(глⷡ҇а з҃і) Послѣ́дованїе ме́ртвенное мїрски́хъ тѣ́лъ -

26/06/2023, 13:50 [глⷡ҇а з҃і] Послѣ́дованїе ме́ ртвенное мїрски́ хъ тѣ́лъ.
<< Previous Contents Next >>
[глⷡ҇а з҃і] Послѣ́дованїе ме́ртвенное мїрски́хъ тѣ́лъ.
Сконча́вшꙋсѧ комꙋ̀ ѿ правосла́вныхъ, а҆́бїе призыва́ютъ срѡ́дницы

є҆гѡ̀ сщ҃ е́нника, и҆́же прише́дъ въ до́мъ, въ не́мже мо́щи ᲂу҆со́пшагѡ
лежа́тъ, и҆ возложи́въ є҆пїтрахи́ль, и҆ вложи́въ ѳѷмїа́мъ въ
кади́льницꙋ, кади́тъ тѣ́ло ме́ртвагѡ, и҆ предстоѧ́щихъ, и҆ начина́етъ
ѻ҆ бы́чнѡ:
Бл҃гослове́нъ бг҃ъ на́шъ:
И҆ начина́ютъ сопредстоѧ́щїи: Ст҃ы́й бж҃е: Прест҃а́ѧ трⷪ҇це: Ѻ҆́ ч҃е на́шъ:

Ꙗ҆́ кѡ твоѐ є҆́сть црⷭ҇тво:
И҆ а҆́бїе пою́тъ тропарѝ сїѧ̑. Гла́съ д҃:
Со дꙋ́хи првⷣныхъ сконча́вшихсѧ, дꙋ́шꙋ раба̀ твоегѡ̀ сп҃се ᲂу҆поко́й,

сохранѧ́ѧ ю҆̀ во бл҃же́нной жи́зни, ꙗ҆́же ᲂу҆ тебѐ чл҃вѣколю́бче.
Въ поко́ищи твое́мъ гдⷭ҇и, и҆дѣ́же всѝ ст҃і́и твоѝ ᲂу҆покоева́ютсѧ,

ᲂу҆поко́й и҆ дꙋ́шꙋ раба̀ твоегѡ̀ , ꙗ҆́кѡ є҆ди́нъ є҆сѝ чл҃вѣколю́бецъ.
Сла́ва: Ты̀ є҆сѝ бг҃ъ соше́дый во а҆́дъ, и҆ ᲂу҆́зы ѡ҆ кова́нныхъ

разрѣши́вый, са́мъ и҆ дꙋ́шꙋ раба̀ твоегѡ̀ ᲂу҆поко́й.
И҆ ны́нѣ: Є҆ди́на чⷭ҇таѧ и҆ непоро́чнаѧ дв҃о, бг҃а без̾ сѣ́мене ро́ждшаѧ,

молѝ сп҃сти́сѧ дꙋшѝ є҆гѡ̀ .
https://www.ponomar.net/maktabah/Trebnik1906/08otp_mir.html 1/29
Дїа́конъ глаго́летъ:
Поми́лꙋй на́съ бж҃е, по вели́цѣй млⷭ҇ти твое́й, мо́лимъ ти сѧ,

ᲂу҆слы́ши и҆ поми́лꙋй.
Гдⷭ҇и поми́лꙋй, три́жды.
Є҆щѐ мо́лимсѧ ѡ҆ ᲂу҆покое́нїи дꙋшѝ ᲂу҆со́пшагѡ раба̀ бж҃їѧ, и҆́мⷬ҇ къ, и҆ ѡ҆

є҆́же прости́тисѧ є҆мꙋ̀ всѧ́комꙋ прегрѣше́нїю, во́льномꙋ же и҆
нево́льномꙋ.
Ꙗ҆́ кѡ да гдⷭ҇ь бг҃ъ ᲂу҆чини́тъ дꙋ́шꙋ є҆гѡ̀ , и҆дѣ́же првⷣнїи ᲂу҆покоѧ́ютсѧ.
Млⷭ҇ти бж҃їѧ, црⷭ҇тва нбⷭ҇нагѡ и҆ ѡ҆ ставле́нїѧ грѣхѡ́въ є҆гѡ̀ , ᲂу҆ хрⷭ҇та̀

безсме́ртнагѡ цр҃ѧ̀ и҆ бг҃а на́шегѡ про́симъ.
Пода́й гдⷭ҇и.
Дїа́конъ: Гдⷭ҇ꙋ помо́лимсѧ:
Гдⷭ҇и поми́лꙋй.
Сщ҃ е́нникъ глаго́летъ мл҃твꙋ сїю̀:
Бж҃е дꙋхѡ́въ, и҆ всѧ́кїѧ пло́ти, сме́рть попра́вый и҆ дїа́вола

ᲂу҆праздни́вый, и҆ живо́тъ мі́рꙋ твоемꙋ̀ дарова́вый: са́мъ гдⷭ҇и, ᲂу҆поко́й
дꙋ́шꙋ ᲂу҆со́пшагѡ раба̀ твоегѡ̀ , и҆́мⷬ҇ къ, въ мѣ́стѣ свѣ́тлѣ, въ мѣ́стѣ

ѕла́чнѣ, въ мѣ́стѣ поко́йнѣ: ѿню́дꙋже ѿбѣжѐ болѣ́знь, печа́ль и҆
воздыха́нїе. всѧ́кое согрѣше́нїе, содѣ́ѧнное и҆́мъ сло́вомъ, и҆лѝ
дѣ́ломъ, и҆лѝ помышле́нїемъ, ꙗ҆́кѡ бл҃гі́й чл҃вѣколю́бецъ бг҃ъ простѝ,
ꙗ҆́кѡ нѣ́сть человѣ́къ, и҆́же жи́въ бꙋ́детъ, и҆ не согрѣши́тъ: ты́ бо
є҆ди́нъ кромѣ̀ грѣха̀, пра́вда твоѧ̀ пра́вда во вѣ́ки, и҆ сло́во твоѐ
и҆́стина.
Возгла́съ: Ꙗ҆́ кѡ ты̀ є҆сѝ воскрⷭ҇нїе и҆ живо́тъ, и҆ поко́й ᲂу҆со́пшагѡ раба̀

твоегѡ̀ , и҆́мⷬ҇ къ, хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со
безнача́льнымъ твои́мъ ѻ҆ ц҃е́мъ, и҆ съ прест҃ы́мъ, и҆ бл҃ги́мъ, и҆
животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки
вѣкѡ́въ, а҆ми́нь.
Дїа́конъ: Премꙋ́дрость.
Ли́къ: Чтⷭ҇нѣ́йшꙋю херꙋві̑мъ: И҆ про́чее.
И҆ а҆́бїе быва́етъ ѿ сщ҃ е́нника сицевы́й ѿпꙋ́стъ:
Живы́ми и҆ ме́ртвыми ѡ҆ блада́ѧй хрⷭ҇то́съ и҆́стинный бг҃ъ на́шъ,

мл҃твами пречⷭ҇тыѧ своеѧ̀ мт҃ре, прпⷣбныхъ и҆ бг҃оно́сныхъ ѻ҆ тє́цъ
на́шихъ, и҆ всѣ́хъ ст҃ы́хъ свои́хъ, дꙋ́шꙋ ѿ на́съ преста́вльшагѡсѧ раба̀
своегѡ̀ и҆́мⷬ҇ къ, въ селе́нїихъ ст҃ы́хъ всели́тъ, и҆ съ првⷣными причте́тъ,
и҆ на́съ поми́лꙋетъ, ꙗ҆́кѡ бл҃гъ и҆ чл҃вѣколю́бецъ.
И҆ а҆́ще ᲂу҆́бѡ готѡ́ва сꙋ́ть всѧ̑, ꙗ҆̀ же ко и҆схо́дꙋ, твори́тъ па́ки

сщ҃ е́нникъ нача́ло: Бл҃гослове́нъ бг҃ъ на́шъ.
И҆ начина́емъ пѣ́ти: Ст҃ы́й бж҃е: со стра́хомъ, и҆ всѧ́кимъ

ᲂу҆миле́нїемъ. И҆ взе́мше мо́щи ᲂу҆со́пшагѡ, ѿхо́димъ въ хра́мъ,
пред̾идꙋ́щымъ сщ҃ е́нникѡмъ со свѣща́ми, дїа́конꙋ съ кади́льницею.
Є҆гда́ же прїи́дꙋтъ въ хра́мъ, мо́щи ᲂу҆́бѡ полага́ютсѧ въ па́перти,
[и҆лѝ въ хра́мѣ, ꙗ҆́коже здѣ̀ въ вели́цѣй рѡссі́и ѡ҆ бы́че.]
И҆ начина́ютъ:
Живы́й въ по́мощи вы́шнѧгѡ:
И҆ посе́мъ вы́шшимъ гла́сомъ пою́тъ:
Бл҃гослове́нъ є҆сѝ гдⷭ҇и, наꙋчи́ мѧ ѡ҆ правда́нїємъ твои̑мъ.
Непоро́чнїи въ пꙋ́ть: А҆ллилꙋ́їа.
И҆ пое́тсѧ пе́рваѧ статїѧ̀ непоро́чныхъ, во гла́съ ѕ҃: въ концы́ же

коегѡ́ждо стїха̀ пое́мъ: А҆ллилꙋ́їа.
Бл҃же́ни непоро́чнїи въ пꙋ́ть, ходѧ́щїи въ зако́нѣ гдⷭ҇ни: А҆ллилꙋ́їа.
Бл҃же́ни и҆спыта́ющїи свидѣ̑нїѧ є҆гѡ̀ , всѣ́мъ се́рдцемъ взы́щꙋтъ є҆го̀.

А҆ллилꙋ́їа.
И҆ про́чее ѱалма̀. Сла́ва: А҆ллилꙋ́їа. И҆ ны́нѣ: А҆ллилꙋ́їа.
Дїа́конъ: Па́ки и҆ па́ки ми́ромъ гдⷭ҇ꙋ помо́лимсѧ.

Ꙗ҆́ кѡ да гдⷭ҇ь бг҃ъ ᲂу҆чини́тъ дꙋ́шꙋ є҆гѡ̀ , и҆дѣ́же пра́веднїи

ᲂу҆покоѧ́ютсѧ.
Млⷭ҇ти бж҃їѧ, црⷭ҇тва нбⷭ҇нагѡ, и҆ ѡ҆ ставле́нїѧ грѣхѡ́въ є҆гѡ̀ , ᲂу҆ хрⷭ҇та̀

безсме́тнагѡ цр҃ѧ̀ и҆ бг҃а на́шегѡ про́симъ.
Дїа́конъ: Гдⷭ҇ꙋ помо́лимсѧ.
Сщ҃ е́нникъ глаго́летъ мл҃твꙋ сїю̀: Бж҃е дꙋхѡ́въ, и҆ всѧ́кїѧ пло́ти,

сме́рть попра́вый и҆ дїа́вола ᲂу҆праздни́вый, и҆ живо́тъ мі́рꙋ твоемꙋ̀
дарова́вый: са́мъ гдⷭ҇и, ᲂу҆поко́й дꙋ́шꙋ ᲂу҆со́пшагѡ раба̀ твоегѡ̀ , и҆́мⷬ҇ къ,
въ мѣ́стѣ свѣ́тлѣ, въ мѣ́стѣ ѕла́чнѣ, въ мѣ́стѣ поко́йнѣ:
ѿню́дꙋже ѿбѣжѐ болѣ́знь, печа́ль и҆ воздыха́нїе. всѧ́кое согрѣше́нїе,
содѣ́ѧнное и҆́мъ сло́вомъ, и҆лѝ дѣ́ломъ, и҆лѝ помышле́нїемъ, ꙗ҆́кѡ
бл҃гі́й чл҃вѣколю́бецъ бг҃ъ простѝ, ꙗ҆́кѡ нѣ́сть человѣ́къ, и҆́же жи́въ
бꙋ́детъ, и҆ не согрѣши́тъ: ты́ бо є҆ди́нъ кромѣ̀ грѣха̀, пра́вда твоѧ̀
пра́вда во вѣ́ки, и҆ сло́во твоѐ и҆́стина.
И҆ посе́мъ начина́емъ вторꙋ́ю статїю̀ на гла́съ є҃: на ко́емждо же

концѣ̀ стїха̀ глаго́лемъ: Поми́лꙋй раба̀ твоего̀.
Ли́къ начина́етъ: За́пѡвѣди твоѧ̑:
Поми́лꙋй раба̀ твоего̀:
Па́ки то́йже ли́къ: Рꙋцѣ̀ твоѝ сотвори́стѣ мѧ̀ : и҆ созда́стѣ мѧ̀ ,

вразꙋми́ мѧ, и҆ наꙋчꙋ́сѧ за́повѣдемъ твои̑мъ.
Поми́лꙋй раба̀ твоегѡ̀ .
Боѧ́щїисѧ тебѐ ᲂу҆́зрѧтъ мѧ̀ : и҆ возвеселѧ́тсѧ, ꙗ҆́кѡ на словеса̀ твоѧ̑

ᲂу҆пова́хъ.
Поми́лꙋй раба̀ твоего̀.
И҆ про́чее ѱалма̀, и҆ по концѣ̀,
Сла́ва: Поми́лꙋй раба̀ твоего̀.
И҆ ны́нѣ: Поми́лꙋй раба̀ твоего̀.
Дїа́конъ: Па́ки и҆ па́ки:
И҆ па́ки начина́емъ тре́тїю статїю̀ на гла́съ тре́тїй:
И҆́мѧ твоѐ: А҆ллилꙋ́їа.
Па́ки то́йже ли́къ пое́тъ:

При́зри на мѧ̀ , и҆ поми́лꙋй мѧ̀ , по сꙋдꙋ̀ лю́бѧщихъ и҆́мѧ твоѐ.

А҆ллилꙋ́їа.
Стѡпы̀ моѧ̑ напра́ви по словесѝ твоемꙋ̀, и҆ да не ѡ҆ блада́етъ мно́ю

всѧ́кое беззако́нїе: А҆ллилꙋ́їа.
И҆ про́чее. И҆ по концѣ̀ а҆́бїе: Бл҃гослове́нъ є҆сѝ гдⷭ҇и, наꙋчи́ мѧ

ѡ҆ правда́нїємъ твои̑мъ.
Ст҃ы́хъ ли́къ ѡ҆ брѣ́те и҆сто́чникъ жи́зни, и҆ две́рь ра́йскꙋю: да ѡ҆ брѧ́щꙋ

и҆ а҆́зъ пꙋ́ть покаѧ́нїемъ, поги́бшее ѻ҆ вча̀ а҆́зъ є҆́смь, воззови́ мѧ сп҃се,
и҆ сп҃си́ мѧ.
Бл҃гослове́нъ є҆сѝ гдⷭ҇и:
А҆́гнца бж҃їѧ проповѣ́давше, и҆ закла́ни бы́вше ꙗ҆́коже а҆́гнцы. и҆ къ

жи́зни нестарѣ́емѣй, ст҃і́и, и҆ присносꙋ́щнѣй преста́вльшесѧ, того̀
прилѣ́жнѡ мч҃нцы моли́те, долгѡ́въ разрѣше́нїе на́мъ дарова́ти.
Въ пꙋ́ть ᲂу҆́зкїй хо́ждшїи приско́рбный, всѝ въ житїѝ крⷭ҇тъ ꙗ҆́кѡ

ꙗ҆ре́мъ взе́мшїи, и҆ мнѣ̀ послѣ́довавшїи вѣ́рою, прїиди́те
наслади́тесѧ, и҆́хже ᲂу҆гото́вахъ ва́мъ по́честей, и҆ вѣнцѡ́въ нбⷭ҇ныхъ.
Ѡ҆́ бразъ є҆́смь неизрече́нныѧ твоеѧ̀ сла́вы, а҆́ще и҆ ꙗ҆́звы ношꙋ̀

прегрѣше́нїй: ᲂу҆ще́дри твоѐ созда́нїе влⷣко, и҆ ѡ҆ чи́сти твои́мъ
бл҃гоꙋтро́бїемъ, и҆ возжелѣ́нное ѻ҆ те́чество пода́ждь мѝ, раѧ̀ па́ки

жи́телѧ мѧ̀ сотворѧ́ѧ.
Дре́вле ᲂу҆́бѡ ѿ не сꙋ́щихъ созда́вый мѧ̀ , и҆ ѡ҆́ бразомъ твои́мъ

бж҃е́ственнымъ почты́й, престꙋпле́нїемъ же за́повѣди, па́ки мѧ̀
возврати́вый въ зе́млю, ѿ неѧ́же взѧ́тъ бы́хъ, на є҆́же по подо́бїю
возведѝ, дре́внею добро́тою воз̾ѡбрази́тисѧ.
Оу҆поко́й бж҃е раба̀ твоего̀, и҆ ᲂу҆чинѝ є҆го̀ въ раѝ, и҆дѣ́же ли́цы ст҃ы́хъ
гдⷭ҇и, и҆ првⷣницы сїѧ́ютъ ꙗ҆́кѡ свѣти̑ла, ᲂу҆со́пшаго раба̀ твоего̀
ᲂу҆поко́й, презира́ѧ є҆гѡ̀ всѧ̑ согрѣшє́нїѧ.
Сла́ва: Трисїѧ́тельное є҆ди́нагѡ бж҃ества̀, бл҃гоче́стнѡ пое́мъ вопїю́ще:

ст҃ъ є҆сѝ ѻ҆́ ч҃е безнача́льный, собезнача́льный сн҃е, и҆ бж҃е́ственный дш҃ е,
просвѣтѝ на́съ вѣ́рою тебѣ̀ слꙋ́жащихъ, и҆ вѣ́чнагѡ ѻ҆ гнѧ̀ и҆схитѝ.
И҆ ны́нѣ: Ра́дꙋйсѧ чⷭ҇таѧ, бг҃а пло́тїю ро́ждшаѧ во сп҃се́нїе всѣ́хъ, є҆́юже

ро́дъ человѣ́ческїй ѡ҆ брѣ́те сп҃се́нїе, тобо́ю да ѡ҆ брѧ́щемъ ра́й, бцⷣе
чⷭ҇таѧ бл҃гослове́ннаѧ.
А҆ллилꙋ́їа, три́жды.
Та́же дїа́конъ: Па́ки и҆ па́ки:
И҆ по возгла́сѣ пое́мъ настоѧ́щыѧ тропарѝ, гла́съ є҃:

Поко́й сп҃се на́шъ съ пра́ведными раба̀ твоего̀, и҆ сего̀ вселѝ во дворы̀

твоѧ̑, ꙗ҆́коже є҆́сть пи́сано, презира́ѧ ꙗ҆́кѡ бл҃гъ прегрѣшє́нїѧ є҆гѡ̀ ,
вѡ́льнаѧ и҆ невѡ́льнаѧ, и҆ всѧ̑ ꙗ҆̀ же въ вѣ́дѣнїи и҆ не въ вѣ́дѣнїи,
чл҃вѣколю́бче.
Сла́ва, коне́цъ: И҆ всѧ̑ ꙗ҆̀ же въ вѣ́дѣнїи, и҆ не въ вѣ́дѣнїи,

чл҃вѣколю́бче.
И҆ ны́нѣ, бг҃оро́диченъ: Ѿ дв҃ы возсїѧ́вый мі́рꙋ хрⷭ҇тѐ бж҃е, сы́ны свѣ́та

то́ю показа́вый, поми́лꙋй на́съ.
Та́же ѱало́мъ н҃. И҆ канѡ́нъ, є҆гѡ́же краестро́чїе: Шестꙋ́ю припѣва́ю

ѿше́дшемꙋ пѣ́снь. Ѳеофа́ново. Гла́съ ѕ҃.
Пѣ́снь а҃.
І҆рмо́съ: Ꙗ҆́ кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми.

гони́телѧ фараѡ́на ви́дѧ потоплѧ́ема бг҃ꙋ побѣ́днꙋю пѣ́снь пои́мъ,
вопїѧ́ше.
Въ нбⷭ҇ныхъ черто́зѣхъ всегда̀ до́блїи мч҃нцы мо́лѧтъ тѧ̀ хрⷭ҇тѐ,

є҆го́же ѿ землѝ преста́вилъ є҆сѝ вѣ́рнаго, вѣ́чныхъ бл҃гъ полꙋчи́ти
сподо́би.
Оу҆краше́й всѧ́чєскаѧ, живо́тное смѣше́нное, посредѣ̀ мѧ̀ человѣ́ка,

смире́нїѧ вкꙋ́пѣ и҆ вели́чества, созда́лъ є҆сѝ, тѣ́мже раба̀ твоегѡ̀
дꙋ́шꙋ сп҃се, ᲂу҆поко́й.
Сла́ва: Раѧ̀ жи́телѧ, и҆ земледѣ́лателѧ въ нача́лѣ мѧ̀ ᲂу҆чини́лъ є҆сѝ,

престꙋ́пльша же твою̀ за́повѣдь и҆згна́лъ є҆сѝ. тѣ́мже раба̀ твоегѡ̀
дꙋ́шꙋ сп҃сѐ, ᲂу҆поко́й.
И҆ ны́нѣ, бг҃оро́диченъ: И҆́же ѿ ребра̀ созда́вый є҆́ѵꙋ пре́жде на́шꙋ

прама́терь, и҆з̾ пречⷭ҇тагѡ твоегѡ̀ чре́ва въ пло́ть ѡ҆дѣва́етсѧ, є҆́юже
сме́рти крѣ́пость, чⷭ҇таѧ, разрꙋшѝ.
Пѣ́снь г҃.
І҆рмо́съ: Нѣ́сть ст҃ъ ꙗ҆́коже ты̀ гдⷭ҇и бж҃е мо́й, вознесы́й ро́гъ вѣ́рныхъ
твои́хъ бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀ .
Зако́ннѡ пострада́ша твоѝ мч҃нцы жизнода́вче, и҆ вѣнце́мъ побѣ́ды

ᲂу҆краси́вшесѧ, прилѣ́жнѡ преста́вльшемꙋсѧ вѣ́рномꙋ вѣ́чное
и҆збавле́нїе подаю́тъ.
Наказа́въ пе́рвѣе мно́гими чꙋдесы̀ и҆ зна́меньми менѐ заблꙋ́дшаго,

напослѣ́докъ самаго̀ себѐ и҆стощи́лъ є҆сѝ, ꙗ҆́кѡ сострада́тель, и҆
поиска́въ ѡ҆ брѣ́лъ и҆ сп҃слъ є҆сѝ.
Сла́ва: Ѿ текꙋ́щихъ непостоѧ́тельныѧ тлѝ, къ тебѣ̀ преше́дшаго,

въ селе́нїихъ вѣ́чныхъ жи́ти ра́достнѡ сподо́би бл҃же, ѡ҆ правда́въ
вѣ́рою же и҆ бл҃года́тїю.
И҆ ны́нѣ, бг҃оро́диченъ: Нѣ́сть непоро́чна, ꙗ҆́коже ты̀ пречⷭ҇таѧ

бг҃ома́ти, є҆ди́на бо ѿ вѣ́ка бг҃а и҆́стиннаго зачала̀ є҆сѝ во чре́вѣ,
сме́рти разрꙋши́вшаго си́лꙋ.
Сѣда́ленъ, гла́съ ѕ҃: Вои́стиннꙋ сꙋета̀ всѧ́чєскаѧ, житїе́ же сѣ́нь, и҆

со́нїе: и҆́бо всꙋ́е мѧте́тсѧ всѧ́къ земноро́дный, ꙗ҆́коже речѐ писа́нїе:
є҆гда̀ мі́ръ прїѡбрѧ́щемъ. тогда̀ во гро́бъ всели́мсѧ, и҆дѣ́же вкꙋ́пѣ
ца́рїе и҆ ни́щїи. тѣ́мже хрⷭ҇тѐ бж҃е, преста́вльшагосѧ раба̀ твоего̀
ᲂу҆поко́й, ꙗ҆́кѡ чл҃вѣколю́бецъ.
Сла́ва, и҆ ны́нѣ, бг҃оро́диченъ: Всест҃а́ѧ бцⷣе, во вре́мѧ живота̀ моегѡ̀

не ѡ҆ ста́ви менѐ, человѣ́ческомꙋ предста́тельствꙋ не ввѣ́ри мѧ̀ : но
сама̀ застꙋпѝ, и҆ поми́лꙋй мѧ̀ .
Пѣ́снь д҃.
І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, чⷭ҇тна́ѧ цр҃ковь бг҃олѣ́пнѡ

пое́тъ взыва́ющи, ѿ смы́сла чи́ста ѡ҆ гдⷭ҇ѣ пра́зднꙋющи.
Премꙋ́дрости бо́льшее ꙗ҆влѧ́ѧ позна́нїе, и҆ є҆́же ѡ҆ да́рѣхъ,

многосоверше́нныѧ влⷣко бл҃госты́ни, мч҃нчєскїѧ ли́ки а҆́гг҃лѡвъ
сочета́лъ є҆сѝ.
Неизрече́нныѧ сла́вы твоеѧ̀ полꙋчи́ти сподо́би къ тебѣ̀

преста́вльшагосѧ, и҆дѣ́же хрⷭ҇тѐ веселѧ́щихсѧ є҆́сть жили́ще, и҆ гла́съ
чи́стагѡ ра́дованїѧ.
Сла́ва: Пою́ща прїимѝ бж҃е́ственнꙋю держа́вꙋ твою̀, є҆го́же ѿ землѝ

прїѧ́лъ є҆сѝ, ча́до свѣ́та сего̀ содѣ́ловаѧ, грѣхо́внꙋю мглꙋ̀ ѡ҆ чища́ѧ
многомлⷭ҇тиве.
И҆ ны́нѣ, бг҃оро́диченъ: Прїѧ́телище пречⷭ҇тое, хра́мъ всенепоро́чный,

ковче́гъ всест҃ы́й, дв҃ственное мѣ́сто сщ҃ е́нїѧ, тебѐ добро́тꙋ і҆а́кѡвлю
влⷣка и҆збра́лъ є҆́сть.
Пѣ́снь є҃.
І҆рмо́съ: Бж҃їимъ свѣ́томъ твои́мъ бл҃же, ᲂу҆́тренюющихъ тѝ дꙋ́шы

любо́вїю ѡ҆ зарѝ, молю́сѧ, тѧ̀ вѣ́дѣти сло́ве бж҃їй, и҆́стиннагѡ бг҃а, ѿ
мра́ка грѣхо́внагѡ взыва́юща.
Ꙗ҆́ кѡ всепло́дїе сщ҃ е́нное, и҆ ꙗ҆́кѡ нача́токъ человѣ́ческагѡ є҆стества̀,

мч҃нцы, просла́вленномꙋ прине́сшесѧ бг҃ови, на́мъ сп҃се́нїе при́снѡ
хода́тайствꙋютъ.
Нбⷭ҇нагѡ пребыва́нїѧ, раздаѧ́нїѧ дарова́нїй сподо́би гдⷭ҇и, пре́жде

ᲂу҆со́пшаго вѣ́рнаго раба̀ твоего̀, подаѧ̀ прегрѣше́нїй и҆збавле́нїе.
Сла́ва: И҆́же є҆ди́нъ є҆стество́мъ животворе́цъ, и҆́же бл҃гости вои́стиннꙋ

неизслѣ́димаѧ пꙋчи́на, сконча́вшагосѧ, црⷭ҇твїѧ твоегѡ̀ сподо́би
ще́дре, є҆ди́не безсме́ртне.
И҆ ны́нѣ, бг҃оро́диченъ: Крѣ́пость и҆ пѣ́нїе, и҆з̾ тебѐ влⷣчце мі́рꙋ

рожде́йсѧ, и҆ сп҃се́нїе бы́въ поги́бшымъ, и҆́же ѿ а҆́довыхъ вра́тъ
и҆збавлѧ́ѧй, вѣ́рою тебѐ бл҃жа́щыѧ.
Пѣ́снь ѕ҃.
І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею къ

ти́хомꙋ приста́нищꙋ твоемꙋ̀ прите́къ вопїю́ ти: возведѝ ѿ тлѝ
живо́тъ мо́й многомлⷭ҇тиве.
На крⷭ҇тѣ̀ пригвожда́емь, мч҃ничєскїѧ ли́ки къ себѣ̀ собра́лъ є҆сѝ,

подража́ющыѧ стрⷭ҇ть твою̀ бл҃же. тѣ́мже мо́лимсѧ тѝ: къ тебѣ̀
преста́вльшагосѧ ны́нѣ ᲂу҆поко́й.
Неизрече́нною сла́вою твое́ю, є҆гда̀ прїи́деши стра́шнѡ сꙋди́ти мі́рꙋ

всемꙋ̀ на ѻ҆́ блацѣхъ, бл҃говолѝ свѣ́тлѡ срѣ́сти тебѐ и҆зба́вителю,
є҆го́же ѿ землѝ прїѧ́лъ є҆сѝ вѣ́рнаго раба̀ твоего̀.
Сла́ва: И҆сто́чникъ жи́зни сы́й мꙋ́жествомъ бж҃е́ственнымъ влⷣко,

ѡ҆ кова̑ннаѧ и҆зводѧ́й, раба̀ твоего̀ къ тебѣ̀ вѣ́рнѡ ѿше́дшаго въ
сла́дости ра́йстѣй вселѝ.
И҆ ны́нѣ, бг҃оро́диченъ: Въ зе́млю возврати́хомсѧ, престꙋ́пльше бж҃їю

за́повѣдь бж҃е́ственнꙋю, тобо́ю же дв҃о, на нб҃о ѿ землѝ
вознесо́хомсѧ, тлю̀ сме́ртнꙋю ѿтрѧ́сше.
Конда́къ, гла́съ и҃:
Со ст҃ы́ми ᲂу҆поко́й хрⷭ҇тѐ, дꙋ́шꙋ раба̀ твоегѡ̀ , и҆дѣ́же нѣ́сть болѣ́знь,

ни печа́ль, ни воздыха́нїе, но жи́знь безконе́чнаѧ.
І҆́косъ: Са́мъ є҆ди́нъ є҆сѝ безсме́ртный, сотвори́вый и҆ созда́вый

человѣ́ка, земні́и ᲂу҆́бѡ ѿ землѝ созда́хомсѧ, и҆ въ зе́млю тꙋ́южде
по́йдемъ, ꙗ҆́коже повелѣ́лъ є҆сѝ созда́вый мѧ̀ и҆ рекі́й мѝ: ꙗ҆́кѡ землѧ̀
є҆сѝ и҆ въ зе́млю ѿи́деши, а҆́може всѝ человѣ́цы по́йдемъ, надгро́бное
рыда́нїе творѧ́ще пѣ́снь: а҆ллилꙋ́їа.
И҆ па́ки: Со ст҃ы́ми ᲂу҆поко́й хрⷭ҇тѐ:
Пѣ́снь з҃.
І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ прпⷣбнымъ ѻ҆ трокѡ́мъ,

халдє́и же ѡ҆ палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти:
бл҃гослове́нъ є҆сѝ бж҃е ѻ҆ тє́цъ на́шихъ.
И҆зба́вльшїисѧ твое́ю кро́вїю мч҃нцы пе́рвагѡ престꙋпле́нїѧ,

ѡ҆ кропи́вшесѧ же свое́ю кро́вїю, проѡбразꙋ́ютъ ꙗ҆́вѣ твоѐ заколе́нїе:
бл҃гослове́нъ є҆сѝ бж҃е ѻ҆ тє́цъ на́шихъ.
Свирѣ́пѣющꙋю сме́рть ᲂу҆мертви́лъ є҆сѝ сло́ве живонача́льнѣйшїй, въ

вѣ́рѣ же ᲂу҆со́пшаго прїимѝ ны́нѣ воспѣва́ющаго, и҆ глаго́лющаго:
хрⷭ҇тѐ, бл҃гослове́нъ є҆сѝ бж҃е ѻ҆ тє́цъ на́шихъ.
Сла́ва: Воѡдꙋши́вый мѧ̀ человѣ́ка вдохнове́нїемъ бж҃е́ственнымъ

бг҃онача́льнѣйшїй влⷣко, преста́вленнаго црⷭ҇твїѧ твоегѡ̀ сподо́би,
пѣ́ти тебѐ сп҃се: бл҃гослове́нъ є҆сѝ бж҃е ѻ҆ тє́цъ на́шихъ.
И҆ ны́нѣ, бг҃оро́диченъ: Превы́шши всѧ́кїѧ тва́ри пренепоро́чнаѧ была̀

є҆сѝ, заче́нши бг҃а, сокрꙋши́вшаго смє́ртнаѧ врата̀, и҆ верєѝ сте́ршаго:
тѣ́мже тѧ̀ чⷭ҇таѧ пѣсносло́вимъ вѣ́рнїи, ꙗ҆́кѡ бг҃омт҃рь.
Пѣ́снь и҃.
І҆рмо́съ: И҆з̾ пла́мене прпⷣбнымъ ро́сꙋ и҆сточи́лъ є҆сѝ. и҆ пра́веднагѡ

же́ртвꙋ водо́ю попали́лъ є҆сѝ: всѧ̑ бо твори́ши хрⷭ҇тѐ, то́кмѡ є҆́же
хотѣ́ти, тѧ̀ превозно́симъ во всѧ̑ вѣ́ки.
Крѣ́пкѡ по́двиги показа́вше, побѣ́ды вѣнце́мъ ᲂу҆краси́стесѧ мч҃нцы

хрⷭ҇тѡ́вы стрⷭ҇тоте́рпцы, зовꙋ́ще: тѧ̀ превозно́симъ хрⷭ҇тѐ во вѣ́ки.
Сщ҃ е́ннѣ житїѐ ѡ҆ ста́вльшыѧ вѣ̑рныѧ, и҆ къ тебѣ̀ влⷣцѣ преше́дшыѧ

прїимѝ, кро́тцѣ ᲂу҆покоева́ѧ, ꙗ҆́кѡ бл҃гоꙋтро́бенъ, тѧ̀ превозносѧ́щыѧ
во всѧ̑ вѣ́ки.
Сла́ва: Ны́нѣ въ землѝ кро́ткихъ всѧ̑ водворѧ́тисѧ пре́жде

ᲂу҆со́пшыѧ, сп҃се, бл҃гоизво́ли, вѣ́рою ꙗ҆́же въ тѧ̀ ѡ҆ правда́въ и҆
бл҃года́тїю, тѧ̀ превозносѧ́щыѧ во всѧ̑ вѣ́ки.
И҆ ны́нѣ, бг҃оро́диченъ: Вси́ тѧ бл҃жи́мъ всебл҃же́ннаѧ, ро́ждшꙋю сло́ва

вои́стиннꙋ сꙋ́щаго бл҃же́ннаго, пло́ть на́съ ра́ди бы́вшаго: є҆го́же
превозно́симъ во всѧ̑ вѣ́ки.
Пѣ́снь ѳ҃ .
І҆рмо́съ: Бг҃а человѣ́кѡмъ невозмо́жно ви́дѣти, на негѡ́же не смѣ́ютъ

чи́ни а҆́гг҃льстїи взира́ти: тобо́ю же всечⷭ҇таѧ, ꙗ҆ви́сѧ человѣ́кѡмъ
сло́во воплоще́нно, є҆го́же велича́юще, съ нбⷭ҇ными во́и, тѧ̀ ᲂу҆бл҃жа́емъ.
Наде́жда мч҃нкѡвъ ли́ки ᲂу҆крѣпѝ, и҆ къ твое́й любвѝ распале́ннѣ

вперѝ, бꙋ́дꙋщихъ си̑мъ предвоѡбрази́вши непоколеби́мый вои́стиннꙋ
поко́й: є҆мꙋ́же преста́вльшагосѧ бл҃же вѣ́рнаго сподо́би полꙋчи́ти.
Свѣ́тлагѡ и҆ бж҃е́ственнагѡ полꙋчи́ти сїѧ́нїѧ твоегѡ̀ хрⷭ҇тѐ, вѣ́рою

преста́вльшагосѧ бл҃говолѝ въ нѣ́дрѣхъ а҆враа́мовыхъ ᲂу҆покое́нїе, ꙗ҆́кѡ
є҆ди́нъ млⷭ҇тивъ семꙋ̀ да́рꙋѧй, и҆ вѣ́чнагѡ сподоблѧ́ѧй бл҃же́нства.
Сла́ва: Сы́й є҆стество́мъ бл҃гъ и҆ бл҃гоꙋтро́бенъ, и҆ воли́тель млⷭ҇ти, и҆

бл҃гоꙋтро́бїѧ бе́здна: є҆го́же ѿ мѣ́ста сегѡ̀ ѡ҆ ѕлобле́нїѧ и҆ сѣ́ни
сме́ртныѧ сп҃се преста́вилъ є҆сѝ, и҆дѣ́же сїѧ́етъ тво́й свѣ́тъ, сего̀
ᲂу҆чинѝ.
И҆ ны́нѣ, бг҃оро́диченъ: Сѣ́нь ст҃ꙋ́ю чⷭ҇таѧ разꙋмѣ́емъ, и҆ ковче́гъ, и҆

скрижа́ль тѧ̀ зако́на и҆ бл҃года́ти: тобо́ю бо ѡ҆ ставле́нїе дарова́сѧ,
ѡ҆ правда̑ннымъ кро́вїю воплоще́ннагѡ и҆з̾ твоегѡ̀ чре́ва, всенепоро́чнаѧ.
Дїа́конъ: Па́ки и҆ па́ки ми́ромъ гдⷭ҇ꙋ помо́лимсѧ.
Начина́емъ самогла́сны і҆ѡа́нна мона́ха.
Гла́съ а҃: Ка́ѧ жите́йскаѧ сла́дость пребыва́етъ печа́ли неприча́стна;

ка́ѧ ли сла́ва стои́тъ на землѝ непрело́жна; всѧ̑ сѣ́ни немѡщнѣ́йша,
всѧ̑ со́нїй прелє́стнѣйша: є҆ди́нѣмъ мгнове́нїемъ, и҆ всѧ̑ сїѧ̑ сме́рть
прїе́млетъ. но во свѣ́тѣ хрⷭ҇тѐ лица̀ твоегѡ̀ , и҆ въ наслажде́нїи твоеѧ̀
красоты̀ , є҆го́же и҆збра́лъ є҆сѝ, ᲂу҆поко́й, ꙗ҆́кѡ чл҃вѣколю́бецъ.
Гла́съ в҃: Оу҆вы̀ мнѣ̀, ꙗ҆ковы́й по́двигъ и҆́мать дꙋша̀ разлꙋча́ющисѧ ѿ

тѣлесѐ! ᲂу҆вы̀ , тогда̀ коли́кѡ слези́тъ, и҆ нѣ́сть поми́лꙋѧй ю҆̀ ! ко
а҆́гг҃лѡмъ ѻ҆́ чи возводѧ́щи, бездѣ́льнѡ мо́литсѧ: къ человѣ́кѡмъ
рꙋ́цѣ простира́ющи, не и҆́мать помога́ющагѡ. тѣ́мже возлю́бленнїи
моѝ бра́тїе, помы́сливше на́шꙋ кра́ткꙋю жи́знь, преста́вленномꙋ
ᲂу҆покое́нїѧ ѿ хрⷭ҇та̀ про́симъ, и҆ дꙋша́мъ на́шымъ ве́лїю млⷭ҇ть.
Гла́съ г҃: Всѧ̑ сꙋета̀ человѣ́ческаѧ, є҆ли̑ка не пребыва́етъ по сме́рти: не

пребыва́етъ бога́тство, ни сше́ствꙋетъ сла́ва: прише́дшей бо сме́рти,
сїѧ̑ всѧ̑ потреби́шасѧ. тѣ́мже хрⷭ҇тꙋ̀ безсме́ртномꙋ возопїи́мъ:
преста́вленнаго ѿ на́съ ᲂу҆поко́й, и҆дѣ́же всѣ́хъ є҆́сть веселѧ́щихсѧ
жили́ще.
Гла́съ д҃: Гдѣ́ є҆сть мїрско́е пристра́стїе; гдѣ́ є҆сть привре́менныхъ

мечта́нїе; гдѣ́ є҆сть зла́то и҆ сребро̀; гдѣ́ є҆сть рабѡ́въ мно́жество и҆
молва̀; всѧ̑ пе́рсть, всѧ̑ пе́пелъ, всѧ̑ сѣ́нь. но прїиди́те возопїи́мъ
безсме́ртномꙋ цр҃ю̀: гдⷭ҇и вѣ́чныхъ твои́хъ бла̑гъ сподо́би
преста́вльшагосѧ ѿ на́съ, ᲂу҆покоѧ́ѧ є҆го̀ въ нестарѣ́ющемсѧ
бл҃же́нствѣ твое́мъ.
Гла́съ є҃: Помѧнꙋ́хъ прⷪ҇ро́ка вопїю́ща: а҆́зъ є҆́смь землѧ̀ и҆ пе́пелъ. и҆

па́ки разсмотри́хъ во гробѣ́хъ, и҆ ви́дѣхъ кѡ́сти ѡ҆ бнаже́ны, и҆ рѣ́хъ:
ᲂу҆̀бо кто̀ є҆́сть ца́рь, и҆лѝ во́инъ, и҆лѝ бога́тъ, и҆лѝ ᲂу҆бо́гъ, и҆лѝ
пра́ведникъ, и҆лѝ грѣ́шникъ; но ᲂу҆поко́й гдⷭ҇и, съ пра́ведными раба̀
твоего̀.
Гла́съ ѕ҃: Нача́токъ мнѣ̀ и҆ соста́въ зижди́тельное твоѐ бы́сть

повелѣ́нїе: восхотѣ́въ бо ѿ неви́димагѡ же и҆ ви́димагѡ жи́ва мѧ̀
соста́вити є҆стества̀. ѿ землѝ тѣ́ло моѐ созда́лъ є҆сѝ, да́лъ же мѝ
є҆сѝ дꙋ́шꙋ бж҃е́ственнымъ твои́мъ и҆ животворѧ́щимъ вдохнове́нїемъ.
тѣ́мже хрⷭ҇тѐ раба̀ твоего̀ во странѣ̀ живꙋ́щихъ, и҆ въ селе́нїихъ
пра́ведныхъ ᲂу҆поко́й.
Гла́съ з҃: По ѡ҆́ бразꙋ твоемꙋ̀ и҆ по подо́бїю созда́вый въ нача́лѣ

человѣ́ка, въ раѝ поста́вилъ є҆сѝ владѣ́ти твои́ми тва́рьми: за́вистїю
же дїа́волею прельсти́всѧ, снѣ́ди причасти́сѧ, за́повѣдей твои́хъ
престꙋ́пникъ бы́въ. тѣ́мже па́ки въ зе́млю, ѿ неѧ́же взѧ́тъ бы́сть,
ѡ҆ сꙋди́лъ є҆сѝ возврати́тисѧ гдⷭ҇и, и҆ и҆спроси́ти ᲂу҆покое́нїе.
Гла́съ и҃: Пла́чꙋ и҆ рыда́ю, є҆гда̀ помышлѧ́ю сме́рть, и҆ ви́ждꙋ во

гробѣ́хъ лежа́щꙋю, по ѡ҆́ бразꙋ бж҃їю созда́ннꙋю на́шꙋ красотꙋ̀,
без̾ѡбра́знꙋ, безсла́внꙋ, не и҆мꙋ́щꙋю ви́да. ѽ чꙋдесѐ! что̀ сїѐ є҆́же ѡ҆
на́съ бы́сть та́инство; ка́кѡ преда́хомсѧ тлѣ́нїю; ка́кѡ
сопрѧго́хомсѧ сме́рти; вои́стиннꙋ бг҃а повелѣ́нїемъ. ꙗ҆́коже пи́сано
є҆́сть, подаю́щагѡ преста́вльшемꙋсѧ ᲂу҆покое́нїе.
Бл҃жє́нна, гла́съ ѕ҃.
Во црⷭ҇твїи твое́мъ, є҆гда̀ прїи́деши помѧнѝ на́съ гдⷭ҇и.
Бл҃же́ни ни́щїи дх҃омъ, ꙗ҆́кѡ тѣ́хъ є҆́сть црⷭ҇тво нбⷭ҇ное.
Бл҃же́ни пла́чꙋщїи, ꙗ҆́кѡ ті́и ᲂу҆тѣ́шатсѧ.

Бл҃же́ни кро́тцыи, ꙗ҆́кѡ ті́и наслѣ́дѧтъ зе́млю.
Бл҃же́ни а҆́лчꙋщїи, и҆ жа́ждꙋщїи пра́вды, ꙗ҆́кѡ ті́и насы́тѧтсѧ.
Бл҃же́ни млⷭ҇тивїи, ꙗ҆́кѡ ті́и поми́ловани бꙋ́дꙋтъ.
Разбо́йника раѧ̀ хрⷭ҇тѐ жи́телѧ, на крⷭ҇тѣ̀ тебѣ̀ возопи́вша, помѧни́

мѧ, предсодѣ́ѧлъ є҆сѝ покаѧ́нїемъ є҆гѡ̀ , и҆ менѐ сподо́би
недосто́йнаго.
Бл҃же́ни чи́стїи се́рдцемъ, ꙗ҆́кѡ ті́и бг҃а ᲂу҆́зрѧтъ.
Живото́мъ гдⷭ҇ствꙋѧй и҆ сме́ртїю, во дво́рѣхъ ст҃ы́хъ ᲂу҆поко́й, є҆го́же

прїѧ́лъ є҆сѝ ѿ привре́менныхъ: и҆ помѧни́ мѧ, є҆гда̀ прїи́деши во
црⷭ҇твїи твое́мъ.
Бл҃же́ни миротво́рцы, ꙗ҆́кѡ ті́и сы́нове бж҃їи нарекꙋ́тсѧ.
Дꙋша́ми влады́чествꙋѧй и҆ тѣлеса́ми, є҆го́же въ рꙋцѣ̀ дыха́нїе на́ше,

ѡ҆ скорблѧ́емыхъ ᲂу҆тѣше́нїе, ᲂу҆поко́й во странѣ̀ пра́ведныхъ, є҆го́же
преста́вилъ є҆сѝ раба̀ твоего̀.
Бл҃же́ни и҆згна́ни пра́вды ра́ди:
Хрⷭ҇то́съ тѧ̀ ᲂу҆поко́итъ во странѣ̀ живꙋ́щихъ, и҆ врата̀ ра̑йскаѧ да

ѿве́рзетъ тѝ, и҆ црⷭ҇твїѧ пока́жетъ жи́телѧ, и҆ ѡ҆ ставле́нїе тебѣ̀
да́стъ, ѡ҆ ни́хже согрѣши́лъ є҆сѝ въ житїѝ, хрⷭ҇толю́бче.
Бл҃же́ни є҆стѐ, є҆гда̀ поно́сѧтъ ва́мъ:

И҆зы́демъ и҆ ᲂу҆́зримъ во гробѣ́хъ, ꙗ҆́кѡ на́ги кѡ́сти человѣ̑къ, черве́й

снѣ́дь, и҆ смра́дъ, и҆ позна́емъ что̀ бога́тство, добро́та, крѣ́пость,
бл҃голѣ́пїе;
Ра́дꙋйтесѧ и҆ весели́тесѧ:
Оу҆слы́шимъ, что̀ зове́тъ вседержи́тель: ᲂу҆вы̀ и҆́щꙋщымъ зрѣ́ти

стра́шный де́нь гдⷭ҇ень! се́й бо є҆́сть тьма̀: ѻ҆ гне́мъ бо и҆скꙋша́ютсѧ
всѧ́чєскаѧ.
Сла́ва: Безнача́льнымъ и҆ рожде́нїемъ же и҆ происхожде́нїемъ, ѻ҆ ц҃ꙋ̀

покланѧ́юсѧ роди́вшемꙋ, сн҃а сла́влю рожде́ннаго, пою̀ сопросїѧ́вшаго
ѻ҆ ц҃ꙋ́ же и҆ сн҃ꙋ, дх҃а ст҃а́го.
И҆ ны́нѣ, бг҃оро́диченъ: Ка́кѡ ѿ сосцꙋ̀ твоє́ю млеко̀ то́чиши дв҃о,

ка́кѡ пита́еши пита́телѧ тва́ри; ꙗ҆́коже вѣ́сть, и҆сточи́вый во́дꙋ ѿ
ка́мене, жи̑лы вѡ́дныѧ жа́ждꙋщымъ лю́демъ, ꙗ҆́коже писа́сѧ.
Посе́мъ дїа́конъ глаго́летъ: Во́нмемъ.
Сщ҃ е́нникъ: Ми́ръ всѣ̑мъ.
Ли́къ пое́тъ прокі́менъ, гла́съ ѕ҃:
Бл҃же́нъ пꙋ́ть, во́ньже и҆́деши дне́сь дꙋшѐ, ꙗ҆́кѡ ᲂу҆гото́васѧ тебѣ̀

мѣ́сто ᲂу҆покое́нїѧ.
Сті́хъ: Къ тебѣ̀ гдⷭ҇и воззовꙋ̀:
Дїа́конъ: Премꙋ́дрость.
Чте́цъ: А҆по́столъ къ солꙋ́нѧнѡмъ, зача́ло с҃ѻ.
Бра́тїе, не хощꙋ̀ ва́съ не вѣ́дѣти ѡ҆ ᲂу҆ме́ршихъ, да не скорбитѐ,

ꙗ҆́коже и҆ про́чїи не и҆мꙋ́щїи ᲂу҆пова́нїѧ. А҆́ще бо вѣ́рꙋемъ, ꙗ҆́кѡ і҆и҃ съ
ᲂу҆́мре и҆ воскр҃се, та́кѡ и҆ бг҃ъ ᲂу҆ме́ршыѧ ѡ҆ і҆и҃ сѣ, приведе́тъ съ ни́мъ.
Сїе́ бо ва́мъ глаго́лемъ сло́вомъ гдⷭ҇нимъ, ꙗ҆́кѡ мы̀ живꙋ́щїи
ѡ҆ ста́вшїи въ прише́ствїе гдⷭ҇не, не и҆́мамы предвари́ти ᲂу҆ме́ршихъ.
Ꙗ҆́ кѡ са́мъ гдⷭ҇ь въ повелѣ́нїи во гла́сѣ а҆рха́гг҃ловѣ, и҆ въ трꙋбѣ̀ бж҃їи
сни́детъ съ нб҃сѐ, и҆ ме́ртвїи ѡ҆ хрⷭ҇тѣ̀ воскрⷭ҇нꙋтъ пе́рвѣе. Пото́мъ же
мы̀ живꙋ́щїи ѡ҆ ста́вшїи, кꙋ́пнѡ съ ни́ми восхище́ни бꙋ́демъ на
ѻ҆́ блацѣхъ, въ срѣ́тенїе гдⷭ҇не на воздꙋ́сѣ, и҆ та́кѡ всегда̀ съ гдⷭ҇емъ
бꙋ́демъ.
Сщ҃ е́нникъ: Ми́ръ тѝ. А҆ллилꙋ́їа.
Гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ, гдⷭ҇и.
Є҆ѵⷢ҇лїе ѿ і҆ѡа́нна, зача́ло ѕ҃і.
Речѐ гдⷭ҇ь ко прише́дшымъ къ немꙋ̀ і҆ꙋде́ємъ: а҆ми́нь а҆ми́нь глаго́лю

ва́мъ, ꙗ҆́кѡ слꙋ́шаѧй словесѐ моегѡ̀ и҆ вѣ́рꙋѧй посла́вшемꙋ мѧ̀ ,
и҆́мать живо́тъ вѣ́чный, и҆ на сꙋ́дъ не прїи́детъ: но пре́йдетъ ѿ
сме́рти въ живо́тъ. А҆ми́нь а҆ми́нь глаго́лю ва́мъ: ꙗ҆́кѡ грѧде́тъ ча́съ,
и҆ ны́нѣ є҆́сть, є҆гда̀ ме́ртвїи ᲂу҆слы́шатъ гла́съ сн҃а бж҃їѧ, и҆
ᲂу҆слы́шавше ѡ҆ живꙋ́тъ. Ꙗ҆́ коже бо ѻ҆ ц҃ъ и҆́мать живо́тъ въ себѣ̀, та́кѡ
да́стъ и҆ сн҃ови живо́тъ и҆мѣ́ти въ себѣ̀: И҆ ѻ҆́ бласть да́стъ є҆мꙋ̀ и҆

сꙋ́дъ твори́ти, ꙗ҆́кѡ сн҃ъ человѣ́чь є҆́сть, не диви́тесѧ семꙋ̀. Ꙗ҆́ кѡ
грѧде́тъ ча́съ во́ньже всѝ сꙋ́щїи во гробѣ́хъ ᲂу҆слы́шатъ гла́съ сн҃а
бж҃їѧ: И҆ и҆зы́дꙋтъ сотво́ршїи бл҃га̑ѧ въ воскр҃ше́нїе живота̀, а҆
сотво́ршїи ѕла̑ѧ въ воскр҃ше́нїе сꙋда̀. Не могꙋ̀ а҆́зъ ѡ҆ себѣ̀ твори́ти
ничесѡ́же. Ꙗ҆́ коже слы́шꙋ, сꙋждꙋ̀: и҆ сꙋ́дъ мо́й пра́веденъ є҆́сть: ꙗ҆́кѡ не
и҆щꙋ̀ во́ли моеѧ̀ , но во́ли посла́вшагѡ мѧ̀ ѻ҆ ц҃а̀.
Дїа́конъ: Поми́лꙋй на́съ бж҃е, по вели́цѣй млⷭ҇ти твое́й, мо́лимъ ти

сѧ ᲂу҆слы́ши и҆ поми́лꙋй.

Ꙗ҆́ кѡ да гдⷭ҇ь бг҃ъ ᲂу҆чини́тъ дꙋ́шꙋ є҆гѡ̀ , и҆дѣ́же пра́веднїи

ᲂу҆покоѧ́ютсѧ.
Млⷭ҇ти бж҃їѧ, црⷭ҇тва нбⷭ҇нагѡ, и҆ ѡ҆ ставле́нїѧ грѣхѡ́въ є҆гѡ̀ , ᲂу҆ хрⷭ҇та̀

безсме́ртнагѡ цр҃ѧ̀ и҆ бг҃а на́шегѡ про́симъ.
Дїа́конъ: Гдⷭ҇ꙋ помо́лимсѧ.
И҆ по и҆сполне́нїи сегѡ̀ глаго́летъ пе́рвый ѿ сщ҃ е́нникѡвъ, и҆лѝ а҆рхїере́й

прилꙋчи́всѧ, мл҃твꙋ: Бж҃е дꙋхѡ́въ: велегла́снѡ, прише́дъ близ̾
ᲂу҆ме́ршагѡ. Та́кожде и҆ настоѧ́щїи сщ҃ е́нницы всѝ.
Вѣ́домо же бꙋ́ди, ꙗ҆́кѡ глаго́лемꙋ коемꙋ́ждо проше́нїю ѿ дїа́кона, во

є҆ли́кѡ глаго́летсѧ проше́нїе ѿ негѡ̀ , глаго́летъ вышерече́ннꙋю мл҃твꙋ
кі́йждо сщ҃ е́нникъ, по чи́нꙋ своемꙋ̀ та́йнѡ близ̾ ᲂу҆ме́ршагѡ, и҆
возглаша́етъ:
Ꙗ҆́ кѡ ты̀ є҆сѝ воскрⷭ҇нїе:
Ны́нѣ же ѿ пе́рвагѡ сщ҃ е́нника, и҆лѝ а҆рхїере́а, глаго́летсѧ велегла́снѡ

мл҃тва: Бж҃е дꙋхѡ́въ: ꙗ҆́коже вы́ше рече́сѧ.
По возгла́сѣ же быва́етъ цѣлова́нїе. И҆ пое́мъ настоѧ́щыѧ стїхи̑ры

подѡ́бны.
Є҆гда̀ ѿ дре́ва:
Гла́съ в҃:
Прїиди́те, послѣ́днее цѣлова́нїе дади́мъ бра́тїе ᲂу҆ме́ршемꙋ,

бл҃годарѧ́ще бг҃а: се́й бо ѡ҆ скꙋдѣ̀ ѿ сро́дства своегѡ̀ , и҆ ко гро́бꙋ
тщи́тсѧ не ктомꙋ̀ пекі́йсѧ ѡ҆ сꙋ́етныхъ, и҆ ѡ҆ многостра́стной
пло́ти. гдѣ̀ ны́нѣ срѡ́дницы же и҆ дрꙋ́зи; сѐ разлꙋча́емсѧ. є҆го́же

ᲂу҆поко́ити, гдⷭ҇ꙋ помо́лимсѧ.
Ко́е разлꙋче́нїе, ѽ бра́тїе! кі́й пла́чь; ко́е рыда́нїе въ настоѧ́щемъ

часѣ̀; прїиди́те ᲂу҆́бѡ цѣлꙋ́йте бы́вшаго вма́лѣ съ на́ми: предае́тсѧ
бо гро́бꙋ. ка́менемъ покрыва́етсѧ, во тьмꙋ̀ вселѧ́етсѧ, съ ме́ртвыми
погреба́етсѧ, и҆ всѣ́хъ сро́дникѡвъ и҆ дрꙋгѡ́въ ны́нѣ разлꙋча́етсѧ:
є҆го́же ᲂу҆поко́ити, гдⷭ҇ꙋ помо́лимсѧ.
Ны́нѣ жите́йское лꙋка́вое разрꙋша́етсѧ торжество̀ сꙋеты̀ : дх҃ъ бо

ѡ҆ скꙋдѣ̀ ѿ селе́нїѧ, бре́нїе ѡ҆ черни́сѧ, сосꙋ́дъ раздра́сѧ, безгла́сенъ,
нечꙋ́ственъ, ме́ртвенъ, недви́жимь. є҆го́же посыла́юще гро́бꙋ, гдⷭ҇ꙋ
помо́лимсѧ, да́ти семꙋ̀ во вѣ́ки ᲂу҆покое́нїе.
Ꙗ҆ ко́въ живо́тъ на́шъ є҆́сть; цвѣ́тъ, и҆ ды́мъ, и҆ роса̀ ᲂу҆́треннѧѧ

вои́стиннꙋ. прїиди́те ᲂу҆́бѡ, ᲂу҆́зримъ на гробѣ́хъ ꙗ҆́снѡ, гдѣ̀ добро́та
тѣле́снаѧ; гдѣ̀ ю҆́ность; гдѣ̀ сꙋ́ть ѻ҆ чеса̀, и҆ зра́къ плотскі́й: всѧ̑
ᲂу҆вѧдо́ша ꙗ҆́кѡ трава̀, всѧ̑ потреби́шасѧ. прїиди́те ко хрⷭ҇тꙋ̀
припаде́мъ со слеза́ми.
Ве́лїй пла́чь и҆ рыда́нїе, ве́лїе воздыха́нїе, и҆ нꙋ́жда, разлꙋче́нїе дꙋшѝ,

а҆́дъ и҆ поги́бель, привре́менный живо́тъ, сѣ́нь непостоѧ́ннаѧ, со́нъ
преле́стный: безвременномечта́ненъ трꙋ́дъ житїѧ̀ земна́гѡ. дале́че
ѿбѣжи́мъ мїрска́гѡ всѧ́кагѡ грѣха̀, да небє́снаѧ наслѣ́димъ.
Ви́дѧще предлежа́ща ме́ртва, ѡ҆́ бразъ воспрїи́мемъ всѝ коне́чнагѡ

часа̀: се́й бо ѿхо́дитъ ꙗ҆́кѡ ды́мъ ѿ землѝ, ꙗ҆́кѡ цвѣ́тъ ѿцвѣтѐ,
ꙗ҆́кѡ трава̀ посѣче́сѧ, вре́тищемъ повива́емь, земле́ю покрыва́емь.

є҆го́же неви́дима ѡ҆ ста́вивше, хрⷭ҇тꙋ̀ помо́лимсѧ, да́ти семꙋ̀ во вѣ́ки
ᲂу҆покое́нїе.
Прїиди́те внꙋ́цы а҆да́мѡвы, ᲂу҆ви́димъ на землѝ пове́рженнаго, по

ѡ҆́ бразꙋ на́шемꙋ всѐ бл҃голѣ́пїе ѿлага́юща, разрꙋше́на во гро́бѣ гно́емъ,
червьмѝ, тьмо́ю и҆ждива́ема, земле́ю покрыва́ема. є҆го́же неви́дима
ѡ҆ ста́вльше, хрⷭ҇тꙋ̀ помо́лимсѧ, да́ти во вѣ́ки семꙋ̀ ᲂу҆покое́нїе.
Є҆гда̀ дꙋша̀ ѿ тѣ́ла и҆́мать нꙋ́ждею восхи́титисѧ стра́шными а҆́гг҃лы,

всѣ́хъ забыва́етъ сро́дникѡвъ и҆ зна́емыхъ, и҆ пече́тсѧ ѡ҆ бꙋ́дꙋщихъ
сꙋди́лищей стоѧ́нїи, ꙗ҆̀ же сꙋеты̀ , и҆ многотрꙋ́дныѧ пло́ти разрѣше́нїи:
тогда̀ сꙋдїю̀ молѧ́ще, всѝ помо́лимсѧ, да прости́тъ гдⷭ҇ь, ꙗ҆̀ же
содѣ́ла.
Прїиди́те бра́тїе, во гро́бѣ ᲂу҆́зримъ пе́пелъ и҆ пе́рсть, и҆з̾ неѧ́же

созда́хомсѧ. ка́мѡ ны́нѣ и҆́демъ; что́ же бы́хомъ, кі́й ᲂу҆бо́гъ и҆лѝ
бога́тъ; и҆лѝ кі́й влⷣка; кі́й же свобо́дь; и҆ не вси́ ли пе́пелъ; добро́та
лица̀ согнѝ, и҆ ю҆́ности ве́сь цвѣ́тъ ᲂу҆вѧдѝ сме́рть.
Вои́стиннꙋ сꙋета̀ и҆ тлѣ́нїе, всѧ̑ житє́йскаѧ, ви́ды, и҆ безсла̑внаѧ: вси́

бо и҆счеза́емъ, всѝ ᲂу҆́мремъ, ца́рїе же и҆ кнѧ́зи, сꙋдїи̑ и҆ наси́льницы,
бога́тїи и҆ ᲂу҆бо́зїи, и҆ всѐ є҆стество̀ человѣ́ческое: ны́нѣ бо, и҆̀же
и҆ногда̀ въ житїѝ, во гро́бы верга́ютсѧ, и҆̀хже да ᲂу҆поко́итъ гдⷭ҇ь,
помо́лимсѧ.
Всѝ тѣле́снїи ны́нѣ ѻ҆ рга́ны пра́здни зрѧ́тсѧ, и҆̀же пре́жде ма́ла

дви́жими бѧ́хꙋ, всѝ недѣйстви́тельни, ме́ртви, нечꙋ́вственни: ѻ҆́ чи бо
заидо́ша, свѧза́стѣсѧ но́зѣ, рꙋ́цѣ безмо́лвствꙋетѣ, и҆ слꙋ́хъ съ
ни́ми: ѧ҆зы́къ молча́нїемъ заключи́сѧ, гро́бꙋ предае́тсѧ. вои́стиннꙋ
сꙋета̀ всѧ̑ человѣ́чєскаѧ.
Сп҃са́й надѣ́ющыѧсѧ на тѧ̀ , мт҃и незаходи́магѡ сл҃нца

бг҃ороди́тельнице: ᲂу҆молѝ мл҃твами твои́ми пребл҃га́го бг҃а,
ᲂу҆поко́ити, мо́лимсѧ, ны́нѣ преста́вльшагосѧ, и҆дѣ́же ᲂу҆покоева́ютсѧ
првⷣныхъ дꙋ́си: бж҃е́ственныхъ бла̑гъ наслѣ́дника покажѝ, во дво́рѣхъ
првⷣныхъ, въ па́мѧть, всенепоро́чнаѧ, вѣ́чнꙋю.
Сла́ва, гла́съ ѕ҃:
Зрѧ́ще мѧ̀ безгла́сна, и҆ бездыха́нна предлежа́ща, воспла́чите ѡ҆ мнѣ̀

бра́тїе и҆ дрꙋ́зи, срѡ́дницы и҆ зна́емїи: вчера́шнїй бо де́нь бесѣ́довахъ
съ ва́ми, и҆ внеза́пꙋ на́йде на мѧ̀ стра́шный ча́съ сме́ртный: но
прїиди́те всѝ лю́бѧщїи мѧ̀ , и҆ цѣлꙋ́йте мѧ̀ послѣ́днимъ
цѣлова́нїемъ: не ктомꙋ́ бо съ ва́ми похождꙋ̀, и҆лѝ собесѣ́дꙋю про́чее.
къ сꙋдїи́ бо ѿхождꙋ̀, и҆дѣ́же нѣ́сть лицепрїѧ́тїѧ: ра́бъ бо и҆ влады́ка
вкꙋ́пѣ предстоѧ́тъ, ца́рь и҆ во́инъ, бога́тый и҆ ᲂу҆бо́гїй въ ра́внѣмъ
досто́инствѣ: кі́йждо бо ѿ свои́хъ дѣ́лъ, и҆лѝ просла́витсѧ, и҆лѝ
постыди́тсѧ. но прошꙋ̀ всѣ́хъ и҆ молю̀, непреста́ннѡ ѡ҆ мнѣ̀
моли́тесѧ хрⷭ҇тꙋ̀ бг҃ꙋ, да не низведе́нъ бꙋ́дꙋ по грѣхѡ́мъ мои̑мъ, на
мѣ́сто мꙋче́нїѧ: но да вчини́тъ мѧ̀ , и҆дѣ́же свѣ́тъ живо́тный.
И҆ ны́нѣ, бг҃оро́диченъ, гла́съ то́йже:

Мл҃твами ро́ждшїѧ тѧ̀ хрⷭ҇тѐ, и҆ прⷣте́чи твоегѡ̀ , а҆пⷭ҇лѡвъ, прⷪ҇ро́кѡвъ,

і҆ера́рхѡвъ, прпⷣбныхъ, и҆ првⷣныхъ, и҆ всѣ́хъ ст҃ы́хъ, ᲂу҆со́пшаго раба̀
твоего̀ ᲂу҆поко́й.
Та́же, Трист҃о́е. Прест҃а́ѧ трⷪ҇це: Ѻ҆́ ч҃е на́шъ:
Сщ҃ е́нникъ: Ꙗ҆́ кѡ твоѐ є҆́сть црⷭ҇тво:
Та́же, Со дꙋ́хи пра́ведныхъ: И҆ про́чее.
Проше́нїе ѿ дїа́кона: Поми́лꙋй на́съ бж҃е, по вели́цѣй млⷭ҇ти твое́й: По

возгла́сѣ же,
Сла́ва, и҆ ны́нѣ:
И҆ ѿпꙋ́стъ:
Воскр҃сы́й и҆з̾ ме́ртвыхъ, хрⷭ҇то́съ и҆́стинный бг҃ъ на́шъ, мл҃твами

пречⷭ҇тыѧ своеѧ̀ мт҃ре, ст҃ы́хъ сла́вныхъ и҆ всехва́льныхъ а҆пⷭ҇лъ,
прпⷣбныхъ и҆ бг҃оно́сныхъ ѻ҆ тє́цъ на́шихъ, и҆ всѣ́хъ ст҃ы́хъ, дꙋ́шꙋ ѿ
на́съ преста́вльшагѡсѧ раба̀ своегѡ̀ , и҆́мⷬ҇ къ, въ селе́нїихъ првⷣныхъ
ᲂу҆чини́тъ, въ нѣ́дрѣхъ а҆враа́ма ᲂу҆поко́итъ, и҆ съ првⷣными
сопричте́тъ, и҆ на́съ поми́лꙋетъ, ꙗ҆́кѡ бл҃гъ и҆ чл҃вѣколю́бецъ. А҆ми́нь.
А҆рхїере́й же и҆лѝ нача́льствꙋѧй і҆ере́й са́мъ глаго́летъ три́жды сїѐ:
Вѣ́чнаѧ твоѧ̀ па́мѧть, достобл҃же́нне и҆ приснопа́мѧтне бра́те на́шъ.

Три́жды.
Та́же пѣвцы̀ пою́тъ три́жды:
Вѣ́чнаѧ па́мѧть.
А҆́бїе же а҆рхїере́й, а҆́ще приключи́тсѧ та́мѡ бы́ти, и҆лѝ і҆ере́й чте́тъ

мл҃твꙋ проща́льнꙋю велегла́снѡ:
Гдⷭ҇ь і҆и҃ съ хрⷭ҇то́съ бг҃ъ на́шъ, и҆́же бж҃е́ствєннаѧ за́пѡвѣди ст҃ы̑мъ

свои̑мъ ᲂу҆ч҃нкѡ́мъ и҆ а҆пⷭ҇лѡмъ да́вый, во є҆́же вѧза́ти и҆ рѣши́ти
па́дшихъ грѣхѝ, и҆ ѿ ѻ҆́ ныхъ па́ки мы̀ прїе́мше вины̑ то́йже
твори́ти: да прости́тъ тебѐ, ча́до дх҃о́вное, а҆́ще что̀ содѣ́лалъ є҆сѝ
въ ны́нѣшнѣмъ вѣ́цѣ во́льное и҆лѝ нево́льное, ны́нѣ и҆̀. при́снѡ, и҆ во
вѣ́ки вѣкѡ́въ, а҆ми́нь.
И҆ та́кѡ взе́мше мо́щи ѿхо́димъ ко гро́бꙋ послѣ́дꙋющымъ всѣ̑мъ

лю́демъ, пред̾идꙋ́щымъ же сщ҃ е́нникѡмъ, и҆ пою́щымъ: Ст҃ы́й бж҃е:
Прест҃а́ѧ трⷪ҇це: Ѻ҆́ ч҃е на́шъ: И҆ прѡ́чаѧ.
И҆ полага́ютсѧ мо́щи во гро́бъ: а҆рхїере́й же, и҆лѝ сщ҃ е́нникъ, взе́мъ

пе́рсть лопа́тою, крестови́днѡ ме́щетъ верхꙋ̀ моще́й, глаго́лѧ:
Гдⷭ҇нѧ землѧ̀ , и҆ и҆сполне́нїе є҆ѧ̀ вселе́ннаѧ, и҆ всѝ живꙋ́щїи на не́й.
И҆ посе́мъ налива́етъ верхꙋ̀ є҆ле́й ѿ канди́ла, и҆лѝ сы́плютъ пе́пелъ ѿ

кади́льницы, и҆ та́кѡ покрыва́ютъ ꙗ҆́кѡ ѻ҆ бы́чнѡ гро́бъ,
приглаго́лємымъ тропарє́мъ: Со дꙋ́хи пра́ведныхъ: и҆ про́чымъ всѣ̑мъ.
И҆ ѿпꙋ́стъ.
<< Previous Contents Next >>

(глⷡ҇а з҃і) Послѣ́дованїе ме́ртвенное мїрски́хъ тѣ́лъ -

Загружено:

Сведения о документе

Оригинальное название

Авторское право

Доступные форматы

Поделиться этим документом

Поделиться или встроить документ

Параметры публикации

Этот документ был вам полезен?

Это неприемлемый материал?

Авторское право:

Доступные форматы

(глⷡ҇а з҃і) Послѣ́дованїе ме́ртвенное мїрски́хъ тѣ́лъ -

Загружено:

Авторское право:

Доступные форматы

26/06/2023, 13:50 [глⷡ҇а з҃і] Послѣ́дованїе ме́ ртвенное мїрски́ хъ тѣ́лъ.

<< Previous Contents Next >>

[глⷡ҇а з҃і] Послѣ́дованїе ме́ртвенное мїрски́хъ тѣ́лъ.

Сконча́вшꙋсѧ комꙋ̀ ѿ правосла́вныхъ, а҆́бїе призыва́ютъ срѡ́дницы

Бл҃гослове́нъ бг҃ъ на́шъ:

И҆ начина́ютъ сопредстоѧ́щїи: Ст҃ы́й бж҃е: Прест҃а́ѧ трⷪ҇це: Ѻ҆́ ч҃е на́шъ:

И҆ а҆́бїе пою́тъ тропарѝ сїѧ̑. Гла́съ д҃:

Со дꙋ́хи првⷣныхъ сконча́вшихсѧ, дꙋ́шꙋ раба̀ твоегѡ̀ сп҃се ᲂу҆поко́й,

Въ поко́ищи твое́мъ гдⷭ҇и, и҆дѣ́же всѝ ст҃і́и твоѝ ᲂу҆покоева́ютсѧ,

Сла́ва: Ты̀ є҆сѝ бг҃ъ соше́дый во а҆́дъ, и҆ ᲂу҆́зы ѡ҆ кова́нныхъ

И҆ ны́нѣ: Є҆ди́на чⷭ҇таѧ и҆ непоро́чнаѧ дв҃о, бг҃а без̾ сѣ́мене ро́ждшаѧ,

Поми́лꙋй на́съ бж҃е, по вели́цѣй млⷭ҇ти твое́й, мо́лимъ ти сѧ,

Гдⷭ҇и поми́лꙋй, три́жды.

Є҆щѐ мо́лимсѧ ѡ҆ ᲂу҆покое́нїи дꙋшѝ ᲂу҆со́пшагѡ раба̀ бж҃їѧ, и҆́мⷬ҇ къ, и҆ ѡ҆

Гдⷭ҇и поми́лꙋй, три́жды.

Ꙗ҆́ кѡ да гдⷭ҇ь бг҃ъ ᲂу҆чини́тъ дꙋ́шꙋ є҆гѡ̀ , и҆дѣ́же првⷣнїи ᲂу҆покоѧ́ютсѧ.

Гдⷭ҇и поми́лꙋй, три́жды.

Млⷭ҇ти бж҃їѧ, црⷭ҇тва нбⷭ҇нагѡ и҆ ѡ҆ ставле́нїѧ грѣхѡ́въ є҆гѡ̀ , ᲂу҆ хрⷭ҇та̀

Дїа́конъ: Гдⷭ҇ꙋ помо́лимсѧ:

Сщ҃ е́нникъ глаго́летъ мл҃твꙋ сїю̀:

Бж҃е дꙋхѡ́въ, и҆ всѧ́кїѧ пло́ти, сме́рть попра́вый и҆ дїа́вола

дꙋ́шꙋ ᲂу҆со́пшагѡ раба̀ твоегѡ̀ , и҆́мⷬ҇ къ, въ мѣ́стѣ свѣ́тлѣ, въ мѣ́стѣ

Возгла́съ: Ꙗ҆́ кѡ ты̀ є҆сѝ воскрⷭ҇нїе и҆ живо́тъ, и҆ поко́й ᲂу҆со́пшагѡ раба̀

Ли́къ: Чтⷭ҇нѣ́йшꙋю херꙋві̑мъ: И҆ про́чее.

И҆ а҆́бїе быва́етъ ѿ сщ҃ е́нника сицевы́й ѿпꙋ́стъ:

Живы́ми и҆ ме́ртвыми ѡ҆ блада́ѧй хрⷭ҇то́съ и҆́стинный бг҃ъ на́шъ,

И҆ а҆́ще ᲂу҆́бѡ готѡ́ва сꙋ́ть всѧ̑, ꙗ҆̀ же ко и҆схо́дꙋ, твори́тъ па́ки

И҆ начина́емъ пѣ́ти: Ст҃ы́й бж҃е: со стра́хомъ, и҆ всѧ́кимъ

Живы́й въ по́мощи вы́шнѧгѡ:

И҆ посе́мъ вы́шшимъ гла́сомъ пою́тъ:

Бл҃гослове́нъ є҆сѝ гдⷭ҇и, наꙋчи́ мѧ ѡ҆ правда́нїємъ твои̑мъ.

Непоро́чнїи въ пꙋ́ть: А҆ллилꙋ́їа.

И҆ пое́тсѧ пе́рваѧ статїѧ̀ непоро́чныхъ, во гла́съ ѕ҃: въ концы́ же

Бл҃же́ни непоро́чнїи въ пꙋ́ть, ходѧ́щїи въ зако́нѣ гдⷭ҇ни: А҆ллилꙋ́їа.

Бл҃же́ни и҆спыта́ющїи свидѣ̑нїѧ є҆гѡ̀ , всѣ́мъ се́рдцемъ взы́щꙋтъ є҆го̀.

И҆ про́чее ѱалма̀. Сла́ва: А҆ллилꙋ́їа. И҆ ны́нѣ: А҆ллилꙋ́їа.

Дїа́конъ: Па́ки и҆ па́ки ми́ромъ гдⷭ҇ꙋ помо́лимсѧ.

Є҆щѐ мо́лимсѧ ѡ҆ ᲂу҆покое́нїи дꙋшѝ ᲂу҆со́пшагѡ раба̀ бж҃їѧ, и҆́мⷬ҇ къ, и҆ ѡ҆

Ꙗ҆́ кѡ да гдⷭ҇ь бг҃ъ ᲂу҆чини́тъ дꙋ́шꙋ є҆гѡ̀ , и҆дѣ́же пра́веднїи

Млⷭ҇ти бж҃їѧ, црⷭ҇тва нбⷭ҇нагѡ, и҆ ѡ҆ ставле́нїѧ грѣхѡ́въ є҆гѡ̀ , ᲂу҆ хрⷭ҇та̀

Дїа́конъ: Гдⷭ҇ꙋ помо́лимсѧ.

Сщ҃ е́нникъ глаго́летъ мл҃твꙋ сїю̀: Бж҃е дꙋхѡ́въ, и҆ всѧ́кїѧ пло́ти,

И҆ посе́мъ начина́емъ вторꙋ́ю статїю̀ на гла́съ є҃: на ко́емждо же

Ли́къ начина́етъ: За́пѡвѣди твоѧ̑:

Поми́лꙋй раба̀ твоего̀:

Па́ки то́йже ли́къ: Рꙋцѣ̀ твоѝ сотвори́стѣ мѧ̀ : и҆ созда́стѣ мѧ̀ ,

Поми́лꙋй раба̀ твоегѡ̀ .

Боѧ́щїисѧ тебѐ ᲂу҆́зрѧтъ мѧ̀ : и҆ возвеселѧ́тсѧ, ꙗ҆́кѡ на словеса̀ твоѧ̑

Поми́лꙋй раба̀ твоего̀.

И҆ про́чее ѱалма̀, и҆ по концѣ̀,

Сла́ва: Поми́лꙋй раба̀ твоего̀.

И҆ ны́нѣ: Поми́лꙋй раба̀ твоего̀.

Дїа́конъ: Па́ки и҆ па́ки:

И҆ па́ки начина́емъ тре́тїю статїю̀ на гла́съ тре́тїй:

И҆́мѧ твоѐ: А҆ллилꙋ́їа.

Па́ки то́йже ли́къ пое́тъ:

При́зри на мѧ̀ , и҆ поми́лꙋй мѧ̀ , по сꙋдꙋ̀ лю́бѧщихъ и҆́мѧ твоѐ.

Стѡпы̀ моѧ̑ напра́ви по словесѝ твоемꙋ̀, и҆ да не ѡ҆ блада́етъ мно́ю

И҆ про́чее. И҆ по концѣ̀ а҆́бїе: Бл҃гослове́нъ є҆сѝ гдⷭ҇и, наꙋчи́ мѧ

Ст҃ы́хъ ли́къ ѡ҆ брѣ́те и҆сто́чникъ жи́зни, и҆ две́рь ра́йскꙋю: да ѡ҆ брѧ́щꙋ

Бл҃гослове́нъ є҆сѝ гдⷭ҇и:

А҆́гнца бж҃їѧ проповѣ́давше, и҆ закла́ни бы́вше ꙗ҆́коже а҆́гнцы. и҆ къ

Бл҃гослове́нъ є҆сѝ гдⷭ҇и: