1x

Спаса Нерукотворного пустынь | матушка Сепфора

12 мая 2018
АКАФИСТ СХИМОНАХИНЕ СЕПФОРЕ (Шнякиной) для дома́шнего и келе́йного чте́ния
Конда́к 1
Избра́нная измла́да Святы́ м Бо́ гом, преди́ вная уго́ днице Христо́ ва, преподо́ бная ста́рице Сепфо́ ро,
похва́льныя пе́сни тебе́ прино́ сим: ты бо еси́ всем благо́ е утеше́ние и в ско́ рбех су́щим ти́ хое
приста́нище, моли́ о нас Влады́ ку вся́ческих, да зове́м ти:
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Икос 1
Ангельскому житию́ поревнова́вши, возложи́ ла еси́ всю наде́жду и упова́ние на Прему́дрый
про́ мысл Вла́дыки вся́ческих. Вся преходя́щая в ми́ ре сем приима́ла еси́ благода́рным и
умиле́нным се́рдцем, во все́м преда́вшися святе́й во́ ле возлю́ бленнаго Жениха́ Христа́. Мы же,
зря́ще ди́ вное смиренному́дрие твое́ и кро́ тость голуби́ ную, я́ко птенцы́ , с любо́ вию вопие́м ти:
Ра́дуйся, сладкопе́ние со́ нма Ангельскаго; Ра́дуйся, пе́сне преди́ вная са́да ра́йскаго.
Ра́дуйся, го́ рняя ла́стовице[1] мы́ сленная; Ра́дуйся, голуби́ це смиренному́драя.
Ра́дуйся, во́ лю свою́ с Боже́ственною соедини́ вшая; Ра́дуйся, Иису́са Сладча́йшего всем се́рдцем
возлюби́ вшая.
Ра́дуйся, ра́дости тоя́ Боже́ственныя испо́ лненная; Ра́дуйся, весе́лие Ангельское насле́довавшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 2
Ви́ дя любо́ вь твою́ пла́менную к моли́ тве, яви́ ти Госпо́ дь зна́мение Свое́ во о́ бразе седми́
ве́рвиц[2], их же роди́ тель твой прии́ м от ста́рцев святы́ я горы́ Афо́ нския в дар тебе́ принесе́,
боголюби́ вая отрокови́ це. И та́ко возра́довася ю́ ная душа́ твоя́, и возвесели́ ся дух твой, воспева́я
Бо́ гу: Аллилу́ия.
Икос 2
Ра́зум Боже́ственный стяжа́вши в благоговейном се́рдце свое́м, узре́ла еси́ , о ма́ти
преблаже́нная, достосла́вный путь спаси́ тельныя любве́ и кро́ тости. И взе́мши благо́ е и́ го Христо́ во
на себе́, с ра́достию дости́ гла еси́ Черто́ гов Ца́рских. Мы же, зря́ще пресла́вное житие́ твое́ о
Христе́ Иису́се, Го́ споде на́шем, со умиле́нием взыва́ем ти си́ це:
Ра́дуйся, ра́зума Боже́ственнаго созерца́ние; Ра́дуйся, ми́ ра душе́внаго ра́дуга ди́ вная.
Ра́дуйся, сокро́ вищнице сове́та Истины; Ра́дуйся, ла́рче духо́ вный Бо́ жией Прему́дрости.
Ра́дуйся, на путь спасе́ния нас наставля́ющая; Ра́дуйся, покая́нием сердца́ всех возжига́ющая.
Ра́дуйся, любо́ вию согрева́ющая; Ра́дуйся, ра́достию светоза́рною окриля́ющая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 3
Си́ лою Ду́ха Всесвята́го стяжа́ла еси́ непреста́нную моли́ тву ко Иису́су сладча́йшему, е́юже
благода́ть обрела́ еси́ в се́рдце твое́м и любо́ вь умиле́нную. Та́ко уподо́ бися исто́ чнику ти́ ху и
прохла́дну смире́нная моли́ тва в се́рдце твое́м, напоя́ющи жа́ждущих спасе́ния и вопию́ щих к
Бо́ гу: Аллилу́ия.
Икос 3
Име́ющи ве́ру непоколеби́ мую во Христа́ Бо́ га, побежда́ла еси́ по́ лчища врага́ лука́ваго и не
позна́ла стра́ха, кроме́ стра́ха Бо́ жия. Тем же взыва́ла еси́ во упова́нии: «Да воскре́снет Бог». И
расточишася врази́ Его́ от души́ твоея́, я́ко воск от огня́ ве́ры и наде́жды пламене́ющия. Мы же,
Кресто́ м огражда́еми, с любо́ вию воспева́ем ти си́ це:
Ра́дуйся, ве́нче побе́ды над де́монами; Ра́дуйся, сокруше́ние враго́ в мы́ сленных.
Ра́дуйся, огнь, пожига́яй диа́вола; Ра́дуйся, ка́меню, побива́яй врага́ зло́ бу.
Ра́дуйся, крест свой на ра́мена взе́мшая; Ра́дуйся, с ра́достию себе́ отве́ргшаяся.
Ра́дуйся, ше́ствовати в любви́ ко Христу́ возжела́вшая; Ра́дуйся, во оби́ тели го́ рния воспари́ вшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Кондак 4
Бу́ря многосу́етнаго мо́ ря жите́йскаго не вни́ де в се́рдце твое́ смире́нное и кро́ ткое, ника́коже
возмо́ же причини́ ти вреда́ ему́, пламене́ющему любо́ вию ко Го́ споду. Кре́пость бо необори́ мую от
всех наве́т вра́жиих обрела́ еси́ усе́рдною моли́ твою в се́рдце свое́м, всегда́ ра́дующися в ско́ рбех
и благодаря́щи за вся Го́ спода Сил, пою́ щи песнь: Аллилу́ия.
Икос 4
Слы́ шащи ди́ вное пе́ние Херуви́ мов, возлюби́ ла еси́ моли́ тву церко́ вную, и я́ко не́когда Пречи́ стая
Ма́терь Го́ спода вку́пе со Ио́ сифом Обру́чником иска́ста о́ трока Иису́са и по трие́х днех обрето́ ста
Его́ в хра́ме, та́кожде и ты научи́ лася всегда́ иска́ти Христа́ в велеле́поте богослуже́ний церко́ вных.
Мы же, ви́ дяще любо́ вь твою́ ко хра́му Бо́ жию, со умиле́нием пое́м ти:
Ра́дуйся, Херуви́ мская песнь несконча́емая; Ра́дуйся, нгельских лико́ в соприча́стнице.
Ра́дуйся, благоуха́ние фимиа́ма кади́ льнаго; Ра́дуйся, сла́досте пе́ния церко́ внаго.
Ра́дуйся, хвалу́ Бо́ гу возноси́ вшая; Ра́дуйся, в се́рдце свое́м Христа́ стяжа́вшая.
Ра́дуйся, Ему́ ве́рно послужи́ вшая; Ра́дуйся, смире́нием на небеса́ возлете́вшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 5
Яко Боготе́чная звезда́ яви́ ся оби́ тель Оптинская на пути́ твоего́ пресве́тлаго жития́, иде́же
моли́ твою улучи́ ла еси́ благослове́ние преподо́ бных ста́рцев, и тем положи́ ла еси́ основа́ние
но́ выя пресла́вныя оби́ тели Спа́са Нерукотворе́ннаго в ве́си Клы́ ковстей. Ны́ не же, я́ко звезда́
пресве́тлая Небосво́ да Церко́ внаго, сия́еши во оби́ телех го́ рних, ра́дующися и воспева́ющи Бо́ гу:
Аллилу́ия.
Икос 5
Ви́ девши мо́ ре бу́рное ми́ ра сего́ су́етнаго, умоли́ ла еси́ Премилосе́рдаго Го́ спода, да даст ти два
крила́ спаси́ тельных – пост и моли́ тву. Си́ и бо вознесли́ тя в Черто́ г Царя́ Небе́снаго, иде́же ты ны́ не
со беспло́ тными Херуви́ мы в ра́дости неизрече́нной воспева́еши сла́ву вели́ каго Бо́ га. Мы же, на
земли́ су́щии, смире́нно вопие́м ти сицева́я:
Ра́дуйся, шестокри́ лых Серафи́ мов удивле́ние преизоби́ льное; Ра́дуйся, многоочи́ тых Херуви́ мов
ра́дование преди́ вное.
Ра́дуйся, А�нгельское небе́сное ликова́ние; Ра́дуйся, насле́днице по́ двигов дре́вних.
Ра́дуйся, в моли́ тве к Бо́ гу воспари́ вшая; Ра́дуйся, чи́ стым се́рдцем Христа́ прия́вшая.
Ра́дуйся, посто́ м ду́шу украси́ вшая; Ра́дуйся, крило́ ма богомы́ слия се́ти врага́ прелете́вшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 6
Пропове́дницу любви́ и́ стинной тя иму́ще, прино́ сим ти благода́рственное пе́ние, о ма́ти на́ша
преподо́ бная. Я�ко птенцы́ под криле́, собрала́ еси́ вся ча́да твоя́ и при́ сно пита́еши словесы́
Боже́ственныя любве́ всех, с ве́рою притека́ющих к тебе́, науча́ющи в покая́нии и благодаре́нии
воспева́ти Бо́ гу: Аллилу́ия.
Икос 6
Возсия́ заря́ Боже́ственная в души́ твое́й, испо́ лненная Ду́ха Всесвята́го, и возгоре́ся огнь любве́ ко
Сладча́йшему Христу́ Иису́су в се́рдце твое́м благогове́йне. Испроси́ и нам у ми́ лостиваго Го́ спода
е́же се́рдцу горе́ти любо́ вию непреста́нною и пла́менною, да обря́щем ве́ру непоколеби́ мую,
наде́жду неизме́нную, мир душа́м на́шим, и си́ це тебе́ воспое́м:
Ра́дуйся, свеще́ пред Бо́ гом горя́щая; Ра́дуйся, во мра́ке мо́ ря жите́йскаго звездо́ присносия́ющая.
Ра́дуйся, сто́ лпе любви́ Боже́ственныя; Ра́дуйся, пла́меню до небесе́ вознесе́нный.
Ра́дуйся, ра́достию всех озаря́ющая; Ра́дуйся, любо́ вию сердца́ всех обыма́ющая.
Ра́дуйся, ду́ши ве́рных освеща́ющая; Ра́дуйся, ко врата́м ра́я вознося́щая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 7
Хотя́ просла́вити тя Госпо́ дь, дарова́ чудеса́ и исцеле́ния по моли́ тве твое́й усе́рдней: мно́ зи бо
слепи́ и прозира́ют, хроми́ и хо́ дят, глуси́ и слы́ шат, ме́ртвии же душе́ю воскреса́ют, и вси воспева́ют
Бо́ гу благода́рственную песнь: Аллилу́ия.
Икос 7
Но́ вую и ди́ вную сокро́ вищницу сотвори́ ду́шу твою́ Госпо́ дь, иде́же собра́ вся блага́я и чуде́сная,
благода́тная и спаси́ тельная. Ты же, я́ко вдови́ ца Ева́нгельская, вве́ргла еси́ ле́пте две, я́же есть
смире́ние и терпе́ние, и положи́ ла вся ели́ ка име́ла еси́ , все житие́ свое́, – Бо́ гу. Мы же, зря́ще
доброде́тели твоя́, воспева́ем ти си́ це:
Ра́дуйся, зла́то смире́ния и кро́ тости; Ра́дуйся, сокро́ вище Ца́рствия Небе́снаго.
Ра́дуйся, ка́меню терпе́ния драгоце́ннейший; Ра́дуйся, же́но ангелоподо́ бная.
Ра́дуйся, с ми́ ром всех прие́млющая; Ра́дуйся, немощны́ м исцеле́ния подаю́ щая.
Ра́дуйся, ра́дость в скорбя́щих воскреша́ющая; Ра́дуйся, высоты́ смире́ния дости́ гшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 8
Стра́ннаго жи́ тельства путь проде́лала еси́ на земли́ , полага́ющи хране́ние усто́ м свои́ м и гла́сом
безмо́ лвия бесе́дующи со Ангелы. Тако и нас науча́еши бы́ ти чужды́ ми ве́ка сего́ преходя́щего, в
се́рдце же непреста́нную стяжа́ти моли́ тву и любо́ вь ко Еди́ ному в Тро́ ице Бо́ гу, воспева́ющи Ему́:
Аллилу́ия.
И�кос 8
Вся предаде́ся святе́й во́ ле Боже́ственней, узре́ла еси́ Христа́ во вся́цей душе́, притека́ющей к тебе́:
взалка́ бо кто — и даде́ ему́ я́сти; возжада́ бо — и напои́ ла еси́ ; стра́нен бе – и ввела́ еси́ под кров.
Та́кожде и ны́ не стори́ цею явля́еши по́ мощь стра́ждущим чрез оби́ тель твою́ святу́ю. Мы же,
нужду́ имуще во святе́м засту́пничестве твое́м, воспева́ем ти си́ це:
Ра́дуйся, милосе́рдия неизсяка́емый исто́ чниче; Ра́дуйся, си́ рых и убо́ гих не́жная ма́ти.
Ра́дуйся, успокое́ние больны́ х предо́ брое; Ра́дуйся, сла́досте рече́й душеспаси́ тельных.
Ра́дуйся, любо́ вию всех напоя́ющая; Ра́дуйся, ду́хом кро́ тости всех пита́ющая.
Ра́дуйся, из темни́ цы грехо́ вныя изводя́щая; Ра́дуйся, ра́достию сердца́ окриля́ющая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 9
Вся́кое естество́ Небе́сных удиви́ ся дарова́нию, в тебе́ от Бо́ га процве́тшему. Я�ко дре́во
насажде́нное при исхо́ дищих вод, возрасти́ ла еси́ плод Ду́ха Всесвята́го во вре́мя жития́ земна́го. И
вкуша́ющии от плода́ сего́ исполня́ются ра́дости, любве́ и ми́ ра серде́чнаго, воспева́юще
хвале́бную песнь Бо́ гу: Аллилу́ия.
И�кос 9
Вети́ й мудрова́ния и су́етнаго уче́ния пле́велы отве́ргла еси́ , храня́щи в се́рдце свое́м простоту́ и
незло́ бие младе́нческия. Те́мже у́бо почи́ л на тебе́ Дух Госпо́ день, Дух прему́дрости и ра́зума, Дух
сове́та и кре́пости, Дух ве́дения и благоче́стия. Сего́ ра́ди приходя́щих к тебе́ наставля́ла еси́ в
любви́ Христо́ вой, науча́ющи воспева́ти благодаре́ние и хвалу́ Бо́ гу. Мы же, воспису́юще
похва́льная ко Го́ споду, со умиле́нием взыва́ем ти си́ це:
Ра́дуйся, ма́ти блага́я и возлю́ бленная; Ра́дуйся, Ма́тери Бо́ жией послу́шнице ве́рная.
Ра́дуйся, Иису́са Сладча́йшаго ча́до смире́нное; Ра́дуйся, ве́ры к Нему́ простото́ серде́чная.
Ра́дуйся, любому́дрия и кро́ тости испо́ лненная; Ра́дуйся, я́ко дитя́ Ца́рствие Бо́ жие прии́ мшая.
Ра́дуйся, ра́достию нас утеша́ющая; Ра́дуйся, крило́ ма любве́ нас обыма́ющая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 10
Спасти́ ся без Бо́ га никто́ же возмо́ жет, – сего́ ра́ди со слеза́ми мно́ гими взыва́ла еси́ ко Го́ споду о
вся́цей душе́ заблу́дшей, те́мже уподо́ билася еси́ в том долготерпели́ вому Христу́ Бо́ гу на́шему:
Сей бо бу́дучи Благ дожди́ т на пра́ведныя и непра́ведныя, Боже́ственными заря́ми просвеща́ет
благи́ я и злы́ я. Ему́ же воспои́ м умиле́нную песнь: Аллилу́ия.
И�кос 10
Я�ко стена́ непристу́пная моли́ тва твоя́, о ма́ти на́ша преподо́ бная: от вся́ческих бо наве́тов вра́жиих
охраня́еши всех с ве́рою притека́ющих к тебе́. Я�коже пла́кала с пла́чущими, обрела́ еси́ ны́ не
ве́чное весе́лие во оби́ тели Царя́ Небе́снаго, иде́же Ангели ликовству́ют в весе́лии и ра́довании.
Те́мже я́ко моли́ твеннице о нас изря́дней, воспева́ем ти си́ це:
Ра́дуйся, умиле́нных вод небе́сное играние; Ра́дуйся, Ду́ха Всесвята́го хра́ме преди́ вный.
Ра́дуйся, ра́йскаго пе́ния пе́сне ве́сенная; Ра́дуйся, небе́сныя ра́дости соприча́стнице.
Ра́дуйся, ум в чистоте́ сохрани́ вшая; Ра́дуйся, в се́рдце Христа́ обре́тшая.
Ра́дуйся, созерца́ния Боже́ственнаго дости́ гшая; Ра́дуйся, неизрече́нною ра́достию окриля́ющая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 11
Пе́ние ди́ вное сподо́ би тя слы́ шати Госпо́ дь, егда́ А�нгелы во оде́ждах блиста́ющих взя́ша тя в
виде́нии ночне́м и постриго́ ша во о́ браз Ангельский, дабы́ в преподо́ бии и и́ стине просия́л в тебе́
Свет Отца́ Небе́снаго, и в со́ нме святы́ х Сил безпло́ тных, преподо́ бных и пра́ведных, прославля́ла
еси́ Бо́ га, пою́ щи Ему́: Аллилу́ия.
Икос 11
Яко светоприи́ мную свещу́ поста́ви тя Госпо́ дь на све́щнице Це́ркви Росси́ йстей, да све́тиши всем
лю́ дем любо́ вию твое́ю ко вся́кому творе́нию Бо́ жию, да у́зрят вси чудеса́ и мно́ гия доброде́тели
твоя́ и просла́вят Всеми́ лостиваго Бо́ га. Мы же, прославля́юще тя ны́ не в ли́ це уго́ дников Бо́ жиих,
воспева́ем ти си́ це:
Ра́дуйся, сия́ние Све́та Боже́ственнаго; Ра́дуйся, благоуха́ние милосе́рдия Бо́ жия.
Ра́дуйся, красото́ кро́ тости неизрече́нныя; Ра́дуйся, любве́ Христо́ вы свети́ льниче я́ркий.
Ра́дуйся, при́ сно Христа́ благодари́ вшая; Ра́дуйся, во́ ле Боже́ственной преда́вшаяся.
Ра́дуйся, ве́ры сокро́ вище стяжа́вшая; Ра́дуйся, ладие́ю наде́жды в ти́ хую при́ стань прише́дшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 12
Благода́ть Бо́ жию возлюби́ ла еси́ па́че всех мирски́ х благ, благогове́йно храня́щи в души́ свое́й
словеса́ Апо́ стольская: «Аще же кто Ду́ха Христо́ ва не и́ мать, сей несть Христо́ в». Мно́ ги труды́ и
по́ двиги пронесла́ еси́ чрез долгоде́нственное житие́ твое́, воспева́ющи благода́рным се́рдцем
Бо́ гу: Аллилу́ия.
Икос 12
Пою́ ще сла́ву Всеблаго́ му Го́ споду, смире́нно воспева́ем твое́ преди́ вное житие́, и́ мже угоди́ ла еси́
Человеколюби́ вому Христу́, Бо́ гу на́шему, вся принима́ющи от пречи́ стых рук Его́ с благодаре́нием
и ра́достию. Тем же, преподо́ бная ма́ти, воспева́ем ти сицева́я:
Ра́дуйся, ла́стовице, возвести́ вшая ра́дость ве́сенную; Ра́дуйся, голуби́ це кро́ тости Ангельския.
Ра́дуйся, го́ рлице смиренному́дрия преди́ внаго; Ра́дуйся, пте́нче, призыва́яй непреста́нно Отца́
Небе́снаго.
Ра́дуйся, Ду́хом И�стины окриля́ющая; Ра́дуйся, духо́ вною моли́ твою нас озаря́ющая.
Ра́дуйся, крила́ ра́дости нам посыла́ющая; Ра́дуйся, на Не́бо покая́нием нас вознося́щая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 13
О смиренному́драя голуби́ це Христо́ ва, преподо́ бная ма́ти на́ша Сепфо́ ро! Я�ко иму́щи криле́ зла́те,
вознесла́ся еси́ к высоте́ небе́сней. Приими́ ны́ не ма́лое сие́ моле́ние на́ше и покры́ й нас кро́ вом
крилу́ благода́ти Боже́ственныя, да огражда́еми моли́ твами твои́ ми, безпрепя́тственно про́ йдем
мыта́рства возду́шная и всели́ мся в черто́ зех ве́чнаго ра́дования, воспева́юще Бо́ гу: Аллилу́ия.
Сей кондак глаголи трижды, посем 1-й икос и 1-й кондак.
Икос 1
Ангельскому житию́ поревнова́вши, возложи́ ла еси́ всю наде́жду и упова́ние на Прему́дрый
про́ мысл Вла́дыки вся́ческих. Вся преходя́щая в ми́ ре сем приима́ла еси́ благода́рным и
умиле́нным се́рдцем, во все́м преда́вшися святе́й во́ ле возлю́ бленнаго Жениха́ Христа́. Мы же,
зря́ще ди́ вное смиренному́дрие твое́ и кро́ тость голуби́ ную, я́ко птенцы́ , с любо́ вию вопие́м ти:
Ра́дуйся, сладкопе́ние со́ нма Ангельскаго; Ра́дуйся, пе́сне преди́ вная са́да ра́йскаго.
Ра́дуйся, го́ рняя ла́стовице[3] мы́ сленная; Ра́дуйся, голуби́ це смиренному́драя.
Ра́дуйся, во́ лю свою́ с Боже́ственною соедини́ вшая; Ра́дуйся, Иису́са Сладча́йшего всем се́рдцем
возлюби́ вшая.
Ра́дуйся, ра́дости тоя́ Боже́ственныя испо́ лненная; Ра́дуйся, весе́лие Ангельское насле́довавшая.
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Конда́к 1
Избра́нная измла́да Святы́ м Бо́ гом, преди́ вная уго́ днице Христо́ ва, преподо́ бная ста́рице Сепфо́ ро,
похва́льныя пе́сни тебе́ прино́ сим: ты бо еси́ всем благо́ е утеше́ние и в ско́ рбех су́щим ти́ хое
приста́нище, моли́ о нас Влады́ ку вся́ческих, да зове́м ти:
Ра́дуйся, преподо́ бная ма́ти Сепфо́ ро, пе́вчая пти́ це лу́га духо́ внаго.
Моли́ тва
О преподо́ бная и богому́драя ма́ти на́ша Сепфо́ ро, Бо́ жия ве́стнице быстрокри́ лая, восходя́щая от
земли́ к небеси́ , и нас не оставля́ющая; ско́ рая и ди́ вная помо́ шнице в ско́ рбех и боле́знех, в
ну́ждах и печа́лех всем, с ве́рою и любо́ вию к тебе́ притека́ющим! Умоли́ Всеми́ лостиваго Бо́ га и
Засту́пницу усе́рдную, Пречи́ стую Де́ву Богоро́ дицу, да возгори́ тся в сердца́х на́ших огнь любве́
Боже́ственныя, неиссяка́ющия и неугаса́ющия, да смире́нным се́рдцем сла́вим и благодари́ м
Го́ спода, науча́ющаго нас предава́тися во́ ле Его́ святе́й. Научи́ нас всех люби́ ти и всем проща́ти,
дабы́ улучи́ ти и нам проще́ние грехо́ в и прегреше́ний на́ших на Стра́шном Суди́ щи Го́ спода на́шего
Иису́са Христа́, Ему́же честь и поклоне́ние подоба́ет со Отце́м и Святы́ м Ду́хом во ве́ки веко́ в.
Ами́ нь.
Тропа́рь, глас 6:
Ве́си Клы́ ковския украше́ние,/ мона́шествующим до́ брая наста́внице,/ в де́лех тру́дных ско́ рое
разреше́ние/ и блага́я бы́ страя помо́ шнице,/ ди́ вная моли́ твеннице и чудотво́ рице,/ непреста́нная
ко Го́ споду о всех хода́таице,/ преподо́ бная ма́ти Сепфо́ ро,/ моли́ Христа́ Бо́ га/ спасти́ ся душа́м
на́шим.
Конда́к, глас 6:
Вся земна́я кра́сная попра́вшая,/ в го́ рняя моли́ твою воспари́ вшая,/ и́ ноков и и́ нокинь
наста́внице,/ богому́дрых ста́рцев собесе́днице,/ ма́ти преподо́ бная Сепфо́ ро,/ ны́ не предстои́ ши
пред престо́ лом Бо́ жиим/ и хода́тайствуеши о всех при́ сно чту́щих тя.
Велича́ние:
Ублажа́ем тя,/ преподо́ бная ма́ти Сепфо́ ро,/ и чтим святу́ю па́мять твою́ ,/ ты бо молиши о нас,/
Христа Бога нашего.
[1] Ла́стовица – ла́сточка.
[2] Вервица – чётки.
[3] Ла́стовица – ла́сточка.