Вы находитесь на странице: 1из 4

Synfocity = 391

mail us at : mzsynfo@gmail.com; mizoramsynod@gmail.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

24th May, 2012

SMB Missionary Retreat for North East Region a tiak ta Synod Mission Board-in May 17-20 chhunga North East Region huam chhunga Missionary-te puala intuaitharna (Retreat) a buatsaih chu Pathianni (May 20) zan khan a tiak ta. Tun tum Retreat hi Bethlehem Kohhran Biak Inah neih a ni a, retreat-ah hian thupui Hma i sawn zel ang u (Phil. 3:16) tih chu speaker Rev. Vanlalzuata, Senior Executive Secretary-in tum 3 a sawi a, zing karah Bialtu Pastor, Rev. R. Lalbiaknian zawlnei Habakuka lehkhabu atangin character study a neihpui thin bawk. Retreat-ah hian Retreat danga la tih ngai loh, inkhawm dawn apiangin North East huam chhunga Mission Field hrang 6-te tan tawngtairualna hun hman thin a ni a. Thupui zirho leh sawihona hun te, Ramthar Board Executive Committee (BEC) member-te nena inkawmhona leh zawhna leh chhanna hun te hman a ni. Pathianni (May 20) chawhnuah Rev. Lalzuithanga, Executive Secretary-in Lalpa Zanriah Sakramen a theh chu kilho a ni a, Pathianni (May 20) zanah Synod Mission Board Secretary, Rev. Lalchhuanmawian Pathian thuchah sawiin, Missionary leh an kawppuiten Pathian rawngbawl turin inhlantharna hun an hmang bawk. Retreat neih chhung hian Bial zaipawl 5 (Bethlehem, Vaivakawn, Ramhlun, Armed Veng & Bawngkawn), Bethlehem Kohhran Zaipawl, Tv. Zosangzuala Chhangte, Maubawk leh Nl. Nancy Zothanmawii, Mission Veng ten Pathian fakna hla an sa bawk. Missionary Retreat thleng tur hian Bethlehem Kohhran nasa takin an inbuatsaih a. Sub-Committee hrang hrang 7 vel siamin, heng Sub-Committee-te hian theihtawp chhuahin hma an la a, an fakawm hle. Bethlehem Kohhran hian Inrinni tlaiah Retreat-a tel zawng zawngte tan ruai theh a ni. Synod Mission Board hnuaiah hian North East Region-ah Mission Field 6 (Arunachal East, Arunachal West, Assam, Barak Area, Karbi Anglong leh Tripura) a awm a. Missionary leh an kawppui in report zat hi 620 an ni. Retreat-ah hian Synod Mission Board hnuaia Missionary leh an kawppuite bakah North East huam chhunga - Field Worker Mizo te, Partnership hnuaia Mizo Missionary te, Tent-maker Missionary te leh Kohhran leh mimal chawm Mizo Missionary te an lo tel a ni. Synod Mission Board chuan Missionary Retreat hi kum 3 dan zelah buatsaihin, 2008 thleng khan Region-a inthen lovin a huhovin hman thin a ni a. Kum 2011 khan Missionary Retreat hi Region-a thenin, tum 3 hman a ni a; kumin (2012) atang hian kum khatah Region pakhat zelin Missionary Retreat hi hman turin ruahman a ni. Synod Revival Speakers Seminar May 18 khan Synod Revival Department chuan Pi Zaii Hall, Synod Conference Centre-ah Synod Revival Speakers Seminar a buatsaih a, seminar-ah hian Synod Revival Team Speaker-te leh team member pathum theuhte nen mi 270 zet an tel thei a ni. Seminar programme hi hun hnihah then a ni a, chawhmaah Synod Moderator Rev. Thangzauvan programme a kaihruai a, Synod Revival Director Rev. R. Lalchanglianan hriat tur tulte a puan zawhah Thupui zirho a ni a, Rev. H. Lalchhanhima hovin Ram chu Lalpa ta a ni (Then I-na) zirho a ni a, zawhna leh sawihona hun hman a ni bawk. Chawhnu lamah Rev. R. Lalchangliana, Synod Revival Director-in hun a kaihruai a, Pastor Lalrinmawia, i/c Maubawkin Ram chu Lalpa ta a ni (Then II-na) tih thupui a sawi a, zawhna leh sawihona hun hman a ni bawk. Pentikos Ni May 26 (Pathianni) hi Pentikos Ni a ni. Pentikos tih awmzia hi Sawmngana tihna a ni. Thuthlung Hlui-ah chuan Kalhlen Kut tiak ni atanga ni sawmnganaah an hmang thin.Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni ta a ni. Presbyterian Kohhran chuan Pentikos ni hi Assembly puala tawngtai rual hun atan a hmang thin. India Hmarchhaka Presbyterian Inkhawmpui (Assembly) vawi 20-na, April 28 -30, 1972a Churachanpur-a neih tumin hetiang hian rel a ni:Pentikos Ni hi Chanchin Tha hrilna (Evangelism) atana Tawngtai Ni-ah kum tin hman a ni ang a. Hemi nia thilpek lakkhawm Kohhran zawng zawngin he mi atan hian an dah hrang ang a, thilpek la khawm thei lo an awm erawh chuan tawngtaina tal an hmang tho ang. ( Assembly Thurel No. 3, April 28, 1972 ). Kumin Pentikos Ni-a Inkhawm dan tur hetiang hian ruahman a ni: Chawhma Inkhawm Thupui : Thlarau Thianghlim - Isua Krista chawimawitu Chhiar tr : Johana 16:12 - 15; Tirhkohte 2:1 - 4, 32 - 41 Chawhnu Inkhawm Thupui : Thlarau Thianghlim - Ringtute thlamuantu Chhiar tr : Johana 14:27 - 29; 20:19 - 23 Zan Inkhawm Thupui : Thlarau thilpek Chhiar tr : I Korinth 12:1 - 11 Zan Inkhawmah hian PCI General Assembly puala thawhlawm khawn a ni ang a, Bial Treasurer kaltlangin Synod Office-ah theh luh tur a ni. PCI General Assembly Headquarters:Shillong atangin thuchah chhiar chhuah tur leh tawngtaina thupui tur duan a ni a, thuchah hi phek 4-naah tarlan a ni a, tawngtaina thupui turte I Lawmthu sawina : 1) PCI General Assembly leh Synod-te ramthar rawngbawlna avanga lawmthu sawina 2) Ramthara Missionary-te leh an rawngbawlna avanga lawmthu sawina 3) Kohhran leh Ramthar Field-a ringthar kan neih belh zel avangin. 4) Assam phaiah te, Tripura, Arunachal Pradesh leh Central India hmun tam taka Mission Centre thar a pun zel avangin. II Tawngtai sak tur : 1) Council For World Mission (CWM) hnuaia kan Missionary-te tan 2) Mission hna thawktu : - Halflong-a Dimasa-ho zinga thawktute - Manipur-a Mangjing leh Sekmai field-a thawktute

www.mizoramsynod.org

Contd,..

Synod Information & Publicity Department, Synod Office (Third Floor), Mission Veng, Aizawl

3) 4) 5) 6) 1 1

- Ri Bhoi Synod hnuaia Amjong leh Marngar-a thawktute - KJP Synod Mihngi huam chhunga Barwai-a thawktute - Biateram Synod huam chhung Molairam-a Nepali leh Karbi zinga thawtute Synod ten India leh Ram pawna missionary an tirh chhuahte tan Administrative Secretary pathumte leh an chhungkua theuhte tan - Rev S.S. Majaw, Rev David T.Lhouvum & Rev. V.L. Luaia Hranleh General Assembly Office-a thawktu dang mi 9-te tan PCI General Assembly hnuaia Synod-te thawhhona leh inpumkhatna tha zawk a lo awm zel theih nan

Whit Monday May 28 (Thawhtanni) hi Whit Monday a ni a, Synod Office leh Synod Department hrang hrangte an chawl ang. Kohhran Hmeichhia May 26 & 27 hian Saitual Kohhranah Leadership Training & Kristian Chhungkaw Campaign neih a ni dawn a, hemi neihpui tur hian Rev. Lalzuithanga, Executive Secretary leh Pi Lalrinkimi, Kohhran Hmeichhe Coordinator-te an kal. Synod Bookroom May 28 (Thawhtanni) zan hian Aizawl Venglai Biak Inah Aizawl Venglai Branch KTP leh Synod Bookroom-ten Literature Campaign an hmang dawn a, Pu Lalniliana, Synod Bookroom Manager-in thuchah a sawi ang a, Tv. Lalzarmawia, Sales Promoter-in slideshow a present ang a, Nl. Zoremmawii, Chawnpui a zai bawk ang. Synod Bookroom hian dan pangngaiin inkhawm banah an lehkhabu neihte an phochhuak leh ang a, man tlawm zawkin lei theih a ni ang. Music May 29 & 31 zan hian Dinthar Vengthlang Kohhranah Solfa Training neih a ni dawn a, training neihpui tur hian Pu Lalromawia, Synod Music Instructor a kal ang. MSSU w May 26 (Inrinni) hian Sihphir Kohhranah Sunday School Zirtirtu Training neih a ni dawn a, training neihpui tur hian Upa K. Vanlalnghaka, Ramhlun East (MSSU Trainer) leh Pu Lalthahluna Ralte, MSSU Asst. Coordinator te an kal ang. Zan inkhawmah Upa K. Vanlalnghakan Fanau enkawl chungchang (child evangelism) thuchah a sawi ang. w May 26 (Inrinni) hian Selesih Kohhranah Sunday School Zirtirtu Training neih a ni dawn a, training neihpui tur hian Rev. V.L. Krawschhuanmawia, Synod Office leh Upa B. Lalhmunliana, Bethlehem Venglai (MSSU Trainer) te an kal ang. Zan inkhawmah Upa B. Lalhmunlianan Fanau enkawl chungchang (child evangelism) thuchah a sawi ang. Synod Lay Workers Fellowship Day Mizoram Presbyterian Kohhran Synod hnuaia ordained Minister ni lo zawng zawng, thawk lai mek leh pensioner-te inthlunzawmna Synod Lay Workers Fellowship (SLWF) chuan Synod Lay Workers Fellowship General Annual Meeting (Lay Day) vawi 38-na chu naktuk (May 25) hian P.C. Girls School-ah hman a ni dawn a, Synod Office leh P.C. Girls School-in an thleng dawn a ni. Hemi ni hian Synod Office leh Synod hnuaia Department hrang hrang, Presbyterian Hospital tih loh chu dawr theih an ni dawn lo a ni. Lay Day programme hi hun 3 - Hun Urhsun, Hun Zangkhai leh Hun Hlimawm em em-ah thenin hlawk tak leh hlimawm taka hman an tum. Tlaiah ruai theh nghal a ni ang. (Programme kimchang phek 3-ah tarlan a ni) Social Front w May 23 - 26 chhung hian Silchar leh Cachar Kahrawt-ah Intodelh Seminar leh thlai thar hralh enfiah turin Dr. Robert S. Halliday, Social Front Coordinator, Upa Prof. Lalnundanga, Environment Cell Member leh Dr. Saithantluanga, Eco. Cell Member te an kal. w May 23 - 26 chhung hian Manikbond leh Zaite-ah Intodelh Seminar nei turin Pu John Lalhruaitluanga, Social Front Asst. Coordinator, Upa Lalthanpuia, Campaigner leh Upa Lalchawia, Campaigner te an kal. Synod Choir Member thar hlanna Naktuk (May 25) tlai dar 5:00 hian kum 2012 - 2014 chhunga Synod Choir member tharte hlanna inkhawm, Pi Zaii Hall, Synod Conference Centre, Mission Vengah neih a ni dawn a, Rev. Lalrinmawia, CKTP Leader-in inkhawm a kaihruai ang a, Upa Lalrinmuana, CKTP Gen. Secretary-in Inhmelhriattirna a nei ang a, Rev. Zosangliana Colney, Executive Secretary i/c KTP-in Fuihna Thuchah sawiin Pathian hnena hlanna hun a hmang ang. Zanriah kilho nghal a ni ang. Hruaina Eng FM Radio & TV Programme w MAY 25 (FM Radio @ 7:30 p.m.) : Choir : E. Phaileng Bial Zaipawl - Han Thlir Teh U Romei Zam Karah Khian, Bawngkawn Bial Zaipawl - Ka tawrh hi Lalpan a phal, Thuchah : Dr Sanghluna - Mizo thalaite leh ruitheih thil, Solo : Nancy - Duhthlanna sang ber, Venghlui Bial Zaipawl - Ngai rawh I kaah, Group : ATC Male Voice - Suala ka bo tawh hnu w MAY 27 (TV Programme @ 3:00 p.m. : Choir : Mizoram Synod Choir - Min kalsan ngai lo, Pentikos Sermon : Rev. Sairengpuia - Thlarau Thianghlim hlutna leh pawimawhna, Missionary Retreat for NE Region, Zirtawp Zan Inkhawm

Susamachar Prasaran Programme May 27 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Electric Bial Masihi Sangati Zaipawl, Group/Choir/Solo : Republic Veng Masihi Sangati - Chalo mere sath, Sermon : Rev B Zobiaktluanga - Atma Ki Aguwai (Pentikos Sermon), Group/Choir/Solo : Ramhlun North Masihi Sangati, Group/ Choir/Solo : Zarkawt Masihi Sangati Moderator Programme Synod Moderator Rev. Thangzauva chuan tun kar tawpah heng Kohhanah hian hun a hmang ang : w May 26 (Inrinni) Zan - Chawngtlai Kohhran w May 27 (Pathianni) Chawhma - Tualte Kohhran w May 27 (Pathianni) Chawhnu - Chawngtlai Kohhran w May 27 (Pathianni) Zan - Chawngtlai Phaiveng Kohhran

Contd,..

Synod Paper dawrah inneih/lungphun sawmna atana hman chi paper - rawng chi hrang hrang leh design hrang hrang a thleng thar e.
mail us at : mzsynfo@gmail.com; mizoramsynod@gmail.com - Phone - 2314648

Synfocity =
THLENG THAR
A hmun A hun Thupui : : :

Synod Information & Publicity Department, Synod Office (Third Floor), Mission Veng, Aizawl Synod Information & Publicity Department, Synod Office (Third Floor), Mission Veng, Aizawl

General Manager PRESCOM

MIZORAM PRESBYTERIAN CHURCH SYNOD

LAY DAY 2012 PROGRAMME

P.C. Girls' School May 25, 2012 (Zirtawpni) 'Simna' (Matthaia 3:2)

I. HUN URHSUN (10:30 a.m. 12:15 p.m.) 1. 2. 3. 4. 5. 6. 7. 8. 9. 10. 11. 12. 13. Hruaitu : Tantu : Report & Inchhiar : Sum Report : Member thite snna : Lay Day Address (15 mins) : Zaipawl : Thupui : Sawitu : Inkaihhruaina Bu tlangzarh : Chawimawina hlan : Hlantu : Banna : Upa F. Lalremthanga, Synod Office Pi Ramfangzauvi, Synod Hospital T. Upa P.C. Vanlalrova, Secretary, SLWF Pu Lalremmawia, Treasurer, SLWF Rev. Thangzauva, Moderator, Mizoram Synod PRESCOM 'Simna' (Matthaia 3:2) Upa Dr. H. Lallungmuana, Salem Veng Upa H. Lalnuntluanga, Chairman, SLWF Upa Dr. L. Ringluaia, Vice Chairman, SLWF Chairman kutah

CHHUN CHAWLH (12:15 p.m. 1:00 p.m.) II. HUN ZANGKHAI (1:00 p.m. 3:00 p.m.) Hunserh Announcers : : Pi Lalropuii, Headmistress, P.C. Girls' School Upa Lalthakhuma, PRESCOM Pi Laldawnkimi, Hmangaihna In

Department Inkawp turte I . Synod Hospital & MTC I I . Rescue Home, P.C. Girls' School & SMTC I I I . Synod Office & Masihi Sangati Kendra I V. SHSS & ATC V. PRESCOM, Pensioner & Hmangaihna In Items 1. Mitsiaia pawisa pen (Mipa3, Hmeichhia2) 2. Potato Race (Mi 5 theuh) 3. Tui inhlan (Mi 10 theuh) 4. Baloon Race (Mi 2 theuh) 5. Comedian Search : : : : : Incharge Upa R. Rualkhuma, Pensioner Pu Lalthangliana, Pensioner Pu R. Lalnuntluanga, MTC Nl. Elizabeth C. Lalrinfeli, SHSS Upa Hmingthansanga, SHSS Pu Sairengpuia Sailo, Synod Hospital Nl. Lalduhawmi, P.C. Girls' School Pu K. Siamchhunga, Rescue Home Nl. Lalrinpuii, ATC Pu Rozama Chawngthu, Principal, SHSS Pu Lalromawia, Synod Office

Participants i) Upa Dr. R. Lianzama, Pensioner ii) Dr. C. Biakmawia, Pensioner iii) Upa K. Roseia, Pensioner iv) Pu R.K. Ramherliana, MTC v ) Pi P.C. Lalawmpuii, Synod Hospital vi) Nl. Sainghingi, P.C. Girls' School

III. HUN HLIMAWM EM EM (3:00 p.m.)


Contd,..

Synod Information & Publicity Department, Synod Office (Third Floor), Mission Veng, Aizawl

PCI GENERAL ASSEMBLY THUCHAH : I PUAN IN HMUN TE CHU ZAUH RAWH (Isaia 54:2)
A. Thuhma Deuteronomy atanga Isaia thleng hi Israel-te thlamuanna thu bu tiin an sawi bawk thin. Kan chang thlan hi inzar pharh zau tura Israel-te hriattirna a ni. Saltan hun a tawp dawn a, din thar an ni dawn a ni. Heta tang hian tunlai kohhranten puan in zauh leh ringtu tihchak tharna kan mamawhna te kan thlir dawn a ni. 1. Puan in zauh Heta puan in a tih hi Israel-te leh an chenna hmun te a ni a. Puan in zauh tura a tih hian Gentail-te leng ve tura inhawng zau tura a tihna a ni a. Israel-te hian Pathian hnam thlan an nih an inhria a, hnam dang tan engmah awm ve lova ngaihna an nei nghet a, Pathian thahnemngaihna lam hawiin hma an la lo a ni. Tichuan Isaia hmangin Pathianin an mawhphurhna a rawn hriattir a, an la pun nasat dawn avangin inpharh zau turin a rawn hriattir a ni. Thuthlung Tharah hian Kohhranho chu rilru zim leh thlir tawi ni lo turin min duh a, inzar pharh turin min duh a ni. Jerusalem-a tawm khawm ringawt lo va, Judai ram leh Samari ramah te inpharh zau va, khawvel tawp thlenga a thuhretu ni turin a duh a. He thupek hi Isua zirtirte khan an tha tlin tawkin an rawn thawk a, an zin nasa a, Juda hnam hnenah hril hmasa mahse Juda-hovin Chanchin Tha an hnawl tak avang khan Jentailte hnenah an kal ta zel a, puan in an zauh nasa hle a ni. Hetiang hian Paula leh zirtir dangte khan Chanchin Tha puan in chu an lo zauh a ni. 2. Inren suh Puan in zauh tura insenso hian lawmman a nei a. Chu chu hriattirin Pathianin Israel-te chu inren lova insengso turin a hrilh a ni. Ringtu hmasate khan thilpek nun an lantir nasa a. Paula pawh kha mihring lam tehna atanga a thil hlu zawng zawng kalsanin Pathian tan a inhmang ral ta vek a ni. Chanchin Tha atan hian kohhran leh mimal tin hi eng angin nge kan insenso ve le? 3. Khenna tihngheh Puan in chu a zau va a len poh leh a hruai leh a thlunna khente chu an nghah lehzual a ngai a. Ramthar lama zar kan zauh mek lai hian a pawt nghettu ram chhunga ringtu kohhranho hi tihngheh deuh deuh kan mamawh a ni. B. Kohhran hna pawimawh ber puan in zauh Isua hna ngaihpawimawh a nih hriain Welsh Presbyterian Kohhran chuan kum za chuang zet liamtaah khan India Hmarchhak thlengin Chanchin Tha puan in an rawn zauh chho va; Khasi Hills leh Lushai Hills-ahte kohhran a lo ding ta a ni. Mizo kristian hmasate kha ringtu siam leh kohhran phun hnaah an tangkai hle. Mizoram Synod chuan tunah hian India leh Nepal ram chhungah missionary 2000 chuang a tir chhuak mek a, tuipuiral ram USA, Wales, Taiwan, China, Samoa, American Samoa, Solomon's Islan, Kiribati leh Cambodiaahte hian missionary 50 zet a tir chhuak mek bawk a ni. Isuan a zirtirte a kalsan dawn khan khawvel zawng zawnga Chanchin Tha hi lo hril turin a chah a. Chu hna thawk tura ringtute pui turin Pentecost niah khan Thlarau Thianghlim a lo thleng ta a. Tichuan kristian-te chu an chhuak darh a, kohhran an phun a, ringtu an siam zel a. 1) Chanchin Tha hril kan dah lian em? India Hmarchhakah hian a bik takin Presbyterian Kohhran hian Chanchin Tha hril hi a ngaipawimawh hle a. PCI General Assembly hnathawh pum pui kan thlir chuan Chanchin Tha hril hi a laipuiah a hmang tih kan hmu ang a. Kan inrelbawlna leh kan sum leh pai hmanna tur ruahman tam ber pawh he lam kawng hi a ni. Chutih lai chuan a taka thawhna kawngah kan thahnem tawk lo niin a hmuh theih a. Tuna PCI pum puia kan chet velnate hi ngun takin en ila, Chanchin Tha hril hna kan dah lian em le? PCI hnuaia Synod-ho zingah hian he lam kawngah hi chuan Mizoram Synod hi entawn tur an niin a lang. Anni anga missionary tir chhuak tam an awm lo va, India ram leh a pawn lamahte an tir chhuak nasa hle a ni. Heti chung hian Mizoram Synod meuh pawh hian a budget pum pui atanga za zela 30 chauh Chanchin Tha hrilna atan hian a hmang a ni. Khawtlang nun siamthatna lamah te nasa takin thawk mah ila, kan Lalpa chuan Chanchin Tha hril hna hi a ngai pawimawh ber a ni tih i hre thar leh ang u. 2) Rinnaa kal Chanchin Tha hril tura thupek ropui tak hlen chhuak tur hian rinnaa kal kan mamawh a ni. Mosia hnenah khan a rah chin apiang a ram ni tura tiam a ni a. Kohhran tam ber chuan kan kuta sum kan neihsa enin mission project kan siam thin niin a lang. Chanchin Tha hril hna tulna a zual zel a, Krista mamawhtu an pun zel lai hian kan mite zingah pawh hian Kohhran ke pen ngamna chin duhkhawp lo an pung mek niin a lang a, a chhan chu ParaChurch organization lamah kan che nasa tual tual tlat a ni. Tunah chuan Synod tin hian rinnain kan Lalpa thahnemngaihna hlen chhuahpui tura ke pen ngam kan mamawh a ni. 3) Thlarau Thianghlima harhna hi Chanchin Tha hril nan a ni Tho leh Isua khan a zirtirte hnenah Thlarau Thianghlim a lo thlen hunah Jerusalem-ah te, Judai ram leh Samari ram zawng zawngah a thuhretute an la nih tur thu a hrilh a (TT 1:8). India rama Kristian awm tan tirh atangin Presbyterian kohhran hian Thlarau Thianghlim tihharhna kan chang nasa em em reng a. He harhna avang hian Kristianna pawh a darh chak hle a ni. Chutiang harhna chu Meghalaya leh Mizoram te hi a chang nasa te kan ni. Pathianin Presbyterian Kohhran hi India rama Chanchin Tha hriltu ni turin a buatsaih a, chumi avang chuan harhna pawh a chantir thin a ni. Thlarau Thianghlima harhna kan chan hi kan Lalpa thupek Chanchin Tha hril hna kan hlen theihna tura Pathianin min buatsaihna a ni tih i hre thar leh ang u. C. TLANGKAWMNA Pathianin a Kohhran hi khawvelah mite tana eng leh malsawmna ni turin a dah a. Chuvangin a tih tur pawimawh ber chu khawvel hnena Isua Krista Chanchin hriattir a ni. Chu hna chu kan ngaihpawimawh ber a nih phawt chuan Pathianin min tihchak zual zel a duh ngei ang. Chu hna atan chuan Thlarau Thianghlim pekin kan awm thin a. Chu chuan min tih chak a, puan in zauh tura ke kan pen theihna tura min buatsaih a tum a ni. Chutiang ti tur leh Isua zuitu rinawm tak ni turin Pathianin min pui theuh rawh se. Amen.
Mail us at : mzsynfo@gmail.com, mizoramsynod@gmail.com

Synod Social Front Helpline: 9089777129; 9856883377


Synod Information & Publicity Phone - 2314648

Synfo