YMA THIAN : VOL. NO. XVII : ISSUE NO.

03

MONTHLY : |AU THLA, 2012

ELECTRIC VENG BRANCH YMA OFFICE BEARERS : 2012

President : Pu Vice Pre. : Pu Secretary : Pu Asst.Secy : Pu Treasurer: Tv. Fin.Secy. : Pu L.H.Lianzama 9863420077 Lalrotluanga 9436157079 Zohmingliana 9436781525 Lalthantluanga 97 Lianchungnunga 9436781997 R.Lalthara 9862042908

Senior Advisers :
Pu Rohmingthanga Ralte 9436391493 Pu Laldangliana Sailo 9436157559 Pu C.Lalremruata 9436370617 Pu F.Zahmingthanga 2325031

HUNAWL HMAN THAT ZOFATE HMASAWNNA NGAIHTUAH KRISTIAN NUNDAN THA NGAIHSAN

RAM LEH HNAM HUMHALH

- Zohmingliana

YMA General Conference vawi 66-na chuan kum 2012 YMA kumpuan at^n Ram leh hnam humhalh a lo thlang chhuak leh ta a. Mizoram leh mizo hnam hi kawng hrang hrangah humhalh kan ngaiin kan him ta lo a ni tih chu kan hre \heuh awm e. Kan ram leh hnam humhalh tur hian YMA member ringawt kan pawimawh lova; mizo tupawh, a lian a te-in kan pawimawh vek a ni tih kan hriat a, kan theih ang ang leh phak ang tawk tawka kan \an tlan a ngai tak meuh ta a ni. Kan ram leh hnam humhalh tur hian engtinnge \an kan lak ang tih leh eng laka humhalh tur nge kan nih tih hi sawi dawn chuan sawi tur a tam thei hle ang. Tun \umah hian a tlangpui chauh i han tarlang dawn teh ang. 1. RUIHHLO : Sawi tam a ngailo. MImal nun tichhia a, chhungkua leh khawtlang tirum a, tibuaitu chu zu leh ruihhlo chi hrang hrangte hi an ni tih chu phat rual a ni lo. Tualthahna, rukrukna leh tlakranna thlentu zu leh ruihhlo lakah hian kan ram leh hnam hi kan chhan a, kan humhalh a tul takzet a ni. Nu leh pate thut mai mai a hun ta lo. Kohhran lam pawh kut kuangkuaha that mai mai a hun hek lo. Kan zavaia kan tanrual a ngai. 2. EIRUKNA : Tun dinhmuna mizo hnam min eichhetu lian ber pakhat chu eirukna(corruption) hi a ni. Kan thawhhlawh ni lo leh kan thawhchhuah pawh ni lo, neih leh lak kan tum tlat thin hi a pawi a ni. Sawrkar hnathawk leh politician ringawtte hi eirutu an ni lo. Mizo mipui nawlpui pawh hian kan eiru ve tho. A dik tak chuan Pastor leh Kohhran Upa pawh pawh kan bang chuang lo. Mahni thawhchhuah phu lova in leh lo, in chhungkhur bungraw nei \ha, kristian ram dang hi awm ve maw..Han sawi nikhua chuan mizo mipui, eirukna haw lo, eiruk pawisa chuang bawk si lo hi kan tam awm asin. A vawtu hian >k kan cheh vek lawi si. Hawh u, duhamna leh mahni thawhchhuah theih bak hi chu neih i tum lo ang u hmiang. Kan ram leh hnam hi eiruknan(corruption) lakah humhalh a ngai ngawih ngawih anih hi. Rilru dik, rinawmna leh huaisennaa inthuamin \an i la thar teh ang u. 3. INTODELH : Ziaktu pakhat chuan vai pawisain vai thil kan lei a ti a, a dik hle. Mizoram, kristian ram hi Central sawrkar chawmhlawmin kan awm kumkhua mai dawn em ni le ? Mizo late b^n an nih a\anga tun dinhmun ngaihtuah chuan Indian National Income-ah hian thawh(contribution) Mizoram hian nei ve awm tak chu kan ni tawh. Mahse, chutih ahnekin Delhi drip kan la ring chu a ni si a. Mizoram Budget Session apiangin kan State leiba pun thu kan ngaithla a, engtikah tak Surplus Budget kan neih thute hi ngaithla ang imaw ? Mizo hnam hi khawvel ke pen ruala ke pen thin tur leh kan
3-na Phek 3-na

nihna(identity) hi khawvel mithmuha tarlang tur chuan Hnam intodelh kan nih a ngai a ni. Sawrkar leh mipuite hian tihtur kan va ngah tak em...!! 4. MIZO HNAM NUNMAWI : Pi leh pute min rochun kan hnam nunmawi heng Tlawmngaihna, Dikna, Rinawmna, Huaisenna leh Aia upa zahna, kan kristian nun nena inremthlapte hi mizo hnam nunah an chuai sawt ta hle mai. Hnam rethei leh hnam hnuaihnung tak ni mah ila heng kan hnam nuna thil hlu tak tak avang hian mizo nih a nuam a, mizo khawtlang nun hi a mawi thin asin. Engvangin heng kan hnam nun mawite hian kan nunah hmun a chan tak loh ni ang le ? Tunlai khawvel hmasawnna leh khawl lam thiamnain min chim tak vang nge ? Duhamna, dawngdahna leh thatchhiatna-in kan nunah ro a rel vang zawk ? Kan hnam nuna thil hlu tak tak chawinung reng chung hian hma kan sawn thei a, khawvel ke pen rualin ke kan pen thei a ni tih hi thangtharte hian i hre teh ang u. Kan puanven sawi chhingin Tlawmngaihna, Dikna, Rinawmna leh Aia upa zahna te hi i chawi vul leh teh ang u. 5. THING LEH MAU, NUNGCHA HUMHALH : Internet khawvela cheng ve tawh siin kan Lo neih dan (shifting cultivation) kan la thlak thei tlat lo mai hi chu a va luhaithlak tak em! Kum tina thing leh mau, leilung leh boruak kan hal chhiatte hi eng ang taka hlu ni ang maw ? Loh theih lohna avanga thingtlang ..(cont on page 4..)
YMA THIAN

Ram leh hnam humhalhna kawng tha ber pakhat chu zonunmawi lanchhuahtir hi a ni