuan 1.65 points hmu ang chauh an ni.

Wushu Championship 2011

* 20th Senior (Men & Women) Junior (Boys & Girls) Venghlui Indoor Stadium -ah ni 2nd - 5th August 2011 khan neih a ni a. He inelnaah hian Lalnunhlimi D/o Pabuanga Section-V chuan (below 45 kg.) Silver meldal a dawng a, below 38 kg.-ah C.Lalkhawngaihi D/o C.Lalsiamkima, Section-V chuan Gold medal a dawn bakah Lalbiaktluanga S/o Dokamlova SectionV chuan Bronze a dawng bawk a ni. * Ni ni 2 nd - 5 th August a Taekwondo Championship Armed a neihah Lalremruati D/o Pabuanga chuan Bronze medal a dawng.

Hriattirna leh Ngenna

* Central YMA buatsaih Cricket Tournament a kan Branch YMA aiawhtute hnen atangin Jersey kan la dawng kim lo a, khawngaih takin a hnuaia kan tarlante hian Branch Property Secretary hnenah pe kir turin kan inhriattir e. Branch YMA jersey la kawl te :1) Lalrinmawia, Sec-IV, Jersey No.6 2) Zothansanga, Sec-VII, Jersey No.10 3) Zotinkhuma, Sec-I, Jersey No.5 4) Zomuanpuia, Sec-VII, Jersey No.3

BPL Hriattirna
Kum 2011 a SJSRY hnuaia Trade hrang hranga trainning Session ( BPL Members) chu 1 Sept 2011 atanga tan tura ruahman a ni a. Training duh te chu BPL member an n i ngei tur a ni.Dilna chu Republic Veng BPL hruaitute hnenah 22 August 2011 aia tlai lova thehlih tur . Dt 23 August zan dar- 7:00 ah Pu V.L. Vuana, Republic Venglai inah interview neih tur a ni. TRADE DIL THEIH TE :(1) Tailoring (2) Computer (HSLC) (3) Catering & Food Processing (4) Female Attending(Mid-Wifety) Cl-VIII passed (5) Motor Driving

Health Care Scheme

"Dam loh nikhuaa man chawi lova Damdawi In-a inenkawl theih nan RSBY (BPL bik tan)-ah inziah luh theih a ni. RSBY hi BPL chhungkua ten man chawi lova Damdawi In-a an inenkawl theihna programme a ni. BPL chhungkua te tan Rs. 30,000/- thleng a hman theih ang a, hemi hi an hmang zo palh a nih pawhin Mizoram Health Care Scheme atangin Rs. 3,00,000/ - thleng an hmang thei bawk ang. In ziahluh hun hi Health Worker ten an rawn hriattir ang che, chhungkaw kima inziak lut turin i lo inring dawn nia. Hemi rual hian APL chhungkaw tan pawh Mizoram Health Care Scheme-ah hian a inziah luh nghal theih bawk a ni.

Pass Thar
Cory Lalbiakzuali D/o Pu Lalthlamuana, Section-VII chuan University of Madras atangin M.Sc.(Geology) I class-ah a pass a, kan lawmpuiin kan chhuang hle.

Mitthi/Khawhar In leh a chheh velah zu rui hmuh tur kan tam leh ta viau mai hi Branch YMA in a ngaimawh hle a, SIM nghal chi a ni.

Naute Thar
Pu Zoramthara (Zorama) leh Angela Lalhriatpuii, Section VIII te chuan ni 15 August 2011, thawhtanni khan Durtlang Hospital ah fapa duhawm tak Lallawmsanga an nei thar.

Published by Republic Veng Branch YMA, Printed at Zo-Awm Press, Khatla, Copy700