Since 18th Nov 2007 An official weekly newspaper for the Hyderabad Mizo Association Vol.11 Issue-28 Dt.

30thOctober,11 (p-1) PATHIANNI SERH - Zonunsanga

KAN CHHUNGKUA ** Tv Zoramhmangaiha, tuna Artillery Centre Golkonda a sipai a chu khawsik avangin Military Hospital Secunderabad ah a awm a. ICU ah te awmin tunah chuan dam lam a pan tawh a, a that chhoh zel nan I tawngtaipui ang u. ** Nl Ruth Lalmuanzuali, Miss Fresher pawh a damlohna avangin a nu leh pa-te lo zinin Mizoram lama inenkawl turin tukin zing khan Hyderabad an chhuahsan. A that chhoh zel nan duhsakna kan hlan e. ** Pi Rosangmawii-te pawh kal thlak avanga Hyderabad-a hun rei tak an awm hnuin ni 27th Nov(nilaithawhtan) khan Hyderabad chhuahsanin Mizoram dam takin an thleng . HMA chungah lawmthu an sawi mawlh mawlha, HMA pawhin an dam zel theihnan duhsakna kan hlan e. ** Tv.Zomuansanga leh Tv. Thomas Lalrinchhana (ex-JNTU)-te pawhin an certificate-te ti felin ni 3 Nov khian Hyderabad an chhuahsan dawn a, an kal zelna ah duhsakna kan hlan e. ** Tv Malsawmdawngliana Lailun pawhin a thil buaipui laite a zawh hnuin nimin dt 29th Oct(Inrinni) khan Mizoram lam min pansan leh ta. A kal zelna turah duhsakna kan hlan e. ** Kuki Students Organization-te pawhin nimin dt.29th Oct(Inrinni) khan Freshers Meet cum Chavang Kut tluang takin Birla Science Museum Auditorium-ah an hmang. ** Nimin dt. 29th Oct(Inrinni) khan Prof. Laltluangliana Khiangte chuan University Of Hyderabad-ah paper tha takin a present.

Independence Day hlimawm tak kan hmang zo ta a, zalenna hi a hlu a, lawm a phu a, lawm tlak a ni reng a ni. Mizoram khaw lian tak pakhatah chuan Opposition lam Block Party pakhatin thuchhuah siamin, Independence Day hmanpui tura kal MLA-in Pathiannia Aizawl atanga a zinchhuak, an khua a pan chu an ngaimawh thu an rawn auchhuahpui a. An thuchhuah, Kristianten kan ni pawimawh tak, Chawlhni pawh zah zo lova Chawlhni khera zinchhuah hi hriatthiam harsa kan ti a. Kristian sakhaw zah lohna leh palzutna angah kan ngai ti hialin thuchhuah an siam a, hei hi ngaihtuah chian ngai tak a ni. Thawkkhat lai khan kan Governor pakhat, Hindu sakhaw la run tak, Pathianni-a thingtlang lama a zin thin kha kan ngaimawh em em a, mipuiten media lamah kan chuk luih luih a, a ngamtlakten laina hrilhin an hrilh bawk a, a sim ta kha a ni a. Chutih laia a ringtu tha zawk, a Kristian zawkten chumi thlawp (Pathianni serh loh) ang lek leka thil kan kalpui thin hi chu kan vawiin hian kan nakin a hril miau avangin ngaihtuahna sen a ngai ang. Pathian ruat kan ni tih hi inhria ila: Kan MLA te hi buai tak tak vek an ni ngei ang. Thawhtannia Independence Day hmang tura thingtlang lama Inrinni-a kal kha an hman lo a ni maithei a, engnge an harsatna ni ang? Damlohna te, chhungkaw lam thilte pawh a ni thei e. A enga pawh chu nisela kan ram hruaitu atana kan thlan te, an hotu zawkten kal ngei tur an tih si avangin Pathianniah an kal ta mai a nih a rinawm. Sawrkar Officer liantak pakhat chuan tihian a sawi a, Delhi-ah sawrkar Official thil meeting Thawhtanniah an ko thin a, chumi nang hman tur chuan Pathianniah thlawh thlak a ngai fo a, ngenna siamin kan sakhuana nen a inrem loh thu tha takin ka sawi a, an remtih loh chuan ka kal tawh lo vang tih hialin ka sawi a. Thawhtanah chuan an ko duh ta bik lova, hnampui na na na chu an tha e tih a sawi ka la hrereng mai. Kohhran hoten roreltute hi Pathian ruat an ni tia kan sawi lai leh Pathianni serh tur tia kan inzirtir mek laia Pathian ruatten a thisena a lei leh a din Kohhranho zirtirna kalpel zawnga ke chheh hi chu a fuh ber lo thei. Midang kan tibuai thei: Khawpui leh thingtlang lam hi Pathianni serh chungchangah hian kan inang lo. Khawpuiah pawh serh tak tak awm tho mahse a nawlpui chuan thingtlang lam hi an ti tha zawk ang tih a rinawm. Pathianni serh chungchangah hian Kohhran hrang hrang awmkhawm kan nih avangin kan indem ngawt thei lo. Kan Kohhranah strict taka Pathiannia zinchhuah te, thildang tih te khapna dan a awm lo a ni thei. Tin, thil tha a nih chuan tih a pawi lo tia inzirtirna dang dang pawh a awm a ni thei e. Chumi avang ringawt chuan thiam kan inchan thei lo vang. Kohhran hrang hrang kan nih avangin kan remchanna khan midang a tibuai thei a, a tam ber hi Pathianni serh Kohhran kan nih avangin Pathiannia VIP Reception Programme set tura khawtlang hotu leh Party hruaitute tihbuai ngaia kan dah a nih phei chuan a fuh ber lem lo vang. A khaw mipuite pawhin zah lohnaah an ngai thei a, an rilru kan hliamsak thei bawk
ang. Hei hi a puitling zawkte chuan inenfiah nan hmang ila. (..phekhnungah
chhunzawmna)

Published and Edited for and on behalf of Hyderabad Mizo Association by SPA Mizo

An official weekly newspaper for the Hyderabad Mizo Association Vol.11 Issue-28 Dt. 30th October, 11 (p-2)
EDITORIAL BOARD Editor : Lalmalsawmkima Sailo Jt.Editor: Francis L Khiangte News Editors :Lalhruaitluanga Ralte David L Renthlei (Email : puarak@gmail.com) Phone no : 7702898419 9032831996

HMA HRIATTIRNA: 1) Hyderabad-a mikhual lo zinte a theih chuan Information secretary hnenah hriattir thin nise. Hemi kawngah hian member tin ten kan mawhphurhna a ni tih hriaiin kan hmelhriat lo zinte HMA Information secretary Tv Vanlalnghaka hnenah report zel turin kan inhriat nawntir leh a ni. 2)HMA member-ten membership renewal ti loin kan ngaihthah mai thin a, HMA membership renewal la ti lo ten a rang lama ti turinkan in hriattir a ni e. 3)Membership registration bu la thehlut ve lote pawhin kan Treasurer Nl Vanlalnunpuii hnenah thehlut theuh turin kan in ngen bawk a ni. 4)HMA-in a chhiatni thatni fund atana Rs.100 leh Puarak atana Rs.20 khawn tura kan tih te member ten thahnem ngai taka pe turin kan in ngen a. Mizo tena Hyderabad a harsatna kan tawh hun pawha buaina awm lova HMA lamin hma a lak theihna tur ani tih hriaiin thanemngai takin i thawhkhawm ang u.
(.phek hma ami chhunzawmna)

EDITORIAL
Mizo kan ni kan hmel a tha, kan tum a sang bawk si kan lo ti thina pipute atang tawhin, tunlai thangtharte hian he thu hi kan la nunpui em tih erawh chu kan in enfiah a ngai tawh hle ang.Sawi mai duh tawk lova a taka lantir hi kan tih tur pawimawh tak pakhat a ni.Zir thiamna lamah emaw sports lamah emaw pawh nise mizote min tihmingthatu kan nei nual tawh a, midang tih turah kan dah ringawt dawn nge keimahniin mizo hmel kan tithe ve dawn. HMA member-te hi mizo hmel hnamdang zinga tithatu nge kan nih ve a, mizo hmai tibaltu kan nih le?

Sairawkherh
Nula tihdam theihna ka nei V ania Tv HZ Siama Khawngaih takin Lalthuthaa hi lo vote ve ru, chuan Naga Kitchen-ah ka treat vek ang che u. U Nunu-I (UoH) Tunlai chu rilru leh taksa a dam thei lo. Vicki (SPA)

LAWRKHAWM: ** Zirtawpni, ni 28th Oct khan Chief Minister Lal Thanhawla chuan Piputlanga Dawrpui Multi-purpose Center siam tur lungphum a phum., he hmuna Rs 595665/- senga building siam chu a hawng bawk. ** Ngur khawtlang chuan bike ruk ching nia hriat Thangkhankim (32) S/o Nangkhanpai, Suangsang, Myanmar an man a, ningani khan Champhai Police kutah an hlan. ** Zirtawpni zing dar 7:30 vel khan Vanlaltlana S/o Manglianthuama chu Maubuang leh Thiak inkara geletine hmanga quarry lung halnaah lungin a per vangin a thi. ** H Rotluanga S/o H Nghaka Sihphir Venghlun chu nilaithawhtan chawhmalam khan AH&Vety college bula thlamah thia char a ni a,a thihdanah rinhlelhawm awma hriat a ni. ** YMA General Conference vawi 66-na Kolasib Diakkawna neih taka O.B thlan tharte: President: T Sangkunga V.President: Lalbiakzuala G.Secretary: Vanlalruata Asst.Secretary: RL Rindika Treasurer: R Lalngheta Fin.Secretary: J Lalsailova

V Khabe hmul kan met fai chiah chu sms ka dawng nghal char char mai. James(UoH)
PICTURE OF THE WEEK.

Loh theih loh thil erawh a awmChutih rual erawh chuan harsatna dang dang thleng thei a ni a, damlohna te, thihna te leh harsatna dang dang te pawh a awm ang. Heng hi chu kan sawi theih a ni lo vang. Kan MLA te pawh hian harsatna enge maw tak pawh an nei ve thei tho mai. Chawlhni Lalpa pawhin Chawlhniah thil tha a ti thova, Bible-a Chawlhni a tih tak phei hi chu Sabbath tuna Inrinni hi niin a lang a, keini Kristian te hian a hnung kan zui Isua, thihna hneha a thawhlehna ni hi Chawlhni atan kan hmang a, a dik zawk leh zawk lo tih lam ai chuan kan hmanchhan a pawimawh zawk ang. Western takin Saprama an tihdan kan ti teh fova, chumi chang chawi chuan Pathiannia inkhelh te pawh kan han sawi uaih uaih a, a dikna chen a awm ang. Amaherawhchu, heng hi kan society hian kan la zawh loh lam zawk a ni tih chu a lang a, heng culture, tradition insual karah hian Pathian ruat kan ram hruaitute hi chuan a zai-zap zawnga kan kal a fuh ber fo ang tih a rinawm. (He Article tha tak mai hi dt. 24th August 2011-a Vanglaini chanchinbu atanga lakchhawn a ni- Editor)

Published and Edited for and on behalf of Hyderabad Mizo Association by SPA Mizo