Академический Документы
Профессиональный Документы
Культура Документы
не мнии пьрвыхъ.
Ростиславъ[115] бо моравьскыи князь, Богомъ устимъ, свѣтъ
створь съ князи и с моравляны, посла к цесарю Михаилу,
глаголя: «Людемь нашимъ поганьства ся отвергъшемъ и по
крьстьяскъ ся законъ держащемъ, учителя не имамъ такого, иже
бы ны въ свои языкъ истую вѣру съказалъ, да быша ины страны
того зряще, уподобили намъ. Посли ны, владыко, епископа и
учителя такого. Отъ васъ бо на вся страны всегда добрыи законъ
исходить».
Сбравъ же цесарь зборъ, призва Костянтина Философа и створи
слышати рѣць сию. И рече: «Философе, вѣмь тя трудна суща, нъ
достоить тобѣ тамо ити. Сея бо рѣчи не можеть инъ никтоже
исправити, якоже ты». Отвѣща Философъ: «И труденъ сы т ѣломъ
и боленъ, радъ иду тамо, аще имуть букви въ свои языкъ». Рече
цесарь к нему: «Дѣдъ мои и отець мои,[116] и ини мнози, искавше
того, не обрѣли того суть. То како азъ то могу обрѣсти?»
Философъ же рече: «То кто можеть на водѣ бесѣду написати или
еретичьско имя собѣ обрѣсти?» Отвѣща ему пакы цесарь, и съ
Варъдою, уимъ своимъ:[117] «Аще ты хощеши, то можеть Богъ
тобѣ дати, иже даеть всѣмъ, иже просять несумнѣниемъ, и
отверзаеть толкущимъ».[118]
Шедъ же Философъ, по пьрвому обычаю на молитву ся наложи и
с инѣми поспѣшникы. Вскорѣ же ся ему Богъ яви, послушаяи
молитвы своихъ рабъ. И тъгда сложи писмена и нача бес ѣду
писати евангельскую: «Испьрва бѣ слово и слово бѣ у Бога и Богъ
бѣ слово»[119] и прочее.
Възвесели же ся цесарь, Бога прослави съ своими свѣтникы. И
посла и съ дары многы, написавъ къ Ростиславу епистолию
сицеву: «Богъ, иже велить всякому чьловѣку, дабы в разумъ
истиньныи пришелъ и на большии ся чинъ стѣжилъ, видѣвъ в ѣру
твою и подвигъ, створи и ныня в наша лѣта, явле букъви въ вашь
языкъ, егоже не бѣ давно было, токмо в первая лѣта, да и вы
причтетеся великыхъ языцѣхъ, иже славять Бога своимъ
языкомъ.