ДРУШТВО СО ОГРАНИЧЕНА ОДГОВОРНОСТ( ДОО)

Друштвото со ограничена одговорност е трговско друштво во коешто едно или повеќe

физички и правни лица учествуваат со по еден влог во однапред договорената основна
главнина на друштвото.
Членови 166 – 269 од ЗТД
Фирмата на друштвото со ограничена одговорност мора да ги содржи и зборовите:
„друштво со ограничена одговорност" или ознаката „ДОО".
Кога друштвото има еден содружник фирмата ги содржи зборовите:„друштво со
ограничена одговорност од едно лице" или ознаката: „ДООЕЛ".
Фирмата на поедноставеното друштво со ограничена одгoворностмора да ги содржи и
зборовите: „поедноставено друштво соограничена одговорност“, или ознаката „ПДОО“

БЕЛЕЗИ НА ДОО
ДОО има својство на правно лице (својство на субјект во правото). Тоа е правен субјект.
ДОО спаѓа во кругот на друштвата на капиталот. Тоа е капиталско друштво.
ДОО има основна главнина која се состои од влоговите на содружниците.
Непостоење на одговорност на содружниците за обврските на друштвово.
ДОО има своја фирма. Фирмата на ДОО е името под коешто друштвото работи и под
кое учествува во правниот промет.
ДОО е трговско друшво, по форма, без оглед на тоа дали врши трговска или некоја
друга дејност.
ДОО има седиште. Седиштето на ДОО, се утврдува во изјавата за основањето на
друштвото,односно во договорот за друштвото. Седиштето на друштвото, како негов
суштествен елемент,задолжително се запишува во трговскиот регистар

ОСНОВАЊЕ НА ДОО
Посебните услови за основање на друштвото со ограничена одговорност можат да се
поделат во две групи:
1) Материјални услови за основање на друштвото со ограничена
одговорност, и 2) Формални услови за основање на друштвото со ограничена
одговорност
1)Материјални услови за основање на друштвото со ограничена
одговорност
Услови што се однесуваат на содружниците
Бројот на основачите.Друштво со ограничена одговорност може да биде основано од
едно или од повеќе физички и правни лица.
Друштвото со ограничена одговорност може да има најмногу 50 содружници.
Содружниците можат, но не мораат, да учествуваат лично во работите на друштвото.
Условите што се однесуваат на друштвото.
2 ) Формални услови за основање на друштвото со ограничена одговорност:
Договорот за друштвото.
Друштвото со ограничена одговорност се основа со договор за друштвото што го
склучуваат сите основачи во писмена форма или во електронска форма.
Друштвото кое има најмногу тројца основачи како физички лица,од кои еден е
управител, може да се основа како поедноставено друштво со ограничена
одговорност.
Ако друштвото го основа едно лице договорот за друштвото се заменува со изјава на
основачот за основање на друштвото со ограничена одговорност.
ОДГОВОРНОСТ НА ОСНОВАЧИТЕ И УПРАВИТЕЛИТЕ ЗА ШТЕТА ПРИЧИНЕТА ВО
ПОСТАПКАТА ЗА ОСНОВАЊЕ НА ДОО
Содружниците и управителот му одговараат на друштвото, како солидарни должници,
и за штетата што е причинета поради невнесување или неправилно внесување на
влогови, за кое судот ќе утврди дека се одговорни за причинетата штета.
Од одговорноста се ослободува оној содружник, односно управител кој не знаел за
фактите врз кои се темели одговорноста, ниту за нив морал да знае и кој постапувал со
внимание на уреден и совесен трговец.

ОСНОВНА ГЛАВНИНА НА ДОО

Основната главнина на друштвото се состои од збирот на влоговите на
содружниците.Основната главнина не може да биде помала од 5.000 ЕВРА во
денарска противвредност. Износот на основната главнина мора да биде изразен со
цел број којшто е делив со бројот сто.
Ако основната главнина се намали од која било причина под износот од 5000 евра,
износот мора да биде зголемен до законски предвидениот износ во рок од шест
месеца од денот на усвојувањето на годишната сметка, освен ако друштвото во тој рок
не се преобрази во друга форма на друштво.

2|Page
ВЛОГ ВО ДОО

Влогот на содружникот може да биде паричен и непаричен.

Поединечниот влог не може да биде помал од 100 ЕВРА во денарска противвредност.
Влогот мора да биде изразен со цел број које делив со бројот сто.
Секој содружник при основањето на друштвото може да преземе само еден влог. Еден
влог може заеднички да биде преземен од повеќе лица.

УДЕЛ ВО ДОО
Уделот на содружник во друштвото се определува според големината на влогот што го
презел содружникот, освен ако со договорот за друштвото поинаку не е определено.
Содружникот може да има само еден удел во друштвото. Ако содружникот преземе и
друг удел, неговиот удел се зголемува за преземениот удел.
Управителот на друштвото е одговорен за водење на книгата на удели.
РАСПОЛАГАЊЕ СО УДЕЛ ВО ДОО
Содружниците располагаат со уделите под условите утврдени во договорот за
друштвото.
Уделот се пренесува со договор за пренос на удел заверен кај нотар.
Преносот на удел со наследување не може да се ограничи.

Поделба на удел
За поделба на удел е потребна согласност на сите содружници, освен ако со договорот
за друштвото поинаку не е определено.
Повеќе сосопственици можат да имаат 1 удел.
Повлекување удел: Уделот може да биде повлечен само во случаите предвидени во
договорот за друштвото.

ПРАВА И ДОЛЖНОСТИ НА СОДРУЖНИЦИТЕ ВО

ДРУШТВОТО
Правата на содружникот во друштвото со ограничена одговорност се делат во две
групи: 1 законски и 2 договорни.
Секој содружник во друштвото има право:

3|Page
1 ) да учествува во управувањето со друштвото;
2) да учествува во распределбата на добивката;
3) да биде информиран за работењето на друштвото;
4) да врши увид во книгите и во другите документи на друштвото и на дел од остатокот
на ликвидационата, односно на стечајната маса.

Право на учество во добивката

Содружниците имаат право на соодветен дел од добивката, освен ако правото на
учество во добивката не е ограничено или исклучено со договорот за друштвото.

ПРЕСТАНУВАЊЕ НА СОДРУЖНИЧКИОТ ОДНОС

Содружничкиот однос во друштвото престанува со:
1) смрт на физичкото лице содружник;
2) престанување на правното лице содружник;
3) истапување на содружник од друштвото;
4) исклучување на содружник од друштвото и
5) стечај над содружник.
Содружничкиот однос во случај на истапување, односно исклучување престанува кога
ќе му се исплати на содружникот надоместокот.

АКТИ, ДОКУМЕНТИ И ИНФОРМИРАЊЕ НА СОДРУЖНИЦИТЕ

Друштвото, во своето седиште, мора да ги чува следниве акти и документи:
1)примерок од договорот за друштвото и сите нивни измени и дополнувања со
пречистените текстови;
2)прилози (исправи и докази) што се поднесени до трговскиот регистар;
3)книгата на удели;
4)книгата на одлуки;
5)и разни други листи,записници,сметки и документи
документите и информациите друштвото може да побара содружникот или
поранешниот содружник, за периодот кога тој бил дел на друштвото.Ако се
оневозможи тоа право, лицето има право, со предлог да побара од судот да донесе
одлука за остварување на ова право .

4|Page
СОБИР НА СОДРУЖНИЦИТЕ
Состав на собирот на содружниците
Собирот на содружниците го сочинуваат сите содружници. Управителот на друштвото
кој не е содружник може да учествуваво работата на собирот, без право на глас.
Собирот на содружниците го свикува управителот, освен ако со договорот за
друштвото, правото на свикување на собирот не му е дадено на друго лице.
Секој износ од влогот што одговара на вредноста од 100 ЕВРА дава еден глас, при што
деловите под 100 ЕВРА не се земаат предвид при определувањето на правото на глас.
Содружниците на друштвото, ако на собирот на содружниците, донесат одлука со која
ги повредуваат интересите на друштвото, одговараат неограничено и солидарно за
штетата настаната со таква одлука.

ЗАШТИТА НА ПРАВАТА НА МАЛЦИНСКИТЕ СОДРУЖНИЦИ

Содружник, односно содружниците чии што влогови заедно сочинуваат најмалку една
десеттина од основната главнина имаат право да определат овластен ревизор за да
изврши посебна ревизија на последната годишна сметка и финансиските извештаи.
Ревизорот е должен извештајот од извршената ревизија, без одлагање да го достави
до управителот и до надзорниот одбор, ако друштвото има орган на надзор.
УПРАВУВАЊЕ СО ДРУШТВОТО
Со друштвото управува управител, односно управители.
Кога во друштвото има три или повеќе управители, тие можат заедно да управуваат со
друштвото како орган на управување на друштвото на начин определен во договорот
за друштвото.
За управител може да биде избрано физичко лице кое е деловно способно.
За избор на управител одлучуваат содружниците.
При основањето на друштвото, првиот управител може да биде назначен со договорот
за друштвото.
Ако за управител се избира содружник, мандатот може да му трае додека му трае
содружничкиот однос.
Управителот, неговото овластување за застапување на друштвото и сите промени, без
одлагање,се запишуваат во трговскиот регистар.
Овластувањата на управителот се определуваат со договорот за друштвото.
Друштвото во односите со трети лица го застапува управителот.

5|Page
Должно внимание и одговорност на управителот
Управителот е должен да ги води работите на друштвото со внимание на уреден и
совесен трговец и да ја чува деловната тајна на друштвото.
Управител може, во секое време, да биде отповикан со одлука на
содружниците.Управител може да поднесе оставка во кое било време .
Управување со друштво од едно лице
Со друштвото со ограничена одговорност од едно лице управува содружникот лично,
или од него избран управител. Ако единствениот содружник е правно лице, со
друштвото управува, од него избрано лице.

НАДЗОР НАД РАБОТЕЊЕТО НА ДРУШТВОТО

Надзор над работењето на друштвото може да врши надзорен одбор или контролор, а
ако во друштвото не е образуван орган на надзор, надзорот го вршат непосредно
содружниците, поединечно или заеднички.

ОРГАНИ НА НАДЗОР
Избор на органи на надзор
Со договорот за друштвото може да се предвиди образување надзорен одбор,
односно избирање контролор на друштвото, кој го следи спроведувањето на
договорот за друштвото, се грижи за работењето со имотот на друштвото и неговото
зачувување, го контролира начинот на којшто се врши управувањето со друштвото од
страна на управителот и му поднесува извештај на собирот на содружниците.

Начин на избор и отповикување на органот за надзор

Собирот на содружниците ги избира и отповикува членовите на надзорниот одбор,
односно контролорот, освен ако со договорот за друштвото поинаку не е определено.
Во друштвото со ограничена одговорност од едно лице, ако содружникот одлучил да
образува орган на надзор, членовите на надзорниот одбор, односно контролорот го
избира и го отповикува со своја одлука единствениот содружник.

Надзорниот одбор се состои од најмалку три члена.Членовите на надзорниот одбор се

избираат на време од четири години, освен ако со договорот за друштвото поинаку не
е определено.
Договорот за друштвото може да се измени само со одлука на содружниците,

6|Page
ЗГОЛЕМУВАЊЕ НА ОСНОВНАТА ГЛАВНИНА
Зголемување на основната главнина може да се врши со преземање нови влогови или
со внесување на резервите и на добивката на друштвото во основната главнина.
Новите влогови друштвото ги нуди на постојните содружници или на други лица кои не
се содружници.Постојните содружници имаат право на првенствено преземање нови
влогови.
НАМАЛУВАЊЕ НА ОСНОВНАТА ГЛАВНИНА
Основната главнина на друштвото може да се намали само со одлука на содружниците
за намалување на основната главнина.Основната главнина на друштвото не смее да се
намали под 5.000 ЕВРА во денарска противвредност.

ПРЕСТАНУВАЊЕ НА ДРУШТВОТО
Основи за престанување на друштвото се:
1)истекот на времето определено во договорот за друштвото;
2)одлука на содружниците;
3)присоединување на друштвото кон друго друштво, спојување со друго друштво,
односно со поделба;
4)стечај на друштвото и одлука на судот.

Основи за престанување на друштвото од едно лице

Друштвото од едно лице, во кое сопственик на уделот е физичко лице, престанува со
смртта на тоа лице ако по спроведената оставинска постапка наследниците не бараат
друштвото да продолжи со работа.
Ако сопственик на удел на друштво од едно лице е правно лице, друштвото престанува
со престанувањето на правното лице, освен ако во постапката за стечај уделот го
преземе друго лице.
Пријавата за упис на престанувањето на друштвото во трговскиот регистар,
управителот мора без одлагање да ја поднесе.

7|Page